المساعد الشخصي الرقمي

مشاهدة النسخة كاملة : -- واحد سال مصرى عاوز تموت ازاااااااااى؟



خلود
13-01-2011, 06:49 AM
عاوز تموت شهيد
يا تركب قطر
يا تركب عباره
ياتركب طياره



عاوز تموت م الجوع
ياتشترى شقه بالقسط
ياتشترى عربيه بالقسط
يا تدخل عيالك مدرسة خاصة




عاوز تموت م الحسره
ياتتفرج ع الفاترينات فى ستى ستارز
ياتروح زياره لمارينا


عاوز تموت م الغيظ
ياتتفرج ع القنوات المحليه
ياتتفرج ع النشره الجويه


عاوز تموت م الزهق
ياتستنى الإشاره لما تفتح
ياتستنى دورك فى التأمين الصحى
ياتستنى دورك فى الفرن




عاوز تموت م الهبل
يا تسمع تصريحات المسئولين بعد كل كارثة
يا تتفرج على برامج المسابقات


عاوز تموت مخنوق
ياتروح مصلحه حكوميه
يا تقرا الجريده اليوميه




عاوز تموت م الخضة
يا تركب ميكروباص
يا تعدى الشارع على رجليك




عاوز تموت مفروووس
ياتقف تستنى تاكسى
ياتركب الترام




عاوز تموت مرعوووووب
ياتستنى نتيجه الثانويه العامه
ياتستنى نتيجه التحاليل عند الدكتور




عاوز تموت مشهور
ياتتجوز رقاصه
ياتنصب على بنك




عاوز تموت مليونير
ياتعمل فيديو كليب
ياتلعب كوره




عاوز تموت ورا الشمس
ياتشغل مخك
ياتفتح بؤك




عاوز تموت م الحزن
ياتحط الحكومه ف بالك
يا تشجع الزمالك




عاوز تموت م الضحك
يا تسمع تصريحات وزارة الصحة و التعليم
يا تروح تتطعم من أنفلوانزا الخنازير


عاوز تموت ف حالك
أعمل نفسك دايما....مش واخد بالك

الله يرحمو كان راجل طيب!!!!!!!!

اسامة22
13-01-2011, 10:30 PM
الله الله الله
يسلم قلمك وقمة سخريتك الرائعة
موضوع يستحق نجمة كبيرة
يانجمة المنتدي

محمد المصري
13-01-2011, 10:42 PM
حلوة اوى التشبيهات دى

واية بتلمس واقع احنا عايشينة

تسلم ايدك ياخلود

اميرة حبى انا
14-01-2011, 01:01 AM
عاوز تموت (http://www.vb.6ocity.net/showthread.php?t=40638) م الضحك
يا تسمع تصريحات وزارة الصحة و التعليم
يا تروح تتطعم من أنفلوانزا الخنازير
معلش انا هخلى دى تموت من الغيييييييييييظ

مصطفى مامون
14-01-2011, 01:17 AM
بجد تسلم ايديكى خلود ويسلم فكرك وكلماتك بس انا
مش عايز اموتتتتتتتتتتتتتتتتتتتتتتتتتتتتتتتتتتتتتتتتت

يسرى السيد
14-01-2011, 02:26 AM
رائعه جدا
تسلم افكارك
واللى مش عايز يموت
يعيش من غير دماغ باه ويريح نفسه

خلود
14-01-2011, 02:43 AM
هههههههههههههه

مش كده برضو يايسرى

جميله اوى ردودكم والاجمل تواجدكم الرائع

الرومنسى
14-01-2011, 03:19 AM
آخر ما اكتب فى المنتدى
الله يرحمنى
بعد الكلام دة يبقى انا اموت شهيد
تسلمى يا مديرة