المساعد الشخصي الرقمي

مشاهدة النسخة كاملة : خايف اصحي مالاقيش مصر


هاوي
27-06-2009, 01:46 AM
ساعات بقلق بالليل
يعني بالليل شوية كده
قبل الفجر
حسب الظروف كده
بعد العصر

خايف يوم أصحي..
وأفتح الشباك..
مالاقيش مصر


ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها


مصر البنوتةالحلوة
اللي زي القمر
بقت عجوزة وشايبة
وبان عليها الكبر


خايف يوم أصحي..
وأفتح الشباك..
مالاقيش مصر
اميرة حبى انا
27-06-2009, 11:13 AM
ألاقيها لمت هدومها ومشيت
لمت هدومها
علي نيلها
علي هرمها
وطفشت
وحلفت ميت يمين ماهي قاعدلنا
ماهي زهقت..
تعبت..
إتخنقت
أصلنا زودناها..
أكننا استعمرناها..
ورثناها
الكلام ده جديد جدا
ومكتوب بطريقة جديدة وسهلة
بس المشكلة انك خلتنى اسأل نفسى
افرض فى يوم صحينا مش لاقينا مصر
هنعمل ايه؟؟؟؟؟؟؟؟؟؟؟؟
fagrmasr01
27-06-2009, 11:37 AM
الفكرة فعلا جديدة اوى
وجميلة كفكرة .. لكن
بشرط تفضل مجرد فكرة


ممكن فعلا نتخانق على اننا بنحبها او مبنحبهاش
لكن عن عينيها الحلوة مصر احنا عنها منستغناش
ولو عجوزة ولا شابة .. ولا حتى نص نص
راح نعيد ليها شبابها مهما الف عيون تبص
مهما قلنا وقالوا عنها هى زى الشمس قرص
واحنا عنها منستغناش .. واحنا عنها منستغناش
fagrmasr01
27-06-2009, 11:43 AM
لو حبيبتى مصر راحت .. قول على الدنيا السلام
الامل ف عينيها رح يفضل أمل حتى لو مات الكلام
احنا الى حلفنالها هانصلح عيوبها
وانا ابنها وهى راضية أكون طبيبها
طول عمرها بتعانى من ظلم القصور
لكنها شايفة الأمل ف عيون حبيبها
وأنا حبيبها .. ومش هاسيبها
هاوي
28-06-2009, 03:32 AM
ما تخافوش اليوم ده مش هايجي علينا ....... لانها لو مشيت مش هانقوم اصلا من النوم .. هنفضل ليوم الدين
إبراهيم البشبيشي
28-06-2009, 12:38 PM
السلام عليكم

لو في صحيت م النوم مالقيتش مصر .. ماتزعلش

لو في يوم مالقيت الناس ولا الهرم لا لقيت النيل ولا العلم .. ماتتفاجئش

لو في يوم لاقيت ناس تانية بفكر تاني

وناس مش لاقية المية

وحضارة قديمة منسية

وعلم بدون معنى أو قيم

يبقى انت أكيد أكيد في مصر

مع تحياتي للأخ هاوي وكل شباب المنتدى
stylooo
27-06-2010, 07:23 AM
حب مصر ف القلب من جوه
و اللى سافر و اتغرب يعرف قيمتها من جوه
برضة غالية و عالية
و لكن أيدين مين اللى تجرح
لازم ف يوم تجى و تداوى
يا بلد اصحى و فوقى قبل ما يعدى القطر من تانى
أنا فاضل فيك و عمرى ما اسيبك
و لو جه طوفان نوح افضل تحت حضنك
ما انتى امى و اختى حروح فين
انتى يا بلد محتاجة اللى يلمم اوجاعك
بعد ما نزفت كتير و كتير
بكرة يجى اللى يخدك معاه و يضمك
و يمسح دمع الحيارى اللى ف حضنك
ده انتى البلد و انتى الامل
و عجبى