قوليلي يا بنت مصر

[اميرة حبى انا]

بنت مصر - مريم فكري



http://www.vb.6ocity.net/imgcache/13845.imgcache.jpg

http://www.vb.6ocity.net/imgcache/13846.imgcache.jpg

قوليلي يا بنت مصر هو انتي ايه ذنبك
تموتي ليه يا جميله و ينكسوا علمك
مين اللي خان الوطن و بكى عيون اهلك
انا مصري مسلم لكن دمي من دمك

http://www.vb.6ocity.net/imgcache/13847.imgcache.jpg

قالتلي انا مش عارفه.. ليه قتلوني ؟!
لو كنت حتى غلط كانوا يعاتبوني
انا كل ذنبي خرجت و الفرحه في عيوني
في ليله كانت عيد مع ناس حبوني

http://www.vb.6ocity.net/imgcache/13848.imgcache.jpg

ماشيه في شارع فرحانه بسنه جديده
كان عندي فيها امل و اماني سعيده
فجأه جرى اللي جرى و لقتني وحيده
صوت الصراخ تسمعه روحي وانا بعيده

http://www.vb.6ocity.net/imgcache/13849.imgcache.jpg

و شوفت امي بتبكي وصوت نداها عالي
رايحه لفين يا مريم يا عمر كان غالي
و اصحابي مسلم مسيحي الكل بكاني
بدموع ساكنها الألم على اللي جرالي

http://www.vb.6ocity.net/imgcache/13850.imgcache.jpg

مانا برضوا ليا اصحاب كتير مسلمين
ولا عمرنا اختلفنا رغم اختلاف الدين
كان بينا حب و موده و لبعضنا قريبين
وان حد فيهم يحزن بلاقي قلبي حزين

http://www.vb.6ocity.net/imgcache/13851.imgcache.jpg

قلت يا مريم يمكن موتي عشان قبطيه
فكان دينك السبب انك تكوني ضحيه
قالتلي لا يا مصري مش هيا دي القضيه
انا اتقتلت عشان تحصل فتنه طائفيه

http://www.vb.6ocity.net/imgcache/13852.imgcache.jpg

عشان كدا بوصيكم تفضلوا سوا مع بعض
قتلي و انا وسطيكم زي اغتصاب العرض
انا قلت حقك هيرجع... حقك علينا فرض
و اللي طفوا شمعتك هنخسف بيهم الأرض

http://www.vb.6ocity.net/imgcache/13853.imgcache.jpg



مسلم .. مسيحى .. أنا مصرى
مسلم ومسيحي مين ؟ ماكلنا مصريين
لا عمر فرق بينا عدو ولا دين
وهنفضل دايماً ايد وحدة عايشين
وانصرنا يا ربي على الخاينين
واوعى تقول انا مين وانت مين
قول كلنا مصريين

[خلود]

واوعى تقول (http://www.vb.6ocity.net/showthread.php?t=38819) انا مين وانت (http://www.vb.6ocity.net/showthread.php?t=38819) مين
قول كلنا مصريين


كلنا مصريين وهنفضل مصريين
مسلم ومسيحى اخوات وايد واحده ان شاء الله

[اميرة حبى انا]

شكرا يا خلود على ردك
بس مش عارفة ليه حاسة ان برضو فى ناس مش مؤمنة بكده
ربنا يهدينا ويسترها علينا وعلى ولادنا وبلدنا

[الرومنسى]

شكرا يا أميرة على تلك الكلمات
وعلى النقل الجميل فى هذا الموقف
بس عندى سؤال
ليه الباشا اللى كان بيضطهد مسيحى الشرق
دلوقتى بيطالب بحمايتهم
بابا الفاتيكان اسف مثلا
ليه العالم الغربى ابتدى يقول مسلم ومسيحى
انا عندى فى البلد مسيحيين وانا مسلم
ابسطهم عندوا بقالة بدل ما اقتلوا وتبقى مشكله
أقاطعوا ومشتريش منو مثلا
أنا ليه بشترى طلبات بيتى منوا
طيب دكتور مسيحى أكشف عندوا ليه
أسف
صيدلية صاحبها مسيحى اشترى منوا علاجى ليه اسف
زميلى فى المدرسة انقل دروسى منو ليه أسف
أنا اسف للكلام دة
أنا عارف انو ممكن ميعجبش بعض الناس
بس أسف ليهم
الكل اتعلم يدين فقط
لا يبحث على عدوة
وتلك هى المشكلة
تلعب الايادى الخارجية داخل بلدنا
نحن مسلمون ومسيحيون تعودنا على القاء الاتهامات لبعضنا لاغراض
ومصلحة من يعبس بأرضنا
لا أقول الجميع انما نرى على شاشات التلفزة الكثير من الطرفين
يزيدوا من حدة الخلاف لمصلحة من
منذ متى كل منا يطرق نافذتة ويبحث فى الاوراق عن
كم مسجد شيدا وكم كنيسة قامت
وكم مسلم فى مجلس الشعب وكم مسيحى
من أين جاءت هذه الافكار
للمرة الالف اسف

[nouran_111]

والله يا اميرة انا مش عارفة هنفضل لحد امتى لعبة في ايد الغير
ساعة يقولوا مسيحين المهجر وساعة يقولا مسحين مضطهدين من المسلمين اخوانهم
ليا اصدقاء من ايام الثانوى انا فاكرة ان كلناكنا مع بعض بنغنى وبنفرح وبنحزن سوا حتى جاكلين لما باباها توفي كلنا كنا معاها
انا مش ممكن انسي لمارمت نفسها في حضنى وبكت بحرقة
ومش هقولك انها يمكن اعز صديقاتى رغم مرور تلك السنوات الطويلة

[اميرة حبى انا]

اشكركم جميعا على الردود الرائعة

[ابو اسامه]

أميرة المنتدى : المديرة العامة ... أولا : أشكرك جدا على طرحك لموضوع الساعة وبهذا الأسلوب الجميل ..
ثانيا : تعليقا على ما تفضل به أخى محمد الرومنسى .. كلنا مصريين سواء مسلم أو مسيحى .
كلنا تجمعنا روابط وعادات وتقاليد وقوانين .. فنحن يد بيد فى السلم والحرب ..
ثالثا : نحن نرفض العنف بكل جوانبه .. فيجب ان نعلم ان ما فعل هذا فى بلدنا فهو مجند من قبل طوائف اخرى ليست مصرية .. ليزعزع أمن هذا البلد .. وليشعل نار الفتنه بيننا ...
رابعا : فلا نبكى على ما مضى بل نأخذ حذرنا ولا نترك فجوة ليدخل منها كل طامع فى مصرنا الحبيبة ...
سلمت يداك سيدتى ... وشكرا لمجهودك الرائع فى هذا المنتدى الحبيب .. تقبلى مرورى ...