"بيان رقم ا"لمعتصمى التحرير

[اميرة حبى انا]

متظاهرو التحرير يحددون مطالبهم فى بيان اليوم لإنهاء الاعتصام بالميدان.. حل حكومة شفيق والمجالس المحلية وإقالة المحافظين ورؤساء البنوك والجامعات والصحف القومية.. وإلغاء "أمن الدولة".. وحل الحزب الوطنى

الإثنين، 28 فبراير 2011

http://www.vb.6ocity.net/imgcache/17363.imgcache.jpg جانب من اعتصام النشطاء بميدان التحرير



(http://www.google.com/ig/adde?moduleurl=http://activedd.googlecode.com/svn/trunk/iGoogle/Gadgets/Youm7/Youm7.xml)
وزع الشباب المعتصمون بميدان التحرير بيانا لهم باسم "بيان رقم ا" أوضحوا فيه مطالبهم التى إذا ما تحققت سيتم إخلاء الميدان، وجاء أبرزها اعتراف الجيش بشرعية الثورة الشعبية، حيث إنه لم يأتِ فى أى بيان من القوات المسلحة يؤكد شرعيتها، وتشكيل مجلس رئاسى من أربعة مدنين وشخصية عسكرية، وإسقاط الحكومة الحالية، وتشكيل حكومة إنقاذ وطنى من المستقلين المشهود لهم بالكفاءة.

وأضاف البيان أن تكون أولى المهام التى ينفذها المجلس الرئاسى مع حكومة الإنقاذ هى تشكيل لجنة تأسيسية لوضع دستور جديد للبلاد طبقا لجدول زمنى محدد، وحل المجالس المحلية بالكامل، وإقالة جميع المحافظين ورؤساء مجالس إدارات الصحف القومية، وكذلك رؤساء البنوك والجامعات.

وأشار البيان إلى ضرورة إعادة هيكلة وزارة الداخية تحت إشراف مدنى وقضائى، مع إلغاء جهاز مباحث أمن الدولة، والمحاكمة الفورية للمسئولين عن قتل شهداء الثورة والمسئولين عن موقعة الجمل، والإفراج الفورى عن جميع المعتقلين السياسيين قبل وبعد 25 يناير.

كما طالب البيان بحل الحزب الوطنى، وعودة جميع مقاره وحساباته إلى خزانة الدولة، والمحاكمة الفورية والعلنية للرئيس السابق حسنى مبارك ونظامه وأسرته، وتشكيل مجلس قضاء مستقل له سيادة مستقلة.

وأعلن البيان فى ختامه أنهم دخلوا فى اعتصام مفتوح وفاء لدم الشهداء، مؤكدا على أن الثورة بريئة من أى أحد يتحدث باسمها، حيث إنها تعد ملك للشعب كله.


http://www.vb.6ocity.net/imgcache/17364.imgcache.jpg

[اميرة حبى انا]

1
هو دا الصح بس الخوف من!!!!!!!!!!!!!!!!!!!

بواسطة: محمد
بتاريخ: الإثنين، 28 فبراير 2011 - 19:51
يريت المطالب تتحقق بس أشك و أقسم بالله أن الثوره لم تحقق شىء سوى إسقاط رأس النظام أما باقى أجهزة الدوله و منها رؤساء الجامعات و المحافظين و غيرهم غير معترفين بالثوره وواضعين الثوره فى خانة الخيانه و خراب البلد صدقونى المطالب المذكوره هى الحل و أشك فى تحققها و ربنا يخيب ظنى


2
اتهدوا

بواسطة: مصرية
بتاريخ: الإثنين، 28 فبراير 2011 - 19:52
اتهدوا بقى واسكتوا
ده اسمه شغل عيال
ايه المطالب دى
لازم تحطوا فى اعتباركم انكم بتكلموا الجيش
لو تخطيتوه كمان يلا ع الدنيا السلام
كفاية بقى كفاية
ارحمونا احنا زهقنا وعايزين الحياة تمشى
حاجة بجد تقرف
وحسبنا الله ونعم الوكيل
ارجو النشر وعدم الحذف


3
حرااااااااااااااااااااااام

بواسطة: شريف يوسف
بتاريخ: الإثنين، 28 فبراير 2011 - 19:53
والله البلد حتروح فى داهيه


4
وايه تاااااااااانى؟؟

بواسطة: مصريه
بتاريخ: الإثنين، 28 فبراير 2011 - 19:55
بس كده لا بسيطه .. نسيتو كمان تمشو الشرطه وتمشو الجيش ومشو الشعب من البلد وهاتو شعب جديد علشان تبقى على نظافه...جتكو داهيه مليتو البلد


5
بدون عنوان

بواسطة: تيتي
بتاريخ: الإثنين، 28 فبراير 2011 - 19:57
في حاجة نسيوها طرد كل الشعب المصري فيما عدا الناس اللي في ميدان التحرير


6
كفاييييييييييييييية

بواسطة: مصرية
بتاريخ: الإثنين، 28 فبراير 2011 - 19:57
الله يقرفكوا كرهتونا فى عيشتنا وفيكوا مش كان محاكمة العادلى ودلوقت جايبين قائمة طلبات ولو عملتوها برضه مش جيرضوا يظهر القاعدة فى الشارع عجبتهم ويتفلق الشعب .
طب انا باطالب باستمرار حكومة شفيق انزل والنناس اللى موافقانى ونتظاهر زيهم فى التحرير ونبات لغاية ما يفضوا الميدان ؟؟؟؟؟ مش فاهمة فيه ايه نسبلهم البلد هم مش فاهمين ان التورتة مستنيين تتقسم وهم اكيد براها . حد يفهم اى حد انا حاولت اعمل كدة بس الشباب حافظة مش فاهمة ابعاد المواضيع. ولو ناقشتهم ما بيعرفوش يردوا ويتخانقوا معاك ويقولولك الشهداء . طب ما نقول ان البلد مش حتقف على طلبات سياسية فين الاقتصادية والاجتماعية اللى بقت فى الارض لما تخدوا الطلبات السياسية تكون خربت خلاص


7
وننتظر تصريحا واضحا من المجلس الأعلى للقوت المسلحة

بواسطة: المصرى أفندي
بتاريخ: الإثنين، 28 فبراير 2011 - 19:57
بعد إنتشار إنباء عن هروب كل أسرة مبارك خارج مصر ... نطلب التحقيق مع رئيس الحكومة الحالية والسؤال عمن أتاح فرصة خروجهم رغم قرارات التحفظ الصادرة من قبل يومين ؟؟؟!!

من الذى يعمى الشعب ويمرر الأمور غصبا عننا جميعا ؟؟؟
لماذا تأخر النائب العام حتى اليوم وليس أمس عن إعلانه منع كل أسرة مبارك من السفر؟؟

بصراحة أنا بعد أحداث اليوم ماعنيش ثقة فى أى وجه من الحكومة الحالية أو أى مسئول بدأت مسئوليته فى عهد الحزب الوطنى وعهد مبارك .... أطالب برحيل كل المسئولين ...
أو نترحم جميعا عن مصر وشهداء مصر والدم اللى جرى على أرضها ...طالما المؤسسة العسكرية التى بيدها الأمر والنهى لم تتحفظ على أسرة مبارك وعليه شخصيا وسمحت لهم بالخروج رغم كل الغليان الذى يحدث فى البلد .... هل من مجيب ؟؟؟ هل من مفسر ؟؟؟

هل من منكر لخروج أسرة مبارك وخروجه شخصيا من مصر ؟؟؟ أتمنى أن تكون المعلومات المتداولة خطأ ... وننتظر تصريحا واضحا من المجلس الأعلى للقوت المسلحة .


8
حريه ليبيا علشان بترولها

بواسطة: لشعبي
بتاريخ: الإثنين، 28 فبراير 2011 - 19:58
أمريكا محاصره بجيشها ليبيا علشان بترولها , يخلوا البلد تاكل في بعضها بدعو دعم الحريه كما في العراق و مصر و غيرها

و يسيبوها خربانه و منهوبه

فوقوا قبل متخرب البلد


9
انا مؤيد

بواسطة: أمين البورسعيدي
بتاريخ: الإثنين، 28 فبراير 2011 - 19:58
ربنا معاكم وإحنا معاكم الحق حق وكل اللي مطلوب حق عشان بلدنا وولادنا


10
بسيطة

بواسطة: مصري
بتاريخ: الإثنين، 28 فبراير 2011 - 19:58
بس كدة دى حاجة بسيطة قوى طيب بالمرة اطلبوا الغاء جمهورية مصر العربية كلها وانتوا تعملوا جمهورية تانية على كيفكوا يا رب صبرنا انشر لو سمحت


11
مش عايزين كاتشب

بواسطة: ام مريم
بتاريخ: الإثنين، 28 فبراير 2011 - 19:59
يالا ياد انت وهو وهي روحوا روحوا دا انتو قربتو تقولوا عايزين نغير اسم مصر اصلو كان في عصر مبارك يالا بلا خولنه


12
شئ زاد عن حده

بواسطة: مواطن مصري بيحب بلده
بتاريخ: الإثنين، 28 فبراير 2011 - 19:59
أولا من هم هؤلاء الثوار الذين يسمحون لأنفسهم بالتحدث بإسم الشعب المصري بأكمله و يعني إيه بإجماع الثوار ((( طيب أنا من الثوار أكتر منكم و مش موافق على الى بتعملوه ))) إيه دليل الاجماع عندكم للأسف الموضوع إتقسم لطوائف و أحزاب و أطماع و حلم بالكرسي و بالشهرة و مش هاتكلم عن التدخلات الاجنبية و محاولة تعديم أطراف ضد أخري كله هايبان لسه .
ثانياً مين قال إن المجلس الأعلى للقوات المسلحة لم يعترف بشرعية الثورة ؟؟؟
ثالثاً إلى متى سوف نظل في تلك الفوضي الى بيتسبب فيها ثوار التحرير !!! ده على إعتبار إن كل واحد يروح يقعد شوية في الميدان يتسلى يبقى من الثوار !
رابعاً و خامساً و سادساً .......إلخ فوقوا بقى و كفاية لغاية كدة نتمسك بمطالبنا أه لكن ناخد الموضوع هزار و نفهم التسامح ضعف و نبدي مطالبنا كأننا أطفال ( شبطانة ) في لعبة لو ماجاتش مش هاأعمل الواجب ده يبقى تهريج و لعب بمقدرات و طن كده يبقى شئ زاد عن حده و الى يزيد عن حده ينقلب لضده . خلينا نقرأ و نتعلم و نفهم و نصبر و نشارك في الاصلاح كل في مجاله و نشوف النتيجة و بعد كده نحكم . مش كده و لا إيه


13
كلنا موجودين

بواسطة: محمود
بتاريخ: الإثنين، 28 فبراير 2011 - 20:00
والله العظيم رجاله
يجب اجتثاث بقايا النظام


14
دكتور جامعى

بواسطة: ثورة شعب
بتاريخ: الإثنين، 28 فبراير 2011 - 20:00
هذا مايحلم به كل مصرى شريف


15
فكوووووونا

بواسطة: باسم
بتاريخ: الإثنين، 28 فبراير 2011 - 20:01
فكوووووووووووونا بقى حرام عليكم ، ياريت الاعلام مش يكتب على المتواجدين بالتحرير ثوره او ما شابه ، انا كنت فى التحرير ومش هروح تانى عشان اللى كنت عاوزه اتحقق واى كلام غير كده كلام فاضى بياخر اكتر ما بيقدم ، ماله الفريق شفيق راجل محترم من اول يوم وبيشتغل وعاوز البلد تبقى كويسه وبيتكلم مع الناس وبيعتذر عن الاخطاء بالضافه الى ذلك انه اخره 6 شهور ، زنقت بينا بقى احنا فى يومين يا يوم يا سابع لازم الجريده يبقى ليها راى فى هذه الازمه ولازم يبقى فى وعى انا مبقولش تصادروا على الاراء ولكن عاوزين البلد تمشى الفتره دى ، ارجو عودة الامن ارجو بقاء شفيق ارجو عودة السياحه ، يا جمتعه قولوا للناس الانتخابات فى شهر 8


16
طلبات معقولة جدا لوو؟

بواسطة: احمد من مصر
بتاريخ: الإثنين، 28 فبراير 2011 - 20:01
لو فعلا بنحب البلد دى وعايزنها تتقدم تتنفذ الطلبات دى ..مش كل واحد خايف من بلطجى وعايز يرجع شغله يرتشى ويفسد والقعدة والركود طولوا عليه يقول اصبروا ... لا طلبات البيان معقووووووووووووولة جداااااااااااا ..ولازم تتنفذ علشان البلد دى تاخد مكانتها اللى تستحقها .. وياريت بلاش ردود من عينة انتوا عايزين ايه تانى وحرام عليكو البلد بتتحرق والكلام ده .. الطلبات معقولة جدا وخاصة المحافظين والمجالس المحلية ...اللى فى ايديهم لعبة الانتخابات ...وسايبين الزبالة فى الشوارع ومتفرغين للسرقة ...ابوس ايدك انشر ...ووزير الداخلية قااااااااااااااااصد يمنع الشرطة من الشوارع


17
لكي الله يامصر

بواسطة: ميمي
بتاريخ: الإثنين، 28 فبراير 2011 - 20:01
حسبي الله ونعم الوكيل فيكم وياريت تضيفوا الي مطالبكم الحكم بالاعدام في ميدان التحرير علي كل واحد قعد في بيته ومنزلش الي ميدان التحرير اثناء الثورة انتم مش عايزين الا طلبتكم وبس ناسين ان فيه اسرائيل في الشرق ومايحدث في ليبيا في الغرب ومشاكل عودة اكثر من مليون مصري في ليبيا اتقوا الله في مصر لو بتحبوها بجد اقفوا جنب كل المخلصين واصبروا لو بتحبوا مصر


18
التهريج

بواسطة: nouna
بتاريخ: الإثنين، 28 فبراير 2011 - 20:02
بجد الى بيحصل ده اسمه تهريج غبى قوى مينفعش شويه شباب يجوا يقولوا عايزين نشيل و نحط الاول مطبهم رحيل مبارك و اهو مشى خلاص نشوف حال البلد و الناس و الجيش ساكت عن التهريج ده ازاى و كل ما يتنفذ مطلب يزيدوا فى مطالبهم مطلوب شويه حسم من الجيش معاهم و الا مصر هضيع بجد


19
طلب اضافة

بواسطة: tariq
بتاريخ: الإثنين، 28 فبراير 2011 - 20:02
وبالمرة تطلبوا طرد وزير الدفاع لانة من عهد النظام السابق - انتم لو رجالة اعملوها
وبالمرة تطلبوا طرد قادة كل سلاح
وبالمرة تطلبوا طرد كل السفراء بالخارج
وبالمرة تطلبوا طرد كل مصري معترض علي الثورة وانا اولهم
صحوا النوم
اوعوا تفكروا انكم كبرتم وانكم ممكن تمشوا رأيكم الجيش سيابكم اهو شوية عيال وبيلعبوا بس عند الجد الله يرحمكم




20
اخربوها كمان وكمان

بواسطة: mai
بتاريخ: الإثنين، 28 فبراير 2011 - 20:02
ربنا ينتقم منكم .. مش هاتجيبوها لبر حسبنا الله ونعمه الوكيل .. ياريت تنشر ردى انا مش عارفه ليه ردى انا بالذات اللى مش بيتنشر


21
وانا كمان موافق ع المطالب دى

بواسطة: محمد الشناوى
بتاريخ: الإثنين، 28 فبراير 2011 - 20:02
دى مطالب الثورة المشروعة الثورة الشرعية بتقضى على النظام الفاسد وبتعمل نظام جديد ولا يوجد انصاف للثورات فأنصاف الثورات لن تجدى نفعآ الثورة الشرعية يجب الا تتوقف وانا بضم صوتى لصوتكم ثورتنا مش حتنتهى الا بتنفيذ كافة المطالب


22
الله يحميكم ياثوار مصر

بواسطة: mahersabry
بتاريخ: الإثنين، 28 فبراير 2011 - 20:03
أراكم تأخرتكم كثيرا في بلورة وصياغة تلك المطالب التي يقال عنها أنها أقل مايقدم لدماء المصريين شهداء الثورة.. وعليكم بذل كل مالديكم من قوة ونحن معكم لتحقيق تلك المطالب وعدم التفريط في مطلب منها .. أدعو المجلس العسكري لأن يدخل التاريخ من أوسع أبوابه بأن يلبي على الفور تلك المطالب المشروعة لثورة الشعب المصري العظيم .. وألا يسعون لحماية شخص أو مجموعة أشخاص لايستحقون العيش على أرض مصر على حساب وعلى جثث الشعب المصري الذي فرض احترامه على كل فرد في العالم الحر


23
وانا كمان موافق ع المطالب دى

بواسطة: محمد الشناوى
بتاريخ: الإثنين، 28 فبراير 2011 - 20:04
دى مطالب الثورة المشروعة الثورة الشرعية بتقضى على النظام الفاسد وبتعمل نظام جديد ولا يوجد انصاف للثورات فأنصاف الثورات لن تجدى نفعآ الثورة الشرعية يجب الا تتوقف وانا بضم صوتى لصوتكم ثورتنا مش حتنتهى الا بتنفيذ كافة المطالب


24
مين هيدير البلد

بواسطة: محمود
بتاريخ: الإثنين، 28 فبراير 2011 - 20:04
اما نحل الوزارة والمجالس المحليه والمحافظين ورؤساء البنوك والجامعات والصحف القوميه
كل ده فى وقت واحد يبقى مين اللى هيمشى البلد - يا جماعه كده البلد تقع لازم كل حاجة تاخد وقتها والموضوع مش بالسهوله اللى احنا متصورينها
فيه ناس كتير شرفاء ويصلحوا للمهمه ولكن بيرفضوا فى الوقت ده - مش عايزين الزمام يفلت من ايدينا - كل حاجة تتعمل بس بهدوء وتكون كل خطوة محسوبه - انتم شايفين البلد حالها عامل ازاى الفترة دى مش عايزين نصعبها اكتر


25
وانا كمان موافق ع المطالب دى

بواسطة: محمد الشناوى
بتاريخ: الإثنين، 28 فبراير 2011 - 20:04
دى مطالب مشروعة للثورة، الثورة الشرعية بتقضى على النظام الفاسد وبتعمل نظام جديد ولا يوجد انصاف للثورات فأنصاف الثورات لن تجدى نفعآ الثورة الشرعية يجب الا تتوقف وانا بضم صوتى لصوتكم ثورتنا مش حتنتهى الا بتنفيذ كافة المطالب

[خلود]

ههههههههههههه

ده عجبنى جدا وده فعلا اللى مفروض يحصل

في حاجة نسيوها طرد كل الشعب المصري فيما عدا الناس اللي في ميدان التحرير

[اسامة22]

لاياخلود مش معاكي
بس ربنا يعدي الايام ع خير
واللي بيتقال في الكواليس ان في مجموعه ضخمة من النظام السابق بتخطط لاجهاد الثورة
ومطالبها هو ينفع الواحد يعمل عملية جراحية من غير ماينظف الجرح

[مصطفى مامون]

واللي بيتقال في الكواليس ان في مجموعه ضخمة من النظام السابق بتخطط لاجهاد الثورة
ومطالبها هو ينفع الواحد يعمل عملية جراحية من غير ماينظف الجرح
احييك على ردك يااسامه مفيش عمليه من غير تنظيف جرح

[محمود التهامي]

ههههههههههههههههههههه
مش لاقي رد على الخبر ده
اللا جملة محمد سعد في فيلم مش فاكره وهو بيقول
"يا ولود المجانين يا ولود المجانين"

[nogafoda]

مش عارفه احنا كمان ساكتين ليه
مش المفروض نطلع بيان رقم واحد احنا كمان
ايه يا مديره هو احنا مش شباب ولا راحت علينا خلاص

[الرومنسى]

موضعك جميل يا خلود
اسامة و مصطفى
إخوانى مش عارف ارد عليكم بإيه
بس انا هتكلم على شئ واحد عندنا منتدى وإدارة المنتدى مش عجبانا مع وجود بعض القلة فى المنتدى توجهتها للخراب نلغلى الادارة والاشراف ونسيب الاعضاء يضربو فى بعض طب حاجة صغيرة
إختلفنا فى الرأى مع بعض مقدرناش نواجه بعضنا واحنا اصدقاء مع بعض وزعلنا لوإحنا كمان مفيش رابط بينا وبين بعض كان هيحصل ايه وانتو عرفين ان مجموعة لم تدخل المنتدى حتى الان وعلى الرغم من أننى أكن لكل منهم كل التقدير والاحترام
ثانيا المعتصمون فى ميدان التحرير لن أقول ان منهم مجموعة لابناء اغنياء بل أقول هل هناك أحدا منهم والدة يعمل فى مجلس محلى أو اى وضيفة حكومة هل ظل معصوما من الخطأ وإن واجهتة الرد الطبيعى وانا والدى لوحدو أو انا والدى شريف والله العظيم اعلم عن ذلك بالفعل ورأيتة بأم عينى
إذا ذكر بأن النظام فاسد فالنظام بأكملة والمشكلة اننا لا نستطيع ان نغير شعب
من منا لم يلهث خلف فتاة من منا لم يكن سلبى من منا لم يغير رأيه من منا لم يقدم رشوة كل منا له ما له وعليه ما عليه فالكل فاسد أنغير الشعب كله ونأتى بأخر
ولكن لابد من التغيير التغيير بعقل وروية بحيث لا نلقى بأنفسنا فى التهلكة وأن نجد أنفسنا مغيبين دون أن ندرك طبائع الامر
شكر لكى أميرتى على هذا الموضوع

[محمود التهامي]

الحاقا برد رومنسي
اعتقد كدا النكته اياها اللي كانت بتقول ان
مبارك هيولع في نفسه مطالبا بتغيير الشعب
بقت على حق

لانه ثبت بالدليل القاطع ان الشعب - لا مفر - هو النظام نفسه
وبما ان الشعب اراد اسقاط النظام فانه اراد اسقاط نفسه وقد سقط يا حسرتاه
ومما سبق يتضح ان
اسقاط مبارك كان بلا داعي ولن يكون له أي داعي مادامت النفوس لن تتغير
فالنظام أو الحكومة رغم سقوطها فالشعب مستمر
وهنا تتضح وتتجلى روعه رسولنا الكريم حين قال
ان الله لا يغير ما بقوم حتى يغيروا ما بأنفسهم
صدقت يا حبيبي رسول الله

لكي الله يا مصر

للأسف ستظل مصر مغتصبة مقهورة من يد ديكتاتور ليد بلطجي وهلم جر
حسبي الله ونعم الوكيل

[اميرة حبى انا]

نلغى الادارة والاشراف ونسيب الاعضاء يضربو فى بعض
لا لا لا
انا شمة ريحة فيس بوك فى الموضوع
الرومنسى يا حضرات بيحضر لانقلاب فى المنتدى
وانا معنديش منصب
انا هقاتل لاخر قطة فى دمى
هلموا يا اهل المنتدى
الى الامام
الى الامام
الى الامام
(مع الاعتذار للاخ العقيد معمر القذافى:storm_6014232031094)

[يسرى السيد]

بيان رائع كنت اتمنى اضافه
عمد القرى والنجوع
والغفير صميده ابو قلب موجوع
وعمدة كفر ابوشخه اللى هيموت من الجوع
وكمان زومبا المهيطل والنتن والجربوع
وتحيه للثوره المضاده
اللى بتخرج دلوقتى من ميدان التحرير
اليس من الاجدر ان يتم تنفيذ الانتقال الى سلطه ديمقراطيه مع المتابعه وترك الفرصه للنظر فى امر
اكثر من مليون مصرى فى ليبا تحت حصار الموت
ان من يصدرون بيانات كنت اتمنى ان يتضمن البيان ابناء مصر لاكن مايحدث الان يدل
على انا هناك حالة غرور وزهو الشهره تحرك الكثيرين

[يسرى السيد]

من حسرتى اضفت رد قبل قراة الردود السابقه
واكتب هذه الكلمه
كل مكتب من ردود يدل على ان الامور
بدات تستقيم اما رد محمود التهامى فهو جريمه
كنت اتمنى ان اكون انا من ارتكبها
يولووووووود المجانين ياولوووووووووووود المجنين
هههههههههههه
تسلم ياستاذ محمود

[خلود]

حتى انت يايسرى

محمود نشر دعوته بين الاعضاء

ههههههههههه

[اسامة22]

حلو اوي التهريج اهو برضوا هروب من الواقع بس لغاية امتي هنهرب من واقعنا المرير
علي مدار ثلاثون عاما يعم الفساد والرشوة في تلت تربع ارض مصر
ليس الموجودين هم غيرة مصر ولااحنا مش بنشوف الا هما بس
اخطر من راس النظام الذي مضي هي باقي النظام الفاسد الذي كان اشد خطرا في كل مصلحة حكومية
وفي كل وزارة
احنا هنضحك علي نفسنا ونقول خلاص غيرنا النظام
ماهو يايتغير كلة يااما هنشوف ايام اسود م اللي فاتت
ياريت تسمعوا عمرو اديب امبارح قال اية
خفافيش الوطني قاعدين ورجال الاعمال الفاسدة موجودة ورجال المحليات والمحافظين المواليين للنظام موجود

الثورة لم تكتمل اركانها ياعاااااااااااااااااااالم
بلاش نرجع للماضي ونعيش زي العبيد ونقول ماهو كفاية اللي حصل
لسة في حاجات كتير
مانطهر البلد من الفاسدين واصحاب المراكز

[اميرة حبى انا]

والنبى نهدى شوية كده
ولا عمرو اديب بقى ولا بتاع
اذا كان عمرو اديب من الحزب الوطنى اصلا
وهدور واجيبلك كلامه اللى قال بيه بالحرف انه موافق على جمال مبارك
لانى سمعته بودنى
اللى فى التحرير مش بتوع الثورة
دى ناس ناوية على خرابها
ومتهيالى انت مع خرابها
قصدى عمرو اديب طبعا
هههههههههههههههه

[يسرى السيد]

التهريج ان ارفض الراى الاخر
التهريج الا تكون هناك رساله للتوعيه لانتخابات نزيهه
التهريج ان اساعد على الفراغ الامنى لدرجة ان يتم مهاجمة باص اطفال من بلطجيه
التهريج ان ارى كل شئ افعله هو صحيح على المطلق
التهريج ان اساعد على ضياع مكتسبات الثوره
التهريج ان يكون هناك حظر على الضحكه
الاجدر الان تغيير مفهوم الصوت الانتخابى لليدفع
الاجدر العوده للحياه الطبيعيه بعين واحده والاخرى رقيب على تحقيق التغيير
الاجدر الان تغيير السلبيات بداخلنا ليس بالكلمات ولاكن بافعال

[اميرة حبى انا]

DKYCbyjfRnM
عمرو اديب بيقول حسنى مبارك محترم
وبينصح جمال مبارك
شوف الادب
على فكرة انا بحب عمرو اديب
بس مبحبش النفاق
وهو طلع منافق
عشان بعد الثورة طلع سب الدين
حقا وصدقا
المشكلة ان فى منكم فاكر ان احنا ضد الثورة
ودى حاجة عجيبة جدا
كل اللى بنقوله مطالب الثورة تاخد مجراها فى التنفيذ
زى ماتكون دى حاجة عيب وقلناها
ماحنا عارفين انها كلهاااا حرامية
او اكتشفنا يعنى
طيب نعطى فرصة للتعديل
ولا حلو الاتوبيس بتاع التلاميذ اللى طلعوا عليه بالسنج والمطاوى
ما كل واحد من اللى معترض على الاصلاح
يعتبر ولد من الولاد دول ابنه

[اميرة حبى انا]

عموما يا جماعة
انا هتكلم عن نفسى
انا فكرت وقررت انتظر
انتظر الجيش ينفذ وعوده
ويقوم بتحقيق كل مطالب الثورة
هنتظر دون الدخول فى جدالات لا تأتى بفائدة
انتظر ايجابيات ومكاسب للثورة
ان شاء الله تتحقق
ونشوف بعد الثورة مين كويس ومين لأ
من غير ما نمشى وراء اشاعات
سأنتظر وكلى امل فى حياة افضل لنا جميعا
لمصر كلها