انا ابن هذا الوطن

[مصطفى مامون]

قال عبد المطلب لأبرهة الاشرم وهو سيد قريش يسأله عن بعض غنيمات له كانت بحوزة الاشرم اين غنيماتى فتعجب ابرهه من سؤال سيد قريش الذى لم يسأل عن البيت الحرام الذى نوى الاشرم ان يهدمه فلم يستجديه او يستعطفه وقال عبد المطب انا رب الغنم و ان للبيت رب يحميه *****تذكرت تلك العباره الشهيره وانا استرجع واستعيد ما حدث فى الاسكندريه من مذبحه وسوف تسألوننى وما علاقة هذا بذاك اقول لا ادرى ولكن ربما ان فى اخر مقالتى سأفهم وستفهمون **وهو اننى تخيلت نفسى اعيش كصاحب ديانه غير معترف بها عل غير اوراق مكتوبه تؤيد وتكرم وتبجل ولكن اذا نظرنا الى حقيقة الامر اجدنى انظر الى بعض الاشياء التى يجب ان يعاد النظر اليها بغض النظر على ان من هو دين الحق وهو الدين عند الله وكلنا نعرف ذلك
تخيل نفسك فى سنوات دراستك تُجبر ان تدرس نصوصا دينيه ليست من كتابك فى كتب اللغه العربيه فى حين ان كتابك انت يحمل كثيرا من المعانى والقيم الساميه ولا يتعرض احدا لها بحجة التحريف فهل كل الكتاب محرفا؟؟!!!!!!
--لايوجد مكان معترف به فى مدرستك لكى تأخذ حصص الدين الذى انت منتمى اليه وتاخذ الحصص تاره فى الفناء وسط الامطار او الحر الشديد او فى طرقات المبنى وسط الماره ومن ينظر لك بأذدراء او سخريه مما تقول
--تخيل عندما تصعد الى اى وسيلة مواصلات ان تُجبر ان تستمع الى كلمات من كتاب غير كتابك الذى أمنت به واذا اردت او ساورتك نفسك ان تخرج كتابك انت لتقرأ فيه وفى صمت تعرضت لاذدراء وسخرية الحاضرين
--تخيل وانت تمارس شعائرك داخل اماكن عبادتك تحت حراسه مشدده حتى اطفالك فى عيدهم يخشون ان يجاهروابفرحتهم او يظهروا بعضا من اللعب خشية التعرض والاحتقار
--تخيل انه لايوجد بين اندية الدورى سواء الممتاز او المظاليم لاعب واحد غير اصحاب الدين الرسمى للبلاد وكأنهم كُتب على هذه الفئه الاتمارس الرياضه وممكن المرجع هو الخوف من التشاؤم او ا ان البركه ستقتلع من الفريق وسيكون وجود هذا الشخص هو سبب الهزائم
--وغير ذلك كثير ستقول اننا الاغلبيه ولكننا ارتضينا بالعلمانيه والمواطنه التى فُرضت علينا وتقبلناها وستتقول اننا شطحت بفكرى بعيدا وستقول اننى اميل لطرف على حساب طرف ولكننى
احكمت عقلى فيما قلته وسردته عليكم ولنراجع عقولنا سويا ونتخيل انفسنا تلك الفئه ماذا سيكون شعورك وانت تشعر بذلك ؟

[محمود التهامي]

كلام جميل كلام معقول
بس ليه تبص للموضوع بالنظرة التشاؤمية دي ؟؟
وزير المالية نصراني
واعضاء مجلس الشعب فيهم نصارى كتير
ورجال اعمال كتير وناجحين جدا فيهم نصارى
معتقدش ابدا اننا عندنا تفرقة
اللا يمكن في حاجات بسيطة جدا
ومتزدش ابدا عن اي نوع من انواع التفرقة اللي منتشرة في بلدنا
زي الغني والفقير والمتعلم والغير متعلم وهكذا
ومن باب اولى
اننا نساوي في التعامل مع الناس اللي اتفرضت عليهم حاجات ملهمش دخل فيها
زي الفقر والغنى
قبل ما نساوي في الحاجات الاختيارية
زي الدين او الاتجاه السياسي مثلا

ورغم ان النصارى في مصر على حسب تشبيهاتك اللي مش متفق معاك فيها
لانه مثلا فيه لاعيبه اجانب غير مسلمين ويمكن ملهومش ديانة اصلا
(زي الافارقة مثلا) مش متأكد بالظبط لاني مش متابع كورة
لكن اكيد فيه حاجات بيكون فيها التمييز لصالحهم
زي بعض رجال الاعمال اللي مش بيشغلو غير النصارى
ودا منتشر جدا على فكرة
ومساعدات الكنيسة ليهم على عكس ما بيحصل مع المسلمين
دا غير الاهتمام الزايد - من وجهة نظري -
فمثلا مات في التفجير الاخير
مات 8 مسلمين ومحدش سمع عنهم حاجه
والكلام كله كان على النصارى

والخطاب الاعلامي كله موجه للمسلمين وكله شغال على التأكيد ان ده مش من الاسلام واننا بنحبهم
طيب المسلمين اللي ماتو راحو فين محدش اتكلم عنهم ليه
ليه الخطاب الاعلامي والديني متوجهش للنصارى بدل المظاهرات اللي عملوها والتخريب اللي قامو بيه
سؤال بسيط جدا
لو كان الاخوان هم اللي عملو نفس المظاهرات دي كانو اتسابو ؟؟؟؟
يمكن يكون فيه بعض التمييز ضدهم لكن بنسبة بسيطة جدااااااا
لكن في المقابل فيه تمييز كبير جدا تجاههم وفي صالحهم
وبيعاملو معاملة خاصة جدا كأنهم اجانب عن البلد
وخصوصا من الامن والحكومة ومحدش يقدر ينكر ده

م الاخر يعني
مش شايف فرق ابدا في المعاملة او الاحقوق والامتيازات
وان وجد فهو من باب التفريق الطبيعي زي التفريق في كل حاجه في مصر

[خلود]

جميل اوى ردك يامحمود وفعلا انا حسيت بكل كلامك ده خاصه فى مجال عملى لان معاى اخوه مسيحين وبالعكس والله ساعات احنا اللى بنغير منهم

هما بيحتلوا اعلى المناصب فى الدوله ومحدش بيقدر يتكلم وياهم ابدا وواخدين حقهم جامد جدا ويعلم ربنا بنحبهم جدا بس للاسف لغايه دلوقتى مش عايزين يغيروا من تفكيرهم ان اللى عمل كده جماعه ارهابيه مش مصريه خالص
وده من خلال نقاشات زملائى
ولكن انا عن نفسى بحب زمايلى جدا وعلى اتصال دائم بهم

[اسامة22]

مصطفي موضوعك في نظرة تشائم ومقارنة ظالمة يادرش
ياابو التاريخ ارجع للتاريخ هتلاقي اخونا حقوقهم اكتر ولها اهمية جدا
وعلي راي محمود اللي بأيدة بشدة
حد اكلم ولا دور علي المسلم الغلبان اللي مات
ولا كانة موجود ولا لة قيمة
ياعم درش
ولابلاش كفاية كدا
اصل يقولوا علي متطرف ومضتهد لنوعية
بحس انها واخدة جميع حقوقها علي اكمل وجهه

[محمود التهامي]

عارفة يا خلود اللي بيتقال عليهم
تحسبهم اغنياء من التعفف
اهو احنا دول
مش بنطالب بحاجه وساكتين
فالكل بيفتكر اننا راضيين
هم بقا عاملين - واسف جدا في التشبيه -
زي الناس اللي اتعودت تستعطف اي حد
عشان تاخد منه اي حاجه
لدرجة انهم بيبقو - ساعات كتير - اغنى من ناس محتاجين بجد

مصريين كتير جدا مظلومين جدا ويمارس عليهم انواع كتير جدا من التمييز
ومحدش بيسمع حسهم
لكن هم اقل شكة الدنيا تقوم وتقعد عشانهم

فاكرين ساعه انفلونزا الخنازير والطيور
ملايين الطيور اتعدمت
ومنها اللي كانت ملك ناس غلابة عايشين على اللي بيجيلهم منها
ومحدش اهتم ولا سأل فيهم

وهما
اللي فيهم مليونيرات من ورا الخنازير والزبالة
الدنيا اتقبلت عشانهم
في مصر وبراها واقباط المهجر بقا وقصة
ومكنش ناقص غير لجنة تحقيق دولية بالمرة

[lionking]

موضوعك جاااااااااااااامد جدااااا

انا لسة كنت بتكلم مع واحدة صاحبتى من ايام الدراسة وهى مسيحية ومهاجرة استراليا
اول مره اشوفها بتتكلم بالطريقة دى

بس كلامها كله زى كلامك يا مصطفى ....

انا شخصيا هقول رايى فى الموضوع ده

طبعا ماينفعش نقول مفيش تفرقة ..........التفرقة واضحة وزى ما قلت يا مصطفى

احنا ارتضينا بالعولمة شكل بس لكن احنا مش عارفين نطبقها....

انا مالى اذا كنت انت مسلم ولا مسيحى

وبرده انا مالى اذا كنتى مسلمة ومش محجبة او مش مختمرة

نفسى اعرف ليه مش مسموح للمسيحيين ببناء الكنائس؟؟ وليه احنا بنقفل المساجد بعد الصلاه فورا؟؟؟

خلى كل واحد فى حاله وزى ما كان من شروط صلح الحديبية لما الرسول عليه الصلاة والسلام قال اذا جاء من قريش احد سنرده واذا ذهب من المسلمين احد فلا تردوه

باختصار احنا خايفين من ايه ؟؟

خليهم يبنوا كنايس واللى عايز يروح هو حر وربنا مش محتاجه ولا مستنيه



الموضوع لسة ما خلصش
مستنية ردودكم ونكمل نقااااااااااااااااااااااااااااااش

مش خناااااااااااااااااق

[اميرة حبى انا]

مش مسموح للمسيحيين ببناء الكنائس
يالهوى انتى جبتى الكلام ده منين
دى غمرة والظاهر ورمسيس والعباسية وشبرا
مليانين كنائس
هاتى انتى بس حتة فاضية
وانا ابنى لهم كنيسة على حسابى

[خلود]

عجبنى ردك برضو جدا ياليون بس عايزه اقول

خناق ليه بس

كله يتناقش بمنتهى الموضوعيه والعقلانيه كل اللى له وجهه نظر يعبر عنها بمنتهى الحريه وبدون قيد ولا شرط

ونجتمع فى الاخر على كلمه واحده اتمنى ان نعمل بها جميعا

انك لا تهدى من احببت ولكن الله يهدى من يشاء

[محمود التهامي]

نفسى اعرف ليه مش مسموح للمسيحيين ببناء الكنائس؟؟
وليه احنا بنقفل المساجد بعد الصلاه فورا؟؟؟




مش مسموحلهم يبنو كنايس عشان متبقاش دولة داخل الدولة
وانتي بنفسك اعتقد حطيتي قبل كدا موضوع عن الاديرة
جربي كدا تدخلي كنيسة وللا دير وشوفي هتعرفي وللا لأ

لكن هم مفيش معاهم اي مشكلة وجوامعنا مفتوحه

اما ليه بتتقفل بعد الصلاه فدا لاسباب امنية
واعتقد ان ده مبقاش يحصل اللا بعد الفترة اللي كان فيها جماعات متطرفة
وكانو بيقفلو المساجد عشان يمنعوهم من الاجتماع فيها
وبما ان قانون الطواريء مازال عاملا فالوضع على ما هو عليه
ومعتقدش انه هيتغير

ودا بقا نوع من التمييز ضدنا

[محمود التهامي]

هي تقصد يا اميرة مش مسموحلهم اللا بماوفقة رئيس الجمهورية

وطبعا زي ما قولتي لان بالفعل الكنايس كتير جدا جدا جدا
وزيادة عن الحاجه

لكن لو نفكر بعقل شوية هنعرف ان الكنايس والاديرة مش بس اماكن للعبادة
لكنها مكان لحفظ وحماية استراتيجيات مالية واحيانا عسكرية
الكنيسة او الدير كيان كامل قادر على العيش منفردا

وللا نسيتو المولوتوف
اللي طلع من جوه الكنيسة بعد التفجير
واترمى على الجامع المقابل لها والعربيات اللي في الشارع

وعلى فكرة لا اعتقد انه يجوز شرعا بناء جامع وكنيسة متقابلين

[خلود]

لا بس ده احنا شفنا كنيسه الاسكندريه قدام الجام مباشره

وعلى فكره انا شفت اكتر من كنيسه وبجوارها جامع

ما يمكن ده برضو علشان ميحسوش بنوع من انواع التفرقه

[محمود التهامي]

وهو عشان منحسسهمش بالتفرقة يبقا نبعد عن ديننا
مش ده برضه يبقا تمييز ضدنا ؟؟؟

مش نشر صور الصليب رغم حرمانيته مالي الجرايد والمواقع والشوارع والقنوات
مش دا تمييز ضدنا

مش اذاعه احتفالاتهم في كل القنوات تمييز ضدنا

مش بناء الكنايس امام الجوامع وصوت اجراسها فوق صوت الاذان زي اعلان الحياه دلوقتي تمييز ضدنا

[محمود التهامي]

موضوعك اللي بقول عليه اهو يا ليون
استيطان الاديرة وادعاء المسيحين بالعكس (http://www.vb.6ocity.net/showthread.php?t=25461)
http://www.vb.6ocity.net/showthread.php?t=25461

[lionking]

يا جدعااااااااااااااااااااااااااان

صلوا ع النبى كده فى الاول

انا حطيت الموضوع ده فعلا وقلت انهم يدعون انها لا تكفى

لكن سؤالى انت ( الحكومة ) ليه خايفة اوى كده ؟؟؟ ده معناه ان انت قياده مسنة هرمة لا تقدر على التحكم والسيطرة

طب لو رحنا اى بلد اوربيه ( مسيـــــــــحيــــــــــة ) هل القوانين هناك بتنمعك كمسلم من اقامة المساجد ؟ اوعى يا محمود تقول اه

هو ده اللى المفروض يحصل

مش تقولى خايفين من اقامة دولة داخل دولة

الحمد لله الاسلام بينتشر وبكثرة

لكن

هما كمواطنين مصريين من حقهم ان وقت ما يكون عايز يبنى كنيسة مش لازم اذن او موافقة من رئيس الجمهورية

هو احنا لما بنبنى جامع او زاوية او دور فى عمارة بنروح ناخد اذن من الرئيس؟؟؟؟؟؟

هو ده سؤالى مبدئيا حد يرد عليا رد يقنعنى


تانى حاجة

فعلا ايه ذنب الاطفال يحسوا بالتميز والقهر من صغرهم

انت ليه بتجبرهم يحفظوا قرآنك واحاديثك فى مادة اللغة العربية وليه فى المقابل مش بتدينا اى حاجة من البايبل

خلينا نتكلم بواقعية وشجاعة شوية

هما مواطنين مصريين ليهم نفس حقوقنا وعايشين نفس مشاكلنا وحاربوا معانا ( عادى جداااااااااااااا)

وبعدين الكل عارف ان الممنوع مرغوب

مفيش شيكولاتة .......لالالالالالالالا عايز شيكولاتة وهفضل ارفص واصوت لحد ما اخد الشيكولاتة

مهما تقولهم عددكم ونسبتكم مش مستاهلة العد ده من الكنايس هيقولوا لا بس احنا عايزين

دى طباع بشرية

غلطتك ( الحكومة ) بئة انك مش عارف تسوووووووق

هلف لفة وارجع تانى تكون الخناقة اشتدت شوية

يلا يا محمود تعالى عشان نتخاااااانق


:36_3_12[1]: :36_3_12[1]: :36_3_12[1]: :36_3_12[1]: :36_3_12[1]: :36_3_12[1]:

[فريد]

بصراحة انا مستغرب من الموضوع
وكمان من الردود
نحن نتكلم عن شيء واضح كوضوح الشمس
ولا تعليق

[مصطفى مامون]

بصراحة انا مستغرب من الموضوع
وكمان من الردود
نحن نتكلم عن شيء واضح كوضوح الشمس
ولا تعليق

ياريت نسمع رأيك يافريد ومدى وضوح الشمس فيه يهمنا سماعه لأنك من الشخصيات اللى يهمنا سماع رأيها جدا لانك عندك حس ثقافى ووعى وادراك ساسى ودينى وليه لا تعليق ؟
ليه ميبقاش فيه حوار ونقاش من غير خلاف او خصام ننتظر ردك ورأيك *****************اخوك مصطفى

[مصطفى مامون]

ياريت نحدد نقاش الاختلاف وليس الخلاف بينا وهسأل سؤال صريح علشان منفرعش الموضوع ويدخل فى حيز ونطاق خارج عن الاطار الاصلى للموضوع وبصراحه الاجابه

لو انت عايش فى دوله ما واتفرض عليك وانت اقليه ان تدرس نصوصا دينيه من كتاب على غير ملتك وتجبر على حفظه والامتحان فيه هل ستوافق ؟
من غير ان تقول دينى على حق ودينك على باطل لان فى النهايه كل واحد فى الدنيا حتى عبدة الكواكب والاوثان بيعتقد انه على حق والباقى على باطل

[lionking]

حظك يا ريس ان اكون انا اول واحدة تجاوب

لو انا اقلية فى اى بلد تانية

لو قلنا فى المانيا مثلا ودى دولة مش مسلمة

ومن شروط التعليم فيها انى ادرس الانجيل واحفظه عشان الامتحان

هعمل ده

بس طبعا وانا مخنوقة ومش طايقة نفسى

[محمود التهامي]

على فكرة يا ليون
مينفعش تقيسي او تقارني بين
الجامع في بلد أجنبي وبين الكنيسة في مصر مثلا
وزي ما قولت وزي ما كلكم اكيد عارفين
الكنائس والأديرة مش بس مكان للعبادة
ودا مش جديد
لأ دا من ايام الحملات الصليبية
لما كانوا ملوك اوروبا بيتخانقو على ثروات الكنائس

لو الحكاية حكاية تعبد وخلاص مكنش حد اعترض
الاعتراض على ما تحويه الكنائس والأديرة غير العبادة
بالإضافة لكدا فتعداد النصارى في مصر لا يحتاج لكل بل لنصف هذه الاكنائس والأديرة
ودا برضه من موضوعك
ومش كل حاجه بقا حد هيطالب بيها هنعملها
واللا من باب اولى كانت الحكومة وافقت على طلبات زيادة المرتبات وتقليل الضرايب
والبناء على اراضي الدولة
وحاجات تاني كتيييييييييييييييييييييير
كل دولة وليها سياستها وقوانينها على حسب دستورها وشريعتها
ومتنسوش اننا اولا واخيرا دولة دينها الرسمي الاسلام

ودا برضه بيفكرني افكركم ان نشر الدين الاسلامي فرض كفاية
ويمكن ده هو اللي بيخلي وزارة التربية والتعليم تنشر بعض المواضيع الاسلامية في غير منهج الدين
كنوع من التعريف بالاسلام مثلا

واتفقنا قبل كدا يا ليون ليه مينفعش ندرس او نسمح ان ولادنا يدرسو ديانات تانية
وللا هتكوني مبسوطة لو بنتك او ابنك رجع وهو بيقولك عيسى ابن الله اتعذب واتصلب!!!


أما عن التمييز في البلاد الأجنبية
فمش جديد عليكم اني افكركم ان الحجاب ممنوع في دول كتير زي فرنسا مثلا
رغم ان الراهبات برضه يرتدين ما يشبه الحجاب ومحدش بيعترض عليه
لكن الحجاب الاسلامي ممنوع ليه مش عارف

وكمان معتقدش ابدا انه فيه هناك تدريس للاسلام وحتى لو فيه
فالمسلمين هناك ممكن يكونو بيدرسو دين مسيحي او يهودي وسط المواد العادية
مش عندنا بس يعني
واكيد برضه بيجيلهم حملات من اللي بيقولو عليها تبشيرية ( تنصيريه )
ودا معروف في كل تجمعات المسلمين بالخارج
ومش بس بره لأ جوه كمان
وللا مشوفتيش اعلان (إن الله يحبك) في أي موقع قبل كدا !!!

[مصطفى مامون]

هفضيلك نفسى انا بقا وهخش بتقلى ياحوده وهرد على كلامك واجيب مقتطفات من حوارك بس اصبر عليا *************استنانى ياصاحبى

[مصطفى مامون]

(والخطاب الاعلامي كله موجه للمسلمين وكله شغال على التأكيد ان ده مش من الاسلام واننا بنحبهم
طيب المسلمين اللي ماتو راحو فين محدش اتكلم عنهم ليه)
على فكره يامحمود محدش من المسلمين مات
(لكن اكيد فيه حاجات بيكون فيها التمييز لصالحهم
زي بعض رجال الاعمال اللي مش بيشغلو غير النصارى
ودا منتشر جدا على فكرة
ومساعدات الكنيسة ليهم على عكس ما بيحصل مع المسلمين
دا غير الاهتمام الزايد - من وجهة نظري -)
دا ميعتبرش ادانه ليهم ابدا واحنا نفسنا او بعضنا بيعمل كده ومش بيشغل غير مسلمين فقط
(وبيعاملو معاملة خاصة جدا كأنهم اجانب عن البلد
وخصوصا من الامن والحكومة ومحدش يقدر ينكر ده)
هنا السؤال بقا ليه هم وصلوا للمرحله دى وهنا مربط الفرس انهم يوصلونا كحكومه واعلام لتنفيذ مطالب تحت التهديد الخارجى او بسياسة الاجبار ليه ما كنش دا نابع مننا كدوله انها بطبق نظام المواطنه مش تحت تهديد او اجبار فاصبح الحق المشروع الذى من المفترض ان تاخذه عن طيب خاطر بقيت تاخده وبرضوا مش هيعجبك طب ما تدهولى من الاول
نهاية حوارى يامحمود اللى بأيدك فى بعضه واخالفك فى بعضه ان كان من الممكن نتجاوز كل هذه الازمات بشىء من العدل الحكمى او القيادى وليس الدينى لان ديننا الحنيف هو قمة العدل ولكننا جرينا فى اوقات كثيره الى تعصب غير مبرر وليس من اخلاقنا او ديننا فى شىء ولكنه ابتدع فى فتره تاريخيه معينه فى مصر وحين حاولنا الاصلاح اجُبرنا عليه فاصبح ليس له قيمه لان فى نظرهم انهم انتزعوه وفرضوه عليك ولو كان هناك حقوقا اخذوها لما تكلموا عن الحادث انه يخصنا نحن ولو اننا كنا مدركين انه ليس نحن ما كنا وقفنا وكأننا نبرر لهم محبتنا لهم ونبرزها ونظهرها ونجسدها ونحتفل ونكتب الاشعار والخطب وما كان عنانا لكنه احساس يجب ان نتصدى له وهو ان تشعر انه واجب عليك كمسلم ان تبرر ما يفعله طائشون او شاطحون او مارقون كان بودى ان نجتمع كلنا ونؤكد ان ما ان من فعل هذا ليس منا وان كان فهو لا يعنينا فى شىء ****سلام ياحوده مؤقتا