مبارك يتنحى عن الرئاسة ويكلف القوات المسلحة بإدارة شؤون البلاد

[محمد المصري]

أعلن نائب الرئيس المصري عمر سليمان أن الرئيس محمد حسنى مبارك تنحي عن رئاسة مصر وترك للمجلس الأعلى للقوات المسلحة لإدارة شؤون البلاد.
وغادر الرئيس المصري حسني مبارك بصحبة أسرته كلها القاهرة ، بحسب ما قال الجمعة مصدر مقرب من الحكومة لوكالة الصحافة الفرنسية.
وأفادت معلومات مؤكدة أن الرئيس مبارك وأسرته قد وصلوا إلى شرم الشيخ على متن طائرة الرئاسة، انتظارا لتطور الأحداث خلال الساعات القليلة القادمة.

[since1990]

ألف مبرووووك

[ابو اسامه]

هو اللى دمرنا وسرق قوت الشعب .. على العموم الحمد لله .. الف مبروك علينا كلنا .

[since1990]

الرئيس حسنى مبارك
أعطى لمصر كتير لكن أخذ أكثر وبدون وجه حق .
فعلا حاش عننا الحرب
بس عن طريق اتفاقيه الكويز مع اليهود, عن طريق بيع الغاز الى المواطن الاسرائيلى
بثمن أقل مما يأخذه المواطن المصرى المطحون. عن طريق بيع القدس...
يعنى بالعربى كده الحياه بدون حروب مقابل الأهانه....
الله لايسامحه...

[since1990]

أنا شفت خطاب أوباما من شويه مفيهوش أى حاجه تقلق...
وبعدين اسرائيل مستحيل تعمل حاجه دلوقتى لانها عارفه انها لوهاجمت مصر
هتلاقى فى ضهرها سوريا وحزب الله وايران...
ده غير الملايين اللى هايطوعوا فى الجيش...
وهاتبقى دى نهايه اسرائيل....

يوم القيامه قرب وربنا هايحسبنا على القدس....

[since1990]

ده الكلام اللى كان النظام البائد بيضحكوا بيه علينا.
احنا مسلمين وعارفين مسؤلياتنا كويس جدا تجاه وطنا ومقدساتنا.
ولو البديل للطاغيه هو الاحتلال فيا الف اهلا و سهلا بالجهاد فى سبيل الله والشهاده كمان...

[صلاح الشريف]

السلام عليكم
أخي الفاضل
ولية تعمل اكتر من كده
مبارك فعلا قائد عظيم
والهي العظيم الكل يندم علي البطل ده
أمركا نحركة واعدة العادة
وربنا يستر
علينا
وأي رئيس هيجي لمصر كل الحاشية الي ح

[lionking]

بحاول امنع نفسى من الرد بس مش قادرة بصراحة

اتمنى ان محدش يزعل

الرئيس شعبه خلعه وخلصنا خلاص

تنحى بعد ضغط الشعب عليه

وبعد بداية العصيان المدنى

المهم يعنى



انا برده مش قادرة افهم

الرئيس المخلوع كان رجل عسكرى لكنه بزى غير عسكرى !!!!!!

كل الوزراء او معظمهم عسكريين فيما عدا الوزارة السابقة كانت رجال اعمال !!!!!!

المحافظين رجال عسكريين بزى غير عسكرى !!!!!!!

رؤساء المحليات رجال عسكريين بزى غير عسكرى!!!!!!

يعنى اللى بيحكمنا عسكرى

مشكلتكم انكم شايفين البدل دلوقتى ادامكم

وبعدين هل يخطر على بال طفل صغير ان القوات الموجوده فى البلد حاليا هيا كل الجيش

ليــــــــــــــــــــــــــــــــــــــــــــــــ ــــــــــــه

حدودنا محمية كويس اوى

وكلنا واثقين فى الجيش وقدرته

امريكا بتدور على مصلحتها

لو مصلحتها مع العفريت هتروح لغاية عنده

مش معنى البواخر الحربية المتواجده فى المياة الدولية ان الحرب قامت

والدليل ان لم تُمس قناة السويس ولم يقم فيها اى اعتصامات ولا اضرابات

اسرائيل بئه اسوا من امريكا

يكفينا فخرا

ان اسرائيل دلوقتى مرعوبة مننا

ياريت ننسى بئه الكلام الفارغ اللى كان بيتقال

احنا بلد قوية ولها ثقل

والثقل ده من زمان مش من ايام الرئيس المخلوع وبس

ولا هننسى بئه

وياريت نتعلم شوية

يعنى ايه كرامة

يعنى ايه اعيش رافع راسى والناس تحترمنى

يعنى ايه لما اخوانا اللى المهجر واللى فى الخليج يعترفوا ويقولوا ان نظرة العالم اتغيرت ليهم


كفايانا ذل ومهانة وخيبة تقيلة

المصرى ما اتبهدلش ولا اتهان غير فى عهد المخلوع

حسبى الله ونعم الوكيل

[الرومنسى]

احبائى اصدقائى
لقد تابعت ردودكم بتمعن شديد واحييكم على ارائكم المختلفة بل وتناقدكم فى بعض الارآء وحتى وبعض من الديمقراطيه فى ردودكم وتحاوركم حتى الان لم نعرف معنى كلمة الديمقراطيه او حتى حسن الحوار واختلاف الرأى
شكرا للجمعيع على تغيير الفكر القديم وتسجيل ارآء بغض النظر ان كانت وجهة النظر سليمة ام خاطئة وكلنا يعلم ان اختلاف الوجهات لا يفسد للود قضية كما ان تعدد وجهات النظر ليس بمعناها انها جميعا خاطئة الا واحدة ولا جميعها صحيحة وردى سيكون فى موضوع فى قسم النقاشات بإسم (من اجلك مصر)

[اسامة22]

للاسف لم تكتمل المناقشة الجميلة
ودخلنا في شخصنة الامور
انا راي معروف من زمان الحل الكامل والجذري
مفيش انصاف حلول
اما تغير كامل وجذري واما بقائة ومرواغة وكام مادة تتغير وترجع ريمة لعادتها القديمة
اي ثورة في العالم المعاصر او القديم لابد لها من ضحايا ولكن شهد العالم ان شعب مصر ارقي شعوب العالم
ومفيش واحد حرامي يدخل بيت واحد منا ويمسكة مرة واتنين وتلاتة ويقولة روح الله يسهلك
المعني داخل السطور
وان شاء الله مصر هتبقي افضل واحسن مليون مرة من عصر الفرعون مبارك وهامان وجنودة
استمعت بكل كلمة من مؤيد ومعارض
وخلينا نشوف الايام اللي جاية هي اللي تطمن الناس اللي خايفة
ولون مبارك مكنش في عصرة آمان اصلا
واذا كان صاحب انجاز وعسكري حارب فكل عسكري ضحي ومازال موجود صاحب انجاز برضوا
كون بقي اسطول امريكي واسرائيل فمصر دولة قوية جدا ومحور استراتيجي مش سهل كدا امريكا او اسرائيل تدخل كدا
ارجوا الطمئنينة
وخلينا نعمر ونبني بلدنا افضل من اي خلافات
ناس هتقول صاحب انجازات عمل مترو عمل وعمل وعمل
علي فكرة اللي عمل دا كلة الشعب المصري الغلبان الموظف المطحون اللي الضرائب اكلت وشربت علي كاهلة
شوفوا تقارير ثروات الحيتان وصلت كم ياجماعة بدل الاختلاف دي اموالكم اللي نهبها مبارك وحاشيتة
بالله عليكم لو واخد اخد منك اعز ماتملك سلبك شرفك سلبك كرامتك
هتسامحة
وشكرا
طبعا كان نفسي اتناقش كتير ولكن ظروف عملي جعلتني اكتب سريعا
نرجوا الهدوء وندعوا الله لمصر كل خير وحرية ورخاء لكل فرد
حاجة اخيرة
شوفوا كلام حسب الله الكفراوي امس
واليوم كمال الجنزوري
الامور بتتكشف ومش محتاجة جهد ولاتعب
وانتوا تعرفوا مبارك عمل في البلد اية