المساعد الشخصي الرقمي

مشاهدة النسخة كاملة : فضيحة مصر في كاس القارات


الامير عماد
22-06-2009, 01:03 AM
السلام عليكم ورحمة الله وبركاته

وحسبي لله ونعم الوكيل وانا لله وانا اليه راجعون
انهزم المنتخب المصري قاهر ايطاليا بطلة العالم من امريكا اخر المجموعه بنتيجة 3 صفر
وبالنتيجة دي تصعد امريكا اللي ماكانش ليها اي فرصة للصعود لكي تواجه اسبانيا في الدور قبل النهائي
اما البرازيل تصدرت المجموعه بفوزها علي ايطاليا 3صفر هي كمان
وكمان لو كنا اتغلبنا 2 صفر بس كنا صعدنا او لو كنا دخلنا جون يتيم
بس تقول ايه مالناش حظ في حاجة حتي مالناش ان احنا نفرح تلات ايام علي بعضهم من ساعة ماتش ايطاليا
وربنا يخلي احمد عيد عبد الملك والمحمدي واحمد سمير فرج واحمد عبد الغني واشوفهم بيلعبو في دوري الحواري بعد الهزيمة التقيلة اوي دي
ونكدو علي 80 مليون مصري كانو مستنيين يشوفو مصر بتلعب مع اسبانيا
يلا هو ده حظنا واحنا عارفينه من زماااااااااان
ويمهل ولا يهمل
والسلام ختام وقابلوني في كاس العالم
خلود
22-06-2009, 02:03 AM
وربنا يخلي احمد عيد عبد الملك والمحمدي واحمد سمير فرج واحمد عبد الغني واشوفهم بيلعبو في دوري الحواري بعد الهزيمة التقيلة اوي دي
ونكدو علي 80 مليون مصري كانو مستنيين يشوفو مصر بتلعب مع اسبانيا


شفت ياعماد حاجه تحزن بجد

انا دمى اتحرق النهارده بجد يافرحه ايطاليا فينا
ثم امريكا دى مش فرقه اساسا تغلبنا
بس على رايك حظ بقى
والسلام ختام وقابلوني في كاس العالم


يحينا ويحييك ربنا والامل فى ربنا كبير
fagrmasr01
22-06-2009, 08:44 AM
كل مباراة ولها ظروفها
هل انت فاكر اخر مرة دخلنا امتى كاس العالم
؟

الخيبة ان كاس العالم الجاية دى كنا بنقول ان احنا نقدر ننظمها
طلعت خيبتنا ثقيلة مع صفر مونديال
ولا يزال المسئولون عن صفر مونديال هم المسئولين .. ولازلنا نغنى اصله معداش على مصر ... ومشربتش من نيلها
ولازلنا نغنى ونطلق الشعارات

متى نقتنع ان التخطيط شئ مختلف عن الشعارات الرنانة الجوفاء وعن الشللية المقيتة والمجاملات المميتة


والله انى حزين .. واتمنى ان نواجه عيوبنا ونقاط التقصير فى حياتنا حتى نبدأ اصلاح عيوبنا
fagrmasr01
22-06-2009, 08:49 AM
انهم يخططون ويصلحون اخطائهم اولا بأول ...
بعيدا عن الدخان الى بيطلع من القبر ..
وبعيدا عن النور الصاعد من الجثامين

انه التخطيط اولا والتخطيط ثانيا والتخطيط فى كل مرحلة من مراحل التنفيذ ..
حتى فى كرة القدم
lionking
23-06-2009, 12:10 AM
والله يا عماد

انا معاك فى رايك

محدش كان بيلعب غير الحضرى ووائل جمعة واحمد فتحى

والماتش ده مكانش متوقع

بس هو المنتخب كده

عامل زى اللى تعمل كيكة وترش عليها رشة ملح


وبعدين اللى يحرق الدم انهم فضلوا يكرروا نفس اللعبة اللى اتفقست والامريكان حفظوها

وكل شوية كورنر وعالى وهوووب الامريكان الطواااااااااااااال يقطعوها

ولا حياة لمن تنادى

ياراجل ده الواحد دمه اتحرق

وعلى راى جمال

طول ما احنا عايشين بالبركة عمرنا ما هنعرف ننجز حاجة

يا عاااااااالم كل حاجة لازمها تخطييييييييط

واداااااارة

وتنمية

حسبى الله ونعم الوكيل
الامير عماد
23-06-2009, 12:22 AM
خلود معلش بقا ربنا معانا ونعوضها ان شاء الله

استاذي فجر مصر متشكر علي حضورك ومشاركتك الجميلة والله مصر حلوة بس احنا ناقصنا تنظيم وادارة احنا ماعندناش ولا تنظيم ولا ادارة مش كورة بس في كل حياتنا كده




ههههههههههههههههههههههه
والله مشاركتك حلوة اوي يا ليون وواضح انك بتفهمي كورة كويس

يلا ربنا معانا ونتاهل لكاس العالم مرة في حياتنا ونتاهل واحنا جاهزين



مشكوووووورين جميعا علي مشاركاتكم الجميلة
اسامة22
23-06-2009, 01:40 AM
اوباما متمرش فيه الفطير المشلتت والمش ابو دوده
اللي فطر بيهم لما جه هنا
نبعت بقي فاتوره الاكل دلوقتي علي البيت الابيض هو ده الرد الوحيد علي اللي اتعمل معانا في الماتش
ههههههههههه
ههههههههه



عموما ياجماعة احنا كنا رايحيين جنوب افريقيا
وهدفنا في تمثيل مشرف ومنتغلبش كتير من

البرازيل وايطاليا نعتبرة احتكاك مفيد
لمباراة رواندا وان شاء الله نوصل كأس العالم
الامير عماد
23-06-2009, 01:43 AM
هههههههههههههههه حلوة اسامة

مش عارفين يتشطرو علي البرازيل وايطاليا جايين علينا احنا يعني كورة وسياسة