شوف الولية

[هاوي]

خد وادى معايا
وقولى كلام غير اى كلام
ولا الدنيا خلاص والناس بطلوا حب واحلام
طب أقولك
أحكيلى حدوتة لحد ما أنام
والعبلى فى شعرى
بقاله سنين مشدود ع البكر
فى بطاقتى الشخصية
مثبوت أن أنا أنثى وأنك دكر
الميه الرايقه بقالها سنين وملاها العكر
كان صيف وشتا وخريف ومطر
جرب تعزف
يمكن لسه جوايا حاجات
دور جوايا تلاقى حاجات وحاجات وحاجات
ضحك لفوانيس
وعروسة وعريس
ودلع ومياصة ولقم بنات
محتاجه لحزن وفرح ودمع ساعات
جرب تعزف
يمكن لسه جوانا نغم وعجب ودهب
وسامحنى
سامحنى ان كنت صريحة معاك الفجر وجب
شايفاك فى عيونك نار وغضب
سامعاك بتقول
ودى مين رباها بنت الكلب قليلة الأدب

[fagrmasr01]

المنتدى هنا يرحب بكل ما نكتبه وننقله ولكن
اعتقد ان هذه القطعة غير مستساغة هنا

مع احترامى للناقل .. هاوى..

اعجبنى كثير مما نقلته لنا
ولكن هذه القطعة ... بها تجاوز اخلاقى

ارجو من المشرفين المراجعة واتخاذ ما يلزم

[هاوي]

شكرا اخي مرور كريم لاخ كريم .... وقد يعذرني المشرفين اذا ما علموا ان اعجابي بالابيات قد انساني بعضا من اللياقة ..... ولكن اسمحلي اخي الكريم الي النظر الي عينيك وانت تحادث اخاك بتلك الحدة .. وخصوصا عند مقولتك ( تجاوز اخلاقي ) فهل ياذن اخي ببعضا من حرية التعبير وابداء قليلا من الغضب ام انا ممنوع من الغنا

ممنوع من الكلام

ممنوع من الاشتياق

ممنوع من الاستياء

ممنوع من الابتسام ـــــ واصلي واسلم علي محمد ــــ

[هاوي]

وبعدين يا اخي القصيدة دي انت ممكن تسمعها من الشاعر في برنامج العاشرة مســـــاء برعاية منصور شفروليه مع الاعلامية مني الشاذلي ......... من علي اليو تيوب يعني كانت مباشر

[هاوي]

الابيات للشاعر علي سلامة علي فكرة..... لمزيدا من المتابعات الشعرية المحترمة والهادفة ..,,

[إبراهيم البشبيشي]

ههههههههههههه

أضم صوتي لصوت الهاوي في مهاوي الهوى الهاي

بان " ادونا فرصة بقى "

والسلام

[هاوي]

مش كدة والنبي يا عمي ؟؟؟؟؟؟؟

[إبراهيم البشبيشي]

أيوة هو كده بالظبط

بس بلاش "" والنبي "" دي أحسن دي تودي جهنم ..ولا انت ماتعرفش؟!!

[هاوي]

نقول لا اله الا الله ونستغفره ونتوب اليه ..... اصلها مش طالبة جهنم خالص ... ان شاء الله جنه ورضا وشربة ماء من يد حبيبي صلاه الله عليه