-- :: " حاسب نفسك صح " ::

[RSS]

http://www.arabsys.net/pic/bsm/62.gif
" حاسب نفسك صح "



http://xa.yimg.com/kq/groups/56800616/sn/589478029/name/126.jpg

كتير مننا قرأ كلمات زي
حاسبوا أنفسكم قبل أن تحاسبوا
و في ناس كتير فعلا ماشاء الله بيحاسبوا نفسهم
على أورادهم كذكر أو قراءة القرآن و الصلاة و غيره
بس للأسف في مننا كتير
ممكن يكون بيحاسب نفسه غلط!
يعني ايه؟؟
يعني محاسبة النفس دي ليها أصول
زي أي حاجة في حياتنا
ليها أصول
في ناس بتحاسب نفسها صح فبتوصل في الآخر انها قصرت في كذا و كذا و تبدأ تعدله بفضل ربنا عليها
و ناس تحاسب نفسها غلط لدرجة أنه ييأس من نفسه و من حياته و انه يقدر يكمل الطريق

لذلك عايزين نبقى جامدين حتى و احنا بنحاسب نفسنا ..


http://xa.yimg.com/kq/groups/56800616/sn/589478029/name/126.jpg

طيب نتكلم من الأول
هو أنا لازم أحاسب نفسي
أيوة طبعا
عارف انت عامل زي المسافر على الطريق
لازم يبقى معاه خريطة
عشان يعرف هو فين ووصل فين
مايبقاش ماشي و خلاص

قال تعالى

( يَا أَيُّهَا الَّذِينَ آمَنُوا اتَّقُوا اللَّهَ وَلْتَنْظُرْ نَفْسٌ مَا قَدَّمَتْ لِغَدٍ وَاتَّقُوا اللَّهَ إِنَّ اللَّهَ خَبِيرٌ بِمَا تَعْمَلُونَ * وَلا تَكُونُوا كَالَّذِينَ نَسُوا اللَّهَ فَأَنْسَاهُمْ أَنْفُسَهُمْ ) [الحشر:18،19]

ربنا يجعلنا من عباده الذين يذكرهم و يذكرونه
و سيدنا عمر بن الخطاب كان بيقول

(حاسبوا أنفسكم قبل أن تحاسبوا، وزنوها قبل أن توزنوا، فإن أهون عليكم في الحساب غداً أن تحاسبوا أنفسكم اليوم، وتزينوا للعرض الأكبر، يومئذ تعرضون لا تخفى منكم خافية).

يعني حاسب نفسك قبل أن تفاجئ انك مكنتش ع الطريق يوم الحساب
يوم أن نقف امام رب العالمين
تمام كدا؟؟


http://xa.yimg.com/kq/groups/56800616/sn/589478029/name/126.jpg

أول حاجة نتكلم فيها
أحاسب نفسي على ايه؟؟ !!!
و دي حاجة مهمة
ماتعملش زي اللي حاسب نفسه مثلا
و قال ماصليتش سنة الظهر
أنا مصليتش سنة الظهر
أنا فاشل أنا ضايع
أنا مش نافع
و ينسى مثلا انه عاق أمه يومها الصبح
عايزين نحاسب نفسنا صح
الإمام ابن القيم رحمه الله حطلنا خطة جميلة جدا لمحاسبة النفس
نقولها و بعدين ندردش شوية
أولاً: البدء بالفرائض، فإذا رأى فيها نقصاً تداركه.
ثانياً : ثم المناهي، فإذا عرف أنه ارتكب منها شيئاً تداركه بالتوبة والاستغفار والحسنات الماحية.
ثالثاً : محاسبة النفس على الغفلة ويتدارك ذلك بالذكر والإقبال على الله.
رابعاً: محاسبة النفس على حركات الجوارح، كلام اللسان، ومشي الرجلين، وبطش اليدين، ونظر العينين، وسماع الأذنين، ماذا أردت بهذا؟ ولمن فعلته؟ وعلى أي وجه فعلته.


http://xa.yimg.com/kq/groups/56800616/sn/589478029/name/126.jpg

الإمام ابن القيم بيقول أول حاجة نبدأ بيها الفرائض
فاكرين لما قلنا أحب الأعمال الى الله الفروض
أفضل حاجة نتقرب بيها لربنا سبحانه و تعالى هي الفروض اللي الملك فرضها علينا
فخطوة أولى تسأل نفسك عن الفروض

الصلاة "الفرض"

رمضان

ان عليك زكاة

ان استطعت الحج

و أهم حاجة الشهادتين طبعا لازم تبقى متيقن منهم و انت بتقولهم
و ربنا يرزقنا التوحيد و يتوفانا مسلمين

http://xa.yimg.com/kq/groups/56800616/sn/589478029/name/126.jpg

النقطة التانية في خطة المحاسبة
المناهي
مثلا السجاير
يبقى نوقفها فورا قبل ما افكر انا بصلي السنن و الا لأ
و حلها التوبة
و ربنا يتوب علينا
و ربنا يغفر و لا يبالي بل هيبدل سيئاتك الى حسنات

قال تعالى:

(إِنَّ الْحَسَنَاتِ يُذْهِبْنَ السَّـيِّئَاتِ ذَلِكَ ذِكْرَى لِلذَّاكِرِينَ)

فماتشيلش هم توب و توكل على ربنا
و نبدأ في الحسنات الماحية تكتر من حسناتك


http://xa.yimg.com/kq/groups/56800616/sn/589478029/name/126.jpg

ثالثا تحاسب نفسك على الغفلة
و الذكر
و على فكرة الذكر أنواع كتيير
تبدأ من أول قراءة القرآن لغاية ماتقعد تكلم الناس عن ربنا
فعشان نفسك لا تمل نوع معين من الذكر نوع في الذكر
و ربنا يجعلنا و إياكم من الذاكرين و الذاكرات


http://xa.yimg.com/kq/groups/56800616/sn/589478029/name/126.jpg

آخر حاجة في محاسبتك لنفسك

تشوف عمل الجوارح زي مثلا غض البصر و ايدك عملت بيها ايه النهاردة و نخلي بالنا برضه من المواضيع اللي بننشرها على النت ... وهكذا

و أهم حاجة لسانك

لأن اللسان سبحان الله يا اما يبقى طريقك للجنة بالذكر و الكلمة الطيبة يا إما و العياذ بالله للنار فبالغيبة و النميمة
خالي بالك من لسانك !
نصيحة من حد بيحبك في الله


http://xa.yimg.com/kq/groups/56800616/sn/589478029/name/126.jpg


تاني نوع من المحاسبة
و دا نوع خطير جدا
كلنا فعلا محتاجينه
المحاسبة قبل العمل
نشوف خطتها و بعدين ندردش تاني سوى

"محاسبة النفس قبل العمل فهو أن يقف العبد عند أول همه وإرادته، ولا يبادر بالعمل حتى يتبين له رجحانه على تركه. قال الحسن رحمه الله: رحم الله عبداً وقف عند همه، فإن كان لله مضى، وإن كان لغيره تأخر. "
يعني
دلوقتي انت قايم مثلا تكلم صاحبك ع التليفون
انا رايح أكلمه ليه
هحكيله ان أيمن عمل كذا و كذا و نتريق و نغتابه
و الا هتصل بيه أفكره بربنا و نتفق على حاجة كويسة نعملها
هتلاقي نفسك حياتك بفضل الله بدات تتظبط طالما حاسبت نفسك قبل العمل
و الأهم الأهم
نيتك ايه
و دايما خالي نيتك
" رضاك يا رب"
حتى الابتسامة نبقى نيتنا ربنا يرضا عنا
و ربنا يرضى عني و عنك ان شاء الله


http://xa.yimg.com/kq/groups/56800616/sn/589478029/name/126.jpg

تاني حاجة بعد العمل

نحاسب نفسنا ازااااااااااي بعد العمل !!

6 اشياء نقولهم وندرتش برضه
تانى مع بعض

1- الإخلاص في العمل.
2- النصيحة لله فيه.
3- متابعة الرسول صلى الله عليه وسلم فيه.
4- شهود مشهد الإحسان فيه.
5- شهود منة الله عليه فيه.
6- شهود تقصيره فيه.

الإخلاص و زي ما قلنا عملك لله لأن غير كدا هيبقى للأسف وبال علينا
ربنا يرزقنا الإخلاص و يجعلنا من أهله
و اذا خايف على نفسك من الرياء

حبيبنا النبي صلى الله عليه وسلم حلها لنا
قال رسول الله - صلى الله عليه وسلم- :

يا أبا بكر ، للشرك فيكم أخفى من دبيب النمل والذي نفسي بيده ، للشرك أخفى من دبيب النمل ، ألا أدلك على شيء إذا فعلته ذهب عنك قليلة و كثيرة ؟ قل : اللهم إني أعوذ بك أن أشرك بك و أنا أعلم ، و استغفرك لما لا أعلم

الراوي: معقل بن يسار المزني المحدث: الألباني - المصدر: صحيح الأدب المفرد - الصفحة أو الرقم: 551
خلاصة حكم المحدث: صحيح

ماتنساش الدعاء دا
احفظه و ردده
و ربنا يرزقنا الإخلاص

تاني حاجة مهمة
الاتباع
يعني عملك يبقى زي ما النبي صلى الله عليه وسلم كان بيعمل
زي ماتعلمنا ان الفجر ركعتين و ماينفعش أصليه تلاتة
كذلك حياتك كلها زي النبي صلى الله عليه وسلم
النبي صلى الله عليه وسلم قدامنا و احنا وراه

الحاجة المهمة التالتة
لازم تبقى متيقن ان العمل اللي عملته من فضل الله عليك
و دا بإذن الله ان خليته في قلبك هيصرف عنك العجب من العمل
و العجب من محبطات العمل
لذلك لما قلبك يتيقن ان العمل دا رزق من الملك لك
بإذن الله مايدخلش في قلبك عجب
آخر حاجة تشوف نفسك قصرت و الا لأ
يعني صليت كويس؟؟
صمت كويس ؟؟
و هكذا
دا يما ندعي ربنا اللهم أعنا على ذكرك و شكرك و حسن عبادتك
ربنا هيعينك بإذن الله


http://xa.yimg.com/kq/groups/56800616/sn/589478029/name/126.jpg

تقبل الله منا ومنكم صالح الاعمال
م / ن