المساعد الشخصي الرقمي

مشاهدة النسخة كاملة : رد علي رساله غريب في وطني


هاوي
24-06-2009, 02:36 AM
بص يا سيدي صلي علي النبي عليه الصلاة والسلام ....... انا مش هاقولك الكلمتين الفاضيين اللي هما ماتقولش ايه اديتنا مصر وقول هاندي ايه لمصر والحركات دي .. بس انت ممكن تفكر في مصر اللي هي بقي فعلا الله يكون في عونها ,, يعني الست شايله همك وهمي وهم اللي فيها وترابهم وزعاقهم وريحة عرقهم وغباوتهم وسادة مناخيرها من زمان حتي من قبل فلونزا الخنازير ,, الست دي مش تستاهل اننا نطبطب عليها ونشوف مالها ونسألها ونقولها مالك يا قمر احنا اسفين من اللي بعملوه السواقين والشبعانين والجعانين والفرحانين والمجهدين .... امسحيها فيا معلهش انا هاحبك بيني وبين نفسي انا هادعيلك ربنا يهدي ولادك ويحبوكي بس انتي ادعيلنا نحب بعض الاول ,, يعني وانا طالع الصبح من الهرم لأكتوبر ادخل الميكروباص الاقي السواق هادي بدال ماهو مكشر واكيد بيقولي في سره اركب يا الن ال ...... ,, او شوف ال....... بيخبط الباب ازاي ,,واروح شغلي الاقيهم مش مكشرين انا موش عاوزهم بيضحكوا وفاتحينها عالبحري ,, المهم لو انت حاسس انها مش حنينه عليك اكيد العيب منك ولا تزر وازرة وزر اخري يعني واحد ماشي في شوارعها كارهك وكاره نفسه نكرهها احنا ليه ؟؟ هي مالها .. لازم نحبها مع بعض او كل واحد لوحده اصلنا هانلاقي حد فاهمنا غيرها فين وعلي راي المثل .. اللي يربي قرد يفهم تنطيطه واهي ماشية والحمد لله الواحد يولع في نفسه يعني
M.Khalifa
24-06-2009, 10:54 AM
أولا أشكرك على أسلوبك البسيط
مصر دي بلد جميلة وورد ذكرها في القرآن الكريم لمرات عدة وبشر النبي صلى الله عليه وسلم بفتحها وأمر أصحابه أن يتخذوا منها جنودا ومدحهم قائلاً في حقهم أنهم خير أجناد الأرض
هي مصر عبارة عن حاكم ومحكوم راعي ورعية الكل عليه مسئولية باختصار لو كل واحد قام بدوره مش ها يبقى فيه مشاكل خالص
وبعدين فعلا الأخ أشار لنقطة مهمة جدا هي نقطة التكشير يا أخي ابتسم في وجه أخيك وهتاخد أجر ع البسمة دي وانت كمان هتحس بالفرحة والسرور
بارك الله فيك
ونفع الله بك
وجزاك عنا خيرا
فريد
08-07-2009, 10:51 AM
انت ياعم احمد عامل مشاكل ليه
و بعدين ايه تولع فى نفسك دى
هدى اللعب ياعم شوية
خليك هادى
اهلا بيك
اسلوبك جميل
هاوي
10-07-2009, 03:39 AM
يابا شا ماقدرش اعمل مشاكل في منطقتك.. انا بس فرحان ان عندي اخوة احلي من العسل بكتير .. إشطة ؟
اميرة حبى انا
10-07-2009, 12:52 PM
ايه ده هو فى حد هيولع فى نفسه
ليه بس
دى الحياة وردية
ومافيش مشاكل
وكل حاجة سهلة
والدنيا ربيع والجو بديع
ههههههههههههههه
صلى ع النبى ومتعملش ف نفسك كده
خلود
11-07-2009, 12:29 AM
الواحد يولع في نفسه يعني

لا استنى شويه ياهاوى

انت لسه صغار ياضناى وبدرى عليك كده
وبعدين مين يعنى هيزهقنا فى عيشتنا لو انت لاقدر الله نفذت كلامك ده

هههههههههههههههه
Messenger of Peace
11-07-2009, 07:20 AM
اظن الموضوع يدمج في اصل الموضوع بتاعي ولا اية الفكرة؟؟!!!

هبقى ارد عليك يا كبير
المهم قلي سنك كام بس علشان اعرف اكلمك على مستواك يعني
هاوي
12-07-2009, 02:06 AM
متشنكريـــــــــــــــــــــن علي المرور اللي شرفنا .
.. سقف بيتنا نور .. يا ليلة بيضا
وبعدين يا لو انا ولعت في نفسي عفريتي هايقوم بالواجب ويزهقكم
معقول ؟؟؟ !!!!
معقول دي تفوتني
وبالنوسبة لسؤال الاخ معاذ انا عمري في الحكومة 29
وبيني وبين نفسي 12
هههههههه
فبراحتك قدامك مستويين تقدر تختار بينهم
المهم تنورنا