أولياء الأمور يعترضون على قرار وزير التعليم بتحويل المدارس القومية لتجريبية

[محمود التهامي]

أولياء أمور مدرسة بـ6 أكتوبر
يحررون المحاضر بعد تحويلها لتجريبية


تجمهر العشرات من أولياء أمور تلاميذ مدارس أكتوبر القومية للغات بمدينة 6 أكتوبر، احتجاجا على تنفيذ قرار الدكتور أحمد زكى بدر، وزير التربية والتعليم، اليوم الأحد، بتحويلها من مدارس قومية إلى مدارس المستقبل.

وقام أولياء الأمور بجمع التوقيعات استعداد لتحرير عدد من المحاضر ضد وزارة التربية والتعليم بعد تحويل مدرستهم بقرار، وصفوه بالمفاجئ لهم دون تلقيهم أى معلومات أو اتصالات مسبقة باتخاذ القرار، خاصة مع بدء الامتحانات العملية بالمدرسة التى تضم مراحل ابتدائى وإعدادى وثانوى.

وانقسم أولياء الأمور إلى فريقين، الأول وهو الأغلبية حيث قرروا التوجه إلى قسم أول أكتوبر لتحرير محضر بعد جمع التوقيعات من أولياء الأمور ضد وزارة التربية والتعليم، والثانى ظل باقيا أمام المدرسة للاحتجاج على القرار.

وأكد أولياء الأمور أن مطالبهم تتمثل فى بقاء وضع المدرسة كما هى دون التغيير فى سياستها التعليمة، مبررين ذلك بدفعهم مبالغ مالية طائلة تصل إلى 5 آلاف جنيه عن كل طالب مقارنة بزملائهم من التلاميذ بالمدارس التجريبية الأخرى التى يصل مصاريف أبنائهم إلى 400 جنيه.

يأتى ذلك بعدما قالت نسيبة عبد المنعم، وكيل وزارة التربية والتعليم بمحافظة 6 أكتوبر، إن قرار تحويل المدرسة القومية للغات إلى مدرسة مستقبل هو قرار من الدكتور أحمد زكى بدر، وزير التربية والتعليم، لتكون بذلك أول مدرسة مستقبل على مستوى محافظة 6 أكتوبر مثلما يوجد 11 مدرسة مستقبل فى القاهرة، مضيفة أنه ليس قرارا داخليا كما أنه لن يؤثر على العملية التعليمية بالمدرسة.


http://www.vb.6ocity.net/imgcache/13450.imgcache.jpg

تجمهر أولياء الأمور داخل المدرسة


http://www.vb.6ocity.net/imgcache/13451.imgcache.jpg
أولياء الأمور يستخرجون بطاقاتهم استعدادا للتوقيع على عمل محاضر ضد الوزارة


http://www.vb.6ocity.net/imgcache/13452.imgcache.jpg
أحد أولياء الأمور ينتهى من مذكرة البلاغ

http://www.vb.6ocity.net/imgcache/13453.imgcache.jpg

أحد أولياء الأمور يوقع على مذكرة البلاغ


http://www.vb.6ocity.net/imgcache/13454.imgcache.jpg
فريق من أولياء الأمور يخرج من المدرسة متوجها للقسم


http://www.vb.6ocity.net/imgcache/13455.imgcache.jpg
القسم الثانى من أولياء الأمور يتفاوض لإلغاء القرار

http://www.vb.6ocity.net/imgcache/13456.imgcache.jpg

المدرسة خالية بعد ترك أولياء الأمور لها متوجهين للقسم

[lionking]

حسبى الله ونعم الوكيل

احنا يا محمود اولياء الامور دول

والله لو الوزير ده بيشوف الولاد وهيا بتعيط وتصرخ عشان اتحولوا الى تجريبية مكانش عمل العملة دى

وبعدين يا سيدى انت جاى على صرح تعليمى له اسم وكينونة بقالنا 50 سنة وتهدنا الهدة دى

وللعلم النهاردة كنا المفروض نمتحن امتحانات المستوى الرفيع وللاسف محصلش

يعنى ضيع علينا الامتحانات وبهدلنا اخر بهدلة

هو السؤال

هل احنا المفروض نرتقى بالتعليم ولا ننزل بيه الى اسفل سافلين ؟؟

لما تكون فى مدارس محترمة وبتشتغل بزمة اقوم انا اقضى عليها كده ؟؟؟

حسبى الله ونعم الوكيـــــــــــــــــــــــــــــــــل

[محمود التهامي]

معلش يا ليون ممكن سؤال

هو ايه الفرق طيب بين نوع المدرسة
طالما المدرسين والإدارة هي هي ؟؟؟
معلش بس فعلا مش فاهم الفرق

اسمع من زمان عن المدارس القومية
بس كان اعتقادي انها مدرسة خاصة لكن معرفش انها نظام او نوع معين
تفرق ايه بقا عن التجريبية وليه الناس زعلانه قوي كدا ؟؟؟

[lionking]

هرد
عليك ولو ان اعصابى تعبانة جداااااااااا


شوف يا محمود
القوميات دى احنا كاولياء امور بنشترك فى ادارتها ولا شان لنا بالامور المالية للمدرسة

يعنى كل واحد فينا له الحق فى المدرسة

المشكلة مش فى الاسم

المشكلة فى الادارة اللى اتغيرت وجابلونا اداريين من مدارس تجريبية زى ال.........................

فى المدارس التجريبية يا محمود لا يمكن ان تصل شكواك الى المدير او ادارة المدرسة والمدرسين غير اكفاء ولا يعملون بجد واجتهاد
عندنا المدير( محمد صادق ) فرد مننا

فى اى وقت نقدر ندخل مكتبه ونقول شكوانا ويتم التعامل مع الشكوى بشكل محترم وبكل تهذيب

فى التجريبيات

لا يمكن تشكى مدرس

فى المدرسة عندنا تشتكى عادى ولو المدرسة معملش اللى انت عايزه اللى هو فى مصلحة الاولاد يتم الاستغناء عنه


فى التجريبية المدرسين معينيييييييييييييييييييييييييييييين

يعنى هيقبض هيقبض عشان كده مش بيشتغل

فى اللغات اللى هو احنا

معرض فى اى وقت للفصل والرفد






بزمتك بئه

ينفع اللى حصلنا ده

ينفع مدرسة فيها كل ده وفيها ملاعب وفيها معامل كومبيوتر ومعامل للساينس

وفيها كل ما تتمناه اى مدرسة

ينفع الحكومة تسيطر عليها






هو كل حاجة حلوة فى البلد لازم الحكومة تخربها

[محمود التهامي]

يعني حاجه كدا زي التأميم
بس تأميم إداري مش كدا
تحيا الثورة

[lionking]

اسم الله عليييييييييييييييييييييييييييك

فعلا يا محمود كان تاميـــــــــــــــــــــــــــــم

وقوات الامن واقفة بره

بس لله الحمد محدش منهم تدخل

بس اللى جايين ينفذوا القرار
عسسسسل

لا بيردوا علينا ولا بيسمعوا اى حاجة

نهيبة ووقعت تحت ايدهم

وهجموا ع الكلاسات والمعامل واخر بهدلة والله

الولاد اتخضوا خضة لا تووووووووووووووووصف

وناهيك عن موقف المدير اللى كلنا بنحترمه وبنقدره وهو ماشى من المدرسة






حسبى الله ونعم الوكيـــــــــــــــــــــل

[محمود التهامي]

وناهيك عن موقف المدير اللى كلنا بنحترمه وبنقدره وهو ماشى من المدرسة


اذا كان الملك مشي
كنتي عايزة مدير يستنى

المهم اننا كدا نتأكد ان فلوس البلد مش مهمه
وكله معروض للبيع وأهلا بالخصخصة
لكن المناصب دي أهم حاجه عندنا
والكراسي
بتلزق بطريقة عجيبة
وكل فكر أو تفكير مدمر مخرب يا ألف أهلا ومرحب
ومفيش مثال أدق من مجلس الشغب قصدي الشعب

[محمود التهامي]

لمن يهمه الأمر





على حسب تصريحات الوزير
الدراسة ستستمر كما هي
ولا يوجد أي تغيير أو تعديل على نظام الدراسة ولا المدرسين
والتغيير والتحويل هو في الهيكل الإداري فقط
فمن يدرس لغات سيستمر في دراسته
ومن يدرس أميريكان سيستمر في دراسته
ومن يدرس بريطاني (IG) سيستمر في دراسته


وذلك بعد أن قضت المحكمة بحل الجمعية ومجلس إدارتها
لمخالفاتهم المالية والإدارية الجسيمة

مع العلم أن التحويل هو لمدارس الجمعيات المخالفة فقط وليس للكل
وما تم تحويله فقط هو اربع مدارس تقريبا من اصل اكتر من اربعين مدرسة

ملحوظة كمان
المخالفات المالية الشديدة دفعت الوزارة للجوء للقضاء لحل الجمعية واستلام ادارة المدارس حفاظا على المال العام
حيث أن المدارس ومنشئاتها هي ملك للوزارة وليست ملكية خاصة على عكس ما يتخيل البعض
ودور الجمعيه هو فقط ادارة المدرسة وهو ما ثبت فشلهم فيه