المساعد الشخصي الرقمي

مشاهدة النسخة كاملة : تعالوا نغير نفسنا أحنا كمان


since1990
11-02-2011, 11:53 PM
من النهاردة دي بلدك انت،


ماترميش زبالة،

ماتكسرش إشارة،

ماتدفعش رشوة،

ماتزوّرش ورقة،


اشتكي أي جهة تقصّر في شغلها.

كلنا نحترم بعض

فرصتك تبني بلدك بأيدك...

أرجو مشاركه جميع الأعضاء بالأفكار البناءه فى كيفية بناء بلدنا بطريقه حضاريه,

وكيفيه تغير أنفسنا للأحسن.

ونتفق على ده ونفذه بإذن الله...
مصطفى مامون
12-02-2011, 12:52 AM
محمود // الفكره جميله جدا جدا زى افكارك واسلوبك اللى بستمتع بيه جدا حبيت بس احييك عليها ورجعلك تانى بافكار نشارك كلنا فيهاونتبناها لو قدرنا
since1990
12-02-2011, 01:29 AM
شكرا يا مصطفى و هاستناك علشان استفاد من افكارك الجميله.
واتمنى من باقى الاعضاء المشاركه
lionking
13-02-2011, 12:58 AM
موضوع جميل جدا جدا

وطبعا البلد دلوقتى بلدنا والكل رجع يحبها تااااااااااانى

خلينا نبدا الافكار مع بعض

اول واهم مشكلة فى مصر

النظافة

الناس نفسها مش بتحب النظافة مش عارفة ليه

بيحبوا يرموا من البلكونات ومن شبابيك العربيات

انا هقولك على حاجة كانت بتحصل معانا فى الكويت

كانوا فى المرور او البلدية مش فاكرة عشان كنت صغيرة

بيوزعوا اكياس بلاستيكية تتعلق داخل السيارة على مكان الولاعة

والكيس ده صغنن مسافة المشوار يعنى

ومكتوب عليه

حافظوا على نظافة الكويت

ايه رايك لو كل واحد فينا وهو نازل العربية ياخد معاه كيس من الاكياس الصغيرة بتاعة خير زمان او الصيدليات ويخليه معاه فى العربية ليه وللولاد مسافة المشوار

ولما نرجع البيت ناخده معانا فوق ونرميه فى الباسكيت بتاعتنا

ده للناس الشيك اللى زى حالاتنا يعنى

الناس بئه بتوع الميكروباصات واللذى منه

يخلوا كل حاجة فى جيبهم لغاية ما يلاقوا باسكيت
اسامة22
13-02-2011, 08:35 PM
موضوع راااااااااااااااااااائع
طبعا راجع بمقترحات عشان بلدنا
وانتي خنيييييييييييييييييييييق ياليون
ههههههههههههههههه
ابو اسامه
15-02-2011, 12:07 AM
أخى الغالى : بجد موضوع اكثر من رائع .. لازم نغير نفسنا .
عارف الاردن مثلا تعتبر بلد مش زى مصر فى كل شئ حتى فى التعليم . ورغم كده عارف ابسط شئ فى موقف المنى باص مثلا تلاقى الكل واقف طابور ممكن تلاقى واحد ضابط شرطه واقف بعدك فى الطابور وياجى التاكسى او المنى باص ويدخل على الطابور وياخد عدد الركاب المطلوب ويمشى وياجى اللى بعده واللى بعده وهكذا .
مفيش واحد يعترض ولا واحد ياخد مكان واحد .. شعب منظم .. ياريت نتعلم منهم .. لازم نغير نفسنا الاول ..
وياريت نمنع المحسوبيات .. فلان قريب فلان وده ابن عم الظابط الفلانى ومعاه كارت منه .. ياجى واحد ميعرفشى يسوق وعاوز يطلع رخصة .. وكله بالفهلوى .. وفتح عينك وان معرفتش حد خالص ادخل على بتاع البوفيه اشرب واحد شاى واحكيلوا .. كل شئ يخلص خليك مفتح كده .. حسبى الله ونعم الوكيل .. شكرا اخى على موضوعك .. تقبل مرورى ...
الرومنسى
22-02-2011, 06:18 PM
فكرتك رائعة وجميلة
بل لابد من الجميع ان يتبنى الفكرة
فهى الدعوة التى اطلقت من البدايه
ولابد من اتمام المسيرة