امنيتك ايه النهارده

[خلود]

http://www.vb.6ocity.net/imgcache/15407.imgcache.gif (http://www.vb.6ocity.net/imgcache/15407.imgcache.gif)

http://www.vb.6ocity.net/imgcache/15617.imgcache.gif

بتحلم بايه
بتفكر فى ايه
بتتمنى ايه النهاردة
يلا بينا نحكى احلامنا وامنينا كل يوم حتى ولو كانت بسيطة
و اكيد يعنى كل يوم بيبقي ليك امنية عاوز تحققها في يومك
http://www.vb.6ocity.net/imgcache/15618.imgcache.gif

[فريد]

نفسى من غير تفكير
اقفل عنيه افتحها
القى نفسى فى الحرم
يارب
لكل مسلم على وجه الارض
يارب يارب يارب

[lionking]

امنيتى النهاردة اللى نفسى تتحقق

هههههههههههههههههههه

مش هقولك عليها

دى سر

النهاردة دى سررررررررررررررر


بكرةبئه اقول امنيتى

[فريد]

امنيتى النهاردة اللى نفسى تتحقق

هههههههههههههههههههه

مش هقولك عليها

دى سر

النهاردة دى سررررررررررررررر


بكرةبئه اقول امنيتى





هو احنا هانهزر بقى
ايه هو الا سر

[lionking]

يا ابنى بقول سررررررررررررر

هو انا مجنونة يعنى

اقولك ان امنيتى انى اروح اعمل الحج

لا طبعا مش قايلة حاجة خااااااااااااااالص

واسكت بئه

[فريد]

يا ابنى بقول سررررررررررررر

هو انا مجنونة يعنى

اقولك ان امنيتى انى اروح اعمل الحج

لا طبعا مش قايلة حاجة خااااااااااااااالص

واسكت بئه





خلاص مش عاوز ة تقولى انتى حرة
هاروح اسال حد تانى
عن السر بتاعك
الا مش عاوزة تقولى لحد عليه
ربنا يكتبهالك ان شاء الله

[lionking]

يارب يا فريد

ويكتبهالك انت كمان وكل المسلمين

ان شاء الله

بس امانة السر ده فى بييييييييييييير

مش عايزين لمه بئه والناس تبصلنا فى الامنية

ماشى

[فريد]

يارب يا فريد

ويكتبهالك انت كمان وكل المسلمين

ان شاء الله

بس امانة السر ده فى بييييييييييييير

مش عايزين لمه بئه والناس تبصلنا فى الامنية

ماشى




لا فى بير
هو انا مش فاهم انك مش عاوزة تقولى
لحد انك عاوزة تروحى الحج ان شاء الله
لا مش هاقول
انا مش بحب اخش فى اسرار حد
ولا اقول على ليون انها عاوزة تحج مليش دعوة

[خلود]

ههههههههههههه

منورين ياالذ اعضاء

ويارب يحقق امانيكم ويكتبها لنا جميعا

انا بقى امنيتى انام بعد يوم تعب جامد جدا ومدرس داخل ومدرس خارج
وطبعا امنيتى ولادى وكل الولاد ينجحوا يارب

[ابو اسامه]

وانا نفسى الكل يبقى مسالم .. ولا يكون فيه عصبية .. والناس تتعامل بالعقل .. وأولادى
اسامه ومحمد ربنا يوفقهم فى الأمتحانات ونفسى ربنا يكرم أولاد استاذه خلود ويوفقهم .. يارب يارب ..
بس مش عاوز حاجه تانى .... ابو اسامه ...

[خلود]

شكرا على امنيتك ابو اسامه ويارب ينجح كل الاولاد يارب ويوفقهم فى امتحاناتهم

اما امنيتى دلوقتى ان بلدنا ميحصلش فيها حاجه ابدا

وربنا يستر علينا

[فريد]

نفسى افتح عين و اغمضها
القى الدنيا اتظبطت بجد و الناس فهمت

الديمقراطية الصحيحة
و الحرية التى يقودها الشخص نفسه ليعلم متى يتوقف
و اين و لماذا و ان حريته ليست مطلقة بل محدودة
وهو من يضع سقف حدوده حسب دينه و ثقافته و حياته
وان الشعب الرائع اصبح يعيش فى حالة جيدة
محترمة واننا استعدنا اموالنا المهربة
و انهم يدونى منها ربع جنيه بس اسدد ديونى

[خلود]

ربع جنيه بس

ايه كل التواضع ده يافريد

وبعدين ديون ايه دى اللى تتسدد بربع جنيه

هههههههههههه

امنيتى النهارده ان كل اعضاءنا الغاليين يرجعوا من تانى بقى ومش يغيبوا عننا ابدا

[الرومنسى]

امنيتى
ان الانسانة اللى قلبى حس بيها تحس بيا
اكتر من كدة

[خلود]

جمعه مباركه على كل الاعضاء

امنتيتى بقى النهارده ان الترم ده يخلص بسرعه والولاد كلهم ينجحوا

لانى خلاص كده اتخنقت

واحلى صباح للكل:50 (31):

[شذا]

امنيتى انى انجح وافرح امى يارب

وكل البنات تنجح علشان البنات غلابه

[الرومنسى]

ههههههههههههههههههه
لا غلابة والنبى ياختى

[فريد]

امنيتى بحلم بفجر سعيد
ييجى علينا كانه العيد
وتلبس مصر توبها الجديد
و نتتحرر بعد ماكنا عبيد
و بلدنا تطلع بالبنا و التشييد
دى احلامى انا العبد لله الفقير فريد

[اسامة22]

الستر والرضا والعافية في اولادي
وكل الخير لمصر ولشعبها

[خلود]

امنيتى ان بنتى ربنا يهديها وتتحمل الكام يوم دول قبل الامتحان وربنا يعديها على خير
ويارب نجحهم كلهم

[خلود]

امنيتى ان النهارده يجيب لنا اخبار احلى من امبارح ويهدى حال بلدنا يارب

[اسامة22]

امنيتى ان اسمع خبر نجاح اولادى وكل الاولاد

واشوف ابنى الصغير اللى اتولد وانا خارج مصر

[nogafoda]

ربنا يفرحك بنجاحهم ان شاء الله
ويردك لهم سالما باذن الله

[خلود]

يارب يانوجا يسمع منك ويرجع لهم بالسلامه

اكيد وحشوك يااسامه جدا

[قموره]

انا كمان امنيتى ترجع لهم يااسامه وتنور بلدك من تانى

[شذا]

انا نفسى النهاردة لو اشوف كل الناس اللى بحبهم مرة واحدة علشان وحشونى جدا كلهمhttp://www.vb.6ocity.net/imgcache/23218.imgcache.gif

[فريد]

انا نفسى النهاردة لو اشوف كل الناس اللى بحبهم مرة واحدة علشان وحشونى جدا كلهمhttp://www.vb.6ocity.net/imgcache/23218.imgcache.gif



امنية حلوة ياشذا
و يارب تشوفيهم كلهم

انا بقى نفسى و منى عينى
و بحلم و هافضل كده اروح احج
ياه مش قادر انس ايام العمرة
يارب نسالك الحج و كل المسلمين
يارب اكتب لنا جميعا الحج

[قموره]

انا امنيتى حبى يجد له مكان وحبيبى يحس بى شويه

وبلاش تريقه وتقعدوا تقولوا ياعينى على اللى حب ومطالش

[فريد]

انا امنيتى حبى يجد له مكان وحبيبى يحس بى شويه

وبلاش تريقه وتقعدوا تقولوا ياعينى على اللى حب ومطالش


هههههههههههههههه
يعينى على الا حب و لا طالشى
بس قولى لى عليه و انا اشد ودنه
هو معندوش نظر يعنى و لا ايه

و انا امنيتى النهارده ان كل الناس
تحقق امنيتها
ايه رايك فى الامنية دى

[خلود]

هههههههههههه

ربنا يحقق للجميع امنياته

انا امنيتى ان الاقى البسمه على وش كل حزين والفرحه فى قلب كل مخنوق

[شذا]

وانا امنيتى انى انجح فى كل حاجه

[فريد]

و انا امنيتى ان يعود الاسلام ليسود العالم
ليعود السلام
الى الجميع

[خلود]

وانا امنيتى ان حسنى وولاده والعادلى يخدوا حكم ومتكونش دى تمثيليه

[خلود]

امنيتى النهارده يكون عام دراسى جميل هادى ناجح

[فريد]

امنيتى ان تحل جميع المشاكل العالقة
على الطاولات
و التى تحتها
لينتهى الخلاف
و نبداء مصر الجديدة

[خلود]

اركب لها مترو المرغنى مصر الجديده دى

حاجه غلب

زهقنا

[فريد]

اركب لها مترو المرغنى مصر الجديده دى

حاجه غلب

زهقنا



الميرغنى هايعدى على العروبة
عند بيت الرئيس المخلوع
بلاش اركبى النزهة افضل
او اقلك عبد العزيز فهمى
و يعدى على ميدان روكسى و بعدين
الميرلاند

[فريد]

نفسى مصر تفوق بسرعة

[خلود]

امنيتى اروح فى حته تانيه مفيهاش حد من الى اعرفهم خاااااااااااااااالص

[NiGhT DeViL]

نفسي اخد عزله من البشـــــــــــــــــر

فى جزيرة هادية




















..


..



او فى خرابه مش معترض بس تبقي عزله وخلاص

[وردة الايمان]

نفسى يوم 25 يناير يعدى على خير

وما يبقاش فيه اى احتجاجات او مظاهرات

[فريد]

هو هايعدى ان شاء الله
بس من غير
احتجاجات او مظاهرات
مقدرش اوعدك
صعبة جدا الصراحة

[خلود]

امنيتى اصحى الصبح الاقى بتاع الانابيب بيدق تحت البيت
وزى ما تكون بقى ولو ب 40 ج هجيبها
بقالى يومين من غير انبوبه
اهئ اهئ اهئ

[محمود التهامي]

امنيتي
يتقبض على كل الثورجيه والنخب اللي قرفتنا في كل القنوات والاعلاميين الثوريين السياسيين
ويتم اعلان الاحكام العرفية
وكل محافظة يكون ليها حاكم عسكري لمدة سنتين
يتم فيهم اعادة بناء مصر ومؤسساتها
ووضع دستور مبني على اسس سليمة
برأي الشعب وليس النخب اياها
ويتم الاستفتاء على مواده منفرده

بعدها يتم الاعلان عن فتح باب الترشيح لرئاسة الجمهورية
من المصريين من اصول مصرية لحد الجد الرابع على الاقل
وبشرط يكونو مقيمين في مصر ومولودين فيها ولم يسبق لهم التجنس او الزواج من اي جنسية تانية
او العمل في اي منظمة دولية او كيان دولي غير مصري ولم يترك مصر لأكثر من خمس او عشر سنوات على الاكثر

اقولكم
انا هبقا ملك مصر لمدة خمس سنين وخلاص
اظبطلكم كل حاجه واسلمها لرئيس منتخب في نهاية المدة
وهاخد مرتب شهري 50% بس من الحد الاقصى للأجور اللي هو حوالي 15 مرة الحد الادنى

ولو طلع معايا في اخر فترة حكمي اكتر من مرتبي اللي حصلت عليه من الدولة
احاكم محاكمة عسكرية



هروح بقا انام واحلم بالباقي وابقا اكمل لكم بكرة لو افتكرت
ههههههههههههههههههههههههههههههههههههه
تصبحو على خير

[محمود التهامي]

كان ليا تعليق على امنية وردة ان يوم 25 يعدي على خير
اعتقد والله اعلم انه هيعدي على خير ان شاء الله
لان الجهات الامنية مستعدة له كويس
والحمد لله ناس كتير فاقت من غيبوبة الثورة
وعرفت ان مصلحة البلد دلوقتي في الاستقرار

لكن

اعتقد ان المشاكل مش هتكون يوم 25 تحديدا
لكن غالبا هتكون اول 10 ايام في شهر فبراير

لعدة اسباب

اولها ان الثوار يقنعو اكبر قدر ممكن من الشعب
انهم مظلومين وان الجيش بيحرض عليهم الناس
وانه كان بيسخن الناس عليهم بدون داعي
وانهم عمرهم ابدا ماكان هدفهم حرق او تخريب البلد

وبكدا يكسبو تعاطف اكبر
وتزيد الاعداد اللي ممكن تنزل معاهم وقت ما يدعو للنزول الحقيقي
اللي زي ما قولت غالبا هيكون في اول 10 ايام من شهر فبراير
وغالبا هتكون اول او تاني جمعه

وساعتها تحصل الفتنه الحقيقية
ويظهر الطرف التالت
- اللي هو اساسا الطرف الاول -
ويضرب شوية من القوات وشوية من الشعب
زي ما عمل في يناير بالظبط

لو تفتكرو يوم 25 كان هادي جداا
وتاني يوم ناس كتير اتشجعت ونزلت
وهنا بدأت الفتنه وظهرت القناصة وبدأ القتلى في التساقط

نفس المخطط هيتكرر

نزول سلمي
كسب تعاطف وحشد اكبر
اعادة تعبئه وحشد لنزول تاني
ويكون هو دا اللي عليه القصد و النية

[قموره]

امنيتى ان اللى زعلان يفرح والعيان يخف وان الغايب يرجع لاهله واحبابه

يارب حقق امنيتى

[fagrmasr01]

اللهم انشر الحب والتراحم
بين أهلى وأحبابى وفى كل ربوع بلدى

[فريد]

امنيتى
ان كل
واحد
ليه
امنية
تتحقق
ضيعت عليكم امنيتى
مش خسارة فيكم

[ghada]

ههههههههههههههه

انا امنيتى انى اشوف البلد فى احسن حال


وان كل شهيد ياخد حقوا

وان حسنى مبارك يتحاكم

هو وال معاه

وان ماما تخف

[مصطفى مامون]

امنيتى ان الزمالك ياخد الدورى ودا طبعا مش هيحصل

[خلود]

يابابا احلم باللى ممكن يحصل فعلا

ايه الناس دى

امنيتى ان الاقى حد عاجبه حال البلد ومش عنده اى كومنت على اللى بيحصل

[مصطفى مامون]

لا الزمالك ياخد الدورى اهون شفيلك امنيه غير دى

[قموره]

امنيتى ان اولاد حسنى مبارك والعادلى يخدوا عقاب يستحقووووووووه

[ahmedabdelziem]

امنيتى ميكونش فى يوم حد زعلان منى

[nogafoda]

نفسي مفيش حد فيكم يكون زعلان مني
لان غيابي كان غصب عني
وكل سنه وانتم طيبين

[مصطفى مامون]

امنيتى ان كلنا نتقبل بعض
المسلم يتقبل المسيحى
والغنى يتقبل الفقير
والقوى يتقبل الضعيف وصاحب الرأى يتقبل ناقديه وناقدى الرأى يتقبلوا رأى كاتبه

[ahmedabdelziem]

يؤسفنى يامصطفى اقولك ان فوز الزمالك بالدورى اسهل من اى واحده فى اللى فات

[مصطفى مامون]

والله يااحمد لو جت على الزمالك واللى قلته يحصل والكل يتقبل الكل يبقى طظ فى والا اقولك بلاش لحسن اهلى يقطعونى لو شتمت عليه احنا عيله من كبيرها لصغيرها زملكاويه

[ahmedabdelziem]

والعيله طبعا يامصطفى عندها ضغط
عموما ربنا يشيل عنهم بس للاسف
الاهلى برضو هو اللى بيكسب دايما
بس تعرف والله الزمالكاويه دول ناس عندهم اصل
بالرغم من اللى حصلهم بسبب الزمالك
لسه واقفين معاه وبيشجعوه

[خلود]

[QUOTE=ahmedabdelziem;206542]والعيله طبعا يامصطفى عندها ضغط
عموما ربنا يشيل عنهم بس للاسف
الاهلى برضو هو اللى بيكسب دايما
بس تعرف والله الزمالكاويه دول ناس عندهم اصل
بالرغم من اللى حصلهم بسبب الزمالك
لسه واقفين معاه وبيشجعوه
وربنا انت رخم

هههههههههه

[اميرة حبى انا]

امنيتى ربنا ياخدنى
قولوا آمين

[مصطفى مامون]

يارب ما تسمعلهاش دى مش عارف حاجه

[lionking]

مش هقول امنيتى

وانا حره فى نفسي واهة رخامة وخلاص

[فريد]

لا حول ولا قوة الا بالله
ايه الامنيات الا تسد النفس دى
واحدة عاوزة ربنا يخدها
والتانية مش عاوزة تقول
انا مش فاهم
جرى لكم ايه ايها النساء
على العموم
امنيتى بجد اقوم من النوم
القى حد بيقول فتح باب الجهاد
لتحرير الاقصى
انام تانى ههههههههه
اسجل و اروح اموت هناك
وتبقى موتة حلوة
معايه يااميرة
مش ربنا يخدنى و خلاص

[خلود]

وانا امنيتى ان الاقى بلدى احسن بلد فى الدنيا واختفى منها الفساد والرشوه والواسطه

والنى يارب حقق امنيتى قبل ما اموووووووووووووووووت

[قموره]

امنيتى ان ارتاح والحاجه اللى مضايقانى تختفى شويه

[فريد]

امنيتى ان اسمع عن من احب
مايحبون ان يسمعون
و مايجعلهم سعداء

[خلود]

امنيتى محدش يزعل منى ابداااااااااااااااا

لانى بحبكم كلكم وربنا

[فريد]

امنيتى ان حبيبتى الغالية الرائعة
المبدعة المتالقة
الفائقة الجمال و الروعة
مصر
ان تعود لتاخذ مكانه الطبيعى
كدولة رائدة
يارب

[fagrmasr01]

اللهم الطف بمصر من شر الظلم والقهر والفساد والمرض والجهل

[ahmedabdelziem]

ان الناس تفكر بدل ماتخرب
وتعرف تقتضى بالقدوه الصحيحه

[ام عمر شريف]

امنيتى ان يكون فى اى جديد عن شقق بنك الاسكان التى كانت فى سنه 2009 وتم عمل القرعه العلنيه وتحددت الشقه والعماره ولا جديد لحد الان ياريت لو فى جديد حد يطمنا

[خلود]

امنيتى بلدى ترجع تانى احسن من الاول

وكل الغايبين يرجعوا المنتدى تانى ولو انى عاره ان فى كتير منهم مش هيجوا تانى خالص

بس اهى امنيه وبتمناها ويارب تتحقق

[هاني عبد المنعم]

نفسي دايما أبقى ضحكة كل مجروح او حزين
نفسي أغني لكل عاشق في بلاد العاشقين

[lionking]

نفسي فى حاجات كتير اوووووووووووووى

بس مش هقولهالكوا خاااااالص

[حاتم جلال]

ليه بس ياست الكل

ما احنا عايزين نعرف امنياتك

اكيد امنيات جميله زى كتاباتك

انا كمان امنيتى هقولها بعد ليون

ويارب حقق لنا امياتنا

[قموره]

امنيتى يرجع لنا عضو كان كتاباته جميله جدا وهو المشرف العام ( فريد )

وياريت يكون شايف كلامى وبيتابعه ويعرف اننا عايزينه معانا

[lionking]

ربنا يخليك يا حاتم

والله اخجلتم تواضعنا

http://up.6ocity.net/uploads/6ocity-13787182001.jpg (http://up.6ocity.net/)


هقول امنيتي بتاعت النهارده

نفسي الواد الصغير اللى ساكن جنبنا يبطل يقف يقول مرسي مرسيييييي

اوو اوووووووووووو

[قموره]

هههههههههههههههههههههههههه

اغريه بأى حاجه بيحبها مثلا شيكولاته وبلاى استيشن اى حاجه هتلقيه بيقولك سيسى سيسى اووو اوووو ويغنى لك تسلم الايادى

ههههههههههههههههههه

[lionking]

هههههههههههههههههههههههههههه

انا بدخل البلكونه ابرق له

هههههههههههههههههههههههههههه

[خلود]

ههههههههههههههههههه

حرام عليكى الواد يامفتريه

قدك ده

سيبى الواد يفرح يالبون

[هاني عبد المنعم]

اني اعيش لحد محقق كل احلامى

[خلود]

ربنا يحقق لك كل احلامك يارب

وعلى فكره انا بعدل لك الخط وبكبره لانه واضح انك بتدخل من تليفون والخط بيكون صغير جدا

[خلود]

امنيتى بلدى حالها يكون احسن ويبعد عنها الحاقدين والخونه

[حاتم جلال]

اتمنى الاقى بنوته تكوندماغها كبيره بجد
اعتذر للاسلوب بس هى امنيه بجد

[@الملاك الطيب@]

أن جميع الاعضاء يتفاعلو من مشاركات ومواضيع

[قموره]

جميله امنيتك ياملاك

اتمنى الاقى البلد فيها خير كتر والحاجه ترخص تانى

[حاتم جلال]

امنيتى اقرب بين وجهات نظر الاخوان اللى مصممين ان مرسى راجع وبين كل الشعب الرافض لهم

ربنا يهديهم

[خلود]

http://www.arbeme.com/up/uploads/13771776914.jpg

يارب بحق الصباح الجديد تعدى السنه الدراسيه على خير ونجح ولادى وكل الاولاد يارب

[هاني عبد المنعم]

ربنا يرد كل غريب لبلده

[قموره]

يارب ياهانى

امنيتى رضاء ربى

[@الملاك الطيب@]

ان ربنا يصلح حال بلدنا الغاليه
مصر

[حاتم جلال]

ان قاتلى اللواء الشهيد يخدوا جزاءهم حالا

[هاني عبد المنعم]

.. بطلت أحلم ..

[خلود]

يوم ما نبطل نحلم نموت

امنيتى انى افرح زى من كام يوم كده

[lionking]

والله ما انا عارفه اتمني ايه ولا ايه

بس يارب الامان لمصر

[قموره]

اتمنى ربا ينصر الحق ويهدى الحال

[خلود]

مبقتش عارفه اتمنى لان مافيش حاجه بتتحقق خالص

[قموره]

يارب مصر يارب

احفظها واحميها من الخوارج

[هاني عبد المنعم]

بتمنى ربنا يوفق ويعين كل ام وكل اب ليه بنت او ابن في الدراسة ويشوفهم يارب أحسن وﻻد في الدنيا
وبتمنى الوﻻد يحسوا بتعب اهاليهم وخصوصا الام ﻻن حملها تقيل اوي وبعد الولد مبيكبر يقف ويقلها انتي عملتيلي ايه يعني
وبتمنى اللي ليه ام عايشة يحطها في عنيه ولو بعيد عنه يتصل بيها يقولها بحبك يا ماما يا اغلى حاجة في الدنيا

[خلود]

[QUOTE=هاني عبد المنعم;210633]
بتمنى ربنا يوفق ويعين كل ام وكل اب ليه بنت او ابن في الدراسة ويشوفهم يارب أحسن وﻻد في الدنيا
وبتمنى الوﻻد يحسوا بتعب اهاليهم وخصوصا الام ﻻن حملها تقيل اوي وبعد الولد مبيكبر يقف ويقلها انتي عملتيلي ايه يعني
وبتمنى اللي ليه ام عايشة يحطها في عنيه ولو بعيد عنه يتصل بيها يقولها بحبك يا ماما يا اغلى حاجة في الدنيا
[/

اسمح لى ياهانى اشكرك على امنيتك ودعوتك لكل الامهات

https://encrypted-tbn3.gstatic.com/images?q=tbn:ANd9GcRmm_VmWNOERKT9xVzwtCmcbzFxgnmub KzHRGdBeNAUoebc0DSSaA

بتمنى ربنا يهدى الولاد لانهم مرخمين اوى وزى ما كونوا بيذاكروا لنا ]

[قموره]

امنيتى انى الاقى كل الناس بتحب بعضها

ومحدش بيكره حد خالص

[حاتم جلال]

امنيتى ان نعيش يومين كويسين مش فيهم ارف ولا زهق

[lionking]

بتمني ان كل الناس تعرف معني السعاده
واللى غايب يرجع لاحبابه

[محمد المصري]

اتمنى اشوف ناس مشفتهمش من زمان فى المنتدى

[فريد]

اتمنى من كل قلبى ان الود والحب والروح الجميلة و الناس الاجمل ترجع تانى
انا بقالى سنين بعيد عن المنتدى مش عارف ليه رجعت تانى
بس بجد الناس وحشتنى بجد
اتمنى ان الرسالة دى توصل لكل واحد اتعملت معاه هنا
صباحكم ود وتفؤل وحب

[هاني عبد المنعم]

هكذا يمضي كل منا في طريق متسارع الخطوات يخدعه السراب البعيد وفجأة يقف متثاقلا ويمر على خاطره أحلى الذكريات يتذكر أحبابه الذين تركهم من ورائه وظن أنه يستطيع أن يتركهم في ركن منسي من ذاكرة الايام , متمنيا حلما لا يعود إلا اذا عاد هو معاك أستاذ فريد