المساعد الشخصي الرقمي

مشاهدة النسخة كاملة : فرح القلم بالأمل


fagrmasr01
03-07-2009, 09:36 PM
ليالى طوال حاولت اقول فيها للقلم يكتب
كلام يتقال ..
ولو موال ..
صرخ قلمى
كفاية جدال
رفض قلمى وقال لى.. اوعى يوم تكدب

ارجوك ياقلمى اكتب لى اللى جوه احساسى
كلام مفهوم ..
نكد وهموم...
دروس وعلوم ..
لقيت القلم عاصى
وكل كلمة من راسى
فى كراسى
الاقى القلم غضبان وعلى كل الكلام يشطب

جرالك ايه يا قلمى كنت مطيع
وكنت بتحارب وبتكتب كتير مواضيع
لقيت القلم باكى
حزين مقهور وم الندم باكى
ولما قلت له اسمك
لقيت القلم بالأمل فرحان
وكتب مواويل ع الامل بحنان
وقال هنفارق الاحزان
دا اسمك فرحة للوجدان

ورجع تانى .. القلم يكتب
اميرة حبى انا
04-07-2009, 12:44 AM
ولما قلت له اسمك
ايوة ايه الاسم بقى
عايزين نعرف
fagrmasr01
04-07-2009, 09:46 AM
لا لا لا الاسم دا سر
وبصراحة
كفاية ان القلم رجع تانى يكتب
كان عامل اضراب
انما ... بجد اشكرك على المرور يا أميرة
وعلى الاهتمام بالتعليق
DMR
04-07-2009, 11:46 AM
أكثر من رائعة
جميلة جدا جدا جدا
سلمت يمينك
fagrmasr01
04-07-2009, 12:13 PM
:smilie:دى دى:smilie:

مرورك انتى واهتمامك هو الى رائع يا دى دى
اشكرك الف شكر على تعليقك الجميل
habiby
04-07-2009, 09:45 PM
]ولما قلت له اسمك
لقيت القلم بالأمل فرحان
وكتب مواويل ع الامل بحنان
وقال هنفارق الاحزان
دا اسمك فرحة للوجدان

ورجع تانى .. القلم يكتب


والله العظيم اشتقنا جدا لكتاباتك يا شاعرنا
والحمد لله ان قلمك رجع تانى لنا يكتب.... وبالأمل فرحان
خلود
05-07-2009, 01:31 AM
ولما قلت له اسمك
لقيت القلم بالأمل فرحان
وكتب مواويل ع الامل بحنان
وقال هنفارق الاحزان
دا اسمك فرحة للوجدان


تصدق عندك حق من غير الامل مش يبقى فيه حياه

الحمد لله ان رجع لك امل تانى خلاك ترجع تكتب لنا تانى

يارب الامل ده ميعملش تانى اضراب ويفضل القلم يكتب كده على طول
fagrmasr01
05-07-2009, 11:20 AM
حبيبى
اشكرك الف شكر على مشاعرك الطيبة
والف شكر على مجاملتك الرقيقة
ربنا يجازيك عنى خير
fagrmasr01
05-07-2009, 11:37 AM
متشكرين جدا جدا يا خلود على مرورك اللى بيسعدنى
وبينى وبينك .. اصعب شئ ان القلم يتوقف عن التعبير
فعلا فيه لحظات بتكون الكتابة تنفيس عن المشاعر وبتريح النفوس

الف شكراً ليكى وادعى لى ان القلم .. ميعملش تانى اضراب
خصوصا ان الاضرابات مش سهلة وخصوصا مع قوانين الطوارق
lionking
06-07-2009, 09:42 AM
جرالك ايه يا قلمى كنت مطيع
وكنت بتحارب وبتكتب كتير مواضيع
لقيت القلم باكى
حزين مقهور وم الندم باكى
ولما قلت له اسمك
لقيت القلم بالأمل فرحان
وكتب مواويل ع الامل بحنان
وقال هنفارق الاحزان
دا اسمك فرحة للوجدان

ورجع تانى .. القلم يكتب



والله بجد تحفة وجميلة ورائعة
والحمد لله ان القلم رجع يكتب تانى

بس انت بئه متحرمناش من كتاباتك يا شاعرنا يا كبير
fagrmasr01
06-07-2009, 11:16 AM
ليون .. شكرا يا دائمة التألق
الف شكر لمرورك المعطر
والفين شكر على تشجيعك الجميل
ربنا يخليكى ويبارك لك
ربنا يملا حياتنا كلنا بالأمل يارب