المساعد الشخصي الرقمي

مشاهدة النسخة كاملة : -- لسة عندنا رموز فساد


RSS
12-02-2011, 08:00 PM
السلام عليكم ورحمة الله وبركاتة



الحمد لله ثورتنا نجحت
وكل الخبراء السياسيين قالوا عنها هى اقوى ثورة شعبية قامت فى تاريخ مصر الحديث , ومن أقوى ثورات العالم
واكيد مش هننسى شهداء ثورة الحرية
رحم الله شهداء الثورة فهم أبطالها الحقيقيون



مش عايزين نقلل من حجم الانجاز اللى اتحقق , ولا نفضل نغنى بية وقت طويل
عايزين نفتخر بمصريتنا ونكمل طريقنا
كل واحد فى تخصصة
لهدف واحد
وهو بلدنا اللى اتغيرت
ولازم نتغير علشان نليق بيها



تنحى الرئيس السابق
هو بداية نجاح الثورة وبداية المشوار
لعودة مصر لنا
اللى كانت وحشتنا اوى
كنا بنسمع عنها من حكايات اهلنا وبنشوفها فى احلامنا بس
واديها رجعت لنا
وعايزة مننا نحافظ عليها




مبارك تنحى
ورموز الفساد من حوالية بدأت تتحاكم
بس مش كلهم

لسة عندنا فى الجامعة رمز من رموز الفساد
لسة عندنا فى المصنع رمز من رموز الفساد
لسة عندنا فى العمارة رمز من رموز الفساد

الفساد لسة موجود بس الامل الوحيد فينا أحنا
احنا عندنا القدرة على تنحى كل رمز من رموز الفساد

مصر اتغيرت بعد 25 يناير
بينا يا شباب



الطريق لسة قدمنا طويل
مش هايكمل غير لما كل واحد فينا يعاهد ربنا ونفسة
على تحمل مسئولية مصريتة وحب وطنة والتضحية


نكمل ثورتنا على
( ايد واحدة لهدف واحد وهو مــصــــر )
الشعب مع الجيش مع الشرطة ايد واحدة
علشان هدف اسمى وهو مصر