المساعد الشخصي الرقمي

مشاهدة النسخة كاملة : لسكان الفردوس مع التحيه


((سارة))
13-06-2009, 08:24 PM
السلام عليكم ورحمة الله

اخواتي انا عضوه معاكم جديده او بمعنى اصح ساكنه معاكم جديده في مدينه 6 اكتوبر وكنت احب استفسر عن هذه المدينه الجديده والجميله بآهلها ان شاء الله

وخاصا مدينه الفردوس كنت عاوزه اعرف عيوبها مميزتها وهل هي افضل ام حي البشاير

واتمناه تفيدوني بالنسبه للاسعار في هذه المنطقه وخاصا للي عاييشين فيها
ولكم مني خالص التحيه

:50 (31):
((سارة))
14-06-2009, 06:08 PM
معقوووووووووووووووووووووووووووووله مافي عضو هنا يعلم عن الفردوس

هي امام دريم لاند

وجانب حي الاشجار

يا جماااااااااااااااااعه ردووو الله يوفقكم
mandoo
16-06-2009, 12:37 AM
انا من الفردوس بصي هيا كويسه بس عيبها انها بعيده عن المدينه يعني اقرب للهرم من الحصري وبعدين هيا اسكان لظباط الشرطه وزي ما الاخ تكرم هيا قدام دريم لاند وجنب حي الاشجار بس اسعار ايه بقا اللي بتسألي عنها عشان انا مش فاهم
haneen
16-06-2009, 06:38 PM
اذا سألتي عن الافضلية يقى البشاير
اولا لانها في مدينة 6 اكتوبر نفسها
ولانها اهلة بالسكان وشيك ونظيفة
السعار في البشاير مش رخيصة يعني مثلا شقة 120 متر متشطبة في حدود 250 ده عن تجربة السنة الا فاتت
التوفيق
((سارة))
17-06-2009, 01:44 AM
انا من الفردوس بصي هيا كويسه بس عيبها انها بعيده عن المدينه يعني اقرب للهرم من الحصري وبعدين هيا اسكان لظباط الشرطه وزي ما الاخ تكرم هيا قدام دريم لاند وجنب حي الاشجار بس اسعار ايه بقا اللي بتسألي عنها عشان انا مش فاهم

اشكرك اخ ماندو على ردك بس بتقول ان عيبها بعيده عن المدينه هل معنى كده انها مقطوعه وغير اهله للاسكان ام منطقه فيها كل الخدمات والحمد لله انك من سكانها بصراحه انا عايشه خارج مصر واتعاقدت في شركه هنا والمكان الى في الفردوس اسمه ابراج الدوحه اتمناه تفيدني عن المنطقه لاني لم اراها على الطبيعه كله على الورق ومن خلال النت
وبالنسبه انها سكن ضباط هي ارض للداخليه واعرف انها بعتهالمستثمرين

وبقصد بالسعر يعني سعر المتر هناك في غالي ولا رخيص لاني اشتريت سعر المتر 1400

اتمناه تفيدني الله يوفقك
((سارة))
17-06-2009, 01:50 AM
اذا سألتي عن الافضلية يقى البشاير
اولا لانها في مدينة 6 اكتوبر نفسها
ولانها اهلة بالسكان وشيك ونظيفة
السعار في البشاير مش رخيصة يعني مثلا شقة 120 متر متشطبة في حدود 250 ده عن تجربة السنة الا فاتت
التوفيق


اشكرك اخت حنين على ردك الله يوفقك
بس اختى انتي عارفه مدينه الفردوس انتي بتقولي ان البشاير افضل لانها اهله بالسكان وشيك ونظيفه يعني الفردوس عكس كده؟؟؟؟؟؟؟؟؟؟؟؟

لانهم اخواتي شافه المنطقه ولي اخت في البشاير بتقولي ان مدينة الفردوس راقيه وفي مستوى البشاير لاني بصراحه اشترتها ودفعت مقدمها من غير ما اشوفها اخواتي هما شافوهاولظروف مش قادره انزل بنفسي وعسى الله انه يوفقني ويكون في الفردوس الخير

وجزاكي الله خير الجزاء
haneen
17-06-2009, 08:30 PM
السلام عليكم

الفردوس تعتبر كومبوند كله عمارات سكنية
هيا مدينة جميلة والله مش وحشة
بس انا اقصدانها على طريق الواحات جنب دريم لاند خارج اكتوبر شية وعيزة سيارة خاصة
لكن البشاير في المدينة من الداخل
بالتوفيق ربنا يجعلها عتبة خير عليكي
((سارة))
18-06-2009, 05:33 PM
السلام عليكم

الفردوس تعتبر كومبوند كله عمارات سكنية
هيا مدينة جميلة والله مش وحشة
بس انا اقصدانها على طريق الواحات جنب دريم لاند خارج اكتوبر شية وعيزة سيارة خاصة
لكن البشاير في المدينة من الداخل
بالتوفيق ربنا يجعلها عتبة خير عليكي

الله يسعد قلبك ويرضى عنك كلك ذوق يا حنين اشكرك على ردك وانا صليت صلاه استخاره وتركتها على الله والله يجعل فيها الخير
وبالنسبه للسياره الحمد لله عندي سياره في مصر وانا اعتبارتها ميزه لان ماما ساكنه في المهندسين فقلت اكون مش بعيده عن ماما وفي نفس الوقت في مكان بعيد عن نص البلد
واشكرك اختي مره تانيه الله يوفقك آآآآآآآآآآآآآمين
mandoo
19-06-2009, 11:32 PM
علي فكره الفردوس جميله جدا ومش وحشه نهائي بس انا كنت بقول انها بعيده عن وسط المدينه وبدال انتي عندك سياره يبقا مفيش اي مشاكل وكمان انتي بتقولي انك اشتريتي سعر متر الارض علي 1400 يبقا ده كويس جدا لان سعر المتر بيوصل هنا لـ 4000 دا لو علي الطريق انما سعر المتر في الشقق فا انا هقولك لو الشقه 105 متر بتعمل حوالي 140 الف ولو الشقه 150 متر بتعمل حوالي 200 الف ... وبالنسبه للخدمات كل شئ متوفر ولو في اي استفسار تاني ابقي حطيه
mandoo
19-06-2009, 11:40 PM
اه علي فكره الابراج اللي اسمها الدوحه دي جوه ومش تبع الداخليه يعني هيا بعد العمارات بتاعت الدخليه بشويه بس الابراج دي كويسه جدا وبعدين هتعجبك كتير وسعر المتر فيها يستاهل اكتر من 1400 عموما ربنا معاكي والخيره فيما اختاره الله .
((سارة))
20-06-2009, 02:31 AM
جزاك الله الف خير اخي العزيز على ردك وكما قلت الخيره فيما اختاره الله

وان شاء الله بحاول انزل قريب جدا واشوفها على الطبيعه والله يدخل السرور على قلبك زي ما طمنتي بالنسبه للشقه اختي لما شافت الشقه قالت لي انتي شقتك بتطل على مسجد ودخلت جوجل ارث وجدت ان في مسجد اسمه الرضوان
وعلى العموم لما ان شاء الله اعيش فيها بعرف كل حاجه عنها والله يوفقك ويحقق لك كل ما تتمناه آآآآآآآآآآآآآآمين
mr_safwat
20-08-2009, 05:08 PM
محدش عندة صور لمدينة الفردوس
((سارة))
30-08-2009, 03:18 PM
محدش عندة صور لمدينة الفردوس

من غير صور روحتها ومع الاسف غيرت رآي نهاااااااائي وغيرت رآي في 6 اكتوبر كلها من الدعايه الى سمعتها وانا بالخارج قلت دي جنه على الارض لكن الحلو ما يكملش مع الاسف
كل شيئ في بدايته جميل وراااقي وبعد فتره تجد السلبيات مع الاسف رجعت وانا حزينه حتى دجله جاردينز الى بيحكه عنها وكآنها الجنه المنشوده الله اعلم بعد ما تكمل وتتعمر بالسكان بيحصل فيها ايه
بجد الحلو ما يكملش فيكي يا مصر مع الاسف
اعذروني راجعه من مصر بعد غيبه 20 سنه محطمه تماما ولا حول ولا قوه الا بالله
وانا لله وانه اليه لراجعون:50 (8):
mr_safwat
03-10-2009, 01:50 AM
من غير صور روحتها ومع الاسف غيرت رآي نهاااااااائي وغيرت رآي في 6 اكتوبر كلها من الدعايه الى سمعتها وانا بالخارج قلت دي جنه على الارض لكن الحلو ما يكملش مع الاسف
كل شيئ في بدايته جميل وراااقي وبعد فتره تجد السلبيات مع الاسف رجعت وانا حزينه حتى دجله جاردينز الى بيحكه عنها وكآنها الجنه المنشوده الله اعلم بعد ما تكمل وتتعمر بالسكان بيحصل فيها ايه
بجد الحلو ما يكملش فيكي يا مصر مع الاسف
اعذروني راجعه من مصر بعد غيبه 20 سنه محطمه تماما ولا حول ولا قوه الا بالله
وانا لله وانه اليه لراجعون:50 (8):

اية اللى حصل عشان دة كلة
malkashab
27-10-2009, 10:43 PM
يا جماعة مدينة الفردوس والمنطقة الى حوليها مستقبلها مبهر والعينة وضحة حوليها دريم وحى الاشجار والماجيك لاند ومستقبلا استاد مبارك والقرية الكونية ونادى الزمالك الجديد والمنطقة دى اسمها حدائق اكتوبر وان شاء الله هيكون بها مجموعة كمبوندات وفنادق سياحية يعنى مستقبل باهر
وبعدين تعالوا بص على مدينة اتوبر من عشر سنين كانت مقطوعة ومحدش يرضى يسكن فيهاودلوقتى عمله ازاى !!!!!!!!!