مشاهدة النسخة كاملة : ولا في الدماغ .. علي سلامة
بقول لهم
مين اللي بيعيط بحرقة دة؟
قالوا لي مواطن اتصور وهو بينضرب
قلت لهم ومين الأمور اللي بيضحك دة؟
قالوا لي دة واحد عمل شوية كوارث وهرب
قلت لهم والدنيا عتمة هناك كدة ليه؟
قالوا لي دي حتة جديدة بتتخرب
قلت لهم ومين الحاوي اللي بيتكلم دة؟
قالوا لي دة الوضع بيتقلب
وايه الهيصة اللي في الساحل الشمالي دي؟
قالوا لي دي البقرة بتتحلب
قلت لهم وانتوا قلقلين كدة ليه؟
قالوا لي اصل بنلاعب الكاميرون وخايفين نتغلب
بقينا ليه حبة حاجات ... قمصان بدل علي بالونات !!!!!!!!!!!!!!!!!!!!!!!؟
اهلا هاوى
طيب هو مين على سلامه اللى انت مش بتكتب الا اشعاره
بصراحه انا اعرف صلاح جاهين والابنودى وناس كتير لكن على سلامه للاسف معرفوش
وبعدين مش هتشارك بمواضيع تانى يعنى
كله اشعار اشعار ولعلى سلامه وبس
تقبل ملاحظتى بود وشكرا
شكرا علي المرور طبعا .... بس احيانا الواحد بيكتشف طعم جديد للكلام فبيحب يدوق منو الاول كتير ... جديد بأه بالنسبة لي ومبسوط منه قوي .. علي سلامة شاعر من شعراء العامية المتوجهين بقوة وسرعة نحو القمة وهايكون في يوم زي الابنودي وفؤاد حداد وبيرم وجاهين ... مثال ذلك لو فضلنا نحب حسام حسن طول الوقت موش هانتفرج علي ابو تريكة .. صح ولا صح ؟؟
وطبعا انتي معايا انو شاعر جامد ...
وبعدين يا ستي انا كتبت لاحمد مطر ونجيب سرور واحمد فؤاد نجم ومحمود درويش
ماشى ياهاوى شكرا على الرد
وطالما انت بتحب الشعر اوى كده
انا عن نفسى هقولك ياشاعر بقى
والناس فيما يعشقون مذاهب
دقايق ويكون عندك شاعر قوي برضو
fagrmasr01
02-07-2009, 05:29 PM
بصراحة اختياراتك يا هاوى كلها قمم وروائع جميلة
بجد يا خلود .. هو أثرى قسم الشعر
والف مبروك يا عم هاوى اللقب اللى اطلقته عليك خلود
بصراحة تستاهله وتستاهل اكتر كمان
زدنا وانقل الينا من اختياراتك الحلوة
انا بتعجبنى اوى اختياراتك
ربنا يبارك لك
يا جماعة انا لا اعرف في الشعر الا التذوق .. ما انا بشاعر .. ممكن اكون بحب الاكل بس موش بعرف اطبخ .... خليني هاوي
ماشى ياهاوى نسحب اللقب لو عايز ونخليك هاوى وبس
احنا يهمنا راحه اعضاءنا وبس
ياريت شويه اشعار بقى لشعراء زى صلاح جاهين والابنودى ونزار
لانى بحب اقرا لهم
اوك .... فلتــكن مشيئتــــــه ...... فاصل وسوف نواصل ان شاء الله بعد تظبيط شوية امور
اللهم سهل امور احمد عب حكيم (هاوي)
قولوا اميـــــــــــــــــــــــــــــــــــــــــــــن, ,
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir