-- ملف خاص جداا .. حوار مع الرئيس عادل امام .. ورأيه حول ثوار 16 فبراير ..

[RSS]

بسم الله الرحمن الرحيم

اعزائى مشاهدى ومتابعى الحصيره :D كما وعدناكم بلقاء مع الرئيس عادل امام .. ورأيه حول الثوره ..

أتيناكم بما وعدناكم ..

نجما سطع فى سماء قهوتنا الغاليه .. اطال الصمت واكتفى بضوءه المشع فى قلوبنا جميعا .. جاءت الاعتراضات كثيره .. ولكنه لزم الصمت .. فالصمت من شيم العظماء ..

فشهدت الثوره الفريده .. والاولى من نوعها .. ديمقراطيه خاصه بالرئيس .. الذى رأى انه لا داع من قمعها .. وجعل الثوار يتحدثون بكل حريه ..

ألتقينا بالرئيس .. وسألناه اسئله عده حول رأيه وانجازاته ورؤيته الخاصه حول الثوار ..

ومن المعروف ان انجازات الرئيس عديده وحصلت على اعلى نسبه تقدير فى تاريخ القهوه ..

وقد تمثلت فى رفع راية الحريه على المنفى واخراج جميع معتقلى الرأى .. ألغى روابط الكارهين التى كانت تثير الغضب بين شعب القهوه وطوائفه .. انجازه العظيم " استنزاف قلم شاعر " الذى استحوذ على كل زوار القهوه .. ويعتبر بمثابة مزار سياحى جيد لقهوتنا الحبيبه ..ولأول مره فى عهده تعود العلاوات للعاملين ويتم السماح بالاجازات المرضيه والدراسيه للعاملين بالقهوه .. اتسم عهده بالحريه والديمقراطيه .. عانى الكثير للوصول لما نحن فيه .. فلننتقل لسياده الرئيس .. ولنتركه يتحدث باستفاضه ..

عرف نفسك .. اسمك وسنك ومؤهلك ؟!
عادل امام
31 سنه
بكالوريوس تجاره

ما هو رأيك سيدى الحاكم فى ثوره 16 فبراير ؟!
انا بسميها تظاهره سلميبه
ولكن هناكـ عناصر مدسوسه بدأت تتدخل
ولابد لإزالتها والتصدى لها بكافه الوسائل القمعيه

لك انجازات كثيره فى القهوه .. حدثنا عنها ؟!
المفروض الاعضاء والمعلمين هما اللى يقولوا الانجازات
وهقول بعضها
عودة روح الديمقراطيه وابداء الرأى
والاستماع للرأى وتنفيذه ان كان مفيدا
عودة المبعدين السياسيين وفتح الباب امام الجميع للعوده
والغاء روابط كارهى الانديه التى كانت صوره غير حضاريه
اضافه وترتيب اركان جديده جعلت من القهوه
شكل جديد
تنفيذ طلبات الاعضاء وعدم التعنت ان كانت بمتناول اليد
تشجيع الاعضاء الجدد وضمهم للاشراف
وكسر القوانين القديمه الصلبه
والباقى ممكن الاعضاء يتكلموا عنه
ما مدى صحة انك ترشى بعض المؤيدين لك بوجبات الكنتاكى والمال ؟!
دى مش رشوه
دى أصول الاستضافه
وانا بحس بعناااء الناس
ولازم اقف جنبهم

ما رايك فى معارضيك .. وهل ترى ان ما يحدث تنفيذ لاجندات خارجيه ؟!
دووول شويه أعضاااء عندهم حماااس
ولازم نقعد معاهم ونبحث طلباتهم
ونرضيهم واللى مش هيتلم هما عارفين هنعمل فيهم ايه
ههههههههههه
بس انا عارف بعد التحقق امبارح من متزعمى الثوره
والقاء القبض عليهم ان الطلبات دى نابعه منهم
وكنا مفكرين فى الاول انهم عناصر مدعومه من منتديات تانيه ولما اتأكدنا أخلينا سبيلهم
بضمان الباسورد بتاعهم

طالبك المعتصمين بالافراج عن كل معتقلى الرأى فى المنفى .. واعادة العمل بمجلس الشعب .. فما رأيك بذلك ؟!
انا فتحت باب العوده للجميع ماعدا بعض العناصر التى خرجت عن حدود الادب ودول قله
وجارى تنفيذ واعاده هيكله مجلس شعب القهوه
وهقد مع محمد فتحى سروور
وابو سريع الشريف
ونشوف طلباتهم

اتهمك المعتصمين بالعنف .. واعتقالك لابو سريع ومحمد مشعلى الثوره .. فما تعليقك ؟!
مفيش عنف ولا حاجه
دا تحديد اقامه جبريه لعدة ساعات لان مباحث امن القهوه جاها اخبار انهم مدعومين من منتديات تانيه
وبعد التحقق تم رفع الحظر عنهم

فى اعتقادك .. ما هو السبب المخفى خلف الثوره ؟!!
الكبت اللى كانوا عايشيين فيه من الفتره السابقه
عمل عندهم انفجااار
وانا أشك إنهم كانوا عايزين كنتاكى

ما رأيك فى بيانات الجيش الصادره من رامى عادل ؟!
رامى عادل دا جاسوس كبير
وبيركب الموجه
بس للأسف شرق والميه دخلت فى فمه

على اى اساس تم اختيارك لسوومااا بأن تكون المتحدث الرسمى للثوره ؟!
موقفها صريح منذ اندلاع التظاهرات وبتعرف تهدى الامور
دبلوماسيه يعنى

ما تعلقيك على حشد المعتصمين انفسهم فى ميدان قضيها .. وما السبب ؟!
شويه هيزهقوا وكل واحد هيروح لركنه
وهما عايزين مساحه اكتر من حريه الرأى
وانا مش ممانع

بالنسبه للركن السياسى .. يقولون ان هناك اصابع خفيه تعبث بحرية الرأى هناك .. وتحذف مواضيع واخبار بعينها !!! فما تعليقك ؟!
الركن السياسى اكبر ركن فى القهوه فيه مشاكل
لانه يضم كوكبه من اصحاب الاراء المختلفه
وكل واحد مقتنع بأفكاره ولازم الكل يوافقه عليها
والا سيكون خائن
وعشان كده عملت قانون يمشى على الكل
لازم حريه الرأى والكلمه بكل ادب واحترام دون اساءه
واحترام اراااء الاخرين
ومن لا يلتزم يطبق عليه العقاب المناسب

ما هى وعودك للثوار .. وما هى مطالبك ؟!
بقول ليهم
انا فهمتكم
ههههههههههههههه
كل واحد يرجع ركنه وطلباتكم ستنفذ بس شويه شويه
واللى فى الصالح هنعمله
والعنف مش هيجيب نتيجه
ممكن يودى على المنفى
هههههههههههه

وفى النهايه جزيل الشكر لسيادة الرئيس ..
الشكر ليكى منار
المنسقه الاعلاميه للنظام
وانا عارف دورك القيادى لاظهار الحقائق
والبحث فيما وراء الاحداث
وتبيان الحقائق المخفيه عن كافة الاعضاااء
وبطلب منك تركيز الضوء والبحث وتقصى الحقائق
لبعض الاعضاااء اللى صوتهم عالى هنا

شكرا سياده الرئيس .. ونترك للجماهير التعليق ..

دمتم بود ..

كان معكم : منار توفيق .. قناة الحصيره
:D