المساعد الشخصي الرقمي

مشاهدة النسخة كاملة : نكتة بريئة جداً .. وربنا يستر ...



محمود التهامي
01-01-2009, 10:15 PM
مرة ( واحد زعيم) عايز يزود شعبيته
فقال لرئيس الوزراء يعلي الأسعار
فالناس تتضايق يقوم هو ينزلها،
فعلا رئيس الوزراء زود الأسعار،
بس الناس ما اتكلمتش، عادي خالص،

الزعيم استغرب قوي،
وقاله:
طب خلي الضرايب على المرتبات خمسين للمية.
زود رئيس الوزراء الضرايب خمسين فى المية،
الناس هزت دماغها وسكتت.

الزعيم اتجنن
وقال لرئيس الوزرا بص،
طلع أي قرار غشيم من عندك يخلي البلد تولع،
رئيس الوزرا عمل ضريبة جديدة
اللي يعدي كوبري يدفع عشرة جنيه،
الناس نفخت و ضربت كف بكف
ودفعوا،

فقام رئيس الوزرا خلى اللي يعدي يدفع عشرة جنيه وهو طالع، وعشرة جنيه وهو نازل من الناحية التانية،
الناس قالت
اللهم طولك يا روح و أمرنا لله
و دفعوا.
رئيس الوزرا كبرت فى دماغه،
أمر إن اللي يعدي بعد ما يدفع عشرة جنيه، و هو خارج من الكوبري ياخد على قفاه،

و نزل الزعيم بنفسه متنكر يتابع الموقف،
الناس تدفع وهية طالعة الكوبري عشرة جنيه،
و عشرة جنيه و هية نازلة
و تاخد على قفاها
وتمشي،

شوية و لقى واحد بيزعق و متضايق،
وطى على ودنه
و قال له "مالك؟"
قال له
"حاجة تقرف!
أنا متعطل هنا بقالي خمس ساعات..
ما ينفعش كدة ..
لازم يزودوا الناس اللي بتدينا على قفانا

محمد المصري
01-01-2009, 11:11 PM
ههههههههههههههههههههههههههههه

محمود التهامي
01-01-2009, 11:17 PM
اضحك اضحك

ماهو انا اللي هتحبس مش انت

ههههههههههههه

اميرة حبى انا
01-01-2009, 11:40 PM
هههههههههههههههههههه
ههههههههههههههههههههه
ههههههههههههههههههههه
متخافش السكن للجدعان
وهفتكرك طبعا بعيش وحلاوة
متهونش عليا اسيبك من غير اكل بعد ماضحكتنى

محمود التهامي
02-01-2009, 12:04 AM
حلاوة ... ماشي

بس ابقي هاتي معاها قشطة