-- أمن الدولة .. حــل ام إعادة هيكلـــة .. ؟ ( تبع المسابقة )

[RSS]

بسم الله الرحمن الرحيم .
السلام عليكم ورحمة الله وبركاته .
-
موضوعنا النهارده فى غاية الاهميه والاهتمام ..
أتمنى أن أرى ارائكم ونقدكم ..

النهارده هنتكلم عن الجهاز الأمنى الأول فى الدوله الا وهو .. " مباحث أمن الدولة " ..
-
أولا :
-
http://filaty.com/i/1103/94084/mol5as.png
هعمل ملخص سريع .. عن امن الدولة ونشاتها .. " فلاش باك كده :biggrin23: " ..
في عام 1913 وفي ظل الاحتلال الانجليزي لمصر تم إنشاء جهاز للأمن السياسي
لتتبع الوطنيين والقضاء على مقاومتهم للاحتلال، سمي قسم المخصوص
-
وده طبعا مش موضوعنا ..
موضوعنا والاهم واللى لازم كلنا نتشارك فيه ..
-
http://filaty.com/i/1103/12061/ask.png
-
هل تريد حل .. جهاز أمن الدولة .. أو تريد اعادة هيكلته و مصايغته من جديد ؟؟
هو ده سؤالى ليكم ..
بس قبل ما أسمع ردودكم ..
-
http://filaty.com/i/1103/87283/fasad.png
-
هتكلم على الجهاز الاول في ظل حكم السيد المبجل :biggrin23:
محمد حسنى مبارك ..
وفى ظل حكومته ..
وخصوصا وزاره الداخليه .. وهى كانت تحت رئاسة الاخ :biggrin23:
حبيب العادلى
-
هبعد عن الموضوع شويه ..
-
http://filaty.com/i/1103/65923/7ades.png
-
هتكلم عن الفساد اللى كان سايد فى البلد .. كلنا كنا شايفين بعنينا وساكتين .
كلنا كنا سامعين وعارفين وحاسيين ..
بس محدش كان بيتكلم ..
مش هتعمق أوى ..
بس كان ساعتها اللى بيتكلم بيتشد .. وأظن كلامى واضح
كان شعار الحكومه فى الوقت ده .. أعمل اللى أنت عاوزو وأحنا هنعمل اللى احنا عاوزينو..
يعنى مش هتعمل حاجه خارج ارادتنا ..
مش عاوز ابعد أوى برضو ..
بس النظام كان فاسد جدا ..
-
http://filaty.com/i/1103/53554/wghet.png
-
أنا من وجهه نظرى " الضئيله :biggrin23: "
كنت بعتبر أن الحكومه محتله البلد ..
واللى هيقولى أحتلال ايه هقولو اه
احتلال !! البلد كانت محتله من قبل الحكومه ..
بعدنا شويه وهنرجع نقرب تانى ..
-
http://filaty.com/i/1103/12631/sh2oon.png
-
جهاز مباحث امن الدوله ..
كان بيتدخل في كل شئ فى الدوله .. كان أى تعيين بيتم فى أى شئ
كان بيتم بناء على أمن الدوله كان بيتحكم في كل حاجه
حتى الاعلام لو في حاجه مش عاجباه كان بيغيرها
حتى لو كان في مذيع مش عاجبه ميطلعش ع الشاشه ..
كل حاجه هو عاوزها كان بيعملها
.. مفيش حاجه كان سايبها ..
-
زمان واحنا صغيرين حتى لما كبرنا .. كنا بنسمع ان احنا دوله ديموقراطيه
بالعكس أحنا مكناش نعرف اى حاجه عن الديموقراطيه ..
احنا ممشيناش بنظام الديموقراطه الا من بعد 25 يناير ..
-
مباحث امن الدوله كانت بتحمى البلد برضو ,, بس من وجهه نظرها هى ..
تانى حاجه هتكلم عليها .. هى التعذيب في أمن الدولة
-
http://filaty.com/i/1103/88188/ta3zeeb.png
-
التعذيب كان أمر منهجي في هذا الجهاز القمعى
وكل مكاتب أمن الدولة بها أماكن وأدوات للتعذيب ولا تخضع لأي تفتيش أو رقابة
وربما يصل التعذيب إلى حد القتل
قد ذكر المئات من المعتقلين السابقين من قبل جهاز أمن الدولة حدوث تجاوزات شديدة بحقهم
من إهانات وضرب، واعتداءات جنسية وصعق بالكهرباء وإطفاء السجائر في جميع أنحاء الجسد
الضغط على المعتقلين ليعترفوا بأشياء لم يرتكبوها. أكدت هذه الأخبار أن التعذيب
يستخدم بشكل أساسي وعلى نطاق واسع كل المعتقلين الخارجين
من السجون ومن تحقيقات أمن الدولة مما يجعل من الصعب
تكذيبها نظرا للسمعة السيئة التي يتمتع بها الجهاز في مصر
يعنى الوضع كان صعب جدا .. ودى مش طريقه برضو من وجهة
-
http://filaty.com/i/1103/65948/el_7al.png
-
وطبعا أنا مش بقول كده كا أعتراض انى مش عاوزو او حاجه زي كده ..
لأ ابدا .. انا من الناس اللى مش بطالب بحل الجهاز ابدا ..
بس أنا بقول كده عشان يكون في رؤيه تامه للموضوع وتعرف الجهاز ده كان بيتعامل ازاى .. عشان أنت تقدر تضيف ردك ورأيك في الموضوع
لأن الجهاز ده من اهم اجهزه الحمايه فى مصر + جهاز المخابرات العامه
ومخابرات القوات المسلحه .
ف لو اتحل الجهاز ده هيقل بالنسبالى جزء الحمايه على مصر
ف الجهاز لو اتحل ممكن يسبب اخطار كتيره على مصر ..
+
-
http://filaty.com/i/1103/70688/tasreeb.png
-
الوثائق اللى اتسربت واللى سمعنا وشوفنا كتير منها على وسائل
الاعلام أى كانت المسموعه او المقروئه
ف بالتالى كل دى حجات ممكن تضر البلد ..
مش هتضرها ضرر اللى هو ضرر كبير
لا بس دى حجات تودى ف داهيه بالعاميه :biggrin23:
-
http://filaty.com/i/1103/55505/nazary.png
-
وأنا من وجهة نظرى البسيطه .. أن الجهاز لا يتم حله ..
يتم اعادة هيكلته من جديد ..
تحت النظام الجديد بعد ثورة 25 يناير الرائعه
يعنى يبقى تحت أشراف وزير الداخليه الجديد ,,
اللى تم تعينه بواسطه رئيس الوزراء الشريف ..
عصام شرف ..
وبرجال امن شرفاء ..
ويمكن أيضا اعاده تسميته بأى مسمى أخر ..
لأن اذا تم حل هذا الجهاز
الوضع هيتغير والحمايه هتقل ..
والتدخل هيزيد فى شئون مصر ..
واحد هيقولى أنت مش عارف امن الدوله ده ايه
ده كان الواحد بيمشى جنبه بيجيله الرعب ..
هقولو ده كان قبل 25 يناير لكن بعد 25 يناير
انسى ده .. فى روح تانيه خالص هتظهر ..
ولازم كلنا نساعد الحكومه الجديده على بناء مصر ووضع الاستقرار لها الدائم ..
وده كان من وجهة نظرى أنا ..
-
http://filaty.com/i/1103/12380/nazarak_anta.png
-
فمــاذا عنك انت ؟؟
هل تريــد حله نهـائيآآ..ام تريد انه يعـاد هيكلته فقط. ؟؟
-
أتمنى أن لا أكون قد اطلت عليكم ..
تحياتى ..
-