المساعد الشخصي الرقمي

مشاهدة النسخة كاملة : شمس عمري ...


محمود التهامي
06-01-2009, 09:29 PM
ما زلت أسبح في بحر عينيك


باحثا لي عن مرسى


فلا حبك يهديني ولا جمالك يغرقني


ما زلت أبحث عنك


وأقود الثورة ضد عيونك


وأحاول أن أغزو قلبك


فترتد سهامي إلى صدري


فيزيد حبي لك وانتمائي لعينيك


ولا ينقذنني من الموت في حبك


إلا إيماني ببريق عينيك


فإذا بي أصير رسولا في عشقك


احمل من عينيك أعذب الكلمات


أدعو بها إلى حبك


فلا يؤمن بي إلا من ذاب فيك عشقا


ولا أجد لغرامك ناصرا إلا قلبي


فهو مازال أسيرا لك


تائها في مدارك


يا شمس عمري






******




مش منقول ... ماشي .. عايز ردود بقا




بس خدو بالكو أنا المشرف



ههههههههههههههههههههههههههههههه



****************
محمود عبد الله
06-01-2009, 09:33 PM
لو واحد حب يعبر عن حبه لواحدة بالشعر
هتقول فى عقل بالها ( الحق ده هيقولى شعر )
عارفين يا جماعة انا بحب واحدة من فترة
بس اخدت على نفسى عهد انى انسا حرف ال(ح و ب) الى الابد
و اخلى افعالى هما اللى يقولوها صدقنى الحب فعل مش كلمة
محمود التهامي
06-01-2009, 09:43 PM
صدقني انت بقا ولا حتى الفعل بقا ينفع اليومين دول

المشكلة مش في الفعل او القول

المشكلة في اللي بيستقبل الافعال والاقوال دي

فيه ناس بتحس وفيه ناس نايمة في العسل

فيه ناس بتعرف تحب وفيه ناس متعرفش يعني ايه حب

من الاخر يعني لو الطرف التاني عنده استعداد يحب هيحب من غير ولا حتى اشارة

ولا بقا كلام ولا افعال ولا حتى كنوز الدنيا هتخلي حد يحب حد هو اساسا مش في تفكيره

ماشي بس متزعلش بقاا
اميرة حبى انا
06-01-2009, 11:51 PM
ماشى ياعمو المشرف يا محمود حرام عليك الفكرة اللى عندك دى مش معممة
وانت يامحمود عبدالله الحب فعل اه
بس البنات والستات محتاجين يسمعوهااااااا
افهموها بقى
وبرافو عليك يامشرف والله
جامد بجد
محمود عبد الله
07-01-2009, 11:18 AM
فى البيت انشاء الله نبقا نغنيها سوا
اميرة حبى انا
07-01-2009, 11:52 AM
انت بتحبها ولا بتغنيها
قصدى بتغنى عليها
إبراهيم البشبيشي
08-02-2009, 09:00 PM
أيه يا جماعة

هي بقت خناقة ولا ايه

عموما سيبنا من الخناقة وخلينا في الشعر

أيه الحلاوة دي

أيه الجمال ده

أيه المشاعر دي

لأ شاعر بجد والله يا بني

وخليك على الدرب واحنا معاك بنشجعك يا مشرف إلى الأمام دوما

وخدها نصيحة من مشرف .. عمر الاشراف ماهيجبيلك إعجاب .. لكن الشعر هو سبب الإعجاب

وكفاية عليك ده أحسن تفتكر نفسك بتعرف تكتب ولا حاجة
محمود التهامي
08-02-2009, 09:14 PM
وكفاية عليك ده أحسن تفتكر نفسك بتعرف تكتب ولا حاجة

ههههههههههههههههههههههههههههه

هو لو كنت بعرف كان بقا دا حالي
إبراهيم البشبيشي
08-02-2009, 09:41 PM
ماشي ياعم البصمجي

ولا انت لسه مانضميتش لنقابة البصمجية

طيب سارع وقدم طلب انضمام لنقابة البصمجية

مشفوع بشهادة اتنين بصمجية من أعضاء النقابة

يمكن تلحق لك مكان
DMR
08-02-2009, 10:43 PM
بجد شعر يجنن جمييييل اوي:o
شكرا لك
محمود التهامي
08-02-2009, 10:44 PM
شكرا لردك المشجع الجميل dmr
fagrmasr01
08-02-2009, 11:09 PM
احساسات جميلة واضح فيها المعايشة
انا حاسس انها كلمات حية .. فعلا فيها حياة ... وتنبض بمعانى صادقة
وجميلة فعلا ..

الله ينور على حضرتك فعلا

اما عن الحب .. واختلاف الآراء فيه ..
فكل الاراء صح طبعا ..
المشكلة ان الحب عند وصوله
يصبح فعلا مشكلة
لالالا
يصبح مشكلة المشاكل
لانه يغير المقاييس .. والمفاهيم ..
وفى وجود مشاعر الحب الى بجد ...
فان كل المعتقدات العقلانية تصبح توافه
ويصبح المجال المغناطيسى للمحبوب هو دائرة احساس ونبض المشاعر
الحب يغير من الاباطرة .. يجعلهم خدماً مطيعين بارادتهم .. ان وقعوا فعلا فى شباك الحب
ويغير من الاشخاص العاديين يجعلهم اباطرة .. فحبيبتى اراها امبراطورة حقيقية وأقيم لها فى قلبى مراسم التتويج .. وأصبح انا شعبها .. وحكومتها
ومن الثانية الاولى للحب يشعر قلبى بأن قلب محبوبتى قد قام بإعلان تنصيبى امبراطورا على كامل انحاء مملكتها

وحتى فى زمن الماديات .. الحب لا يموت
ابحث انا عنه برغم انى تعديت الخمسين .. ويبحث عنه الطفل فى المهد ..
الحب.. هو الحياة
وبغير مشاعر الحب .. تموت البشرية وتفقد الحياة كل معانيها

شكرا للشاعر المشرف .. والله ينور على حضرتك
محمود التهامي
09-02-2009, 12:08 AM
شكرا جزيلا فجر

اسعدتني كلماتك كثيرا
خلود
10-02-2009, 11:33 PM
بجد شعر جميل اوى يامحمود وعايزين كمان من ده
محمود التهامي
12-02-2009, 09:15 PM
شكرا على تشجيعك خلود
محمود التهامي
02-10-2009, 01:45 PM
ياااااااااااااااااااااه يا عم جمال

تصدق انا دخلت الموضوع تاني صدفة

بس اللي مستحيل يكون صدفة الكلام اللي حضرتك كاتبه واللي حسيته احلى بكتيييييييير من كل محتويات القسم
اسمحلي هقتبسه تاني لانه بجد عجبني قوي قوي قوي

المشكلة ان الحب عند وصوله
يصبح فعلا مشكلة
لالالا
يصبح مشكلة المشاكل
لانه يغير المقاييس .. والمفاهيم ..
وفى وجود مشاعر الحب اللى بجد ...
فان كل المعتقدات العقلانية تصبح توافه
ويصبح المجال المغناطيسى للمحبوب هو دائرة احساس ونبض المشاعر

وكل الشكر للسؤال اللي بسببه فتحت القسم دا تاني وخلاني دورت انا كاتب فيه ايه
وشكرا لصاحبة السؤال dmr
fagrmasr01
02-10-2009, 03:06 PM
انا من يجب على ان اشكرك
على اشعارك الى بجد جميلة اوى

وكنت قلت لك زمان الشاعر المشرف

دلوقتى الشاعر المدير الشاعر الكبير
كبير القيمة والمكانة مش كبير السن زى حالاتنا
ربنا عز وجل يمتعك بشبابك ويمتعنا باشعارك الجميلة
خلود
04-10-2009, 01:04 AM
[quote=محمود التهامي;36684المشكلة ان الحب عند وصوله
يصبح فعلا مشكلة
لالالا
يصبح مشكلة المشاكل
لانه يغير المقاييس .. والمفاهيم ..
وفى وجود مشاعر الحب اللى بجد ...
فان كل المعتقدات العقلانية تصبح توافه
ويصبح المجال المغناطيسى للمحبوب هو دائرة احساس ونبض المشاعر

اكيد الحب بيغير من المحب بدرجه 360 درجه

ده كلام مافيش خلاف عليه بس لو حب حقيقى

الحب بيخلى الحبيب لو ملك بيتنازل عن عرشه لاجل حبيبته

بيحضرنى هنا بعض كلمات من قصيده جميله جدا لنزار قبانى

احبك جدا..
احبك جدا وأعرف اني أعيش بمنفى
وأنت بمنفى..وبيني وبينك
ريح وبرق وغيم ورعد وثلج ونار.
واعرف أن الوصول اليك..اليك انتحار
ويسعدني..
أن امزق نفسي لأجلك أيتها الغالية
ولو..ولو خيروني لكررت حبك للمرة الثانية..
يا من غزلت قميصك من ورقات الشجر
أيا من حميتك بالصبر من قطرات المطر
أحبك جدا واعرف أني أسافر في بحر عينيك دون يقين
وأترك عقلي ورأيي وأركض..أركض..خلف جنوني
أيا امرأة..تمسك القلب بين يديها
سألتك بالله ..لا تتركيني
لا تتركيني..
فما أكون أنا اذا لم تكوني

عذرا للمداخله محمود وللاضافه