إضراب عمال النقل العام يصيب القاهرة بالشلل

[محمود التهامي]

إضراب عمال النقل العام يصيب القاهرة بالشلل

http://www.bbc.co.uk/worldservice/assets/images/2009/08/17/090817213144_egypt226.jpg

أدى اضراب أكثر من ألف سائق في قطاع النقل العام في القاهرة الى توقف حركة المواصلات في العاصمة المصرية.
ويقول السائقون إن سبب الإضراب هو ضعف الرواتب والمضايقات التي يتعرضون لها من رجال الشرطة.
وقد انتشر مئات من رجال شرطة مكافحة الشغب حول محطات الحافلات العامة.
يشار الى أن هذا الاضراب يعد أكبر اضراب تشهده القاهرة منذ سنوات.


BBC

[fagrmasr01]

انتشرت الاضرابات والاعتصامات
فهل تستجيب الحكومة لمطالب الشعب
ام سنظل نكرر ان الدنيا بخير وان العيش ابيض ومتوفر والمواصلات فاضية

ترشيد جزء بسيط من الاسراف الحكومى يحل المشكلة لفئات الشعب الذى يعانى منذ سنوات طويلة

ولكن الترشيد .. يلزمه عقل رشيد .. فهل يصل عقل حكومتنا الى الرشد
لا اعتقد
اتوقع ان تظل الحكومة تعاند وتعاند وتستمر فى بناء الفيلات والقصور والاسكان الفاخر ، و المصروفات غير العاقلة والمستفزة على مسلسلات رمضان وبرامج الهلس فى التلفزيون

اما عشرات الجنيهات لدعم بعض الفئات المطحونة
طبعا مش فى ايد الحكومة الرشيدة انها تدفعها
ولازززم موافقة المجلس سيد قراره
.. و تبقى مناقشة كبيرة
.. ازاى ومنين ..
هانوفر البند فى الميزانية ؟


الترشيد .. الترشيد .. الترشيد يا عالم ممكن يوفر مليارات بتتصرف فى حفلات ومسلسلات وافلام وبرامج تخللى العقل يطير

[خلود]

وكانت النتيجه لخبطه فى معظم المرافق النهرده ومترو على بعضه


والتاكسى بفرض شروطه على الناس


والناس عايزه تروح شغلها وخلاص


لا والوزارت حبك بقى تقفلها على موظفينها الغلابه كمان على دخول رمضان
بجد منتهى الاستفزاز
ربنا يهدى الحال


ياأهلا بمديرنا وبمواضيعه الجميله ويارب تفضل منورنا كده دايما بااجمل مواضيع

[نور]

مهو لازم يبقي في حل الناس مش هتفضل مكتومه كده على الطول وبعدين
انتوا لسه هتشوفوا من الشعب المصري ده حاجات يشيب ليها الشعر
ده بركان وانفجر خلاص ومحدش هيقدر يقف قدامه



http://forum.harakamasria.org/attachment.php?attachmentid=436&stc=1




هو ده الشعب المصري

[الباشا تلميذ]

مصائب قوم عند قوم فوائد
ناس مش عارفه تروح شغلها وناس بتشرط وتشرط
وناس عيشه فى دنيا تانيه مش حاسه بمعاناة الشعب
وفى الاخر الفئة الكادحه هى إللى بتدفع الثمن
اللهم يامغير الحال اجعل حالنا فى احسن حال
شكرا يامحمود على موضوعك

[اميرة حبى انا]

اللهم يامغير الحال اجعل حالنا فى احسن حال
شكرا يامحمود على موضوعك

[محمود التهامي]

تستجيب ايه بس يا عم جمال

الحكومة شايفة الشعب بيتدلع

فاكرين الاغنية بتاعة مسرحية الزعيم !!!


وبعدين عقل رشيد ايه الحكومة متعرفش تربط كلمة رشيد غير بمحمد رشيد وزير التجارة الخارجية - هي مش خارجية برضه -

لكن العقل دا بقا موضه قديمة


وشكرا يا خلود على ترحيبك
بس الغريب واللي مش فاهمه الناس اللي لسه مُغيبة وكل همها على شغلها اللي بتقولي عليه
هو بقا فاضل حد بيشتغل
اداريين التعليم مضربين وخبراء العدل مضربين والضرائب العقارية مضربين وخدمات التمريض مضربين واساتذة الجامعة مضربين ومن قبل كل دول الغزل والنسيج والتطبيقيين وهلم جر


يا نور البلد والله فيها خير كتيييييييير كان فيه سيناتور امريكي سألوه في مرة ايه اغني بلد في العالم قام قال مصر طبعا كله استغرب فرد عليهم وقال البلد الوحيدة اللي بقاله 7000 سنة بيتسرق ولسه ناسه عايشين ومليان خيرات


عارف ليه يا باشا بندفع التمن
لإننا بنحاسب على طلبات بعض
لكن لو الناس بقت ايد واحده - ودا مش وارد في الظروف دي لكن فرجه قريب ان شاء الله - ومحدش يفتكر كلامي دا دعوة لاضراب جماعي او عصيان مدني زي الخايب اللي كانوا بيقولوا عليه دا
لأ طبعا
لكن مفيش على ألسنتنا غير الوحده العربية طيب نعمل وحده داخليه الاول وبعدين نبقا نبص بره


عموما مش هطول عليكم اكتر من كدا وشاكر مروركم الكريم