-- مثلث النجاح

[RSS]

السلام عليكم و رحمة الله و بركاته

النهاردة ان شاء الله هنتكلم عن موضوع مهم جداا

أي إنسان نفسه يكون ناجح

على المستوى الشخصي في بيته مع زوجته و أولاده

على المستوى العملي في شغله

و الأهم على المستوى الديني

حياته كمسلم

فهنتكلم النهاردة بإذن الله عن

مثلث النجاح

http://i67.servimg.com/u/f67/11/57/41/43/triang10.jpg

العناصر الأساسية في المثلث دا
1-علم
2-عمل
3- الثبات و المداومة

تعالوا نشوف يشتغلوا مع بعض إزاي


أول نقطة هي العلم

أي حاجة لازم تبدأ بيها في أي نقطة في حياتك

هي العلم

احنا مش بنتكلم بس عن العلم الديني من الغير الدنيوي

أو العلم الدنيوي من غير الديني

دي قواعد لأي حاجة في حياتك ناوي تبدأها

لازم تبقى عارف هتبدأ بإيه

و اللي هتبدؤه هتبدؤه إزاي

و دا مش هييجي غير بالعلم

و في حياتنا عامة هتلاقي فشل أي حد في مشروع ممكن يكون عدم الدراية الكافية
و العلم الكافي في المشروع اللي هيبدؤه

فدي نقطة مهمة جدا

ووسائل العلم دا عشان نحصله

1- البحث

2- اسأل خبير في المسألة اللي انت مقدم عليها حد يكون خاض نفس التجربة اللي انت ناوي تخوضها

3- أقوى سلاح في حياتنا : الدعاء

فالعلم رزق زي أي رزق فأنت اطلب من ربنا سبحانه و تعالى أن يرزقك العلم و ستجد خيرا ان شاء الله

و طبعا احنا بنتكلم ع العلم النافع اللي هيفيدك ع المستوى الشخصي أو على مستوى الأمة



تاني حاجة في مثلث النجاح هي العمل

في قواعد أساسية لازم تكون عارفها

علم من غير عمل= صفر

حاول و جاهد على قد ما تقدر انك تعمل بالحاجات اللي اتعلمتها

انت لن تستطيع أن تقوم بعمل إلا بإذن الله

و دا هيصرف عن قلبك العجب أو الرياء
و هيديك طاقة أكبر في العمل
لأنك متيقن انك مستعين بالله عز وجل في عملك

عامل نفسك صح

ممكن حد فينا يبدأ عمل كان مجهز 10 دقايق من وقته ليه يلاقي نفسه قعد 30-40 دقيقة من غير ما يدي نفسه
break
أو وقت راحة
و دا طبعا بيخليك مع مدار الوقت تمل من العمل دا

عامل (النفس) كطفل صغير
اللي ساعات بيحتاج مكافأة و كل واحد عارف يكافيء نفسه ازاي
و ساعات بالتوبيخ في التقصير في العمل و الحرمان

تالت نقطة في مثلث النجاح
و دي أخطرهم و غالبا المشكلة بتبقى هنا

الثبات و المداومة

بعد العلم و العمل تيجي المشكلة الكبيرة و هي المداومة لأن النفس جموح
بتمل و بتزهق و تتمرد

لذلك لازم تبقى حذر جدا حتى لا يفشل مشروعك في النقطة دي

دي خطة صغيرة للثبات

أولا: ابدأ صغيرا و انمو بالتدريج

في مننا كتير لما بييجي يبدأ مشروع بيكون متحمس جداااااااا و عايز يكسر الدنيا
و ياخد مهام كبيرة
يوم اتنين تلاتة الحماسة انتهت و المشروع قُضي عليه

فالخطة هنا ابدأ بكمية قليلة جدا و نمي نفسك مع الوقت و زود كمية العمل تدريجيا

أقرب مثال ع النقطة دي

اللي بييجي مثلا يبدأ يحفظ قرآن

ممكن حد يبدأ بربع في اليوم مثلا مع الوقت يلاقي نفسه بيمر أيام ما بيحفظش آية

لكن ان كان بدأ مثلا بكل يوم خمس آيات فقط و دا مش هياخد منه أكتر من 10 دقايق في اليوم
و أتقنهم و استعان بالله و داوم شوف الفرق

اعمل الحسابات دي

5آيات X 7 أيام
= 35 آية في الاسبوع

35 X 4أسابيع
= 140 آية في الشهر

140 X 12 شهر
= 1680 آية في السنة

1680 آية في السنة بمجرد انك تحافظ على 5 آيات يومية اللي هياخدوا منك حفظ كويس 10 دقايق في اليوم
غير اللي كان بيحفظ ربع مثلا و توقف لأن الحماسة راحت مع الوقت لأن الكمية كبيرة

و طبق المثال دا على أي عمل آخر في حياتك

تاني حاجة كسر المهمة إلى أجزاء صغيرة

يعني اذا كانت المهمة أو العمل اللي هتعمله بيتطلب مراحل كتيرة لإنجازه
مش لازم تعمل كل المراحل مرة واحدة
جزءها بحيث يكون الموضوع سهل بالنسبة لك

تالت حاجة راجع نواياك

لأن النية وقود العمل
و كل ما هتفتكر الأجر اللي هتحصله من العمل دا هيزيد الحماس
و ان كان في حاجة غلط بتعملها هتوقفها بمجرد تذكرك النية

رابعا سلاحنا المعتاد الدعاء

عمرك ما هتنجر حاجة أو تثبت على حاجة إلا بأمر الله عز و جل
لذلك اقف على بابه و اسأله انه يثبتك على العمل اللي بتقوم بيه


نسأل الله أن يوفق الجميع لكل ما يحب و يرضى