هل تقبل الارتباط بفتاه اغتصبت

[خلود]

http://www.up-00.com/azfiles/w7D53849.gif


لايخلوا أي مجتمع من المجتمعات الغربية أو العربية من بعض
المشاكل التي تكون حساسة و حرجه في نطاق عادات وتقاليد أي
مجتمع,,


وسأعرض الموضوع ببساطه..


كلنا قد سمع أو عرف أو أطلع عن مشاكل الفتيات اللآتي تعرضن للإغتصاب..


فتاة تقول تعرضت للإغتصاب من أبي..


وفتاة تقول أغتصبني أخي..


وأخرى تقول من قريب لي و أخرى و أخرى..


الكل قد أطلع والكل قد سمع بحجم مأساة هؤلاء الفتيات اللآتي أنتهكت أعراضهن وسلب شرفهن بل سلبت منهن الحياهـ..!!


حرمن من الراحه..


و أبتلين بالعذاب النفسي..


حرمن من لذة الفرح..


و أبتلين بالحزن والهم..


حرمن من أن يعشن كباقي أقرانهن..


بسبب نظرة المجتمع ستعيش حياة العدم..


أحببت طرح هذهـ المشكلة بسبب إزديادها..


وهنا السؤال المهم..


هل تقبل أن تتزوج فتاهـ تعرضت للإغتصاب...؟؟؟


سؤال لإخواني الشباب..


وللفتيات أن أردن التعقيب أو الإضافة..


أتمنى أن أرى تفاعلكم ومشاركاتكم وبكل صراحه وأمانه[/CENTER]

[محمود التهامي]

عندي سؤال بس

و اعتقد انه هيجاوب على سؤالك

ايه بقا الفرق بين المغتصبة وبين أي واحده تانيه

الفرق الوحيد بالنسبالي هو فرق نفسي

يعني الأصح اننا نقول تقدر تتجوز مغتصبة

لان هنا تكمن المشكلة

مين اللي يقدر يعيش مع واحده مرت وعاشت اللحظات دي

وهل هيقدر يعوضها وينسيها اللي حست بيه

لانه لو مقدرش يبقا ميتجوزهاش احسن

لكن يتجوزها ويموتها بنظراته ومعاملته

حتى ولو كانت نظرات عطف ومواساة

اعتقد اننا لو اتعاملنا مع الموضوع دا بطريقة افضل

وبطلنا شوية نفكر في موضوع العذرية

اللي مبقاش عود كبريت زي زمان

بقا ولاعة دلوقتي - بسبب العمليات اياها -

مكنتش هتبقا فيه مشكلة

يبقا نتجوز واحده مغتصبة

احسن ما نتجوز واحده مشيت مع طوب الأرض

- حتى ولو احتفظت بعذريتها والشباب طبعا عارفين قصدي ايه -

مش كدا برضه وللا ايه رأيكو

[محمود عبد الله]

اسمع لقول الحق
بسم الله الرحمن الرحيم
(ولا تكرهوا فتياتكم على البغاء, و ان اكرهتموهن فان الله من بعد اكراههن لغفور رحيم)
على هذا فالمغتصبة تعامل معاملة البكر و لا ينقص من حقوقها شئ ومن يفعل ذلك فكانه يعترض على رحمة ربنا التى انزلها عليهن
و شكرا على المواضيع الجامدة دى

[اميرة حبى انا]

والله انا فرحانة بيكو اوى
ايه العقل ده كلو
لا والاتنين محمود
بصرة يعنى

[خلود]

و
الله دي ردود جميله بس ياريت تكون عن اقتناع
ومتكونش مجرد شعارات ومتزعلوش منى لان الشاب المصرى اللى اعرفه انه متزمت
بعض الشئ
ويمكن الاخ محمود ( نصل الهوى ) لانه متجوز يمكن ده رايه اما الاخ محمود عبد الله مش عارفه جايز
وجايز عموما لو دى نظره معظم الشباب ياريت تبقى كده فعلا لانها تبقى حاجه جميله بجد
وشكرا على مروركم على موضوعى ويارب تعجبكم مواضيعىhttp://www.up-00.com/azfiles/79X34667.gif

[محمود التهامي]

بالنسبالي دا رأيي من قبل الجواز

واعتقد ان تزمت الشباب من المجتمع نفسه مش من الشباب نفسهم

لانه حتى لو واحد خد الموضوع عادي

امه وخالته وعمته وعائلته كلها مش هتسكتله

فبياخدها من قاصرها ويرفض الموضوع

اعتقد انه فيه حاجات كتير قوي ممكن تخلي واحد ميتجوزش نوع معين من البنات

لكن حكاية الاغتصاب دي معتقدش

دا هو نفسه ممكن يغتصب في زماننا دا

ساعتها بقا مش هيلاقي واحده ترضى بيه

ههههههههههه

[محمد المصري]

انا عن اقتناع

اؤيد كلام الاخ محمود ( نصل الهوى ) فى الرد الاول

بكل ما بة من كلمات

واتمنى من جميع الشباب ان تكون النظرة للبنت المغتصبة افضل مما هى علية

وخصوصا ان هذا خارج عن ارادتها

وليس لها دخل بة

شكرا خلود على موضوعك القوى الذى يستحق النقاش بجدية

[خلود]

ر
بنا يخليكم يارب

وشكرا على مروركم وردودكم الجميله