-- عمل الرجل في البيت هل يؤثر على رجولته ؟؟

[خلود]

الســــــــــــــلام عليكــــــم و رحمـــة الله و بركاتـــــــــــه


إخواني و أخواتي الأعزاء حبيت نشارك كلنا بهالموضوع


إن مساهمة الرجل في أعمال المنزل تشكل عاملاً مهماً في تحسين جو الألفة مع زوجاتهم، وتعطى المرأة سعادة أكبر

و أنه على الرغم من أن المرأة والرجل لم يتساويا بعد إلا أنهما في الطريق الى ذلك رغم ما تحمله هذه التحولات من تفكك اسري، وأن مشاركة الرجل في أعمال المنزل يزيد شعور النساء بالعدل والرضا وتقل الخلافات العائلية... ‏

ترى هل عمل الرجل في المنزل ينتقص من رجولته..؟ ومارأي المرأة والرجل في ذلك؟ وهل هناك حدود لعمل الرجل في مساعدة الزوجة يجب أن لا يتخطاها حتى لا تقل هيبته أم هذا الأمر مرفوض قطعياً. ‏

ياريت نعرف رأى الرجل؟؟؟؟؟؟؟

تحيااااااااااااتى

[مصطفى مامون]

ايه ياخلود الكلام الغريب ده وازاى الراجل بهيبته وقوته وسطوته فى البيت يساعد مراته هى مسئوله مسئوليه تامه عن البيت امال تبقى ازاى الرجوله اسف انى اقولك انك خانك التوفيق فى اختيار الموضوع لاننا نرفض رفضا باتا الاسلوب ده اننا نساعد او نعاون فى البيت يامدام دا شغلها وهى تقوم بيه وبعد كده ابقى اختارى المواضيع اللى متقللش مننا كرجاله على اخر الزمن نعاون ونساعد لا مبقاش الا كده ياخلود
معلش هقطع معاكى الحوار وهبقا اكمله بعدين لحسن متنرفز من اللى قلتيه وبعدين الغسيل على الحبل ولازم المه لحسن الدنيا شكلها هتمطر والحق اعمل اكل العيال سلام دلوقتى
هههههههههههههههههههههههههههههههههههههههههههههههههه
كنت بهزر موضوع رائع ياخلود

[خلود]

ماشى يامصطفى يامسبب لى احباط فى كل حاجه كده:50 (8):

روح ياشيخ وتعال بسرعه:storm_9401257127043

يابنى لازم مساهمه ومساعده كده من الراجل

هى الحياه الزوجيه ايه غير مساهمات ومساعدات ومشتروات ومصروفات وحاجات كده
امشى يامصطفى بسرعه المطره بتمطر لم الغسيل بسرعه وتعال:storm_6014232031094

[اسامة22]

اساس الحياة الزوجية مبنية علي روح التعاون بين الزوجين
وقول الله تعالي
وجعلنا بينكم مودة ورحمة
بالعكس عندما يساعد الرجل زوجتة مش شرط بدنيا
حتي لو هيقف جنبها ويشجعها بكلمة حنينة يدردش معاها
مش هتحس بتعب بالعكس هتكون في غاية السعادة
عندما تجد المراة زوجها يساعدها معنويا علي اعباء الحياة
ومستعجل وكان نفسي اكتب اكتر من كدا
بس ظروف شغل حاليا تمنعني
خلود دائما اختيارك للقضية في منتهي الجمال والروعة
اشكرك
وسلام

[nogafoda]

يا ريت يا جماعه كلكم تيجو تقولو لجوزي الكلمتين دول
احسن انا تعبت خلاص ومش عارفه اعمل ايه
موضوع جميل يا خلود كعادتك

[zizi1234]

طبعا الرجل لازم يساعد والا الحياة لن تستمر طويلا طيب دا انا اخىويا بيعمل كل حاجة ما عدا الرضاعة طبعا ودا راجع اساسا للتربية التى تجعل البنت زى الولد مهيش كمالة عدد

[ابو اسامه]

طبعا .. اشكرك جدا استاذه خلود على مواضيعك القيمه ..
وانا من فوق هذا المنبر اعلن :
المشاركه بين الرجل والمرأة فيها من المتعه ما يستحيل وصفه ..
فهذا لا ينقص من هيبة الرجل ابدا .. ان رسول الله صلى الله عليه وسلم كان يساعد زوجاته فى كل شئ .
فهذا رسول الله القدوة لنا جميعا .. فهنيئا لمن كان رسول الله له قدوة .. شكرا لكى سيدتى .. ابو اسامه ...

[الرومنسى]

طيب انا معاكى يا استاذتنا
بس الاول اهنأ الاخت المديرة
فى قسم شرطة ستة اكتوبر
يعنى ممكن تمسكى الطبنجة وتضربى الحرامية بالورقة بالليل
انا ممكن اساعد بس فى اساس لعملى اقوم عليه دا اللى ممكن اعملو
لكن ان الراجل زى الست صعب قوى انى اصدق ده انا الانثى كيان لا نستطيع ان نتجاهلة لكن كل شئ بحدود
مش الرضاعة اللى تفرق
وبعدين ممكن اجيب ببرونة

[فريد]

سئلت عائشة ما كان النبي صلى الله عليه وسلم يصنع في بيته؟ قالت: كان في مهنة أهله . رواه البخارى

و طبعا مش عيب كلما امكن و كان هناك وقت ان نساعد
انا شخصيا باخد الطبق بتاعى و انا ماش
اضعه فى الحوض هاقطع نفسى يعنى و لا ايه
و غالبا غالبا الشاى عليها و النسكافيه دائما
يلا كله بثوابه

[مصطفى مامون]

الراجل فى البيت بيقوم باعمال شاقه صعب جدا ان الست فى البيت تتخيلها وانا اؤيد فريد فى كلامه يعنى انا مثلا مبخليش حد يقلبللى قنوات التليفزيون على العكس انا بلاقى متعه فى كده انى اقلب الريموت رغم مشقة الدوس على زراير الريموت انما لازم يكون فيه مساعده وكمان بستعمل الكيبورد بنفسى ومن الاعمال الشاقه اللى بعملها ويستحيل اى واحد له طاقه على عملها تخيلوا تخيلوا انى
بستنى الاكل عشان يتعمل طبعا هى دى روح المشاركه

[اميرة حبى انا]

وايه يعنى لما الراجل يساعد مراته
معلش شوفوا مين هيروح يقول لجوز نوجا
ويبقى يعدى علينا
:50 (8):

[فريد]

وايه يعنى لما الراجل يساعد مراته
معلش شوفوا مين هيروح يقول لجوز نوجا
ويبقى يعدى علينا
:50 (8):



يروح لجوز نوجا ماش
يعدى عليكم يعمل ايه
ولا مؤخذة
الاطباق برضه

ولا ايه معلش
اصلى مش فاهم النظرية حضرتك

[since1990]

والله يا خلود اللى اقدر اقوله فى الموضوع ده
انى قريت مؤخرا احصائيه تقول أن 40% من الرجال
يساعدون زوجاتهم فى اعمال المنزل
وأنا بقى الحمد لله من ال60 % التانيين. هههههه

[خلود]

هههههههههههههه

بجد ردودكم كلكم زى العسل

مصطفى وفريد ياعينى ياعينى بيتعبوا جامد جدا

تصدق صعبتم على خالص

وكمان سينس طلع من ال 60 % التانيين

تصدقوا كلكم مفترين وربنا يسامحكم بقى:50 (8):

[فريد]

الراجل فى البيت بيقوم باعمال شاقه صعب جدا ان الست فى البيت تتخيلها وانا اؤيد فريد فى كلامه يعنى انا مثلا مبخليش حد يقلبللى قنوات التليفزيون على العكس انا بلاقى متعه فى كده انى اقلب الريموت رغم مشقة الدوس على زراير الريموت انما لازم يكون فيه مساعده وكمان بستعمل الكيبورد بنفسى ومن الاعمال الشاقه اللى بعملها ويستحيل اى واحد له طاقه على عملها تخيلوا تخيلوا انى
بستنى الاكل عشان يتعمل طبعا هى دى روح المشاركه


و الله يامصطفى ياحبيبى
محدش حاسس بينا
وبالتعب الا بتعبه
من اجل المساعدة المنزلية
بس انت بتتعب جدا ياحبيبى
وصعبت عليه
ومش عاوزك تعمل كده تانى
هايخدوا علينا كده

[اللورد]

والله انا لسة مجوزتش بس من اللى انا قرئته انا كد احسن بكتير بقى منها ......... رضاعة ههههههههههههههههههههههههههههه وضرب ولم هدوم كمان لالالالالالالا
محدش يدور على بنت الحلال انا كدة ميه ميه ههههههههههههههههههههههههههه

[خلود]

كده برضو يالورد

ده حتى الزواج نصف الدين

يلا كمل دينك وتعال انضم لل 60 % اللى ملتزمين جدا جدا

اقف فى الطابور بتاع مصطفى وفريد