RSS
27-12-2010, 01:30 AM
أنت .... أيوة أنت ...
حتى لو مالكش فى السياسة احنا مش بنتكلم فى السياسة
احنا بنتكلم فى مستقبلك
إذا كنت طالب فى الجامعة و حاسس أن مستقبلك غامض
و إذا كنت خريج و دورت كتير عن وظيفة و مافيش فايدة لأنك يا حرام ماعندكش واسطة
و إذا كنت متوظف و مرتبك مش مكفيك حتفتح بيت إزاى و تتجوز منين و تصرف على أولادك منين ؟
طيب إذا كنت كل يوم بتعانى و أنت رايح شغلك فى زحمة المواصلات و التلوث اللى عملك حساسية فى صدرك
و إذا كنت مريض أو حد فى أسرتك مريض و حاولت تلاقى علاج و تأمين صحى و مش لاقى علاج و المصاريف زادت عليك
إذا كان نفسك تفتح مشروع و لاقيت الروتين و البيروقراطية أحبطتك لغاية ما فشلت فى تحقيق حلمك
طيب إذا كنت صاحب مشروع و لاقيت الضرايب و المصاريف الإدارية التهمت ربحك البسيط
و الحكومة بتشاركك فى رزقك
؟
سمعت عن أراضى الدولة اللى وزير الإسكان باعها بتراب الفلوس لرجال الأعمال و الوزراء و المحسوبيات؟
مع أنك يا مواطن نفسك فى شقة محندقة تتجوز فيها و تعف نفسك و مش عارف تجيبها
سمعت عن نواب محلس الشعب اللى أخدوا قرارات علاج على نفقة الدولة بـ 250 مليون جنيه و باعوها للمرضى و تربحوا منها
ولا وزير الصحة اللى طلع ينتقد النواب تصدق أن هو نفسه حصل على قرارات علاج على نفقة الدولة هو و زوجته عشان يطمن على صحته و يعمل فحوصات فى أمريكا ؟
ووزير المالية اللى بيقبض مليون جنيه فى الشهر هو كمان حصل على قرار علاج على نفقة الدولة خارج مصر
بقى يوسف بطرس غالى اللى اخترع الضريبة العقارية و بينهب فلوس المواطن المطحون يستاهل يتعالج على حسابك ؟؟؟
ولا قرارات العلاج اللى رايحة لعمليات التجميل مع إن الناس فى مصر بتعانى من أمراض مستعصية زى الكبد و الفشل الكلوى و السرطان !!
صبرت و لسة بتشرب مياه ملوثة و بتاكل فاكهة و خضار مرويين بمياه المجارى ؟
أو فاكهة مرشوشة بالمبيدات المسرطنة ؟ يعنى حتى مش بتتعامل معاملة أدمية فى أبسط الحقوق الإنسانية وهى الأكل والشرب
شفت نواب مجلس الشعب اللى المفروض بيعبروا عن الشعب دخلوا ازاى !!!!
هل أنت اخترت الناس دى عشان تعبر عنك ؟؟
حاسس أن الفساد وصل للركب و مصر بتغرق و اللصوص ماليين البلد و البلطجة بقت سمة الشارع المصرى
حاسس أنك مش عايش فى أمان
حاسس أن أولادك مش فى أمان .....
حاسس أن مصر تستحق تبقى فى مكانة أفضل من كده ؟
كل ده و بتقول ماليش فى السياسة ؟؟
حتى لو مالكش فى السياسة احنا مش بنتكلم فى السياسة
احنا بنتكلم فى مستقبلك
إذا كنت طالب فى الجامعة و حاسس أن مستقبلك غامض
و إذا كنت خريج و دورت كتير عن وظيفة و مافيش فايدة لأنك يا حرام ماعندكش واسطة
و إذا كنت متوظف و مرتبك مش مكفيك حتفتح بيت إزاى و تتجوز منين و تصرف على أولادك منين ؟
طيب إذا كنت كل يوم بتعانى و أنت رايح شغلك فى زحمة المواصلات و التلوث اللى عملك حساسية فى صدرك
و إذا كنت مريض أو حد فى أسرتك مريض و حاولت تلاقى علاج و تأمين صحى و مش لاقى علاج و المصاريف زادت عليك
إذا كان نفسك تفتح مشروع و لاقيت الروتين و البيروقراطية أحبطتك لغاية ما فشلت فى تحقيق حلمك
طيب إذا كنت صاحب مشروع و لاقيت الضرايب و المصاريف الإدارية التهمت ربحك البسيط
و الحكومة بتشاركك فى رزقك
؟
سمعت عن أراضى الدولة اللى وزير الإسكان باعها بتراب الفلوس لرجال الأعمال و الوزراء و المحسوبيات؟
مع أنك يا مواطن نفسك فى شقة محندقة تتجوز فيها و تعف نفسك و مش عارف تجيبها
سمعت عن نواب محلس الشعب اللى أخدوا قرارات علاج على نفقة الدولة بـ 250 مليون جنيه و باعوها للمرضى و تربحوا منها
ولا وزير الصحة اللى طلع ينتقد النواب تصدق أن هو نفسه حصل على قرارات علاج على نفقة الدولة هو و زوجته عشان يطمن على صحته و يعمل فحوصات فى أمريكا ؟
ووزير المالية اللى بيقبض مليون جنيه فى الشهر هو كمان حصل على قرار علاج على نفقة الدولة خارج مصر
بقى يوسف بطرس غالى اللى اخترع الضريبة العقارية و بينهب فلوس المواطن المطحون يستاهل يتعالج على حسابك ؟؟؟
ولا قرارات العلاج اللى رايحة لعمليات التجميل مع إن الناس فى مصر بتعانى من أمراض مستعصية زى الكبد و الفشل الكلوى و السرطان !!
صبرت و لسة بتشرب مياه ملوثة و بتاكل فاكهة و خضار مرويين بمياه المجارى ؟
أو فاكهة مرشوشة بالمبيدات المسرطنة ؟ يعنى حتى مش بتتعامل معاملة أدمية فى أبسط الحقوق الإنسانية وهى الأكل والشرب
شفت نواب مجلس الشعب اللى المفروض بيعبروا عن الشعب دخلوا ازاى !!!!
هل أنت اخترت الناس دى عشان تعبر عنك ؟؟
حاسس أن الفساد وصل للركب و مصر بتغرق و اللصوص ماليين البلد و البلطجة بقت سمة الشارع المصرى
حاسس أنك مش عايش فى أمان
حاسس أن أولادك مش فى أمان .....
حاسس أن مصر تستحق تبقى فى مكانة أفضل من كده ؟
كل ده و بتقول ماليش فى السياسة ؟؟