-- حيره حب ..

[RSS]

هناك الكثير والكثير والكثير ..
من الصفات التى تتواجد بداخل الانسان ..
دون ان يشعر بها ..
وتكون كامنه ف اعماق نفسه ..
دون ان يشعر ..
تؤثر عليه ..
وتؤثر ع سلوكه امام البشر ..
دون ان يشعربأنه يظهر بعض منها ..



وها هى الانانيه تمارس مهمتها الاساسيه ،،
ف اسمى ما يشعر به الانسان ،،
..الحب ..


تلتف حوله وكأنه ذئب يلتف حول فريسته ..
تلعب ع اوتار الذات ..
تجعل القلب يقول.. ولما لا ..



انها قصه تحمل بين طياتها الكثير ..
من الالم ..، الحزن ..، ويتوجهم الندم ..


ادعى يوسف ..عمرى سبع وعشرين عاما ..
احببت حب لم احبه من قبل ..
وظننت بأنها تحبنى كما احبها ..
عندما كانت تنظر الى السماء ..
بعيونها الخضراء البريئه ..
وتقول لى ما اجمل النجوم ..
كانت تجد النجوم بين يداها ..
كانت جميله حقا ..
كنت اراها ملكتى ..


كنت ادرس ولم اكن املك المؤهلات اللازمه لارتباط بها ..
فأنتظرت حبيبتى عامين متتالين ..ولم تحاول الضغط على ..
وكنت متيقن من حبها لى ..
وكنت احبها ..
لا ،،
بل اعشقها ..
كنت ارى بها وجه طفله بريئة ..
كنت اكن لها احترما وهى امامى ..واكن لها الاحترام فى غيابها عنى ..
فلم تكن عيونى ترى غيرها ..
ولم يكن قلبى ينبض لغير عشقها ..



وعندما جاء هذا اليوم ..
بدات اشعر بأن الانانيه ..
تلعب دورها ف حبنا ..



نور ..بس انا قولت ليهم لا ..بس انا مضغوط عليا يايوسف ..
يوسف ..انتى جايه تسألينى تعملى ايه ؟؟
نور ..مقصدش ..بس انا بقولك تعالى يايوسف ..تعالى البيت بقى ...كفايه كدا ..
يوسف ..نور انا كنت واضح معاكى من الاول ..
نور ..اه بس دلوقت غيرالاول ..وبعدين متنساش اهلى ..كل يوم والتانى يجى عريس وانا ارفضه ..وكلهم مستغربين ..وده مش عارفه الاقى فيه عيب ..
يوسف ..بيبص ف عيونها ..
نور ..ف ايه يا يوسف ..
يوسف ..زمان لما كنت ببص ليكى بفهم انتى عايزه ايه ..بس مش معقوله هو ده اللى انا فاهمه..!!
نور ..ايه هو اللى انت فاهمه ..
يوسف ..عايزه المنصب والسلطه والحب ..يعنى عايزه العريس عشان نفوذه وسلطته ومكانته ..وف نفس الوقت عايزه الحب ..الحب اللى انا حبيته ليكى ..
نور ..انا مش بفكر كدا ..بس انا دلوقت ف سن هيجيلى كتير عرسان ..وبعد كدا محدش هيجيلى .
يوسف ..مش ممكن انتى تكونى نور ..مش فاهم منك ولا كلمه ..انتى عايزه ايه يانور ..
نور ..عايزاك تيجى البيت ..كفايه ..
يوسف ..انا مش جاهز ..
نور ..تعالى افتح حوار بس ..تعالى وانا هساندك ..بس اخلص من الضغط اللى ف البيت ده ..يايوسف كلهم بيضغطوا عليا ..مش حاسس بيا ليه ..
يوسف ..وانتى ليه مش حاسه انى هترفض ..
نور ..تعالى يايوسف جرب ..
يوسف ..بيتنهد ...طيب يانور...هاجى ..
نور ..بجد ..
يوسف ..اه بجد ..



احسست ف تلك اللحظه ان حبيبتى تحت ضغط كبير ..
ولم اكن افكر بعقلى ..لم اكن اعلم شئ غير انها سوف تضيع من
بين يدى ..
كنت احاول السباق مع الزمن ..




دخلت من خلال بوابه كبيره ..
وجلست امام رجل حكيم ..
كان هو والد حبيبتى ..
تكلم معى كثيرا ..
ثم قال ..

( انا مش فاهم انت جاى ازاى وانت مش جاهز خالص )

احسست ف تلك اللحظه بأننى تسرعت بالمجئ ..
خرجت من منزلهم وانا ف قمه يأسى ..
وانا اعلم بان كلمات والدها كانت تنغرس ف قلبى ..
كنت ارى حبيبتى تضيع من بين يدى ..
كنت ارى الحياه امامى لون واحد ..
وهذا ليس بسبب ماقاله والد حبيبتى ..
ولكن بسبب آخر ..
حيث انه قال ف كلاماته العابره ..

( انا مش بضغط ع بنتى..هى اللى ف اديها الاه وال لا . يعنى لو جالها عريس اللى جاى قبليك ده هى اللى تقدر تقول اه او تقدر تقول لا ..بس لو قالت اه انا سعتها هقدر اقعد معاه واتكلم واشوف أخلاقه وامكانيته..)

احسست ف هذه اللحظه بأن حبيبتى لا تريدنى ..
احسست بأن حبى لها لا مقابل له ..
لملمت جراحى ..وابتعدت فتره عن حبيبتى ..
ملت منى الليالى من كثره لومى ..
ملت منى الليالى من كثره دموعى ..
ملت منى الليالى من كثره ندمى ..
واخيرا بعد فتره من الزمن رأيتها ..
رأيت من احبها قلبى ..
رأيت من عشقتها عيونى ..



نور ..يوسف ..اخيرا ..مش بترد عليا ليه يايوسف ..انا خربت عليك الدنيا ..
يوسف ..عايزه ايه ..؟
نور ..ف ايه يايوسف ..
يوسف ..عايزه ايه ..؟؟
نور ..ايه اللى عايزه ايه ده .... انا نور يايوسف .
يوسف ..مع الاسف عارف ..
نور ..يوسف انت مالك ..؟؟
يوسف ..كنت ف دنيا غير الدنيا ..كنت برسمك صوره بريئه وانتى طلعتى غير كدا خالص ..
نور ..فيه ايه يايوسف مش فاهمه حاجه خالص ..



يوسف ..مش فاهمه ايه يانور ..انا عرفت ان مفيش حد ضاغط عليكى ف البيت ..وان الموافقه والرفض ف ايدك ..وانتى مش عارفه تختارى مين ..وحيرانه ..اقولك ايه .اقولك ايه ..اقولك انك كنتى بتكدبى عليا لما قولتى انك هتحاربى الناس كلها عشانى ...
اقولك ايه ..يااه مكنتش متصور ان اليوم ده هيجى ..
ان الهم ده هيطولنى ف يوم من الايام ..
كل خطوه كنت بخطيها كنت بحسب ليكى ألف حساب ..
وانتى اول خطوه جيتى تعمليها ف حياتك ..مسحتينى بأستيكه ..وقولتى اختار الاحسن ..مش كدا ..

نور ..بصاله وفضلت السكوت..

يوسف ..تحب اوضحلك ياآنسه يامحترمه ..انتى انانيه ..عايزه العريس اللى جايلك وخايفه ترفضيه ..وف نفس الوقت عايزانى جنبك ..بتلعبى بالنار ..عايزاه هو ..وعايزه حبيبك القرطاس اللى كان بيموت ف التراب اللى انتى بتمشى عليه ..

نور ..انا عايزاك انت يا يوسف ..
يوسف ...بجد ..
نور ..اه طبعا ..
يوسف ..لا كدا انا مش مصدق نفسى ..بجد مش مصدق نفسى ..
نور .بصاله ومش فاهمه حاجه تانى ..
يوسف ..عارفه يانور ..انتى مش عبيطه زى ما كنت بقول عليكى ..انتى ذكيه جدا ..
نور ..يايوسف ارجوك قولى مش فاهمه حاجه ..

يوسف ..عارفه باباكى قالى ايه ..باباكى قالى ان مفيش حد ضاغط عليكى ف اى موضوع ..وخاصه موضوع العريس ده ..بتكدبى عليا عشان تعيشى دور الضحيه ..عشان تقولى انا ضحيت عشانك ..وهعيش مع واحد مش بحبه ومش عايزاه ..وتعالى انقذنى ..وكدا هتخلينى اولع ف نفسى عشان احاول اوصلك ..

نور ..لا مش كدا ..
يوسف ..بجد امال ايه اللى كدا ..؟
نور ..فكرت بعقلى ..
يوسف ..اه عارف ..خلاص يانور اللى راح عمره ما هيرجع تانى ..
نور ..بس دى غلطه ..وانا رفضته ..
يوسف ..مجرد حيرتك دى وضحتلى ان الحب كان من طرف واحد ..انك ممكن ف لحظه تبيعى حبى ليكى ..بجد انا اسف انى ضيعت وقتك ..





كانت تلك هى المره الاخيره التى
رأيت بها من احبها قلبى ..
حكايتى .. يمر بها الكثير منا ..
الانانيه والحيره ف الحب ..
تريد كل شئ ف يدك ..
تريد الحب ..
تريد السلطه ..
تريد المكانه الاجتماعيه ..



لا اعرف الان معنى الحب ..
ولماذا اعرفه..،، وهو دائما معقد ..
يتخلل من بينه الكثير من التفرعات المعقده ..
تلعب به الانانيه ..
وتحركه من دون ان نشعر ..
لتظهر بنا صفه الانا ..
لتظهر بنا ولا نعلم كيف نخفيها ..




كنت اظن ان الحب هو اسمى المشاعر ..
ولكننى وجدت عقلى ف وهم ..وخيال ..
يرسمه قلبى له ..


ما اسهل ان نحب شخصا ..
وما اسهل ان نضحى بكل ما نملك من اجله ..
وما اسهل ان نضع بين يده كل يتمناه لكى نرى ابتسامته ..

ولكـــ،،،ـــن ،،

ما اصعب ان نراه يتناسى كل هذا من اجل نفسه هو ..
وما اصعب ان نراه يركض وراء مصالحه ويتركنا خلفه..
وما اصعب ان ننسى ذلك الحب ..




منتظره رأيكم ..

من ع حـــــق ..

هل هو يوسف الذى لعب الحب بقلبه ..وظن بأن من احبها خدعته بعد عشقه لها ..
أو ،،
نور التى فضلت ان تتزوج من عريس ذو مكانه اجتماعيه عاليه وكتمت اهاتها بداخلها وتناست كل لحظه حب جمعتها
مع من احبها ..


تحيـــــ،،ــــاتى
ميــــرو