المساعد الشخصي الرقمي

مشاهدة النسخة كاملة : ايه رايكم في الاقتراح دا


hanaa2008
25-06-2009, 11:29 AM
السلام عليكم
اولا انا سعيدة جدا بمنتدى 6 اكتوبر
وللامانة كنت بادخل علشان ابواب معينة وخلاص
انهاردة شفت قسم حواء
افتكرت من حوالي 5 سنين تقريبا كنت مع مجموعة رائعة على صفحات منتدى عالم حواء عاملين موضوع لتعارف المصريات وكان الموضوع مش ممكن اد كدة جميل ومخلي للدنيا طعم مختلف
كل يوم افتح الانترنت علشان اشوف الاضافات وارد واستنى اللي ترد عليا كان حتى المكان اللي باكون فيه له طعم مختلف
المهم علشان ماطولشي عليكم
انا قلت نعمل موضوع هنا بس مش للتعارف لكن لحاجة تانية ممكن تكون مفيدة
ايه رايكم بما اننا من ساكنات وسكان اكتوبر
نحاول نعرف بعض على كل مكان في اكتوبر ممكن نلاقي فيه احتياجاتنا باسعار كويسة وبجودة عالية
وكمان لو فيه معارض او تخفيضات عروض خاصة يعني نعرف بعض بيها حتى ولو واحدة اشترت حاجة من اي مكان في مصر ولقيت انها مفيدة ياريت تطرحها هنا ممكن جدا نكون محتاجينها ومش عارفين ازاي نلاقيها او بنشتريها من مكان اغلى او جودة اقل
انا مستنية رايكم في الموضوع اصلا
ولو عجبتكم الفكرة هاكون كل يوم اول حاجة اعملها اني اضيف لكم من عندي اماكن حلوة جدا
بما اني متجوزة من زمااااااااااااااااااااااان وعايشة في اكتوبر من زمااااااااااااااااااان بردول ههههههههههههه
يالا مستنياكم
فريد
25-06-2009, 01:35 PM
و الله فكرة هايلة جدا
و بما انى معرفش اى حاجة فى اكتوبر بشكرك
و بما انى لسه مسكنتش هناك
مش هاقدر اضيف حاجة
لكن بصراحة هاستفيد
يبقى لازم نشكرك على الفكرة
انا شايف انها رائعة
جزاكى الله خيرا
fagrmasr01
25-06-2009, 02:52 PM
اى افكار تجمع ولا تفرق يجب ان تلقى الدعم
التجمع فى حد ذاته خير بإذن الله
ربنا يوفقكم فى تنفيذ الفكرة
المهم ان تتوافرالعزيمة والارادة الخيرة فى البداية
ولا تستمعوا الى اصوات من يحاول هدم الفكرة

التجمع فى حد ذاته خير بإذن الله
الله يوفقكم دائماً للخير والتجمعات الطيبة المفيدة
يارب آمين
lionking
25-06-2009, 03:23 PM
حلوة الفكرة جدااا جدااا

وانا معاكى يا قمر

بس قوليلى

من زمااااااااااااااااان اللى انتى كاتباها دى

تطلع اد ايه ؟؟

:36_1_8[1]:

وزى ما قال استاذنا الكبير

جمال

اى فكرة تجمع

يبقى يا اهلا وسهلا بيها
DMR
25-06-2009, 04:40 PM
فكرة راااااااااااائعة جدا و حلوة اوي
hanaa2008
26-06-2009, 02:49 PM
و الله فكرة هايلة جدا
و بما انى معرفش اى حاجة فى اكتوبر بشكرك
و بما انى لسه مسكنتش هناك
مش هاقدر اضيف حاجة
لكن بصراحة هاستفيد
يبقى لازم نشكرك على الفكرة
انا شايف انها رائعة
جزاكى الله خيرا


انا اللي باشكرك على المرور العطر مين عارف يمكن كلامنا يكون مفيد ويشجعك على السكن في اكتوبر


ومع ردي عليكي هاضيف اضافة صغنونة اوي
انا الاسبوع اللي فات كنت في مصيف في النخيل 1
الحقيقة لاول مرة باطلع انا وجوزي والاولاد مصيف واحنا مش عارفين المكان اللي حاجزين فيه
وبصراحة جوزي مش فاضي يدور او يسال وانا برج القوس باحب لما اعوز حاجة ادور عليها بنفسي
المهم من على النت لقيت عروض واسعار كتير اوي
رحنا لمينا هدومنا واخدنا القطط وركبنا العربية وتوكلنا علي الله
هتقولولي ايه علاقة دا بالموضوع اقولكم
اولا بانصحكم ماتروحوش مصيف من غير ماتتاكدوا من المكان اللي هتنزلوا فيه وخصوصا لو فيه اطفال
ثانيا منطقة الهانوفيل وخصوصا ناحية البحر صعبة جدا
ثالثا ودا الاهم منطقة النخيل واحد رائعة الشوارع نضيفة والعمارات حلوة اوي والبحر رايق جدا وكمان فيه سوق خضار وسمك وفاكهة ارخص من القاهرة وسينمات وملاهي للاولاد وعجل وسوق زي خالد بن الوليد
المهم رجعنا من المصيف مبسوطين وحبيت انقلكم خبرتي في رحلة الصيف السنة دي
يالا عايزين بقى حكايات من النوع دا علشان كلنا نتعلم من بعض
مستنياكم
hanaa2008
26-06-2009, 02:54 PM
اى افكار تجمع ولا تفرق يجب ان تلقى الدعم
التجمع فى حد ذاته خير بإذن الله
ربنا يوفقكم فى تنفيذ الفكرة
المهم ان تتوافرالعزيمة والارادة الخيرة فى البداية
ولا تستمعوا الى اصوات من يحاول هدم الفكرة

التجمع فى حد ذاته خير بإذن الله
الله يوفقكم دائماً للخير والتجمعات الطيبة المفيدة
يارب آمين


الف شكر على التشجيع ولو اننا محتاجين اكتر لخبرات الكل
باذن الله يكون تجمع في الخير ولوجه الله تعالي
وماتخفشي الله هيحاول يهدم الفكرة مش هيلاقي غير دا:36_6_7[1]:
hanaa2008
26-06-2009, 02:58 PM
حلوة الفكرة جدااا جدااا

وانا معاكى يا قمر

بس قوليلى

من زمااااااااااااااااان اللى انتى كاتباها دى

تطلع اد ايه ؟؟

:36_1_8[1]:

وزى ما قال استاذنا الكبير

جمال

اى فكرة تجمع

يبقى يا اهلا وسهلا بيها





نورتي ياجميل
بصي بعد 5 اضافات ليكي تقوليلنا فيهم حاجات مفيدة
هاقولك زمااااااااااااان دي اد ايه
بس ادعيلي على ماتوصلي لرقم 5 اكون لسة على قيد الحياة
انا باضحك معاكي طبعا
بصي انا عندي من فضل الله 3 اولاد اولي ثانوي ورابعة ابتدائي وتانية ابتدائي
لو شاطرة تقولي زماااااان يعني اد ايه
:storm_7974695981287
hanaa2008
26-06-2009, 03:01 PM
فكرة راااااااااااائعة جدا و حلوة اوي


الاروع والاحلى اننا نستفيد من خبرات بعض
طيب بصوا خدوا دي
للي ساكنين في اكتوبر جدا فيه سوق خضار في الحي السادس
يمكن معلومة قديمة وحد يقولي ما احنا عارفين
بس انا باقول للي مش عارفين
السوق دا فيه الخضار والفاكهة رخيصة جدا وطازة جدا وخصوصا لو بالليل يعني بعد المغرب انا شخصيا باشتري الحاجات من هناك بالاسبوع اللي بادفعة اقل من ربع اللي بادفعه لما باشتري من المتميز
يارب تكون اضافة مفيدة