المساعد الشخصي الرقمي

مشاهدة النسخة كاملة : أين تذهب هذا المساء؟


oxygen
15-08-2009, 06:43 PM
بصراحة طول ما انا ببقي ماشي في أكتوبر باكتشف اماكن جذابة بس للأسف مبقدرش أفتكرها لما أجي بليل نفسي أنزل شويه أغير جو سواء مع أصحابي أو أهلي....

فقولت نعمل الموضوع ده يبقي فهرس للأماكن الترفيهيه اللي في أكتوبر..

أول مكان ده طبعا يعتبر معروف جدا و هو أكتوبر بلانت October planet

و ده مكان بعتبره شامل لو عايزين تغيروا جو أو حتي عايزين مكان للغدا أو العشا
كمان بيميزوه انه في جزء مفتوح و جزء مكيف
فيه بولنج و بلياردو

العنوان:
الحي السابع بجوار الرشدي
ام مروان احمد
13-10-2009, 12:03 AM
فعلا مكان جميل بس با ترى مفيش اماكن اخرى ارجو الافادى
محمود التهامي
08-01-2010, 04:38 PM
فكرتك حلوة قوي يا اوكسيجين
ياريت الناس تتفاعل اكتر وتقولنا تجاربها
مش شرط في اكتوبر بس حتى لأ في أي مكان
بدايه
11-01-2010, 10:42 PM
السلام عليكم ورحمه الله وبركاته

انا عضوه جديده في هذا المنتدي الرائع والذي يمثل مدينتي الجديده باذن الله والذي اعتبرها بدايه لحياه جديده ومستقبل مشرق باذن الله لاولادي

اما عن الاماكن هناك فقد زرت مكانين للتسوق هناك وهما هايبر ون وكارفور وصراحه هما خراب بيوت الميزانيه خرمت علي الاخر وتسولنا لاخر الشهر

بس بجد استمتعنا هناك وخصوصا الاولاد من العاب واكل وملابس كل حاجه والاسعار تناسب كل المستويات تقريبا بس اللي مش هيتحكم في المصاريف هيدعي عليا

ولما ازور اماكن تانيه هكتب ليكم عنها باذن الله اسفه علي التطويل

في حفظ الله
haytham69
26-07-2010, 08:34 PM
انا زائر و لكني مقيم بأكتوبر و بما أن الموضوع عن المساء فأنا أقضي الليل في الهواء الجميل عن مقاهي سيتي ستار القريبة من المرشدي أعتقد في الحي العاشر و أرجو من الأعضاء التفاعل فعلا مع الموضوع و لكن أرى أن يقتصر على ستة اكتوبر بما أن المنتدى يخص هذه المدينة و اللي حيدخله أكيد بيهتم بالمدينة أكثر شيء.
since1990
21-10-2010, 07:01 PM
طبعا نادي 6 اكتوبر مكان بديع لكل افراد الاسره,حيث يمكنك الاستمتاع بالاجواء المختلفه,كالمبنى الاجتماعى او حمام السباحه او الحدائق او الكافتريات او المكتبه.يعنى عده اماكن فى مكان واحد .وهنيا لك امسيه جميله فى اجمل مدينه:50 (31):
fagrmasr01
22-10-2010, 03:17 PM
الله ينور عليكم
ياريت اللى يعرف كمان اماكن تانية يقول لنا عليها
sprto
16-04-2011, 07:05 AM
مفيش مكان عائلى انا كل ما احب اخرج بروح القاهرة يعنى باخد حوالى 40 كيلو رايح و ذيهم راجع برجع متكسر من اسواقة فى زحمة القاهرة
salma mmm
13-07-2011, 11:30 PM
فعلا موضوع رائع
انا عارفه مكان كويس اوى
وهو تايجر لاند
فى الحى السادس
فعلا مكان لذيذ
والاطفال بتستمتع اوى
لكم تحيتى
NiGhT DeViL
21-12-2011, 09:09 AM
توبيك حلو جدا


بس للاسف اكتوبر مفيهاش اماكن للخروج من دي كتيره

الا بلانت ... واهو يادوبك مول سيتي سكيب الجديد ولسه مكملش بس الجزء الترفيهي فيه بتاع البولينج والجليد والسينيما فتح ..

بعد كده مفيش غير خروجات المطاعم والكافيهات ... والمولات التجاريه زي كارفور وهايبر والمرشدي ومول العرب ...


يعني من الاخر فى اكتوبر اخرك يا مطعم او كافيه يا سينيما ...
SERGIOOO90
13-09-2012, 04:10 PM
أكتتوبرر حلاوتتها في الهدوء ممكن سيتي سكيب او مول العرب او النادي