أراضي ابني بيتك حق انتفاع

[أبو عمرو]

أعلن الرئيسي محمد حسني مبارك في حوار لجريدة الأهرام أن أراضي ابني بيتك ليست ملكية خاصة للمستفيدين و لا يحق لهم التصرف فيها بالبيع لكنها حق انتفاع لكن الصحفي لم يوضح انتفاع مدى الحياة أم فترة محددة

[رهف]

نعم لقد سمعتها لكن كيف يبيع الناس هذه الاراضي طالما هي حق انتفاع نرجو التاكد من هذا الكلام من الجهاز لاني كنت ناوية اشتري قطعة من هذه الارض

[يسرى لطفى]

الموضوع يا جماعه حقيقى واللى عايز يتأكد يدخل على الرابط ده وربنا معانا
http://www.ndp.org.eg/ar/News/ViewNe...x?NewsID=54885

[adham62]

انتم مش لاقيين حاجه تتكلموا فيها
حق انتفاع ايه ياعباس انت وبرعى
الارض ملكيه خاصه لكل من وقع عليه الاختيار
وبعدين دا 150 م عمى
بتبنى نصفهم يعنى الغرفه الواحده مش هتعرف تفرش فيها غرفة النوم
هتكون راسك فى غرفة النوم ورجلك فى المطبخ
يابشر مستكترين على نفسكم الكام متر دول
حقيقى فعلا احلام الغلبان
غلبانه ليه

[يسرى لطفى]

يا عم الحاج ادهم 62 انت مره تقول اشعار فى منتدى تانى وهنا بتتهمنا بالكلام على الفاضى قبل ما ترد اتأكد من الموضوع من الرابط الموجود على الصفحه او الموجود فى المنتدى التانى لنفس الموضوع اللى انت مشارك فيه او ادخل على موقع الحزب الوطنى واسمع واقرأبعينك خطاب الريس فى اسوان وهتعرف اللى بنقولوا ده صح ولا غلط ويا ريت يكون غلط واحنا بنتكلم وخلاص ويكون الكلام ده مش حقيقى

[BEKY]

ياجماعة حرام عليكو الكلام فى هذا الموضوع لان سيادة الريئس لم يقصد ابدا ان الارض مش ملكية خاصة للمستفدين وهى حق انتفاع طالما لم يسدد قيمة القسط (ثمن الارض) اولاا دة تخصيص مثل اى تخصيص ارض فى المدن الجديدة وله شروط المدة فى البناء والشكل الخارجى والمساحة وسداد قيمة الارض وبلاش تعمل دوشة على الفاض ياريت تركيزو فى البناء فى المدة المحددة وبلاش ذن (طبور وذن على خراب عيشة )
وشكرا جزيل لكل من يقرأ ولا يعلق
واود ان الزميل كاتب هذا الموضوع ان يغير عنوان( أراضي ابني بيتك حق انتفاع ) الى اعرف حقق ولا تقلق

[adham62]

ايوه ياحاج لطفى
ياريت بلاش البلبله دى علشان ندعيلك
وبعدين رابط ايه وموقع ايه اللى بتتكلم عنه دا
الارض بيع وشراء بين طرفين الطرف الاول جهاز المدينه والطرف التانى المستفيد
احنا هنبنى شقه لاولادنا على ارض نمتلكها
مش كشك سجاير وحاجه ساقعه على محطة الترماى
عارف الترماى ولا نسيته
ركز فى البناء
ودعك من الخزعبلات علشان اخلى خلتى ام اسماعيل تدعيلك

[يسرى لطفى]

يا عم ادهم احنا بنتكلم فى كلام حصل بالفعل وما بنطلعش قرارات من عندنا ومش ذنبنا انك ما بتابعش الاخبار او مش بتقرأ جرائد وبنا يخيب ظنونا
على العموم يا عم ما تزعلش ادينا طلعنالنا بدعوه حلوه من عندك بس اوعى تنسى او ترجع فى كلامك

[نسر الصعيد]

احنا ناس كلمه تودينا وكلمه تجيبنا انتفاع ايه يا عم الحاج لطفى ابنى بيت واصرف عليه وفى الاخر انتفاع دى صحراء مش منتجع شرم الشيخ وانت شكلك فرحان بالكلام ده انت عارف الريس يقصد ايه ربنا يطولنا فى عمره ويحفظه من كل غارد وكاره ليه ولمصر

[wadiabkar]

يبدو أن هذا الكلام صحيح ، وقد قرأته في الأهرام وغيرها من المواقع، والسؤال الملح هو:
- ما معنى حق الانتفاع؟
- هل نكمل السلف والدين من أجل البناء أم نوفر ذلك على أنفسنا ونترك للحكومة الجمل بما حمل ليبيعوا أراضينا للأجانب لأنهم مستحميين ونضاف واحنا لا مؤاخذة؟
- بجد أصبت بيأس غريب، وأحسست فعلا إن مصر لن تكون للمصريين في يوم من الأيام، ولو عايزين يلغوا البيع والشراء في المشروع يجعلوا هذا من الشروط، لكن يقولوا حق انتفاع وبعد كام سنة يعملوا فينا زي ما بيعملوا في الفلاحين اللي مأجرين أرض من الاوقاف، هذا أمر لا يمكن تحمله.
- نتمنى من السيد الرئيس مراجعة هذه القرارات.