RSS
27-01-2011, 06:51 AM
سلامو عليكوووووووووووو
ازيكم يا كل الناس الحلوة اللي في القهوة
والناس الحلوة بس الوحشين لا:D
مقدمة :
عايز احكيلكم علي يوم تاريخي مش هنساه في حياتي
والهدف من الموضوع وضع الصورة واضحة وكامله للناس اللي منزلتش
وتشجيعهم انهم ينزلوا يقولوا كلمة حق لله
وليس الهدف اظهار بطولة غير موجودة لاني بصراحة
شوفت بطولات لا يمكن ان يصدقها عقل
اما انا فكنت مشارك بس معملتش حاجه غير الهتافات فقط
وكنت اتمني ان اري مقالا في الاهرام او الاخبار او الجمهورية يسرد بطولات اليوم ده
لكن لاقيت عنوان في اخر الصفحة بيقول استشهاد جندي ومصرع مواطنين
مش استشهاد مواطنين بس لازم الابطال ياخدوا حقهم
عشان المصريين فعلا اعظم شعب في الدنيا والله اللي شوفته اليوم ده يخلي اي انسان يضحي بنفسه عشان الشعب المصري
الاول اقسم بالله العظيم اني مش هقول كلمة محصلتش وان كلامي صح 100%
بس نبدأ بقي
الزمان:الساعة 2:00
المكان:دوران شبرا
اتفقت انا واعز اصدقائي علي النزول للمظاهرة ويا نرجع مع بعض يا منرجعش مع بعض ربط ايدي في ايده بكوفيه وتوكلنا علي الله
بدايه اليوم اتجمع حوالي 100 متظاهر في الدوران تم حصارهم بعدد 200 عسكري امن مركزي تقريبا
تزايد عدد المتظاهرين بعد قليل وعليت الهتافات واحنا محبوسين واذ هي دفعة واحدة عملنا ثغرة وانطلقنا الي الشارع فجري ورانا الامن وفرقنا الي مجموعات دخلت انا وصديقي في مجموعه عددها لا يزيد عن 40 ومشينا في الشوارع الجانبية في طريقنا الي ميدان التحرير وكان هتافنا
1-عيش-حرية -كرامة انسانية
2-قول يا محمد قول يا بولس بكرة مصر تحصل تونس
3-غلوا السكر غلوا الزيت بكرة تبيعم عفش البيت
4-يا اهالينا ضموا علينا الحرية ليكوا ولينا
وقولنا هتافات تاني كتير بس الظاهر كده ان الهتاف رقم 4 كان ليه اثر قوي جدا علي الناس
لاننا قبل ما نوصل لاول شبرا اصبح عددنا من 40 عند نقطة البداية الي تقريبا600 متظاهر
والعدد بدء يزيد كل ما مرينا علي قهوة او تجمع من الشباب
واذ فجأة امن مركزي واقف قافل اول شبرا ومش سامحلنا ننزل النفق اللي هو الطريق الوحيد المؤدي لميدان التحرير
قومنا واخدين طريق جانبي دخلنا علي حارة وطلعنا منها علي النفق والامن المركزي واقف ومدينا ضهره علي بعد 50 متر:D ما هي اصل الحرب خدعة
والحمد لله باقي طريقنا مشينا في شوارع رئيسية الي ميدان التحرير والاعداد تتزايد وتتعدي الالفين او التلاته
الساعة4:00 وصلنا ميدان التحرير الامن المركزي قافل طريق الدخول
احنا فاكرين ان عددنا كبير اكتشفنا اننا منجيش ربع الناس اللي جوه
اخواتنا اللي كانوا جوه شافونا محاصرين بعتولنا فرقه متظاهرين دخلونا
وشوفت بجد عدد عمري ما شوفته ولا حتي في ماتش مصر والجزائر:11ap:
دخلنا لاقينا الرجاله اللي جوه مطحونين ضرب بالعصيان وقنابل الغاز بتتحدف زي الرز والناس بتدمع وبردو واقفين صامدين دخلنا معاهم الامن لما لاحظ زياده الاعداد اوقف الضرب بس الغاز المسيل شغال فضلنا صامدين والاعداد تتزايد وكل الشوارع المؤدية الي ميدان التحرير مقفولة بالامن المركزي
وبمجرد علمنا بوصول متظاهرين ممنوعين من الدخول تروح فرقة مننا للتفاوض مع الامن لدخول المتظاهرين ويدخلوا اوقف الامن المركزي الغاز لفترة وبدء المتظاهرين في ضبط النفس
يكمل
ازيكم يا كل الناس الحلوة اللي في القهوة
والناس الحلوة بس الوحشين لا:D
مقدمة :
عايز احكيلكم علي يوم تاريخي مش هنساه في حياتي
والهدف من الموضوع وضع الصورة واضحة وكامله للناس اللي منزلتش
وتشجيعهم انهم ينزلوا يقولوا كلمة حق لله
وليس الهدف اظهار بطولة غير موجودة لاني بصراحة
شوفت بطولات لا يمكن ان يصدقها عقل
اما انا فكنت مشارك بس معملتش حاجه غير الهتافات فقط
وكنت اتمني ان اري مقالا في الاهرام او الاخبار او الجمهورية يسرد بطولات اليوم ده
لكن لاقيت عنوان في اخر الصفحة بيقول استشهاد جندي ومصرع مواطنين
مش استشهاد مواطنين بس لازم الابطال ياخدوا حقهم
عشان المصريين فعلا اعظم شعب في الدنيا والله اللي شوفته اليوم ده يخلي اي انسان يضحي بنفسه عشان الشعب المصري
الاول اقسم بالله العظيم اني مش هقول كلمة محصلتش وان كلامي صح 100%
بس نبدأ بقي
الزمان:الساعة 2:00
المكان:دوران شبرا
اتفقت انا واعز اصدقائي علي النزول للمظاهرة ويا نرجع مع بعض يا منرجعش مع بعض ربط ايدي في ايده بكوفيه وتوكلنا علي الله
بدايه اليوم اتجمع حوالي 100 متظاهر في الدوران تم حصارهم بعدد 200 عسكري امن مركزي تقريبا
تزايد عدد المتظاهرين بعد قليل وعليت الهتافات واحنا محبوسين واذ هي دفعة واحدة عملنا ثغرة وانطلقنا الي الشارع فجري ورانا الامن وفرقنا الي مجموعات دخلت انا وصديقي في مجموعه عددها لا يزيد عن 40 ومشينا في الشوارع الجانبية في طريقنا الي ميدان التحرير وكان هتافنا
1-عيش-حرية -كرامة انسانية
2-قول يا محمد قول يا بولس بكرة مصر تحصل تونس
3-غلوا السكر غلوا الزيت بكرة تبيعم عفش البيت
4-يا اهالينا ضموا علينا الحرية ليكوا ولينا
وقولنا هتافات تاني كتير بس الظاهر كده ان الهتاف رقم 4 كان ليه اثر قوي جدا علي الناس
لاننا قبل ما نوصل لاول شبرا اصبح عددنا من 40 عند نقطة البداية الي تقريبا600 متظاهر
والعدد بدء يزيد كل ما مرينا علي قهوة او تجمع من الشباب
واذ فجأة امن مركزي واقف قافل اول شبرا ومش سامحلنا ننزل النفق اللي هو الطريق الوحيد المؤدي لميدان التحرير
قومنا واخدين طريق جانبي دخلنا علي حارة وطلعنا منها علي النفق والامن المركزي واقف ومدينا ضهره علي بعد 50 متر:D ما هي اصل الحرب خدعة
والحمد لله باقي طريقنا مشينا في شوارع رئيسية الي ميدان التحرير والاعداد تتزايد وتتعدي الالفين او التلاته
الساعة4:00 وصلنا ميدان التحرير الامن المركزي قافل طريق الدخول
احنا فاكرين ان عددنا كبير اكتشفنا اننا منجيش ربع الناس اللي جوه
اخواتنا اللي كانوا جوه شافونا محاصرين بعتولنا فرقه متظاهرين دخلونا
وشوفت بجد عدد عمري ما شوفته ولا حتي في ماتش مصر والجزائر:11ap:
دخلنا لاقينا الرجاله اللي جوه مطحونين ضرب بالعصيان وقنابل الغاز بتتحدف زي الرز والناس بتدمع وبردو واقفين صامدين دخلنا معاهم الامن لما لاحظ زياده الاعداد اوقف الضرب بس الغاز المسيل شغال فضلنا صامدين والاعداد تتزايد وكل الشوارع المؤدية الي ميدان التحرير مقفولة بالامن المركزي
وبمجرد علمنا بوصول متظاهرين ممنوعين من الدخول تروح فرقة مننا للتفاوض مع الامن لدخول المتظاهرين ويدخلوا اوقف الامن المركزي الغاز لفترة وبدء المتظاهرين في ضبط النفس
يكمل