لو شفت الرئيس السابق حسنى مبارك هتقوله ايه

[اميرة حبى انا]

السلام عليكم ورحمة الله وبركاته
الفكرة عجبتنى وحبيت تبقى موجودة عندنا
بمنتهى البساطة
لو شفت او كلمت الرئيس السابق حسنى مبارك
هتقوله ايه


كل واحد يقول اللى هو عايزه من غير خناق وتجريح لو سمحتم

[اميرة حبى انا]

اسمحولى ابدأ من فضلكم
ياترى عامل ايه بعد اللى حصل
ياترى تعبان زى ماقالوا
ولا عايش حياة رئاسية برضو زى ماقالوا
اسمحلى من فضلك اسألك
ليه كده
ليه كل اللى انا شوفته وسمعته ده
اللى ماتوا ليه
انا كنت هموت لما لقيت الامن فاتح الميه ع الناس وهى بتصلى على الكوبرى وهى ساجدة لربنا
هموت من الصورة اللى شوفت فيها بنى آدم راسه تحت عربية الشرطة وبقت سوا الارض
زعلت اوى لما لقيتهم بيجرحوا فيك بس لقيتهم مليانين منك اوى وانا اللى مكونتش اعرف
اتصدمت لما عرفت ان كان ممنوع كلمة حق تتقال
اتصدمت لما عرفت ان اى حد محترم لازم يمشى
واتصدمت لما لقيت السرقة بالمليارات
والفيلات والعربيات مش واحدة ولا اتنين
هيعملوا ايه بكل الفلوس دى يعنى مثلا
احمد عز هيعمل ايه ب 60 مليار
يالهوى
سورى فى اللفظ يا ريس
يعنى هيشترى بيهم ايه وكانوا هيخلصوا امتى
شوفت صور اللى ماتوا ياريس
شوفت حلوين وصغيرين وزى الفل ازاى
عارف يعنى ايه اتصدمت ياريس
يعنى مش قادرة استوعب انك تكون عارف
وقالولى انك لو مش عارف تبقى المصيبة اكبر
وانا ياريس عايزة اصدق انهم خانوك وكنت مش عارف
عايزة اصدق انك كنت مش عارف يا ريس
عشان انا مشوفتش غيرك ولا عرفت غيرك
بس انا هقولك لو كنت مش عارف ده لو كنت
انا هديك العذر اللى يخلينى اقولك
صدمتنى بجد
الله يسامحك
مع الف سلامة ياريس
وربنا يشفيك

[اسامة22]

رايك راااااااااااااااااااائع يااميرة
انا عارف ان في ناس كتير مكنتش تعرف الحقائق المريرة اللي بتظهر
واللي ذكرتية شئ بسيط جدا
في كل الوزارات والهيئات الحكومية
اشكرك علي رايك وسردك بعض الحقائق

[محمد المصري]

انا هاقلة لية حقى ضاع واتهرب لسويسرا

لية كل المليارات دى ما فضلتش هنا فى مصر واتعمل بيها مشروعات لاولاد مصر

لية خير مصر ضايع ديما

ليه سبت حبيب العادلي يعمل كل دة وان ساكت

لية لية لية ................

[صلاح الشريف]

انا هاقلة لية حقى ضاع واتهرب لسويسرا

لية كل المليارات دى ما فضلتش هنا فى مصر واتعمل بيها مشروعات لاولاد مصر

لية خير مصر ضايع ديما

ليه سبت حبيب العادلي يعمل كل دة وان ساكت
والهي عندك حق

[ابو اسامه]

وانا هقوله حسبى الله ونعم الوكيل .. هقوله انت والحكومه اللى معاك أذكى حكومه فى التاريخ عارف ليه ... ؟؟
لأنكم عرفتوا تقطعوا كل الألسنه وتقمعونا وتدخلونا المعتقلات وامن الدوله . عرفتوا تعاملوا شعبكم بالحديد والنار
عرفتوا تعلموا الشاب انه قبل ما يعمل حاجة خطأ ياخد شريط برشام علشان ميحسش بالضرب .. وبتقولوا الشرطه فى خدمة الشعب .. عرفتوا تعملوا ملايين واحنا ولاد كلب .. نقف على فرن العيش طابور وانتم عايشين فى الجنه .
واخيرا عاوز اقولك حاجه .. صلى وادعى كتير لأنى مش عارف انت هتتحمل العذاب أزاى .. كل حاجه ربنا بيغفرها الا حقوق العباد لازم هم اللى يسامحوا .. شكرا اميرة المنتدى على طرحك المميز ...

[مصطفى مامون]

هقوله ايه واحده
(فاليوم ننجيك ببدنك لتكون لمن خلفك ايه وان كثيرا من الناس عن اياتنا لغافلون)

[الرومنسى]

اقول لكل اب وام فى المنتدى لما غلطى فى اولادك كان ردهم ايه عليكم
او حسيتو فى وقت ضعف او متخيليين انهم فى ضعفكم هيقلولكم ايه هيرموكم برة البيت
يا ريت اللى يقدر يفهم يرد

[خلود]

انا هقول له اتخدعنا فيك كتير اوى وضحكت علينا كتير اوى

للاسف ضيعت كل الامال فى مستقبل حلو وعيشه امنه ووصلت ولادك يقولوها لك

( اطلع بره ) ( مش عايزينك )

( ارحل )

ربنا يسامحك على كل ما فعلته فينا ويشفى عنك لو فعلا مريض
لانى ما زلت اضع اعتبار لكبر سنك

[nouran_111]

أنــا معـــاك يا رومانسي وفاهمة
عارفين لو شفت الريس هقوله ايه
هقوله شكرا ......... شــــكرا رغم كل الامنا وجراحنا
شــــــــــكرا على كل ساعة امان عشناها
شــــــــــكرا على نسر مصر وقت الحرب والسلام ايوة يا ريس برغم كل اللى حصل
وبالرغم العذاب والشقا انت في عينى نسر مصر الحقيقي
وفي النهاية ليك الف شـــــــــــــكر