ذكرياتنا مع رمضان(رمضان كريم)

[اميرة حبى انا]

http://www.krtoon.com/upfiles/ltC37442.gif
http://www.krtoon.com/upfiles/EQR37583.gif
كل سنة وانتم والامة الاسلامية بألف خير وصحة وسعادة
وكل عام وانتم لله اقرب
ايام ويهل علينا شهر رمضان المبارك
http://www.krtoon.com/upfiles/xko37626.gif
اعاده الله عليكم بالخير واليمن والبركات
http://www.krtoon.com/upfiles/u1U37716.gif
الموضوع ده عملته عشان كل واحد/ه يحكيلنا ذكرياته وهو صغير/ة فى شهر رمضان
اكيد بتحصلنا فيه مواقف جميلة
ياريت كل حد عنده او له ذكريات مع اجمل الشهور
يدخل ويحكيهالنا
http://www.krtoon.com/upfiles/JWk37716.gif
وانا هبدأ
عشان محدش يقولى اشمعنا
كل سنة وانتم طيبين
فى انتظار ذكرياتكم مع الشهر الفضيل
:50 (31)::50 (31)::50 (31):

[fagrmasr01]

http://www.krtoon.com/upfiles/xko37626.gif
كل سنة وانتى طيبة يا أميرة
وكل اهل منتدانا بخير وسلام
وأمة الإسلام يارب تسترد نجمعها وصحتها وتتحسن الاحوال برجوعنا الى الله باذن الله
اعاده الله على الجميع
بالخير واليمن والبركات
http://www.krtoon.com/upfiles/u1U37716.gif
ننتظر بدايتك وباذن الله كلنا بعد حضرتك على طوووول
كل سنة وانتى طيبة
كل سنة وانتم طيبين

[اميرة حبى انا]

كل سنة وحضرتك طيب وبخير وان شاء الله تكون فى احسن صحة ويتم الله شفاك ببركة رمضان
اللهم امين
احكيلكو انا بقى
افتكر فى رمضان وانا صغيرة لمتنا على الفطار ودايما انا واخواتى لما ناكل مع بعض لحد دلوقتى
نضحك ونهزر ونشد الاكل من بعض
وكنت بحب الفوازير اوى
المهم
الموقف اللى كان بيتكرر كل رمضان
السحور
واه من السحور
مكنتش بقدر اصحى خالص:storm_9401257127043
يقوم حضرة الاستاذ اخويا يعمل ايه بقى
يرشنى بازازة ميه
كل يوم
30 يوم بصحى بالمية
واقعد ازعق واقول يا ماما سكتيه:36_6_8[1]:
تقولى طب قومى عشان تتسحرى
واقوم شايطة:36_5_11[1]:
بس لما نقعد عشان ناكل برضو كانت بتقلب ضحك وهزار ويبقى احلى سحور واحلى اكل:36_3_1[1]:
عمرى مانسيت الموضوع ده وكل رمضان احكيه لولادى واقعد اضحك
كانت ايام حلوة والله:storm_1328975418839
ومرة كنت صغيرة اوى فى ابتدائى وكنا يوم الوقفة وكنا بنعمل الشقة واخويا ملأ ازايز المية ورايح يحطها فى التلاجة
وانا بمنتهى التلقائية والعبط
بشد منه الازازة عشان اشرب وهو يشدها لا وايه:storm_7974695981287
انا مستغربة اوى واقوله ما تجيب اشرب فى ايه:storm_7974695981287
فييين اخر ما ريقى نشف قالى يابت مش احنا صايمين
( مش يقولى من الاول ولا يسيبنى اشرب وانا ناسية وخلاص):storm_1680014788131
افتكر كمان فى رمضان جه متأخر
بمعنى
انهم بعد لما قالو غدا المتمم لشهر شعبان
الساعة 12 او 1 باليل قالو الهلال ظهر ورمضان بكرة
العمارة كلها صحيت وقعدت تهنئ بعضها:36_3_11[1]:
(للاسف مافيش الكلام ده دلوقتى)
ايامنا واحنا صغيرين حتى ولو كان فيها متاعب ومشاكل
كانت حلوة اوى
دلوقتى انا بستنى رمضان زى ماكنت عيلة:103150307:
مافيش حاجة اختلفت
وبجيب الزينة اللى بتنور واعلقها فى البلكونة
واعمل لولادى الكنافة بالزبدة اللى كانت ماما بتعملهالنا
يااااااااااه:storm_2107335803694
كانت ايام حلوة بشكل مالوش وصف
الحمدلله على كل حال
يلا كفاية كده ألا تزهقوا منى
عموما مسموح اننا كل مانفتكر حاجة نكتبها
مش شرط نكتب مرة واحده
اه
نسيت اقولكو
انى باكل قمر الدين مش فى اطباق زى كل الناس
باكله زى ماهو كده:50 (38):
وولادى طالعين زيى
كل سنة وانتم طيبين
ورمضان كريم
:50 (31)::50 (31)::50 (31):

[خلود]

http://www.krtoon.com/upfiles/xko37626.gif
كل سنة وانتى طيبة يا أميرة
وكل اهل منتدانا بخير وسلام
وأمة الإسلام يارب نتجمع امه واحده كده وتتحسن الاحوال برجوعنا الى الله باذن الله
اعاده الله على الجميع
بالخير واليمن والبركات


بصى ياستى اكيد رمضان له ذكريات جميله مع الكل لانه من احلى شهور السن وافضلهم
بالنسبه لى انا بقى لانى اصغر اخواتى تلاقى بقى دلع الدنيا كله


طبعا صحيان اخر واحده وبالراحه كده وقومى ياحبيبتى الاذان هيأذن يلا


واكيد اللمه دى على الفطار حاجه تانيه تهريج بقى وضحك والعرقسوس والتمر


يااااااااااااااااااااااااااه افتكر ايه ولا ايه


ولما كنا نيجى نعمل بقى الكحك والبسكويت يبقى عيد لوحده تحسى الدنيا كله هيصه وامسك العجينه واشكل فيها مره عروسه ومره حصان واى شكل يجى على بالى اعمله


ونزهق ماما وانا اللى الف المكنه ياماما طيب استنى انا هنقش الكحك ويابنتى اسكتى يابنتى بطلى وانا طبعا لا بسكت ولا ببطل


ونشيل بقى ونودى الفرن ونفضل للصبح رايحين جايين لغايه النهار ما يطلع ونرجع بقى مهدودين نديها نوم للمغرب


وتيجى بقى لشراء لبس العيد وتبقى حكايه نفضل نلف ونخرج كل يوم لغايه ما نجيب اللى يدخل مزاجى


ياااااااااااااااااااااه مش بقولك افتكر ايه ولا ايه


دلوقتى بقى ولادى بيطلعوه عل عينى من صحيان ووجع قلب وتعبانه ياماما بقى دلع بنات بس برضو بنحب رمضان جدا وبنستناه كل سنه بشوق ولهفه



شكرا اميره على موضوعك اللى فكرنا باجمل ذكريات وطبعا كل ما افتكرحاجات تانى ارجع تانى واسجلها هنا ماهى دى احلى ذكريات واكيد كتيييييييييييييره جدا

[fagrmasr01]

هى اجمل الذكريات اللى عشتها سنين عمرى من الطفولة ولحد دلوقتى بصراحة باعيشها
زينة رمضان من قبل رمضان باسبوع ف الشوارع
ولحد دلوقتى ولادى بيزينوا الشارع كله
وليلة الرؤية بعد اول صلاة للتروايح
لازم الف على جميع المقاهى والمحلات المجاورة ابارك لهم بأول ليالى رمضان
واتصل بجميع اهلى واصحابى بالتلفون
واول يوم نتلم كلنا ف بيت الوالد الله يرحمه نفطر سوا مع اول شوب عرقسوس او تمر هندى مع شوب خشاف
ونصلى المغرب جماعة ونقوم نفطر
والبيت يكون زحام انا واسرتى وكل اخ واخت مع اسرته
وكلنا بنحب نلعب .. وانا اول واحد يلعب .. تحت اقدام ماما الله يرحمها

[اميرة حبى انا]

خلود
فجر مصر
نورتو الموضوع بمشاركتم وذكرياتكم مع الشهر الفضيل
واتمنى من الجميع التفاعل
كل عام وانتم بخير

[خلود]

معقوله يعنى كل الناس مبقاش عندها ذكريات عن رمضان خالص كده


ده احسن شهور السنه واجملهم على الاطلاق


لسه ماما مفكرانى دلوقتى بليله العيد
يااااااااااه يااميره كانت بتبقى اجمل الليالى مش بنام الا تانى يوم بعد الضهر نفضل نأكل فى الكحك اللى عملناه واديها بقى لب وسودانى وحاجات ساقعه وسخنه قال ايه بنعوض الصيام بقى
ونتلم كلنا كده وننزل نصلى العيد سوا وبتبقى احلى خروجه صلاه العيد دى كله ينزل فى وقت واحد نسلم على الجيران والاصحاب ونعيد عليهم ونمشى كلنا مع بعض صغير وكبير
وبعد الصلاه نخرج نشترى لعب وبالونات وبنادق ونتمرجح بالمراجيح والاولاد يركبوا الحصان وبنبقى مش عايزين نروح خالص


لكن بنروح نفطر وشويه العيله كلها يتجمعوا ونقضى اليوم كله سوا ما بين ضحك وتهريج ولعب وفرح


بجد اميره بحييكى على موضوعك الجميل اللى بيرجعنا لاجمل ذكريات مع احلى شهر من شهور السنه