ابو اسامه
21-02-2011, 12:16 AM
احبائى هذه الكلمات كتبها صديقى واخى الغالى ابن بلدى / محمود عباس نابعة من وجدانه فأعجبتنى ونقلتها الى حضراتكم كى تسعدوا معى بها ...
ــــــــــــــــــــــــــــــــــــــــــــــــــ ـــــــــــــــــــ
ترابك نخيلك
وزرعك ونيلك
بحب كل ناسك وأهلك يا مصر
*********
تيجي أو تروحي
إفديكي بروحي
وأفدي كل ذرة من رملك يا مصر
*********
تأسي أو تحني
تاخدي حتة مني
كل جسمي ليكي وملكك يا مصر
********
تجوعي عيالك
وتضيعي ف مالك
غربك أو شمالك إنتي برده مصر
*********
تهيني حبيبك
وتحترمي غريبك
دي من صفاتك في كل أوان وعصر
********
تدوسي عالغلابة
وتطاطي للديابة
وتنسبي لعدوك كل شرف ونصر
********
أشرق أو أغرب
الكل فيك بيجرب
بيسرق أو يهرب خيراتك يا مصر
*******
الحب فيك جناية
والكره مالوش نهاية
لكل مين يقول عايزين نبني مصر
********
أهلك خلاص بعاوكي
ضاعوا وضيعوكي
نهبوا كل خيرك وبيعصروا فيكي عصر
********
قلبّي في كتابك
أرجعي لشبابك
اسألي حبايبك عن تاريخ مصر
********
هترجعي إمتى تاني
للعهد الأولاني
تعلمي كل الدنيا تهتف باسم مصر
********
مستنيك يا غالية
تبقي فوق وعالية
واهتف بأعلى صوتي بحبك يا مصر
بحبك يا مصر
********************************
محمود عباس
ــــــــــــــــــــــــــــــــــــــــــــــــــ ـــــــــــــــــــ
ترابك نخيلك
وزرعك ونيلك
بحب كل ناسك وأهلك يا مصر
*********
تيجي أو تروحي
إفديكي بروحي
وأفدي كل ذرة من رملك يا مصر
*********
تأسي أو تحني
تاخدي حتة مني
كل جسمي ليكي وملكك يا مصر
********
تجوعي عيالك
وتضيعي ف مالك
غربك أو شمالك إنتي برده مصر
*********
تهيني حبيبك
وتحترمي غريبك
دي من صفاتك في كل أوان وعصر
********
تدوسي عالغلابة
وتطاطي للديابة
وتنسبي لعدوك كل شرف ونصر
********
أشرق أو أغرب
الكل فيك بيجرب
بيسرق أو يهرب خيراتك يا مصر
*******
الحب فيك جناية
والكره مالوش نهاية
لكل مين يقول عايزين نبني مصر
********
أهلك خلاص بعاوكي
ضاعوا وضيعوكي
نهبوا كل خيرك وبيعصروا فيكي عصر
********
قلبّي في كتابك
أرجعي لشبابك
اسألي حبايبك عن تاريخ مصر
********
هترجعي إمتى تاني
للعهد الأولاني
تعلمي كل الدنيا تهتف باسم مصر
********
مستنيك يا غالية
تبقي فوق وعالية
واهتف بأعلى صوتي بحبك يا مصر
بحبك يا مصر
********************************
محمود عباس