كرنفال أكتوبر

[oxygen]

السلام عليكم جميعا

ايه رأيكم يبقي في كرنفال أسبوعي في أكتوبر ؟
بصراحة الموضوع مش جديد لأن منطقة الكوربة بتعمل فعلا كرنفال كل جمعة
و عشان الموضوع يبقي أوضح الفكرة بتتلخص في أنهم من يوم الخميس بليل بيقفلوا كل الطرق المؤديه للكوربة
و بمأن الكوربة كلها محلات فبيبقي الموضوع كله علي الرجلين و بيحددوا مكان بيعملوه مسرح بيتعمل فيه حفلات
و مسابقات لذيذة لأعمار مختلفة...

(بصوا يا جماعة الفكرة ده زي الطفل الرضيع مش مستحملة أي احباطات.. و كمان محتاجة تطوير منكم)

ممكن تقترحوا ايه الاماكن اللى ممكن تبقي مناسبة للموضوع و يا ريت تقترحوا أنشطة جديدة
و لو حد عنده فكرة مين الجهات اللي لازم نتوجهلها عشان الموضوع يبقي له طابع رسمي؟

[haneen]

فكرة جميلة بس عيزة تحجيث
يعني فقرات لطيفة متكنش فيها اي شيئ خارج من رقص زوخلافه

اعتقد ان يجب التنسيق مع جهاز المدينة ومبنى المحافظة

كمان امكانية التعاون مع الجمعيات الاهلية والخيرية في المدينة ومنها صناع الحياة وانا اقدر اظبط اتفاق معاهم
يتم في اليوم ده عمل معروضاتالجمعياو ودعايا عن انشطتهم لكل الا يحب يشارك
كمان ممكن نتفق مع محاضرين او مدربين تنمية بشرية مثلا يخصص فقره يتكلم فيها مع الناس عن موضوع مختلف كل مرة
ودي برضو ممكن اتصرف فيها انا

بس السؤال مين الفريق الا هينظم وهيبدأ الفكرة وازاي يمول وكيفيه دعمه؟

[oxygen]

ممتاز اوي كلامك يا حنين و كمان أنا متفق معاكي في مبدأ نوع الأنشطة
و شكرا جدا علي العروض اللي هتقدميها...
بس اللي محتاجينه الأول المكان... هل حد يعرف مكان يناسب؟؟؟
و انشاء الله الفريق هيتكون هنا و التمويل هنلاقيله صرفه.

[haneen]

مدام مفيش عند حد مننا خبرة او فكرة عن كيفية البادية
يبقى اعتقد اننا لازم نسأل اهل الذكر
يعني نوصل لمنظمين كرنفال حي الكوربة ونسألهم وناخد منهم خبرة ونصايح

ومتهيألي ان من الافضل ان ينفذ الكرنفال ده شهريا مش اسبوعيا خوصوصا في الاول

[lionking]

وانا معاكى يا حنين لازم نسال اهل الخبرة او حتى نروح ونشوف ونتعرف على الحاجات اللى بتتعمل فى اليوم ده

وبرده فى البداية يبقى كل شهر

بس الكرنفال كفكرة طبعا تحفة وحلوة اوى

:50 (31): :50 (31): :50 (31):

[fagrmasr01]

الفكرة جميلة
وعلشان تنجح لازم تلاقى لها اولا راعى يقدر يحمى استمرارها

وانصحكم من خلال تجارب مماثلة بنعملها فى قريتنا
ان تكون فى احد مراكز الشباب او مول كبير
ويستحسن الحصول على موافقة رئيس الحى الى هتتعمل فيه حتى لا تضيع الجهود بسبب عقبات روتينية ممكن يخترعوها بتوع الحى مثلا

على كل الاحوال الفكرة رائعة ومعمول بها فى اغلب دول العالم ونجاحها باذن الله مضمون بشرط ان تكون ترفيهية ثقافية ولا تنحاز الى اى جانب من جوانب السياسة

[haneen]

مفيش جديد يا جماعة؟

[khaled2010]

انا موافق على الفكرة مفيش مشكلة بس اللى ينظمها لازم يكون بيعرف ينظم الحاجات دى
بصراحة اكتوبر مملة ونفسى يكون فيها انشطة اكتر من كده

[محمود التهامي]

ياااااااااااااااااااه
كل اسبوع
ومين فاضي لكدا كل اسبوع يا اوكسجين
على فكرة الكوربة بيعملوها كل سنة ومبتدوش يعملوه الا في مئوية - ضاحية - مصر الجديدة
اكتوبر لسة مكملتش ال100 سنة ههههههههههههههههههههه
وعلى فكرة فيه فعلا كرنفال بيتعمل في مدينة 6 اكتوبر كل سنة في يوم 25 اكتوبر

[عابرسبيل]

السلام عليكم ورحمة الله وبركاتة

والله انا شايف ان الفكرة من حيث المبدء جديرة بالاحترام والدراسة ، ويمكن تكوين مجموعة عمل من اعضاء المنتدي لدراسة الفكرة وتكوين ملف كامل بكل تفاصيل الاحتفال ، ثم يعرض الموضوع علي اعضاء المنتدي لابداء الراي والتعاون في التنفيذ في حالة الموافقة ، ويمكن الا ستعانة بادارة العلاقات العامة بالمحافظة لعرض الموضوع لاستطلاع الراي - و الله الموفق

[bekooo_hunter]

انا عارف موضوع الكوربة ده وكنت بروح كتير بس اولا المكان ده ممكن يبقي عند دايموند مول
لان في طريق تاني يؤدي للحصري كويس
طيب
بالنسب للمكان هوه انسب مكان لان هوه عند مكان به محلات ملابس وازياء وحاجات من ديه فهماني طبعا
زي الكوربه بالظبط
والموضوع ده هينتج نشاط جديد مثلا زي الكوربه واحد بيرسم علي وجوه الاطفال
وهيبقي في حاجات كتير
بس الحكايا محتاجه شويه ترتيب

[haneen]

يا شباب في جديد في موضوع الكرنفال
عرضت الفكرة على اعضاء مجلس امناء 6 اكتوبر
وحقيقتا وجدت الفكرة اهتمام لدرجة البدء في اخد موافقات اللازمة للتنفيذ
رجاء يا جماعة التعاون في تنفيذ الكرنفال
واشكر اعضاء مجلسامناء المدينة على الاهتمام خاصة الاستاذ سمير ابو رابيه

وده لينك الموضوع على الفيس بوك
http://www.facebook.com/home.php#!/topic.php?uid=120142528867&topic=14774 (http://www.facebook.com/home.php#!/topic.php?uid=120142528867&topic=14774)