:: حــارتـنـــا ::

[محمود التهامي]

للرائع أحمد فؤاد نجم

:: حــارتـنـــا ::

http://graphics.hotmail.com/greypixel.gif


حارتنـا
مجـاري ونامـوس
مراية وفانوس
حجـارة وكراسـي
شبـاب ع النواصـي
دقـون ع الكـروش
عـرق ع القـروش
شقـوق في البيـوت
بيـوت في الشقـوق
مسـاءً تمــوت
صباحـاً تفــوق
قديمـة وغبيـة
لبيبـة وصبيـة
فـي ضيق خـرم إبـرة
في غـوط المحيـط
على الـذل صابـرة
دا صبـر الغويـط

***********
أسانـس البـلادة
معسكـر ولادة
خسيسـة وجبانـة
جريحـة ومهـانـة
ما تسمعـش ندهـه
رنيـن الدفـوف
بتاكل ولادهـا
حتـولد ألـوف
ما دام ضعنـا فيهـا
ضـروري نـلاقيهـا

حـارتنـا في الحـواري
علـم ع الصـواري
لو قـال فوقـها
الكنـاري..
تتهـز المشربيـة

***********
يا حـوش آدم
يا دارنا
يا سـاكن حضـن جارنـا
سيدنـا الحسـين تبـارك
شهيـد الإنسانية
مدد سيدنـا وشهيدنـا
يا قايـل ومواعدنـا
يكـون عيـدك
وعيدنا
يوم طلعـة شمـس جايـة
يا حـارة جـوا حارة
يا مجمـع السهـارى
من كـل حي
حـارة..
في الحضـرة الآدميـة
مـدد أنـس الحبايـب
مـدد حاضـر وغايـب
مـدد زيـن الصحايـب
يا سـادة يا موجيـه

***********
فيـك العيـدان هزيلـة
شايلـة الحمـول تقيلـة
ولا باليـد حيلـة
ولا الأيـام هنيـة
سيـدنا الدرديـر يا بابا
مـدد يابو الغلابـة
فـوق الحواري غابـة
بتمـص الآدميـة
صبحـك صبايـا صاحيـه
هاللين من كل ناحية
مـدد يا سيـدي يحيى
توعدنـا باللي هـيّ
يا حارتنـا
يام شيلـة
هـزي الهـلال
وهيـلا..
قدامـك يـوم وليلـة
ع الفرحـة
والعيديـة

***********
********
*****
***

[اميرة حبى انا]

http://www.m7shsh.net/images/gci0dbjhza6b8avu3t2w.gif

http://www.m7shsh.net/images/ci99u3gnysbqufa89a3c.gif

[نور]

شكرا ياستاذ محمود على الكلام الجميل ده وشكرا لشاعرنا / احمدفؤاد نجم
نتمئ منك المزيد

[محمود عبد الله]

و الله انت اللى نجم

[محمد المصري]

حلوة حارتنا

فكرتنى بجارتنا

زمان

[محمود التهامي]

شكرا ليكم كلكم واحد واحد وواحده واحده

[الباشا تلميذ]

http://www.m7shsh.net/images/n786ayxdgykcs76n47ao.gif

[ahmedabdelziem]

أسانـس البـلادة
معسكـر ولادة
خسيسـة وجبانـة
جريحـة ومهـانـة
ما تسمعـش ندهـه
رنيـن الدفـوف
بتاكل ولادهـا
حتـولد ألـوف
ما دام ضعنـا فيهـا
ضـروري نـلاقيهـا

حـارتنـا في الحـواري
علـم ع الصـواري
لو قـال فوقـها
الكنـاري..
تتهـز المشربيـة




تسلم الايادى
على النقل الجميل