المساعد الشخصي الرقمي

مشاهدة النسخة كاملة : ارض الكنانه


الباشا تلميذ
16-06-2009, 12:19 AM
:1 (1):
بحبك يامصر
*******

فى يوم النصر فى أكتوبر
فى شهر الصوم
على الجبهه عشان خطرك
دفعت مهرك وسال دمى
على ترابك
يا مصر فى حضني
بتنامي واغنيلك تغنى لى
وبفرح جوه أحضانك
*****
فى حبك يامصر ضحينا
حدود الصعب عدينا
وبسم الله كبرنا
ورفعنا الرايا بإدينا
فى حبك يامصر
بحور الشعر ننساها
و بكتبلك على الأشواق
أنا المشتاق تضميني
أنا الشاعر بحالة عشق فياضة
أنا نفسي أكون نيلك وقنديلك
و انور لك أنا ليلك
أكون لحنك وأغنيلك
عن الأشواق وعن عمرك
وعن شمسك وعن قمرك
وعلى الأغصان ياغصن الزيتون
حمام ابيض
تاريخ وحضاره جواكى
ياست الحسن
يا شيله الحزن من قلبي
وزارعه الحب جوانا
وحشتيني وأنا معاكى
أناديلــــــــك
أنـــــا جيلــــــك
أناديلك تضميني
وتخدينى تلاقيني
أنـا فــي نيلـــك
واعديلك من الأهوال
وان طالت هموم الدنيا
لو مالت على كتفك اشيلها لك
واعديلك صعاب وصعاب
بحبك يامصر وبقوه
يانبض القلب من جوه
يا دم بيجري في عروقي
كتبتلك من شوقي
بحب في شعبك الطيبه
وروح النصر ياحبيبه
بحبك مصر .



:36_3_17[1]::36_3_19[1]::50 (37):
دعاء الكروان
16-06-2009, 05:02 AM
قصيدة ما اجملها فى حب مصر
سلمت يداك
ويا رب يكون ليك الحظ وتكسب المسابقة
ان شاء الله
DMR
16-06-2009, 12:29 PM
حلوة اوي يا باشا و ان شاء الله تكسب في المسابقة
قمر
16-06-2009, 05:58 PM
حلوة ياباشا
تسلم ايدك فى اختيارك
خلود
16-06-2009, 06:08 PM
حلوه اوى ياباشا

تسلم اختيارك وان شاء الله تكون الفائز ى المسابقه
الباشا تلميذ
16-06-2009, 09:05 PM
دعاء الكروان
دىدى
قمر
خلود
شكرا لمروركم الكريم
وردكم الاكرم
fagrmasr01
16-06-2009, 11:03 PM
القصيدة فعلا اكثر من رائعة
ولكن اسمح لى ان اطلب منك طلب صغير

هل ممكن معرفة اسم الشاعر