حقك عليا يابويا

[اميرة حبى انا]

لازم نقول اسفين

http://www.vb.6ocity.net/imgcache/16440.imgcache.jpg (http://www.vb.6ocity.net/imgcache/16440.imgcache.jpg)


واجب على كل واحد غلط فى حق الراجل ده

يتأسف لانه فعلا يستاهل الاسف ده .. لانه خاف على البلد ومسبهاش

حد غيره بعد كل ال حصل ده ابسط حل انه يسيب البلد ويخرج ..
زى رئيس تونس مثلا قالوله امشى سرقها ومشى فى ثانية وغرقت
لكن ريسنا عاقل

راجل عسكرى .. سلام .. حرب ... سياسيى .. ببساطه دة فعلا حبيب البسطاء وواجب علينا كلنا كمصريين نتأسف

http://www.vb.6ocity.net/imgcache/16441.imgcache.jpg (http://www.vb.6ocity.net/imgcache/16441.imgcache.jpg)

لرمز فعلا يستاهل انه يتعمله تمثال جوا قلب كل مصرى .. زى ما الشعب مسك فى عبد الناصر احنا كمان ماسكين فى الريس بتاعنا

ده اب لكل مصرى .. ادينا شوفنا يامصريين اد ايه دول كانت شمتانا فينا ..

دة الريس اللى دايما رافع راسنا .... وزى ماقال ان كرامه المصرين من كرامه مصر ومصر لن تتهاون مع من يقلل من كرامتها ..


احنا راجعين اجمد واشد واقوى من الاول بكتير ..

كلنا من غير ما نقصد جينا من غير اتفاق .. مصر عايزه اللحظه دى عايزه منا الانتماء ...

كلنا شوفنا شوية المدسوسين واللى استغلوا انتفاضتنا كشباب ... اكيد كلكم شوفتوا

الصحفى الفرنسى اللى رمى صاحبه تحت الدبابه المصريه علشان يصوره ويقول الجيش المصرى بيموت المصريين والمتظاهرين


ياريت كلنا نقف جنب ريسنا وجنب بلدنا


ياجماعه الريس لو كان عايز يهرب كان هرب هو كان فى شرم الشيخ وشرم الشيخ فيها مطار كان سهل جدا انه يهرب

مش عيب انه ماكنش واخد باله ودلوقتى محا كل المخربين

العادلى ... غالى .. رشيد .. عز .. وغيرهم


مين فينا مدمعش من خطاب الريس.. لو مدمعتش يبقا قلبك جاحد

http://www.vb.6ocity.net/imgcache/16442.imgcache.jpg (http://www.vb.6ocity.net/imgcache/16442.imgcache.jpg)

احنا اسفين ياريس ..يازعيم العرب .. ومصر هتفضل ام الدنيا

معلش انا حبيت اعبر عن اللى جوايا

ومش عارفة كلمه اسفه دي هتديلوا حقه ولا لأ






http://www.vb.6ocity.net/imgcache/16443.imgcache.jpeg (http://www.vb.6ocity.net/imgcache/16443.imgcache.jpeg)



nUxbFa9a49A
انا عن نفسى بتأسف ومش مكسوف
عليكى يا مصر كان لازم اموت من الخوف
حقك علينا كلنا
ولحد اخر عمرنا
مش هننسالك جميلك
آسفين وجايين نعتذر

[اميرة حبى انا]

لو سمحتم دى وجهة نظر شخصية
وجهة نظرى انا
ومش بطلب من اى حد يعتذر
بس كمان بطلب من فضلكم اللى مش عجباه الفكرة
بلاش يكتب كلام مش حلو
اللى مش حلو كلنا عارفينه
بس خلاص بقى

[محمود التهامي]

بصي طيب يا ست الكل ومن غير خناق

أنا معاكي في كل اللي قولتيه
وفعلا الاصلاحات اللي بيعملها للبلد دلوقتي وموقفه من الأزمة حاجه محترمة جدا جدا
ومحدش يقدر يغلط فيه كسياسي محنك وقائد قدير
لكن كلنا خطاؤون وهو بصراحه غلطاته كانت كتير
وكان لابد من وقفه نراجع فيها نفسنا
مش معنى كدا برضه انه يتشتم او يتحاكم لكن برضه معتقدش اننا مضطرين نعتذرله
هو غلط واتسبب في جزء كبير من ازماتنا وهو السبب الرئيسي في اللي احنا فيه دلوقتي
والراجل اعترف وتحمل المسؤولية وعشان كدا مش هيسيب البلد

السيد الرئيس حسني مبارك رغم انجازاته التي لا نختلف عليها
ولكنه ابتعد عن الشعب واهتم بالسياسات الخارجية
تاركا السياسات الداخلية لابنه وشوية عيال تلعب بمصالح واقدار البلد

لم أبكي بعد خطابه الاخير

لكني سقفتله

وقولت لكل اللي يعرفوني من بعد خطابه الأول
وتعيينه للفريق أحمد شفيق واللواء عمر سليمان
انه كدا بجد ابتدا في طريق الاصلاح

عن نفسي لايعنيني الحاكم على اد ما يعنيني نظام حكمه
يعني لو استمر في الاصلاحات دي
يبقا معنديش اي مشكلة في انه يكمل الى ما لا نهاية
مش بس لنهاية ولايته

لن أعتذر
فلا أرى أنني قد أخطأت في حقه
ولكنه يستحق الشكر على ما بذله للبلد وعلى تمسكه بها رغم الأزمة
ومهما كانت اختلافاتنا
مصــر فــوق الجميــع

[اسامة22]

انا واحد من الناس تعاطفت معه بعد الخطاب
التعاطف شئ ومصالح الشعب شئ اخر
اولا انا معاكي الخروج يكون مشرف
ولااقبل الاهانة ولا الصور ولا الشتائم التي حدثت لة
ولكن هو مسؤل عن اشياء كثيرة جدا حدثت من فساد
عموما في النهاية نتمني الامور تعبر بأمان لمصلحة البلد والشعب
وشكرا
تم تعديل المشاركة مني

[اميرة حبى انا]

اولا الموضوع يعبر عن وجهة نظرى الشخصية ومطلبتش من حد يعتذر
والموضوع مش اجبارى
وطلبت ان اللى مش عاجبه الاعتذار ميردش
وصدقنى يا محمود
انا عارفة ومقدرة اللى انت قلته
بس هو اتشتم كتير جدا
وكلنا شوفنا ده بعنينا
انا بعتذر لراجل كبير اد ابويا
ومش معناها انى موافقة على اللى عمله
لكن لما ابوك يغلط فيك هتعلقله حبل المشنقة فى ميدان التحرير
زى ماقلت دى وجهة نظر شخصية ومافيش خناق يا محمود
ولا انا مش من حقى اعبر عن رأيى
اومال الثورة اتعملت ليه
ومتهيألى يامحمود
انت صقفتله لانك احترمته واحترمت موقفه
ولا ايه يا محمود

[خلود]

عندك حق يااميره هو كرجل فى سن ابويا وابوكى يستحق المعامله الحسنه وعدم اساءه معاملته واننا مش نصوره ونقول كل الكلام المستفز اللى اتقال عليه فى اللافتات اللى شفناها

ربنا معاك ياوالدى وانا شخصيا هقوله حقك علينا لاننا رغم اخطاءك لا تستحق هذه المعامله

وياريت من غير خناق وكلنا لنا وجهات نظر ومش شرط نتفق فيها بس مش لازم نتخانق

[اميرة حبى انا]

ياناس
ياعالم
هو فين الخناق ده
استغفر الله العظيم

[صلاح الشريف]

سلام عليكم
حسني مبارك
قائد عظيم
وهو ألان في
ساحة معركة الشباب
شباب 25
التاريخ شهداهم بحروف من نور والي ركبوا الموجة عيزيز يدمروا البلد
وتنحي الرئيس اكبر جريمة في حق الوطن والمواطنين أنا مع بقاء الريس لحين انتهاء المدة

[stylooo]

شكرا لكى يا أميرة

و لكن الظاهر أن المنتدى سوف نطلق عليه منتدى

السيد الرئس حسنى مبارك

بدلا من منتدى 6 أكتوبر

ما أقوله ليس جحود بقدر هو ترتيب أوراق

هذا القائد العظيم
يستحق الشكر و الثناء


على أقواله و أفعاله قبل 25 - يناير 2011

و لكن بعدها كشر عن أنيابه

و ظهرت نظرة استحالة لو أنى فى يوم استطيع نسيانها

لسوف تكون محفورة فى مخيلتى

أنه لم يكن الرئيس الذى تعودت عليه
هذا يا أميرة نقاش

و أكيد هو ليس بوالدى و لن يكون !!!!

فمن يشجع على القتل و سفك الدماء

و لا يعتذر للشعب فهو أخذته العزة بالأثم

و لكن الاصلاحات كتير قليل ما عد يهم البلد
لن تتقدم للأمام طالما فيها

مطبلين و مصقفين و هتيفة

و أنا التى تعتذر عن الكلام بهذه الطريقة

لزملائى الاعضاء

خالص الود لكم جميعا

[since1990]

والله العظيم يا جماعه احنا شعب عاطفى جدا ممكن كلمه تخلينا ننسى اهانات كتيره

[اميرة حبى انا]

والله يا جماعة انا عمرى ماكان ليا دخل بالسياسة ولا بحبها
وبصراحوة مش هخبى عليكو مش قادرة استوعب انه كان يعرف كل حاجة
او ان هو السبب فى اللى حصل فى التحرير بالليل وناس ماتت
فى ناس اتصلت بالفضائيات وقالت ان اللى عملوا كده من ضمن المعتصمين اللى هما الاخوان المسلمين يعنى وبيحلف انهم معاهم اسلحة لحد الان
انا بس حابة اعرفكم وجهة نظرى
يمكن تكون فعلا عاطفية
بس بقول احنا نطلع احسن واكرم من اى حد
ونحترم سنه
وهيمشى سواء دلوقتى او بعد كام شهر
بس من غير مانطرده
وصدقونى محدش هياخد حق حد
الا الحق سبحانه وتعالى
حبيت اوصلكم احساسى
يارب اكون وصلته صح

[مصطفى مامون]

احترام الاراء لايفسد الود بيننا وهذا اجمل ما فى الموضوع اننا اصبحنا الان نتكلم وهذا هو الاجمل لنخرج فى النهايه هل ظلمناه لنقول له اسفين ام ظلمنا ليقول لنا اسف
فتحيه لكل من شارك فى الحوار من كاتبه (اميره) الى كل المشاركين والله تلك هى الصحوه واليقظه

[اميرة حبى انا]

تصدق يا مصطفى انا شوفت صورة فظيعة جدا جدا جدا
مش قادرة اوصف
ومش عارفة فعلا زى ما بتقول
مين اللى المفروض يعتذر
وهل هو فعلا المسئول او عارف كل ده؟؟؟؟؟؟

[مصطفى مامون]

بهدوء يااميره وننظر للأمور بعقلانيه
انا عارف ومدرك تماما ان كلماتك نابعه من حق العاطفه زى ما قال محمود وانا مؤيده تماما ودا كان احساس كل مصرى بعد الخطاب لكن تعالى ننظر للموضوع وبنظره عقلانيه جدا ان الاحداث اللى حصلت او السنين اللى ضاعت من غير فايده كانت من غير علمه فأسف انى اقول دا عذر اقبح من ذنب انى ما كونش مدرك بكل كبيره مش صغيره فى البلد دى وطبعا اللى حصل من فساد وسرقات دى من الكبائر وانا معرفهاش وضُللت يبقى مااستحقش انى اكون راعى سيدنا عمر قال لو عثرت بغلة فى العراق لخفت ان يسألنى عنها الله يوم القيامه لما لم تمهد لها الطريق ياعمر وموضوع الحرب واكتوبر قائد المعركه زىه زى الراجل اللى عبر القناه زى الجندى اللى حضر الاكل للجنود كلهم شاركوا والا كلهم خلناهم رؤساء
احنا لما بنقول ان كان فيه فساد الكل هيقول اه مين مشارك فيه ويستأصل من الرأس الى الذنب او الذيل
عندما يفسد ابى ويسرف فى اموالى واموال اخوتى تحكم المحكمه عليه بالحجر
مش كده والا ايه