-- قصه نيووز:( عمرى معاك ):

[RSS]

http://www.up4faifa.com/fosl-faifa1.com/6/3686881051228406014.gif


ازيكم كلكم عاملين ايه
يارب تكونوا بالف خير يار


انا قراءت قصص كتير فى القسم دا
حبيت اشارك ويكون ليا توبيك هنا
بس يارب يعجبكم وينول اعجابكم
دى قصه من تاليفى يارب تعجبكم هى فيها شخصيات كتيرر
هتعرفوها داخل القصه
اوك متفقين
http://www.up4faifa.com/fosl-faifa1.com/6/117.gif


الحلقه الاولى

ساره
( بنوته قموره جدا وعسوله هاديه جداا محبوبه جداا من كل الناس اى حد يعرفها بيحبها لشخصيتها مش لجملها الى محدش ويوصفه عينها لونها جميل جداا بنى فاتح
هى بيضه شعرها لونه اسود بس ناعم جداا كل صحبتها بيحسودها على جمالها

هى بتحب تهتم بمظهرها جداا الخارجى والداخلى فهى طيبه جداا مش بتقدر تكره حد ساره فى2 ثانوى

مهما يعمل ايه فيها وهنعرف الباقى فى قصه)
نجوى
( ماما ساره ست طيبه جداا زوجها متوفى من 3 سنيين كانت بتحبه جداا بتخاف جداا على اولادها هما ساره واسماءفى4 كليه اعلام واحمد فى 1كليه سياسه واقتصاد ومحمود فى 3 اعدادى)
نجوى بتفتح شباك اوضه احلى بنت فى العالم كله

نجوى : يلا يا ساره اصحى عشان تروحى المدرسه بلاش تتاخرى زى كل يوم
ساره : حاضر يا ماما خلاص انا صحيت
نجوى : ماشى ياحبيبتى اروح انا اصحى بقيت اخواتك
ساره : ماشى يا احلى ام فى اسكندريه دى كلها

تخرج ساره من اوضتها وتروح على الحمام وتخبط على الباب

ساره : مين الى جوا
احمد : ايوه يا بت استنى شويه
ساره : بت لم نفسك ياد على الصبح
احمد : يلا روحى يا بت من هنا
نجوى : ياساره بلاش تتخنقوا على الصبح كدا دا فال وحش
ساره : يا حبيبتى دا مش خناق دا هزار هزار احنا كدا بنحب نهزر مع بعض
نجوى : ماشى يا بنتى
ساره : اومال فين محمود واسماء
نجوى : محمود بيلبس عشان يروح مدرسته واسماء بتلبس عشان تروح جامعتها
ساره : اسماء هتروح الجامعه بدرى كدا
نجوى : يارب يا بنتى اشوفك تروحى انتى واخوكى محمود الجامعه زى ماشوفت اسماء واحمد اخواتك قبل ما اموت

ساره : متقوليش كدا يا ماما انشاء بعد الشر عليكى يا حبيبتى
نجوى : ربنا مايحرمنيش منك ولا من اخواتك يابنتى
محمود : ايه الجو دا نوجا ههههههههه


محمود
(اخو ساره فى 3 اعدادى معجب بى واحده معاه فى المدرسه اسمها مريم
وهى معجبه بيه جداااهم بيحب الكوره جداا مهوس بيها)


ساره : بطل ياد مش تقول كدا على مامتى حبيبتى
نجوى: يلا اقعد افتر قبل متروح المدرسه
محمود : لا مش عايز

احمد

( شاب فى 1 كليه سياسه واقتصاد اخد مكان ولده بعد ماتوفى هو راجل البيت لا اكبر ولد بيخاف جداا على اخواته البنات وبيغير جداا عشان عنده اختين زى القمر ساره واسماء )

احمد : صباح الخير
نجوى . ساره . محمود : صباح الخير
احمد : انت لسه مش نزلت
محمود : نازل اهوو
احمد : استنى هاجى اوصلك
محمود : ليه روح انت على كليتك مش عايز اعطلك
احمد : لا هاجى اتمشى معاك شويه
نجوى : فى حد يتمشى فى الوقت دا يابنى الساعه 7 الصبح
احمد : هوصله عادى يعنى
نجوى : ماشى يابنى ربنا ينورك طريقك
احمد : ايوه يا امى افضلى ادعيلى كدا علطول ( وباس ايدها ومشى هو ومحمود)

وتخرج اسماء من اوضتها وتروح على سفره


اسماء


(اموره مهى اختها طالعلها زى القمر زيها كل يوم بيجلها عريس

بس كانت بترفضهم اصل الى فى القلب فى القلب بتحب واحد معها فى

الكليه هو بيحبها جداا بس مشكلته الوحده انه بيغير عليها من الهوا
ودى السبب فى المشاكل الكتير الى مابينهم )

اسماء: صباح الخير على احلى ام وارزل اخت اومال فين حماده وحوده
نجوى : صباح النور يا بنتى
ساره: انا رخمه كده يا سوسو ماشى انا مخصماكى ماشى:sad:
اسماء: لا ونبى الوش الجميل دا ميزعلش منى ابدا
ساره : ماشى كلى بعقالى حلاه
نجوى: ربنا يخليكو لبعض يا حبايبى
اسماء : ماما انتى مالك النهارده عماله تقولى فى كلام كدا
ساره: صح ياماما حتى انا لاحظت كدا انا ومحمود
نجوى: مافيش يا حبايبى بس اصل انا النهارده حلمت بابوكو وقالى خلى بالك من اولادك يا نجوى الولاد امانه فى رقبتك لو حصلهم حاجه هيكون انتى السبب اوعوا ياولاد توطوا راسى ادام ابوكو
اسماء: يا قلبى مش تخافى علينا


وقاموا هما الاتنين وباسوا ايديها ورايحين ناحيه الباب

ساره : لما بابا يجىليك تانى ياماما سلملى عليه هههههههه
نجوى : ماشى يا رخمه ههههههههه

ووصلت اسماء ساره على مدرستها وودعتها ومشيت وراحت ساره على الكلاس بتعهاوشافت صاحبتها مروه

ساره: هااااااااى
مروه: هااااااى عامله ايه النهارده
ساره: تماموز وانتى
مروه : تمام
ساره:هتعملى ايه فى درس الجيولوجيا
مروه: مفيش غير حل واحد

ساره: الى هون
مروه: ناخد مع مستر عاطف مجموعه الساعه 7
ساره: بس دى مجموعه فيها ولاد
مروه: مفيش حل تانى
ساره : بس احمد اخويا مش هيرضى
مروه : احمد هو عامل ايه وازيوه
ساره: اه الحمد الله بتسالى ليه;)
مروه: ايه هو بلاش اسال:005: ( بارتباك)
ساره: لا اسالى براحتك بس يعنى انتى سالتى عن احمد ومش سالتى عن اسماء ولا محمود;)
مروه: ايوه مهو كونت هسالك هما عملين ايه وطنط نجوى:005::D
ساره : الحمد الله كويسين واحمد كويس;):D( بخبث)

مروه: ومالك بتقوليها كدا ليه
ساره: مافيش بصى انا هشوف موضوع الدرس دا وهرد عليكى بليل
مروه: بس ضرورى عشان الدرس بكره
ساره : اوك





http://www.up4faifa.com/fosl-faifa1.com/6/117.gif








يارب تكون عجبتكو انا مستنيه الردود
عشان اعرف اكملها ولا لا
بااااااى



http://www.up4faifa.com/fosl-faifa1.com/6/13309851571378397677.gif