فتيات مصر عاوزين يدخلوالجيش... ايه رأيك

[خلود]

البنت زي الولد
ماهيش كمالة عدد
في الإحتمال والجلد ..



البنات همهم خدمة بلدهم زيهم زي البنين" .. الكلمات الزجلية لصلاح جاهين لم تعد مجرد "كوبليه" في أغنية شهيرة لكنها تحولت بقدرة قادر مع بدايه عام 2009 إلى صرخات احتجاج مدوية من جانب كثير من البنات..




والسبب هو حرمانهن من الإلتحاق بصفوف القوات المسلحة لأداء الخدمة العسكرية



وتطبيق قوانين التجنيد عليهن مثل الشباب، لتصبح أعز وأغلى الأمنيات هو أن ترتدي البنت من دول البيادة العسكرية وتحمل السلاح وتخوض غمار التدريبات الشاقة وتبذل التضحيات في سبيل الوطن ومفيش حد أحسن من حد..



فتيات مصر عاوزين يدخلوا الجيش..!!



أية رايك؟

[M.Khalifa]

والله يا أخت خلود اان ده فعلا كلام فارغ وفاضي
خدمة مصر يا جماعة صعب ان احنا نفتح صدرنا بالطريقة دي ونقول الستات تدخل الجيش وتحارب
لا الوطن انك لما تخلفي ولد تحلمي ان يكون زي صلاح الدين
وتحلمي في اليوم اللي هيحارب فيه
الوطن انك تكوني أم صالحة قدوة لأولادك يتشرفون بك
وأن تكوني على استعداد ان تقدميهم كلهم للجهاد في سبيل الله
لو واحدة منكن يابنات حواء نفسها تقتدي فلتقتدي بعائشة وفاطمة وأسماء بنت أبي بكر ذات النطاقين وأسماء بنت عميس صاحبة الهجرتين
يااااااااااااااااااااااااااااه الواحد هيقول ايه ولا ايه
هاقولها وبصراحة يا بنات حواء
حب الوطن مش انك تقفي في مظاهرة ونصف جسمك عريان وسط الشباب وتقولي كفاية ظلم
علشان أنا هارد عليكي واقول لك كفاية انتي ظلم لنفسك وافتكري ربك
وهو بيقول ( ان الذين يحبون أن تشيع الفاحشة في اللذين آمنوا ...... )
لا يا أختي حبك لوطنك هو انك تبدأي بنفسك وبمن تعولين بناتك أبنائك

[fagrmasr01]

الشعور الوطنى حلو وجميل .. ولكن

انا رأيى طبعن لأ والف لأ

رجال مصر وشبابها باذن الله قادرين على حمايتها من اى عدو

شكرا ليكوا يا كل بنات مصر
.. ركزوا لنا انتوا ع البيت والولاد...
علموهم
احسنوا تربيتهم
طلعوا لنا منهم ذرية صالحة
تعبد ربها وتصون وطنها
باذن الله

[اميرة حبى انا]

ايه ياجماعة مالكو
منكن يا خلود
بس يركبو شنبات الاول
ههههههههههههه
بهزر طبعا
انا مش موافقة
اذا كنت انا مش موافقة الست تشتغل
هوافق يدخلو الجيش

[lionking]

مش عارفة ايه المشكلة انها تدخل الجيش وتربى ولادها صح وتعمل كل حاجة

هيا يعنى الست بتعجز عن تدبير امورها

ع الاقل الستات والبنات هتجمد شوية بالاضافة الى انها هتمارس تدريبات عمرها ما مارستها ولا هتمارسها

لأ وهتخس

بدل الاحجام اللى بنشوفها من قلة الرياضة

ده رايى

وطبعا الكل مختلف معايا

بس عادى
انا شايفة ان ده مش عقبة فى تربية ابنائها

ولو بصينا بواقعية اوى

هنلاقى الستات دلوقتى قاعدين فى البيت ومش بيعملوا المطلوب منهم على اكمل وجه

لا تربية صح ولا بتذاكر لولادها صح ولا حتى مهتمة بنفسها صح


بس خلاص

[DMR]

موضوع حلو اوي و انا رأي لأ خليها بس في بيتها و تربي عيلها كويس و بعدين تبقى تفكر تدخل الجيش

[إبراهيم البشبيشي]

خليهن يخشوا الجيش .. ومعسكر العزل 45 يوم ويا سلام بقى لو الواحدة من دول دخلت مدفعية ولا دفاع جوي ويا سلام على نوبات الحراسة الليلية واللي هايسعدهن حظهن ويخدمن الوطن في حرس الحدود - طبعا كلنا شوفنا عبود على الحدود وفووو فووو ودي ايه يا وهدان دي الحية ام الجرس يا عبود ... - بجد انا موافق ان اي واحدة عايزة تخش الجيش من حقها تحقق امنيتها دي لكن بجد زي ما ليون قالت اذا كانت الستات قاعدة في بيوتها ومش مكفية نفسها ولا ملاحقة على طلبات اجوازها وعيالها يبقى يخشوا الجيش ازاي حد يقوللي ازاي بس !!

[خلود]

اشكركم جميعا على ردودكم وارائكم

وبالنسبه لموضوع الجيش هو مرفوض طبعا لان خدمه الوطن بتتطلب مواصفات معينه فى اللى بيؤديها اكيد مش متوفره فى البنات

وده لان ربنا جعل فى قلب الست عاطفه وحنيه مش هتنفع فى الخدمه دى ابدا

اشكركم جميعا على المتابعه والردود

والست تقدر وقدرت فعلا تثبت وجودها فى اماكن كتيره مش لازم بقى الجيش كمان

بعدين الرجاله يتعقدوا اكتر ما هما متعقدين اساسا

[فريد]

انا راى يدخلوا عشان يعرفوا النعمة الا هما فيها
و يبطلوا كلام المساواة فى كل حاجة
ايه الكلام ده ياجماعة فيه حاجات مرفوضة تماما للبنات تماما
ومش مهم ان حد يزعل منى لكن الكلمة امانة
انا اسف امس رايت منظر اغضبنى افزعنى و ضايقنى و قعدت افكر فيه
كتير جدا و سالت نفس ليه
كانت هناك فتاة تقود سيارة الخمس راكب و معاها اتنان انا طبعا عارفهم
و سالت نفسى طيب لو الاتنين مش كويسين و هايحصل ايه
طيب و بعدين هانلوم مين الركاب و لا الفتاة
لا مش كل حاجة تصلح للفتيات و انا مش ضدهم لحسن حد يطلع ده متعصب و لا متشدد
بالعكس فيه حاجات تصلح حاجات لا
احنا لسه فى بلدنا رجالة تحرسها و ستبقى للابد
شكرا خلود موضوع عاوز كلام كتير بس كفاية كده
لحسن

[خلود]

لا مش كل حاجة تصلح للفتيات و انا مش ضدهم لحسن حد يطلع ده متعصب و لا متشدد
بالعكس فيه حاجات تصلح حاجات لا
احنا لسه فى بلدنا رجالة تحرسها و ستبقى للابد
شكرا خلود موضوع عاوز كلام كتير بس كفاية كده
لحسن

رأيك جميل جدا يافريد ومش متشدد ولا حاجه خالص واكيد مش كل حاجه تنفع للست المصريه ولسه فى بلدنا رجاله قادره ان شاء الله على حمايه بلدنا والدفاع عنها

ويسعدنى تواجدك يافريد فى مواضيعى واشكرك على ردك المستفيض