ضيف لكرسى الاسبوع ده(معاذ 1993)

[اميرة حبى انا]

السلام عليكم ورحمة الله وبركاته
ضيفنا لهذا الاسبوع
ضيف مميز ودمه خفيف
moaz1993
ان شاء الله يكون مبسوط معانا ومرتاح على الكرسى
ويجاوب على اسئلتنا بمنتهى الصراحة
انا جايبالك كرسى تقعد عليه ويبقى منك للسما
اوعى تكدب
اتفضل اقعد
http://up3.m5zn.com/9bjndthcm6y53q1w0kvpz47xgs82rf/2009/6/16/12/oerewi6ox.jpg
:50 (7)::50 (7)::50 (7)::50 (7):

[DMR]

اهلا و سهلا بك يا معاذ اتفضل يلا و اعلن بدء الاسئلة
:36_6_7[1]::36_6_7[1]::36_6_7[1]::36_6_7[1]:

[fagrmasr01]

الف اهلا وسهلا بك يا معاذ .. فعلا انا سعيد باختيارك
وباذن الله سيكون لنا تواصل معك هنا ويسعدنى تواصلى معك فى هذا الكرسى لانك شخصية مميزة ومتميزة

انا شخصيا انتظر اعلانك بداية الأسئلة بشوق ولهفة
لانك من الشخصيات المحببة الى قلبى
ولك فى عنقى مكارم لا انساها لك

[قمر]

اهلا بيك على الكرسى والله منوره بس انا عندى سؤال انت هتقعدازاى قصدى انت هتطلع على الكرسى ازاى انت على بال متطلع تكون مدتك على الكرسى خلصت

[Messenger of Peace]

السلام عليكم ورحمة الله وبركاته
ازيكم يا جماعة والله لكم وحشة كثييرة مرة
ان شاء الله أبدأو ع خير

في رعاية الله

[الباشا تلميذ]

:storm_1160919550103اهلا ومرحبا بيك يامعاذ
نورت الكرسى وان شاء الله تكون مرتاح معنا
على الكرسى
وعاوزين نشوف اجاباتك الصريحه
:36_1_63[1]:

[اميرة حبى انا]

الاسئلة الثابتة
1-الاسم؟
2- السن؟
3-احساسك ايه وانت قاعد على الكرسى؟
4- مين اقرب انساااااااان او انسااااااانه ليك؟
5-ايه احلامك؟
6-كام مره حسيت انك ملكش لزمه فى الحياه؟
7- كااااااام مره مقدرتش تكتم دموعك؟
8-حلمت حلم واتحقق؟؟

9- ماذا تعني لك الصداقة؟ ومين اقرب صديق ليك في الحياة؟ ومين اقرب صديق ليك جوه المنتدى؟
10-كل شخص مننا جواه نسبة حزن ياترى نسبة الحزن جواك كام في المية؟

11- مين اقربلك وبتحس انه فاهمك اكتر والدك والا والدتك ؟؟؟

12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
13- لو حبيت شخص مش حاسس بيك ياترى تعمل ايه ؟؟؟؟
14- هاقولك كلمات توجهها لاشخاص في منتدانا
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا فى المنتدى
- انت دمك خفيف اوى
- انت شخصية قوية تتحمل الصعاب
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟

16- هل حد ظلمك لدرجة انك قلت مش ممكن اسامح؟؟؟
17- لو هتسافر مكان ومطلوب منك تاخد شخصين بس معاك تختار مين؟؟؟

18- دموعك سهل حد يشوفها والا صعب؟؟؟ وياترى مين الشخص اللي ماتخجلش لو شاف دموعك في اى وقت؟؟؟
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟

:D ايه السؤال اللي كنت تتمنى انى ماسألوش ؟؟؟http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif

وطبعا دى الاسئلة الثابتة يعنى مش اسئلتى
:Dانا لسه مسألتش

[مارو]

منور الكرسي يا معاذ
خلص بس الأسئلة الثابتة وبعدين سوف أرسل لك شوية أسئلة عناب
بتحب العناب؟

[Messenger of Peace]

الاسئلة الثابتة

1-الاسم؟
معاذ
2- السن؟
مش عارف بس عايش بقالي كثير(12/2/1993 احسبوها انتم)
3-احساسك ايه وانت قاعد على الكرسى؟
حاسس اني شايف برج القاهرة
4- مين اقرب انساااااااان او انسااااااانه ليك؟
اخويا د. عبدالله
و صاحبي وحبيبي احمد ( المجاهد ف سبيل الله واخوه سامي )



5-ايه احلامك؟
احلامي من احلام شعبي
6-كام مره حسيت انك ملكش لزمه فى الحياه؟
طووول عمري( سؤال جاي الجرح)

7- كااااااام مره مقدرتش تكتم دموعك؟
لما بابا بيسافر السعودية (ايام ما كنت عيل بقى كنت اعيط واعيط )
ولما اخويا يتعب


8-حلمت حلم واتحقق؟؟
لما الشعب يتحقق له حاجة تريحه انا هكون مستريح

9- ماذا تعني لك الصداقة؟ ومين اقرب صديق ليك في الحياة؟
الصديق هو الملاذ ليك
اصدقاء النت بتوع الحقيقة دول لا دول بتوع مصالح


ومين اقرب صديق ليك جوه المنتدى؟
كلهم اصحابي واخواتي
10-كل شخص مننا جواه نسبة حزن ياترى نسبة الحزن جواك كام في المية؟
51%




11- مين اقربلك وبتحس انه فاهمك اكتر والدك والا والدتك ؟؟؟
اخويا د. عبد الله


12- ايه الموضوع اللي اتكتب في المنتدى هنا واتمنيت بينك وبين نفسك انك تكون صاحب الموضوع؟؟؟
المواضيع اغلبها مميزة من اعضاء مميزين
ومافيش فرق بيني وبين اي حد اهم حاجة ان الكل يستفاد من الموضوع
مش مهم مين كتبه

13- لو حبيت شخص مش حاسس بيك ياترى تعمل ايه ؟؟؟؟
احبه في صمت لغاية ما يضيع مني


14- هاقولك كلمات توجهها لاشخاص في منتدانا
- مواضيعك ممتازة
فجر مصر ليون كينج
حضرتك مس خلود
قمر ( علشان اضحك )
..... و...و
الخ اعضاء المنتدى النشيطين
- انت فين وغايب عننا ليه
لاي حد يفكر انه يفكر في تفكير يفكره انه يفتكر انه يفكر انه يمشي من المنتدى او يكون عضو سلبي
- المنتدى وحش من غيرك
الاعضاء النشطة
اكيد عارفين نفسهم
فجر مصر ماما ميرو خالتو خلود
الباشا وكلهم
- رأيك بيعجبنى
فجر مصر وليوووون كينج مش هجامل يعني
- انت شخصية محبوبة جدا فى المنتدى
فجر مصر
- انت دمك خفيف اوى
البت قمر
- انت شخصية قوية تتحمل الصعاب
حضرتك بس توافقيني على اللي قلتك عليه
15-هل ظلمت حد قبل كده؟؟؟ وعملت ايه لما اتأكدت انك ظلمته؟؟؟ وياترى سامحك والا لا؟؟؟
مش عارف بس مش اعتقد
يا بخت من بات مظلوم ولا بتش ظالم ده الواحد ماشي بيه


16- هل حد ظلمك لدرجة انك قلت مش ممكن اسامح؟؟؟
يعني بس المسامح ربنا
17- لو هتسافر مكان ومطلوب منك تاخد شخصين بس معاك تختار مين؟؟؟
ايمي ود. عبد الله


18- دموعك سهل حد يشوفها والا صعب؟؟؟
يعني
وياترى مين الشخص اللي ماتخجلش لو شاف دموعك في اى وقت؟؟؟
اي حد بحبه
20- ايه البلد اللي تحب تزورها؟؟ ولو ماكونتش مصري كنت تتمني تكون من اى بلد؟؟؟
اصلا حضرتك بتشككي في مصريتي واعضاء من المنتدى كما ن
بس انا مصري وابويا مصري وسماري ولوني مصري
وكلها زي بعضها اي حتة حلوة وخلاص

:D ايه السؤال اللي كنت تتمنى انى ماسألوش ؟؟؟
هو السؤال ده علشان انا مش بحجب حرية حد خالص
ديموقراطي جدا
بس زي ناس
http://www.ebnmasr.net/forum/images/smiles/megalol.gif http://www.ebnmasr.net/forum/images/smiles/megalol.gif


وطبعا دى الاسئلة الثابتة يعنى مش اسئلتى

:Dانا لسه مسألتش
مستني يا ما ما ميرو
ياترى المدة بتاعت الكرسي قد اية؟




في رعاية الله
Messenger of Peace

[اميرة حبى انا]

شكرا على الاجابات يا معاذ
بس انا عمرى ما شككت فى مصرية حد
انا كل اللى قلته مش لازم نبقى مش شايفين غير السلبيات بس
مش لازم كل مانتكلم عن مصر نقول سلبيات ملهاش عدد
شوية كده وشوية كده
اعتقد الجملة دى مش معناها ان انا شككت فى مصرية حد
ومدة الكرسى اسبوع يامعاذ

[قمر]

انا جبتلك اسئلتى
- هـوايتك المفـضلة وأكلتك المفضلة ؟
2- حـبيت كـام مرة ؟
3-آية رائيك فى المنتـدى؟
4-آيـة الاشياء الى معـترض عليها فى المنتـدى؟
5- عـندك كام اخ واخـت؟
6-احلي يوم بتحبه ؟
7-اسم واحد متعلق بيه اوي زي اخوك ؟
8-بتحب والدك اكتر ولا والدتك؟
9-لما تكون زعلان بتعمل ايه؟
دخلت على الاسئلة على طول من غير ماعزمك على حاجة خد اشرب كوب العصير ده وبعد كدة نكمل

http://www.majalisna.com/gallery/1730/1730_17618_1145596455.jpg


10-لما تكون فرحان بتعمل ايه؟
11-اية اكتر اسم لبنوتة بتحبة؟؟؟؟؟
12-ايه اكتر اسم للاولاد بتحبه
13-مثلك الاعلي في الحيــاة ؟
14-ايه الاغنية الي بتسمعها علي طول ؟
15-ايه احسن اغنية سمعتها السنة دي ؟
16-بتحب مين من المطربين ؟ المطربات ؟
17-شربت سجاير فى حياتك قبل كدة؟

[Messenger of Peace]

انا جبتلك اسئلتى

- هـوايتك المفـضلة
بلايستيشن , نت , كرة قدم , يد بس بطلتها
قراءة للهروب من المذاكرة
وأكلتك المفضلة ؟
اممممممم مش عارف
ممكن الكبسة
2- حـبيت كـام مرة ؟
الحب ف الله لاي حد سواء شاب او شابة زي اخواتي كلهم


3-

آية رائيك فى المنتـدى؟
زي الفل بس بلاش مشاكل

4-آيـة الاشياء الى معـترض عليها فى المنتـدى؟
الخلافات
5- عـندك كام اخ واخـت؟
6 اخوات غيري واخت
6-احلي يوم بتحبه ؟
يوم الخميس علشان الاجازة وصابح جمعة
7-اسم واحد متعلق بيه اوي زي اخوك ؟
ناس كثيرة اوووي اكثر واحد المجاهد في سبيل الله (أ/ احمد )
وامحود فاميبر
8-بتحب والدك اكتر ولا والدتك؟
لا عادي بس بيغلب علينا حب الوالدلانه حبوووب اووووي
9-لما تكون زعلان بتعمل ايه؟
ممكن اعيط يعني او افكر ف انتحار
دخلت على الاسئلة على طول من غير ماعزمك على حاجة خد اشرب كوب العصير ده وبعد كدة نكمل

http://www.majalisna.com/gallery/1730/1730_17618_1145596455.jpg
بطلت اشرب حاجة برة علشان انفلوزنرا الخانزير
بهزززززززززر طبعا
شكرا يا قموووووورة

10-لما تكون فرحان بتعمل ايه؟
مش اعتقد اني فرحت فرحة افرحلها بس عادي يعني هفرح
11-اية اكتر اسم لبنوتة بتحبة؟؟؟؟؟
مش عارف
12-


ايه اكتر اسم للاولاد بتحبه
احمد محمد حذيفة

13-مثلك الاعلي في الحيــاة ؟
انا طبعا القدوة الحسنة الرسول عليه افضل الصلاةوالسلام
ولكن اتكلم عن الاشخاص فهو والدي حفظه الله وجدي رحمه الله
14-ايه الاغنية الي بتسمعها علي طول ؟
ممكن يكون انشاد ديني
سنخوض معاركنا معهم
وفي طبعا اناشيد كثيرة مثلا الشيخ مشاري حفظه الله
وبيسمع برضه اغاني عموورة اليسا العسيلي
15-ايه احسن اغنية سمعتها السنة دي ؟
مش فاكر عادى يعني
16-بتحب مين من المطربين ؟ المطربات ؟
عمر ودياااب اليسا
17-شربت سجاير فى حياتك قبل كدة؟
ههههههههههه
اية الاحراج ده

ممكن اروح اجيب اي حاجة من اي حتة
انا لو اعرف الكرسي في احراج






انا اطالب بتغيير السؤال
ههههههههههه
او استعين بصديق



مدام اتفقنا صراحة
تجربة لعب عيال نفس صغير وانا عيل اووووووووووي






في رعاية الله

[fagrmasr01]

لا أملك الا ان اشكرك وادعو الله عز وجل ان يجازيك عنى خير الجزاء
فقد طوقتنى بمكارمٍ لا تسعفنى الكلمات لشكرها

واسمح لى ان اقدم اسئلة مبدئية
مع الاحتفاظ بحقى فى تقديم المزيد
للتعرف اكثر عليك وعلى شخصيتك

لماذا لم تختار اسم يعبر عنك عند دخولك المنتدى ودخلت باسمك الحقيقى ..؟؟؟


- أعلى شهاداتك ( الدرجة العلمية والتخصص )
-احساسك ايه وانت مطلوب للجلوس ع الكرسى ؟
- مين اقرب انسان 1 - لقلبك .. 2 - لعقلك ؟
-احكى لنا حلم اتحقق وحلم لسه ؟
- ايه الى تتمنى انت شخصيا تحققه لكن عقلك بيقولك انه مستحيل ؟
- ايه الى تتمنى ان مصر تحققه لكن عقلك بيقولك انه مستحيل ؟

- لو مطلوب نلغى وزارتين .. تختار تلغى مين ؟
- لو لقيت شنطة فيها مليون دولار .. هتتصرف ازاى ؟ 1 - لو متعرفش صاحبها ... 2 - لو عرفت صاحبها

- تقول لمين :
* منك لله .. ومش مسامحك
* انا زعلان اوى منك لكن مسامحك
* مواضيعك حلوة اوى
* ردودك حلوة اوى
* مواضيعك وردودك تحصيل حاصل
* انا غلطت فى حقك .. سامحنى
* انا بحبك اوى
* انت واحشنى وبتوحشنى اوى
* انت غدار ومالكش امان
- اصعب موقف قابلته هنا فى المنتدى .. واتصرفت فيه ازاى
- وجه نقد ونصيحة الى :
* خلود - ليون - محمد خليفة - الفارس - اسامة - أميرة - جمال
- لو حكمت الظروف وقابلت الشخصيات التالية .. هتطلب ايه منهم :
* احمد آدم
* عادل امام
* محمد صبحى
* ماما سوزان
* وزير التربية والتعليم
* وزير التضامن الاجتماعى
* وزير الصحة
* وزير الثقافة
* وزير العدل
* محافظ 6 اكتوبر
* رئيس المجلس المحلى فى الحى الى انت ساكن فيه
* مدير المرور
* رئيس مجلس الشعب
* رئيس مجلس الشورى
* رئيس امريكا الحالى
* بان كى مون سكرتير عام الأمم المتحدة
- هل تقرأ جرائد يومية او اسبوعية ؟ ايه جريدتك المفضلة ؟
- ايه موقعك اللى بتحبه على النت غير اكتوبر
- مين الكاتب الى بتحب تقرا له ؟ وايه احسن كتاب قرأته مؤخراً؟
- مين الشاعر الى بتحب تقرأ أشعاره ؟ واكتب لنا بيتين شعر من تأليفه
- مين المخرج الى تحب تشوف اعماله ( سينما او مسرح او تلفزيون )
- ايه القناة الفضائية المفضلة عندك واهم برامج بتحب تشوفيها ؟
- هل عندك بطاقة انتخابية ؟ لو لأ ياريت تقول لنا السبب.
- هل تنتمى الى حزب او بتحب فكر سياسى معين ؟ وايه رأيك فى الاحزاب ؟
- بتشجع اى نادى فى كرة القدم المصرية ؟ ومين احسن 3 لاعبين تحبهم ؟
- اكتب لنا احساسك الشخصى عن الكلمات الاتية فى عبارة من 3 - 5 كلمات :
* الحب - مصر - العروبة - الغربة - الموت - القمر - البحر - النيل - المراهقة - القدر

[fagrmasr01]

اسمح لى ان استكمل
ومعلش طولت عليك وكترت اسئلتى
ولكنها والله دليل حب واعتزاز

- ايه رأيك فى صداقات الانترنت - وحب الانترنت ؟ وهل حصل او بيحصل معاك ؟
- ايه فى رأيك هو سر نجاحك ؟
- من هو / هى قدوتك فى الحياة ؟ من الشخصيات العامة فى مصر .....
- هل تؤمن بالعمل الجماعى او المسئولية الفردية لكل شخص ؟
- هل تؤمن ان التحفيز المادى افضل ام التحفيز المعنوى
- هل تؤيد ام ترفض فكرة الغاء عقوبة الاعدام فى مصر
- هل تؤمن بفكرة التظاهر من اجل اعلان الرفض .. او التأييد
- هل تؤمن بالتسامح مع الشخص المقصر فى عمله .. علشان خاطر بيته وعياله مثلا ؟ ام تؤمن بضرورة العدالة ؟
- هل تؤمن بالقيادية leadership او بالتسلسل الوظيفى ؟
- وجه نصيحة للاعضاء الجدد
- وجه نصيحة للمشرفين
- وجه نصيحة للادارة
- وجه نصيحة للاعضاء القدامى

وللحوار بقية .. ان كان فى العمر بقية

[fagrmasr01]

معاذ... معاذ .. معلش يا اخى العزيز .. سؤالين اضافيين وجدت انك أنسب شخص اسألهم لك فى الوقت الحالى
فى هذه الظروف الجميلة التى تمر بها امتنا العربية والاسلامية



- لو عينوك رئيس البلد لمدة أسبوع .. ايه اهم قراراتك الى هتصمم تنفذها؟ بمعدل قرار لكل يوم
- ايه رأيك فى حالة الجنيه المصرى ؟
- ايه رأيك فى السلبية الى عايشينها حالياً فى مصر وايه أسباب عدم مشاركة الشباب وحتى الكبار كمان اليومين دول فى الحياة السياسية او خدمة المجتمع ؟

(( من اجل مصر )) ... فى ظل هذا العنوان : - ماذا تقول لاحزاب المعارضة
(( من اجل مصر )) ... فى ظل هذا العنوان : - ماذا تقول لأيمن نور
(( من اجل مصر )) ... فى ظل هذا العنوان : - ماذا تقول لاوباما

(( من اجل فلسطين )) ... فى ظل هذا العنوان : - ماذا تقول لمصر الرسمية
(( من اجل فلسطين )) ... فى ظل هذا العنوان : - ماذا تقول لمصر الشعبية
(( من اجل فلسطين )) ... فى ظل هذا العنوان : - ماذا تقول لقادة فتح
(( من اجل فلسطين )) ... فى ظل هذا العنوان : - ماذا تقول لقادة حماس
(( من اجل فلسطين )) ... فى ظل هذا العنوان : - ماذا تقول لبنيامين نتنياهو

* ايه رأيك فى سلاح المقاطعة للمنتجات الدانماركية والاوربية والامريكية والاسرائيلية .. هل يجعلهم يتوقفوا عن الاساءة الى الاسلام

هل أعجبك خطاب اوباما الذى القاه فى مصر واختار فيه بضع كلمات عربية

[خلود]

ازيك معاذ

لا حول ولا قوه الا بالله

انا جايه اسلم بس وامشى وبحتفظ فى حقى بالاسئله بتاعتى

فى انتظارك يابطل بأسئلتى لما تخلص اللى قدامك

وربنا معاك بقى ويقويك

اهم حاجه بس تخلى بالك من الكرسى لانه عهده على اميره

[دعاء الكروان]

ازيك يا معاذ
منور الكرسى
يلا شد حيلك عيزين اجابات صريحة هههههه
وربنا يوفقك

[fagrmasr01]

اخى معاذ.. يارب متتضايقش من اسئلتى الكثيرة
لكنها دليل حب اقدمه من القلب والعقل
وانتظر اجاباتك
الله يوفقك ويعينك

[DMR]

انت رحت فين يا معاذ هربت من الاسئلة ولا ايه ؟؟؟
مستنينك

[مارو]

ربنا معاك يا معاذ
واحدة واحدة
رتب الأسئلة كويس وبعد جاوب عليها
وإوعى يوقعوك في الأسئلة
علشان فيه أسئلة مكررة
ومرتبطة في بعضها

[fagrmasr01]

الأخ الغالى مارو

اعتذر عن كثر أسئلتى .. ولكننى اكررها اليك انها دليل حب من العقل والقلب معاً

وعن نفسى فاننى اعفيك من اى سؤال تشعر انك لا تود الاجابة عليه وليس فى هذا اى حرج
إنما اردت ان اشاركك وان يزداد الموضوع ثراءً بمداخلتى المتواضعة
احبك فى الله ولوجه الله

[مارو]

الأخ/ فجر مصر
أنا لم أقصد شئ والله
أنا أقصد مساعدته فقط
جزاك الله خيراً

[مارو]

نداء هام
يا معااااااااااذ
إرجع لأسئلتك
وجاوب عليها
خلاص مفيش أسئلة صعبه
كل الأسئلة سهله
إرجع يا معاذ
هو راح فين؟

[اميرة حبى انا]

للاسف الشديد
اخر يوم لمعاذ على الكرسى غدا
والى الان لم يرد على الاسئلة
وان لم يدخل للغد
اضطر اسفة لاغلاق الموضوع
واختيار الضيف الجديد
احنا منتظرينك يا معاذ

[Messenger of Peace]

باااااااااااااااك يا شباب والله المنتدى كل ما اجاوب ع الاسلئة الجهاز يهنج
مش عارف اية النحس ده
هجاوب ع كل حاجة خاصة الراجل اللي مغرقني اسئلة عمو جمال

ان شاء الله بجاوب ع كل شئ

[fagrmasr01]

يا معاذ يا اخى لو اسئلتى هى الى مهنجة لك الجهاز امسحها خالص وجاوب على الى قبلها او الى بعدها

انا بس كنت عاوز اقدم اسئلتى تحية استضافة اليك

مع الاسف مفيش تعديل فى المواضيع دلوقتى .. كنت عملت لك خصم 50% واللا حتى 75%

على كل حال .. اعمل انت الخصم المناسب ليك .. ولو وصل 99.9% مش هزعل منك والله ابدا

[Messenger of Peace]

[quote=fagrmasr01;22912]

لا أملك الا ان اشكرك وادعو الله عز وجل ان يجازيك عنى خير الجزاء


ولك مثله يا عمو جمال


فقد طوقتنى بمكارمٍ لا تسعفنى الكلمات لشكرها

ما في شئ والله يا عمو جمال حضرتك الاب الروحي لنا كلنا


واسمح لى ان اقدم اسئلة مبدئية

اتفضل


مع الاحتفاظ بحقى فى تقديم المزيد


FPRIVATE "TYPE=PICT;ALT=0"اتفضل


للتعرف اكثر عليك وعلى شخصيتك
لماذا لم تختار اسم يعبر عنك عند دخولك المنتدى ودخلت باسمك الحقيقى ..؟؟؟
لا


كان اول تسجيل لية بالمنتديات هيدا الاسم


الاسم لانه اسمي


والعام لانه تاريخ ميلادي

-

أعلى شهاداتك ( الدرجة العلمية والتخصص )


انا دلوقت مقبل ع المرحلة الاولى من الثانوية ان شاء الله ونسألكم الدعاء


-

احساسك ايه وانت مطلوب للجلوس ع الكرسى ؟


كنت فرحان اول مرة بقى اقعد ع كرسي اعتراف


بس لو كنت اعرف


اقعد برضه

-

مين اقرب انسان 1 - لقلبك .. 2 - لعقلك ؟


ايمي , د. عبد الله

-

احكى لنا حلم اتحقق وحلم لسه ؟
مش بفكر احلم
- ايه الى تتمنى انت شخصيا تحققه لكن عقلك بيقولك انه مستحيل ؟
السلام


-

ايه الى تتمنى ان مصر تحققه لكن عقلك بيقولك انه مستحيل ؟
ان مصر تكون مصر اللي بيتمناها اي مصري


-

لو مطلوب نلغى وزارتين .. تختار تلغى مين ؟


-

لو لقيت شنطة فيها مليون دولار .. هتتصرف ازاى ؟ 1 - لو متعرفش صاحبها ... 2 - لو عرفت صاحبها


-

تقول لمين :
لو اعرفه هديهاله وهو ونظره ههههه
لو مش اعرف هوديها في مسجد واتبرع بيهم وكده يعني

* منك لله .. ومش مسامحك
اي حد يظلم اي حد
* انا زعلان اوى منك لكن مسامحك
اي حد يزعل اي حد
* مواضيعك حلوة اوى
حضرتك وميرو وخلود وليوون طبعا يعني الناس النشطة
قمر بتضحكنا

* ردودك حلوة اوى
زي اللي فوق
باستناء قمر يعني عيلة حبيتين سوري يا قمر بقولها ف شوك
* مواضيعك وردودك تحصيل حاصل
* انا غلطت فى حقك .. سامحنى
اي حد زعلته


*

انا بحبك اوى
كل اللي بحبه
زي عائلتي وصحابي صحاب النت برضه وايمي



*

انت واحشنى وبتوحشنى اوى
اي حد بيبعد عني وبكون بحبه


*

انت غدار ومالكش امان
الكيمياء
ههههه
الزمن دبعا


-

اصعب موقف قابلته هنا فى المنتدى ..
لما الناس بتفهم ناس غلط وتزعل من بعضها واتصرفت فيه ازاى
بحاول اهدى النفوس


-

وجه نقد ونصيحة الى :
* خلود
حضرتك طيبة وبلاش الطيابة ديه ف الزمن ده بس اوعى تسمعي كلامي
- ليون
عيالك عايزينك
- محمد خليفة
- الفارس - اسامة -

ربنا يهدي كل العباد

أميرة بلاش تكوني عصبية كده اوى وخليكي ميرو حبيبة الجماهير
- جمال
ربنا يخليك ويوفقك لفعل الخير وهدئ من روعتك وسامح الناس
- لو حكمت الظروف وقابلت الشخصيات التالية .. هتطلب ايه منهم :
* احمد آدم
قرمط حبيب هارتي بموت في شخصية قرمط
طبعا عمل كل حاجة والحدق بيفهم ف الفيلم ده


*

عادل امام
حضرتك فنان مبدع
سوري لكن تافه
مع اني من محبينك بس الحق يتقال


*

محمد صبحى
حضرتك استاذ قيم جدااا
وسياسي عملاق ولكن مش واخد حققك
* ماما سوزان
ربنا يسامحك


*

وزير التربية والتعليم
ربنا يخدك


*

وزير التضامن الاجتماعى
بتاع اية ده اصلا


*

وزير الصحة
بلااااااش تحايل ع الشعب يعني مش كل يوم تقول اه المستشفى ديه زفت والامكانيات مش مساعدة
امال انت لزمتك اية


*

وزير الثقافة
ههههههه ثقافة
اعتزل البلد عايزة رقص ونسوان سووري في اللفظ الا من رحم ربي


*

وزير العدل
ههههههه عدل شلي لله يا سي عدل


*

محافظ 6 اكتوبر
مش اول حاجة تعملها تعمل مواصلات حلوة داخل اكتووووووبر بلاش عربيات الفيووم بتاعت المعيز
والنقل الخارجي فين السرفيسات
اتوبيس نقل عام هيطلع من اكتوبر وكمان برضه زحمة


*

رئيس المجلس المحلى فى الحى الى انت ساكن فيه
الحي الرابع كله صحراء ومش في اي مرافق ولا خدمات


*

مدير المرور
نفسي اعرف الناس كلها قالت بقدرة قادر يوم اوباما الدنيا كانت فاضية
لية بعدها الدنيا بقت زخمة


*

رئيس مجلس الشعب
هههه لم الاعضاء بتاعتك وبلاش شتايم ف بعض


*

رئيس مجلس الشورى
اية الجديد في الخطة القرنية اللي جاية


*

رئيس امريكا الحالى
العب غيرها انتا كارت محرووق
لو تتكلم عن الاسلام كنت اسلمت اولى


*

بان كى مون سكرتير عام الأمم المتحدة
ده اللي كان زي كوفى عنان صح
منور يا حاج


-

هل تقرأ جرائد يومية او اسبوعية ؟ ايه جريدتك المفضلة ؟
يعني اخبار اليوم علشان اضحك
الدستور علشان جامدة
اهرام لما الاقيها قدامي بس مش فيها اي حاجة من الواقع خالص ده قومية


-

ايه موقعك اللى بتحبه على النت غير اكتوبر
بوابة الثانوية
- مين الكاتب الى بتحب تقرا له ؟ وايه احسن كتاب قرأته مؤخراً؟
عادي يعني مش بركز ف اسماء وغالبا بقرأ من النت خطافي


-

مين الشاعر الى بتحب تقرأ أشعاره ؟
احمد فؤاد نجم
عبد الرحمن الابنودي
امين الديب
شعر من تأليفه


-

مين المخرج الى تحب تشوف اعماله ( سينما او مسرح او تلفزيون )
يحيى العلمي
- ايه القناة الفضائية المفضلة عندك واهم برامج بتحب تشوفيها ؟
التلفاز ده بقى فاضي اختراع فاشل
بس عادي يعني اي حاجة تشديني
برنامج سماناني مش دايما بتابعه بس جاامد


-

هل عندك بطاقة انتخابية ؟ لو لأ ياريت تقول لنا السبب.
لا لا طبعا
انا صلا لسة مش عملت بطااااقة
- هل تنتمى الى حزب او بتحب فكر سياسى معين ؟ وايه رأيك فى الاحزاب ؟
نيتك وحشة
هههههه بهزر مع حضرتك
هو البلد فيها كام حزب
حزب واحد اللي شغال

- بتشجع اى نادى فى كرة القدم المصرية ؟
الاهلي يعني هو فريق عدل حتى غيره
ومين احسن 3 لاعبين تحبهم ؟
تريكة بركات وليد صلاح الدين


-

اكتب لنا احساسك الشخصى عن الكلمات الاتية فى عبارة من 3 - 5 كلمات :
* الحب
اسمى شئ وليكن حبا ف الله دون مصالح او اهواء
عروبة
مافي عروبة واحنا مش عارفين نقول كلمتين في قمة واحدة ع بعض
الاتحاد لازم يكون ع الدين يعني خلافة
- الغربة
احسن من الذل في بلدك
اديك متهان بره احسن ما تتهان جوه من بلدك
- الموت
اكبر موعظة
- القمر
غرورو لانه بينظر لينا من فوق
- البحر
موجه عالي وغدار
- النيل
هههه ربنا يتولاه
- المراهقة
فترة حلوة ف حياة الانسان بتكون فيها حاجات كثير غلط
- القدر
اللي مكتوب ع الجبين لازم تشوفه العين

الحمد لله الصفحة بتاعت المنتدى مهنجتش والمرة ده بس المنتدى مش كان عايز يتفتح خاالص

[Messenger of Peace]

اسمح لى ان استكمل

ومعلش طولت عليك وكترت اسئلتى
ولكنها والله دليل حب واعتزاز
اتفضل


- ايه رأيك فى صداقات الانترنت - وحب الانترنت ؟ وهل حصل او بيحصل معاك ؟
لا ادري بصداقة النت ولكن الى الان هي صداقتي الدائمة ناس احببتهم حبا جما
حب الانترنت موجود وقد يتدخل ان يكون بين قارة وقارة
فهناك من اصدقاء اخي من تزوج من اميركيات اتت الى مصر تتزوج منهم
وما ادري السر في ذلك

- ايه فى رأيك هو سر نجاحك ؟
مش ناجح اصلا
- من هو / هى قدوتك فى الحياة ؟ من الشخصيات العامة فى مصر .....
امممممم
يحيي المشد
- هل تؤمن بالعمل الجماعى او المسئولية الفردية لكل شخص ؟
الجماعية طبعا
تعاونو ع البر والتقوي كما قال المولى عز وجل
- هل تؤمن ان التحفيز المادى افضل ام التحفيز المعنوى
المعنوي
لان المادة شهوة يقدر الانسان لفعل اي شئ مقابل المادة وهو مالا تحمد عقبااااه
- هل تؤيد ام ترفض فكرة الغاء عقوبة الاعدام فى مصر
القصاص مذكور في القرآن
أيأتي بشر ويغير سنة الله
- هل تؤمن بفكرة التظاهر من اجل اعلان الرفض .. او التأييد
مظاهرات اية بس
هو عملو مظاهرات لية مش علشان اكل وشرب
كانو افين من اول انتخابات
ومدام كل واحد اكل وشرب وسجايره في جيبه
...و ... عمره ما يفكر ف حد تاني مش معااه كذا ولا كذا
الا من رحم ربي
- هل تؤمن بالتسامح مع الشخص المقصر فى عمله .. علشان خاطر بيته وعياله مثلا ؟ ام تؤمن بضرورة العدالة ؟
التسامح من الاسلام ويجب توافر المبررات المقنعة الجادة وليست الكاذبة
- هل تؤمن بالقيادية leadership او بالتسلسل الوظيفى ؟
اممممممم
انا ثقافتي صيعدي اية الكلام ده بس
ع العموم القيادية للاجدر
بس هو فين واكيد يوم ما يتواجد هتكون مشاكل للعنصرية
التسلسل الوظيفي موجود ف كل حتة يعني اول ما تتخرج من جامعة مثلا نائب او معيد بعد كده مدرس مساعد مدرس.... الخ

لغاية ما تكون رئيس جامعة ان شاء الله
بس يارب ابعد http://tbn0.google.com/images?q=tbn:8DjgkbWsxhNiFM:http://2.bp.blogspot.com/_AHBQmwXMaKs/See5qk_aT3I/AAAAAAAAAIk/uYzN_dWR71U/s400/zucchinizh4.jpg
- وجه نصيحة للاعضاء الجدد
اجعل مشاركتك مفيدة وقيمة للجميع
- وجه نصيحة للمشرفين
بلاش شغل النفوذ
- وجه نصيحة للادارة
مش عارف يتواجدو شوية ف المنتدى
المنتدى يكون مفتوح من غير تسجيل مش عارف ليه الحكر ده
- وجه نصيحة للاعضاء القدامى
لا تبخلو علينا باي نصحية او معلومة



وللحوار بقية .. ان كان فى العمر بقية
ف انتظار حضرتك



في رعاية الله

[fagrmasr01]

معاذ

اشكرك على اهتمامك بالرد
اجاباتك قووووية جدا ورائعة فعلا وواضحة وصريحة
وبصراحة
لذيذة جدا .. ربنا عز وجل يبارك لك

[Bin Abdullah]

أخي العزيز معاذ السلام عليكم
سؤال سهل جداً
هل لك هدف في الحياة؟

[اميرة حبى انا]

انا انتظرت اربع ايام على امل ان معاذ يدخل ويرد على اخر سؤال
وهذا لم يحدث ومدة جلوسه على الكرسى انتهت من اربع ايام
ولذلك اضطر لغلق الموضوع
وفى انتظار ضيف جديد عنده استعداد لكرسى الاعتراف