أخذت قرار

[ابو اسامه]

أخذت قرار

شوفت الذل .. شوفت عذاب
شوفت معاكى ليالى مرار
تلعبى بيه .. تقسى عليه
خلاص ياحبيبى أخذت قرار
هبعد عنك .. ههرب منك
ولا هخلقشى لنفسى أعذار
كنتى البسمه .. كنتى النسمه
كنتى الميه وكنتى النار
كنتى القصة اللى أنا بحكيها
وبرددها ليل ونهار
هنسى وجودك .. هنسى ورودك
هنسى وبلغ عنكى فرار
منا قربت وشوفت عذاب
شوفتك وأنتى بتلعبى بيه
شوفت حياتى معاكى دمار
خلاص ياحبيبتى أخذت قرار...
مع تحيات / أبو اسامه

[محمد المصري]

جميلة تسلم ايدك يالغالى

[ابو اسامه]

أخى وصديقى الغالى : محمد بك أبو زيد .. مرورك شرف لى فكم أسعدنى .. سلمت يمينك ودام مرورك ودمت لى الأخ والصديق الغالى .. ابو اسامه ...

[خلود]

جميله اوى ياابو اسامه بس حزينه جدا

كلماتها صعبه جدا وفيها زعل جامد

[الرومنسى]

أخى وصديقى ابواسامة
كلما قرأت تلك الكلمات وقفت أمامها صامتا
تقف نبضات قلبى
تتصلب الشرايين
انهل من بين العيون الدموع
لا أجد سوى رفع القبعة
تكريما لك

[اميرة حبى انا]

رغم حزنها
بس الكلمات بتعبر بقوة عما يدور بداخل الحبيب
روعة يا ابو اسامة

[يسرى السيد]

دائما صاحب روائع
ماجمل افكارك وكلماتك ياصديقى الغالى
ابواسامه

[خلود]

معلشى ياابو اسامه انا رديت قبل كده بس لو ده كان حب بجد مكنش تسيبه وتبلغ فرار زى ما قلت كده

اللى يحب يدافع عن حبه لاخر لحظه وميسلمش كده بسهوله

ده رأيى ياابو اسامه وياريت مش نختلف

[ابو اسامه]

دافعت عنه كثيرا دون جدوى .. أحسست أن القلب يئن ويتوجع .. فقررت الفرار .
شكرا لكى ريحانة المنتدى على مرورك العطر ..