مبارك لسة رئيس يا جماعة احنا اتخدعنا !!!!

[خلود]

http://www.vb.6ocity.net/imgcache/17711.imgcache.gif

بسم الله الرحمن الرحيم

الخدعة الكبري والفرق بين التنحي والتخلي



لم أفهم الفرق بين التنحى والتخلى الا الآن ؟؟؟؟؟

عندما هل علينا نائب الرئيس السيد عمر سليمان واعلن (بعيون مترغرغتين بالدموع ) أن مبارك قد اعلن تخليه عن السلطة وانه قد سلم البلاد لادارة الجيش فرحت كثيرا مثلما فرحت جموع التحرير وباقى شعب مصر

واعلننا جميعا أن مصر ستكون دولة مختلفة عن العهد البائد وسنبدأ جميعنا عهدا جديدا تسوده الحرية والديموقراطية والعدالة الاجتماعية مثلما حلمنا

وبدأ النائب العام فى حملة التحقيقات ضد وزراء واعضاء مجلسى الشعب والشورى ممن استولوا على اموال البلد واراضيها
وبالفعل تم القبض على عدد منهم مثل احمد عز وجرانة والمغربى
ولكنى فوجئت بعدة نقاط بعد قرار التخلى عن السلطة وتعجبت منها جدا ومن موقف الجيش

اولها عندما تخلى مبارك عن السلطة لما لم يرحل عن البلاد وهو وأسرته مثلما فعل الرئيس التونسى فاعتقد اذا كان لديه شىء
الكرامة بعد ماحدث لن يجرؤ على المكوث فى بلد طرد منها واعلن شعبها عن عدم رغبتهم فى وجوده

وثانيها عندما تم تقديم احمد عز وجرانة والمغربى وحبيب العادلى ومحمد ابو العينين الى النائب العام وتجميد ارصدتهم ومنعهم من السفر وفى نفس الوقت لم يعلن النائب العام عن بدء تحقيقات موسعة مع آل مبارك وتجميد ارصدتهم مثلما فعل مع باقى خونة الشعب(مع العلم ان البنوك الامريكية والاوروبية صرحت بانها على استعداد لتجميد ارصدة ال مبارك فور تلقيها بلاغا من السلطات المصرية )

وثالثها لماذا سمح الجيش لمبارك بالمكوث بشرم الشيخ دون القاء القبض عليه بعد تخليه عن الرئاسة والسماح له بمغادرة قصر الرئاسة بطائرة حربية وفى نفس الوقت استدعاء حرسه العسكرى لحمايته فى مقره بشرم الشيخ
لما موقف الجيش المتهاون تجاه مجرم حرب مثل مبارك وأولاده بعد تقدم العديد من البلاغات ضدهم الى النائب العام !!!!!!!!!!!!!!!!!!!
وجائتنى الاجابة من احدى زميلاتى فى العمل زوجها يعمل ضابطا بالحرس العسكرى تم استدعاؤه قريبا لتأمين وحماية مبارك بمقره بشرم الشيخ وبعد ان افهمها
فقالت لى : أن هناك فرقا شاسعا بين التخلى عن السلطة والتنحى مما اثار دهشتى اكثر واكثر !!!!!!!!

قالت لى : ان التنحى يعنى فى الدستور انه قد ترك المنصب الرئاسى تماما ولم يعد له اى سلطة رئاسية او حراسة عسكرية وصار مواطنا عاديا مثل باقى الشعب ويحق للشعب التحفظ على امواله ومحاكمته

اما التخلى عن السلطة فيعنى انه قد خول سلطته بالتبعية لرئيس مجلس الشعب لكنه مازال رئيسا الى حين انتهاء الفترة الرئاسية

ونظرا لان فى ظروفنا مجلسى الشعب والشورى اعتبرناهم مزورين وغير موثوق بهم فتم تخويل السلطة الى الجيش لادارة البلاد لحين انتهاء الفترة الرئاسية

أى انه مبارك (على حسب قول الحرس العسكرى ) مازال يعتبر رئيسا لمصر ولكن خول سلطته للجيش لادارة البلاد مؤقتا حتى فترة رئاسية جديدة

وهذا يفسر لنا لما لم يتم تقديم جمال مبارك الى الان الى النائب العام برغم كم البلاغات المقدمة ضده وتم تقديم كباش الفداء مثل احمد عز وبعض الوزراء نواب مجلسى الشعب والشورى

[اسامة22]

الله الله الله ياخلود
اخيرا توصلنا الي زعر وخوف شباب التحرير وجميع الثوار
فانهم علي علم بمخطط يدار بحنكة وان ينفض المتظاهرون ويبدا الحزب الفاسد ورجال الاعمال
بعمل ثورة مضادة
اشكرك علي نقل معلومات قيمة ومهمة الكثير منا كان لايدرك خطورة الموقف بالرغم انة يوجد كثيرا ايضا يعلم بخبث مبارك
ولا لوم علي من تعاطف مع مبارك لاننا شعب طيب القلب حنون متاثر جدا ذوي عاطفة جياشة
ولكن مع مرور الوقت يتضح زيف هذا الفرعون الذي دمر كل شئ
وخان الامانة وترك البلاد تعيش في فساد مستشري
شكرا ثم شكرا
خلووووووووووووووووود

[اميرة حبى انا]

انا قرأت مقالات كتير بتقول كده
طب وبعدين هيمشى امتى بقى
وهيضحكوا علينا لحد امتى ؟؟؟؟؟؟؟؟

[اميرة حبى انا]

وبعدين بقى
انا رجعت تانى
الموضوع ده منكد عليا
وعايزة حل
وبعدين
ليه بيعملوا كده
بعد كل ده وبيضحك علينا تانى
مشبعوش

[خلود]

اشكرك يااسامه على ردك الجميل وانا هقولك على حاجه والحق يقال انا كنت من اوائل المخدوعين فيه وفى نظامه وكنت من المتعاطفين مع كلماته فى اوائل الثوره وده بسبب عدم خبرتى السياسه بما يجرى فى البلد

اقول ايه بس واللى سمعتوا ان حرق مقار جهاز امن الدوله كمان مدبر بدليل عدم وجود ما يدين الناس الكبيره وكلها تسجيلات عبيطه

بيلهوا الشباب باى حاجه علشان ميتكلموش فى حاجات كتيره
مثلا منقولش ليه العادلى مش بنشوف تسجيلات محاكمته وليه بيتعامل المعامله دى
وليه ابو العينين هرب وليه وليه وليه
اميره الغاليه ياريت اعرف اريحك وارد على اسئلتك بس للاسف انا معرفش

شكرا على تواجدك الجميل

[فريد]

اهلا ياشباب
على العموم الا احب انكم تعرفوه ان الثورة لم تنتهى
و اننا اذا اعتبرت انى واحد منهم يعنى
الثوار على علم بما يجرى
و اننا على اعتبار برضه انى منهم
ههههههههههههههه
مازلنا فى ثورة حتى تتحقق كل المطالب
و الحمد لله ان اغلب الا كانوا بيدفعوا عن **********
فهموا الحقيقة و لماذا بقينا و سنبقى فى الميدان
سلام يجدع فى مظاهرة فى الميدان
ان شاء الله اول ماتسمعوا تنزلوا على طول
هو ده الحل لحد لما كل شيء يصير كما كان
مخطط له و الله المستعان
حسنى مبارك
ههههههههههههههه
اقصد عمر سيلمان
يوه
احمد شفيق
سلام بقى

[الرومنسى]

بالفعل خلود
حسنى مبارك مازال الحاكم العسكرى بمصر
وكل التقارير والدلائل تبين ذلك
ولكن هناك استفادة عامة من هذا الوضع رغم كل شئ
ونذكر العراق وما حدث فيها
ليس وجود قواعد واحكام بهذا البلد فليس المعنى هنا مرهون بفكر معين
هناك 85 مليون مصر كلا منهم له وجهه نظرة
لكن التاريخ سيأرخ كل ما يحدث
فلابد من الصبر حتى النهاية

[خلود]

الصبر لغايه ايمتى بس يامحمد

ما البلد خربت وهو عاجبه كده وبيكمل لسه فى خرابها مكفهوش اللى حصل واللى بيحصل

لا حول ولا قوه الا بالله

[الرومنسى]

أخى فريد
علمت من كلماتك انك كنت موجود فى المظاهرات
ولكن اذا كانت مكاسب الثورة هى إقالة حسنى مبارك وإفراغ منصب رئيس الجمهورية
وإقالة عمر سليمان بالتتابع وإقالة احمد شفيق
إذا فليس هناك مكسب
المكسب الحقيقى هو تغيير نظام كامل تحكم فى مقدرات شعب وليس اسماء فقط
إسقاط وزارة نظيف وإقصاء مجلسى الشعب والشورى كان بداية المكاسب الحقيقية للثورة
وهذا ما اشيد به دائما حتى الاسماء التى تحكمت فى مقدرات الشعب كعز وخلافة
لكن لابد من التعامل مع الواقع
أنا لا أقلل من شأن احد
لكن لى رأى فى الحوار أجمع
هناك أراء كثيرة للمناقشة ولكن الحوار مفتوح مع الجميع لا أقف على رأي بل اناقش كل الاراء دون خوف
تحياتى لك

[الرومنسى]

ايه يا خلود ليه اليأس ده
وجود حسنى مبارك ليس إلا رمز لأهداف خارجة عن الجميع
أما ما يحدث فى الكواليس وضع اخر
لابد من الثبات ام مؤيد أو معارض ليس هذا من الديمقراطية فى شئ
انما التعامل مع جميع الأفكار المطروحة واستباط الصواب والخطأ منها لكى ندرك ما نصبو إليه بأقل الخسائر
لان لكل حرب خسائرها وكما قلت سابقا ان لست معترضا على الثورة ولكنى معترض على الاداة التى تلعب بها وتحرفها هذا ما لا أقبلة
تحياتى للجميع

[فريد]

ماهو يامحمد الموضوع ماشى واحد واحد النظام لا يمكن فى يوم و ليلة تشيل كل ده
لكن حاجة حاجة كل شيء مدروس و الدليل ان الثورة لم تنتهى و الايام كل يوم فيها الجديد
و ان رؤؤس الفساد تتساقط و ان و ان و ان
يامحد نظام كان يحكم منذ خمسون عاما يسقط فجاءة شوية شوية
و بعدين يامحمد مبارك لم يكن يحكم مصر خلينا نعيش فى الواقع بقى
الست و ننوس عين امه كانوا بيحاكموا و شوية الحرامية و امن الدولة
مش معقولة تكون مش عارف
وبعدين مين قال ان النقاش يزعل
كل واحد ليه وجهة نظر تحترم
و ان كانت لا تعجبك

[الرومنسى]

صح كدا يا فريد
كداوجهات النظر قربت شوية كل واحد ليه وجهه نظر ولابد وأن تحترم
وعلى فكرة انا أقريت بكدا فى بداية ردى عليك
وانت اقريت بإن حسنى كان راجل فاقد لكل شئ لان منصبة كان بيمشية الهانم وننوس عين امه
على كلامك
يبقى رايي صح واللى غلط مش محتاج هجوم
وانت بتقول ان مبارك شخص وحش انا معاك فى بعض الاشياء
أذا نجيب الهدف الاسمى وهو تغيير نظام فاسد نحط رمز ليه واللى نتسابق لتغيير النظام الفاسد
بس دة رأيي وهدفى
فى الاخر
إن الله لا يغير ما بقوم حتى يغيرو ما بانفسهم

[خلود]

الله عليكم وعلى نقاشكم الجميل الهادى البناء

اتمنى وجودنا دايما فى حواراتنا بنفس الاسلوب الجميل الشيك الحضارى ده الديمقراطى اللى بيسمح للكل عرض وجهه نظره بدون زعل
وياجماعه والله كلنا او هقول البعض منا كان مخدوع فى النظام ده ولما فهمنا وعرفنا ابتدت تتغير نظرتنا شويه بشويه

اشكرك على حوارك شاعرنا العائد بقوه فريد واتمنى تواجدك فى باقى المواضيع

رومانسى ادارتك للحوار بشياكه تحسب لك واتمنى تواجدك الجميل هذا باستمرار