المساعد الشخصي الرقمي

مشاهدة النسخة كاملة : وللأحزان اعود


fagrmasr01
08-07-2009, 10:48 AM
احبابى اهل المنتدى الكرام

حاولت ان اكتب عن السعادة والافراح ، وبذلت جهدى وحاولت ان أحيا الأمل
فلا تلومونى ان عدت الى رشدى ورجعت الى أرض الواقع.. أرض الأحزان


لكنى كنت كالظمآن للماء بالصحراء يلتمس السراب
وحييت الاف السنين وفتحت أبواب الأمل الف باب
منيت نفسى بالأمانى
و كتبت للحب الأغانى
ورسمت عيون حبيبتى أسطورتى بألف الف كتاب
وعشت الاف السنين بعِشقِها حياً فوق السحاب
وأفقت ذات صباح وجدتنى بين النجوم تائه حيران
تتقاذفنى امواج الرياح بحزنها ، وحدى مع الاحزان
تجتاح روحى رعشةً ، وبقلبى آهة تحرق الوجدان
تذكرنى انها من جنس النجوم ملك وأننى انسان
تساقطت اشلاء روحى تحترق فى فوهة البركان
تفكك جسدى ملايين القطع توزعت على الاكوان
فى زهور الحزن يحيا باكياً يحكينى لعاشق ولهان
وتطير ذرات الجسد النحيل بقدم فراشة النسيان
تكتب فى الهواء.. وبالهواء.. قصة عاشق الوجدان
اميرة حبى انا
08-07-2009, 11:46 AM
وراح فين الامل يا استاذ جمال
ايه اللى رجعك للحزن تانى
هى صحيح كلمات معبرة جدا
بس حزينة
واحنا ما صدقنا بقى عندك امل
راح فين بس
fagrmasr01
08-07-2009, 11:57 AM
اميرة ..
انا عارف انى احيا أحزانى فى اشعارى

وهى مجرد كلمات للتنفيس عما يدور بداخل وجدانى


وكم من سراب يحياه القلب فلما يفيق
قد لا يجد حوله من أهل ولا صديق


ولعلها العودة الى الحقيقة المجردة



شكرا لمشاركتك واهتمامك
واتعهد بألا اكون مزعج فى احزانى
DMR
08-07-2009, 12:22 PM
تجتاح روحى رعشةً ، وبقلبى آهة تحرق الوجدان
تذكرنى انها من جنس النجوم ملك وأننى انسان
تساقطت اشلاء روحى تحترق فى فوهة البركان
تفكك جسدى ملايين القطع توزعت على الاكوان
فى زهور الحزن يحيا باكياً يحكينى لعاشق ولهان

ايه الحزن الفظيع ده لازم يكون الامل موجود في كل وقت

بس حلوة اوي
تسلم ايدك و خللي عندك امل دائمااااااااااااااااااااااااااااااا
fagrmasr01
08-07-2009, 01:37 PM
اشكرك على مرورك يا دى دى
ولكنها الصدمة الحقيقية
حين يفيق الانسان فجأة
ويعرف ان الحب بين الانسان وملكة النجوم غير منطقى


تذكرنى انها من جنس النجوم ملك وأننى انسان


شكرا لكى دى دى الف شكر
واعتذر عن ازعاجكم بأحزانى
إبراهيم البشبيشي
08-07-2009, 04:31 PM
سلمت يمينك
abo trieka elking
08-07-2009, 05:17 PM
حلوة قوى شكرا استاذ جمال
خلود
08-07-2009, 07:03 PM
ولكنها الصدمة الحقيقية
حين يفيق الانسان فجأة
ويعرف ان الحب بين الانسان وملكة النجوم غير منطقى


تذكرنى انها من جنس النجوم ملك وأننى انسان


ليه كده بس ياجمال


اتصدمت ازاى بس
ورجعت لاحزانك ليه تانى
احنا ما صدقنا رجع لك امل خلاك تكتب كلمات جميله


راح فين املك تانى عمل اضراب ليه تانى
ملحقناش نفرح وياك بالامل اللى رجع لك
fagrmasr01
08-07-2009, 10:44 PM
شكرا استاذ ابراهيم البشبيشى
مرورك على اى موضوع شرف
fagrmasr01
08-07-2009, 10:45 PM
شكرا ليك انت يا كابتن ابو تريكة
مرورك وتعليقك
اسعدونى جدا
fagrmasr01
08-07-2009, 10:51 PM
خلود
شكرا جزيلا لاهتمامك بالحالة النفسية كمان لأعضاء المنتدى
هى مجرد سحابة حزن تمر بعقل او قلب الشاعر
والكتابة مجرد تعبير
وليست بالضرورة فقدان الامل او الدخول فى اى مرحلة من مراحل اليأس
فأحزان الشعر كما قالوا عنها سابقاً

أعذب الشعر أكذبه
وهى ليست مسبة للشعراء بأنهم كذابين
ولكنها محاولة التعبير والإتيان بصور جمالية لتزداد تأثيرات الوصف

اكرر شكرى لكى يا رائعة المنتدى
lionking
09-07-2009, 11:18 AM
لكنى كنت كالظمآن للماء بالصحراء يلتمس السراب
وحييت الاف السنين وفتحت أبواب الأمل الف باب

حلوة اوى بجد تسلم ايدك يا
شاااااااااااعر يا كبييييييييييير
fagrmasr01
09-07-2009, 12:11 PM
ليون
شكرا يدائمة التألق
اشكرك على مرورك الجميل اللى بيسعدنى وعلى تشجيعك اللى بيساعدنى

ربنا يبارك لك ويكرمك
آمين
habiby
09-07-2009, 11:19 PM
شاعرنا الرائع انا احب كل ما تكتب وبكل احساسى احييك على انك متمكن فى وصف مشاعر الحب والحوزن والقرب والبعد وحتى الوطنية والمعارضة
لكن فعلا احزانك صعبة اوى لدرجة اننا بنعيشها مع حضرتك وبنتالم جدا مع احزانك
لو كانت اشعارك مجرد اشعار كنا نصقف لها بكل قوة
لكن مش عارفين ازاى نصقف على جبل احزان احنا حاسين انه فوق قلب شاعرنا الى بنحبه

يارب تخرج من حزنك وتفرحنا بخروجك منه بسرعة يارب
fagrmasr01
10-07-2009, 08:51 AM
لكن فعلا احزانك صعبة اوى لدرجة اننا بنعيشها مع حضرتك وبنتالم جدا مع احزانك
لو كانت اشعارك مجرد اشعار كنا نصقف لها بكل قوة
لكن مش عارفين ازاى نصقف على جبل احزان احنا حاسين انه فوق قلب شاعرنا الى بنحبه
يارب تخرج من حزنك وتفرحنا بخروجك منه بسرعة يارب
أشكرك جزيل الشكر على كلماتك الرقيقة الطيبة
جزاك الله عنى خير .. ربنا يبارك لى فيك وفيكم جميعا
آمين