ممكن ياصاحبى

[فريد]

ممكن ياصاحبى لو تحب تعزمنى على شاى فى فنجان
و نصفى كل الا بنا و كأنه ياصاحبى ماكان
اصل احنا عشرة طويلة عشرة بقلها زمان
مينفعش ياصاحبى تقولى عليها خاين و اقول عليك خان
تعالى نقعد نفضفض و نقول كل الكلام
و منشمتش الاعادى الموضوع يبداء بسلام
و لو ليك حق عندى من عنيه اديهولك
و لو ليه حق عندك سامحتك بكل حب و حنان
بقولهالك بقلب صافى ملعون ابو الشيطان
الا خلانا ننسى اننا ياصاحبى اخوان
ملوش لازمة العتاب انا حضرت لك الشاى
و مستنيك بابتسامة مستنيك تقول انا جاى
ومتنساش و انت جاى ابتسامتك بتاعة زمان
الا كانت ياصاحبى بتنور كل المكان
و الا كانت و بجد بتحسسنى بامان
و نقول للزمان ارجع يازمان

[فريد]

اتمنى ان اجد لدعوتى استجابة
و اتمنى ان تصل للقلوب
و ياجماعة اوعوا تخافوا الشاى على حساب الادارة

[اميرة حبى انا]

شاى وقهوة وحاجة ساقعة كمان
دعوة كريمة من انسان كريم ومبدع
تسلم لنا ابداعاتك يا استاذ فريد

[nouran_111]

اتمنى تكون يوم دعوة من مصر وبجد لكل العرب
اللى هما لينا اكتر بكتير من صحاب
جزاك الله خيرا استاذ فريد

[مصطفى مامون]

كلماتك يافريد رغم بساطتها الا انى بجد حاسسها ودا سر متعتها وجمالها اللى بتنم عن شخصك وخصالك واسقاطاتك اللى عملتها فى قصيدتك اتمنى انى اكون زى ما انا فهمها وانا معاك وحاطط ايدى فى ايدك دعوه بلبيها واول مستجبيها لانك شخص تستحق الاحترام من غير كلام

[خلود]

[QUOTE=فريد;102485] اتمنى ان اجد لدعوتى استجابة
و اتمنى ان تصل للقلوب
و ياجماعة اوعوا تخافوا الشاى على حساب الادارة


كل حاجه الاداره هى الاداره هتعمل ايه ولا ايه بس

احلى كلام من اخ غالى نحترمه كلنا ونقدره

بس برضو انا مش هجيب لا شاى ولا سكر وبلاش استغلال لموضوع التموين ده

[فريد]

شاى وقهوة وحاجة ساقعة كمان
دعوة كريمة من انسان كريم ومبدع
تسلم لنا ابداعاتك يا استاذ فريد



جزاكى الله خيرا يااستاذة اميرة
بصراحة يعنى كرمك ذاد علينا
كنا طمعنين فى الشاى
بقى قهوة و حاجة ساقعة
طيب و النسكافية و الكرواسة فين حضرتك

[فريد]

[QUOTE=nouran_111;102609]اتمنى تكون يوم دعوة من مصر وبجد لكل العرب
اللى هما لينا اكتر بكتير من صحاب
جزاك الله خيرا استاذ فريد[/QUOTE


بس التكلفة دى كبيرة قوى على الادارة يانوران
لا حرام كتير عليهم
و مدام فيها العرب وده جذء كبير من قضيتى
انا هاتحمل جذء و الباقى عليكى عشان انتى صاحبة الدعوة
ربنا يبارك فيكى يانورن

[فريد]

كلماتك يافريد رغم بساطتها الا انى بجد حاسسها ودا سر متعتها وجمالها اللى بتنم عن شخصك وخصالك واسقاطاتك اللى عملتها فى قصيدتك اتمنى انى اكون زى ما انا فهمها وانا معاك وحاطط ايدى فى ايدك دعوه بلبيها واول مستجبيها لانك شخص تستحق الاحترام من غير كلام


ربنا يكرمك يامصطفى
و اتمنى بجد اننا نلم الشمل من تانى
كأمة كدولة كعيلة كاسرة
و طبعا منتدانا الغالى

[فريد]

[QUOTE=فريد;102485] اتمنى ان اجد لدعوتى استجابة
و اتمنى ان تصل للقلوب
و ياجماعة اوعوا تخافوا الشاى على حساب الادارة


كل حاجه الاداره هى الاداره هتعمل ايه ولا ايه بس

احلى كلام من اخ غالى نحترمه كلنا ونقدره

بس برضو انا مش هجيب لا شاى ولا سكر وبلاش استغلال لموضوع التموين ده





طيب ياحاجة هدى نفسك
الاستاذة اميرة
قامت بالواجب
و نوران و انا هانقوم بالباقى
احنا عايزينك بشخصك
من غير ماتجيبى حاجة
ايه البخل ده

[صلاح الشريف]

شكرا
اخي الكريم
علي الدعوة
دعوة مقبولة

[فريد]

شكرا
اخي الكريم
علي الدعوة
دعوة مقبولة


اشكرك شكرا جزيلا على تلبية الدعوة
و قبولها
تقبل تحيتى

[ابو اسامه]

استاذ فريد : ممكن واحد ليمون .. علشان أهدى ..
ويمكن مفيش عندك الا الشاى .. شكرا لكلماتك .
تقبل مرورى من بين كلماتك ..

[فريد]

استاذ فريد : ممكن واحد ليمون .. علشان أهدى ..
ويمكن مفيش عندك الا الشاى .. شكرا لكلماتك .
تقبل مرورى من بين كلماتك ..


ياحبيب قلبى اطلب الا انت عاوزه
ان شا الله لبن العصفور
العزومة دى على الاستاذةاميرة
محدش يخلى فى نفسه حاجة

[الرومنسى]

خلاص عاوز استجابة
تعالى نقعد مع بعض ونصفى اللى بينا
بجد رائعة جدا
الى الامام
بالتوفيق

[فريد]

خلاص عاوز استجابة
تعالى نقعد مع بعض ونصفى اللى بينا
بجد رائعة جدا
الى الامام
بالتوفيق



و انا موافق
لو انت زعلان منى حقك عليه سامحنى
انا غلطان
و لو انا زعلان منك وده مش صح
سامحتك لوجه الله
تعالى اشرب الشاى ياعم
عشان برد

[الرومنسى]

حلو قوى
ابعتلى فنجان الشاى
وانا أقولك حليب يا قشطة
مستنى
لما نشوف أو يبقى ليا حق
بس يا ريت يبقى جنب الشاى حتتين لحمة بس

[فريد]

حلو قوى
ابعتلى فنجان الشاى
وانا أقولك حليب يا قشطة
مستنى
لما نشوف أو يبقى ليا حق
بس يا ريت يبقى جنب الشاى حتتين لحمة بس



يارومنسى
حد سمعته جاب سيرة اللحمة
احنا قلنا شاى
و على حساب الادارة