بعد اذنكم جميعا

[fagrmasr01]

بعد ان اصبحت مناقشاتى غير مقبول ان اذكر فيها اى شئ سلبى
برغم وجود السلبيات فى حياتنا كجزء اساسى

وبعد ان اصبحت المسابقات تنحصر فى ذكر الايجابيات فقط وممنوع منعا باتا ذكر السلبيات

ونظرا لأننى احبكم جميعا فى الله حبا قويا .. حتى من يخالفونى الرأى أحيانا

فكرت ان انسحب من المنتدى كما ينسحب اى عضو لا ينسجم مع توجه مكان يتواجد فيه بمحض ارادته
وذلك لاحساسى اننى حاليا غير منسجم مع التوجه العام المطلوب

ولكننى وبعد مراحعات مع نفسى ومع بعض المقربين منى نصحونى بعدم الانسحاب

ونظرا لأننى فعلا احبكم جميعا فى الله
ومظرا لأننى احترم جدا ادارة المنتدى وأعضائه وأقدرهم جميعا


فاننى استاذنكم جميعا
فى ان اتقوقع فى باب الشعر الذى احبه

وارجو المعذرة عن عدم الرد على اى موضوعات فى الفترة القادمة

ارجو منكم جميعا ان تسامحونى على تقصيرى او اخطائى
والتمس منكم الدعاء

[فريد]

استاذى العزيز / جمال
كان ليحزننى جدا جدا ان تنسحب
و ينسحب من بين ايدينا القلب الطيب و الاحساس المرهف
و الحمد لله انك غيرت رايك مش مشكلة انك ترد او لا فى الوقت الحالى
حتى تهداء نفسك و تعود الينا لكن بسرعة
عشان انا كما لن اضيف اى شيء حتى تعود
انا هاعمل اضراب معاك
ايه رايك بقى

[fagrmasr01]

اخى فريد
اشكرك من كل قلبى الضعيف على مشاعرك الطيبة
ولكن
والله هو ليس اضراب
هو مجرد اعتكاف جزئى

المنتدى هنا قيم ومحترم جدا
ادارته واعضائه فى منتهى كرم الاخلاق

هو فقط مجرد احساس بداخلى اننى غير متوافق فى الوقت الحالى مع التوجه العام للمنتدى
ولا يجوز ان ننكر على أصحاب المكان - الذين يستضيفونا مشكورين - ان يكون لهم توجه معين

جزاك الله عنى خير الجزاء..
واكرر رجائى لك وللجميع
بعدم الاضراب فانت قيمة عالية
والمنتدى قيم ويستحق كل تقدير

[DMR]

انا كنت سأحزن جدا جدا على انسحابك و لكن جيد انك غيرت رأيك في الانسحاب انني حقا احب اشعارك جدا لما فيها من احاسيس و مشاعر و معاني جميلة
و انا اقبل منك ان تذكر اي سلبيات في اي موضوع اكتبه او انقله لكم
و ارجو منك عدم التفكير في فكرة الانسحاب هذه مرة ثانية لأن المنتدى رائع بوجودك

[fagrmasr01]

اختى دى دى

الف الف شكر على مرورك واهتمامك

ومتشكر بجد على كلماتك الطيبة التى تساعدنى وتواسينى

اصارحك يا دى دى
ان الانسحاب هو القرار الاصح
ولكننى اجلته
بناء على نصيحة من اصدقاء
اعرف صدق اخلاقهم مثلك
ولكن المفترض ان لما واحد يختلف فى التوجه العام
مع مكان محترم زى هنا
فمن الواجب على من يختلف ان يترك المكان بهدوء
كما يفعل كثير من الاعضاء

المشكلة الحقيقية
اننى احب جدا هذا المكان
واحب ادارته واعضاؤه بقوة غريبة
واعتبره سلواى فى مرضى

ولكم جميعا فى نفسى مكان مش سهل
فعلا بحس انه بيتى وانكم اهلى

متشكر جدا جدا والله يا دى دى
يارب ربنا يبارك لك ويكرمك
ويجازيكى عنى كل خير
اللهم آمين

[فريد]

يااستاذ جمال
ان كان هناك اى مكان يعتبر له قيمة فهو بكل المشتركين فيه
و لا يعنى انك غير متوافق فى الوقت الحالى
ان تعتكف و تبقى وحدك
على فكرة انا فيه اقسام لم ادخلها
و موضوعات كثيرة ادخلها و منها موضوعات لك
و لا ارد عليها لانى غير متوافق معها الان
مثلا يعنى موضوعات عن الحب و ماشابه
ليس هناك مشكلة كلا منا له توجهات و افكار
ارجوك ارجوك ابقى معنا كما كنت و عهدناك

[fagrmasr01]

أخى فريد
من كل قلبى أشكر لك تكرار اهتمامك
الذى يدل على نقاء نفسك ورفعتك وسمو اخلاقياتك

شكر الله لك حسن صنيعك معى وصدق نصيحتك
جزاك الله عنى خير الجزاء
اللهم آمين

[خلود]

والله انا مش عارفه فيه ايه وانسحاب ايه اللى بتتكلم عنه يااستاذ جمال


بطل الكلام الغريب ده ومتفكرش فى الموضوع ده
انت انسان محبوب من الجميع هنا والناس بتقدرك وبتحترمك يبقى تفكر تنسحب ليه


مش علشان حصل خلاف فى وجهات النظر بينا فى موضوع ما يبقى ننسحب ونقول لا مش هكمل



لو كل ما اختلفنا مع حد هنسيب الدنيا ونمشى يبقى محدش هيكمل لا فى مدارس ولا اشغال ولا بيت ولا عيشه ولا الدنيا هتمشى


ياريت تفكر شويه اكتر من كده ولا اضراب ولا غيره
انا مش معاك فى الموضوع ده ومش موافقاك خالص وبسجل اعتراضى على كلامك ده ولا مقاطعه موضوعات ولا اضراب ولا غيره


سامحنى ان كان كلامى فيه حده بعض الشئ بس من احساسنا جميعا بغلاوه الاستاذ جمال وعدم تفريطنا فى وجودك بينا واعتزازنا بيك كأخ اكبر لنا فى المنتدى يارئيس البرلمان

[M.Khalifa]

أستاذ جمال أولا انت عامل ايه واحشني كتير
انت والمنتدى وكل أعضاؤه لكني بصدقت مع خلود في كل اللي قالته
انت انسان محبوب جدا من كل الأعضاء بلا استثناء والناس كلها بتحبك
ومش عارف ليه انت بتقلل ليه من قيمة المنتدى يا أستاذ/ جمال خليك صبور شوية وماينفعش انت بالذات تعمل اضراب لأنك المفروض "أستاذنا كلنا" وتصرفاتك المفروض تحسبها كويس لأنك مش أي حد ولا انت أي عضو انت القدوة بتاعتنا
بلاش تتعصب وتقول الكلام ده تاني ولو حبيت تاخد هدنه بلاش الذبذبة اللي بتعملها لو بعد عن المنتدى يوم أو اتنين مش مشكله هتلاقي نفسك اشتقت له تاني وتيجي

[مارو]

بصراحة أنا مش فاهم حاجة
إنسحاب إيه وإعتراض إيه
أنا أعرف إن المنتدى مفتوح لجميع الآراء إيجابي كان أو سلبي
وهي دي الميزة في المنتديات
وهل معنى أن رأيك يا أ/ جمال تمت معارضته من اي عضو أن يكون الإنسحاب
وهل موافقتك في الرأي تعني الإستمرار
لا تزعل مني
يمكن أنا مش فاهم الموضوع
أم المعارضة من إدارة المنتدى أصلاً؟
لابد أن نفهم
أرجوك قبل الإعتكاف أن تفهمنا إيه اللي حصل؟

[kabo]

سوف احزن كثير جدا لانك فعلا اسم كبير فى المنتدى هنا ومتيهألى انا وناس كتير بندخل ندور ع الى بتكتبه ارجوك رجاء شخصى لا تتركنا

[fagrmasr01]

خلود
انت انسان محبوب من الجميع هنا والناس بتقدرك وبتحترمك يبقى تفكر تنسحب ليه
مش علشان حصل خلاف فى وجهات النظر فى موضوع ما يبقى ننسحب ونقول لا مش هكمل
ولكننى وبعد مراحعات مع نفسى ومع بعض المقربين منى نصحونى بعدم الانسحاب ..
وقبلت النصيحة وقررت الاعتكاف مؤقتا فى قسم الشعر
لو كل ما اختلفنا مع حد هنسيب الدنيا ونمشى يبقى محدش هيكمل لا فى مدارس ولا اشغال ولا بيت ولا عيشه ولا الدنيا هتمشى

ياريت تفكر شويه اكتر من كده ولا اضراب ولا غيره
شكرا للنصيحة وباذن الله اتمنى ان يساعدنى ربنا واعمل بها

[fagrmasr01]

أستاذ محمد خليفة
ومش عارف ليه انت بتقلل ليه من قيمة المنتدى يا أستاذ/ جمال
لم يحدث ان قللت من قيمة المنتدى
وكلماتى كلها موجودة
وأظنها واضحة تمام الوضوح
خليك صبور شوية وماينفعش انت بالذات تعمل اضراب لأنك المفروض "أستاذنا كلنا" وتصرفاتك المفروض تحسبها كويس لأنك مش أي حد ولا انت أي عضو انت القدوة بتاعتنا
اوعدك ان احاول اتعلم احسبها كويس
بلاش تتعصب وتقول الكلام ده تاني ولو حبيت تاخد هدنه بلاش الذبذبة اللي بتعملها لو بعد عن المنتدى يوم أو اتنين مش مشكله هتلاقي نفسك اشتقت له تاني وتيجي
اوعدك اننى لن أتعصب ولن اكون سبب فى أى ذبذبة بعد انتهاء هذه المشاركة

[fagrmasr01]

اخى مارو
وهل معنى أن رأيك يا أ/ جمال تمت معارضته من اي عضو أن يكون الإنسحاب
وهل موافقتك في الرأي تعني الإستمرار
لا تزعل مني .. يمكن أنا مش فاهم الموضوع

قبل كل شئ اشكر لك اهتمامك
والموضوع ليس موافقتى او معارضتى فى رأى
بل انا الذى اطالب بان لايتم الهجوم على الرأى المعارض وعلى اى رأى يذكر اى سلبية

[fagrmasr01]

كابو ..
شكرا جزيلا على كلماتك الطيبة

ولكى اختتم الموضوع الذى فتحته
وحتى لا اتسبب فى اى ذبذبة
فاننى اشكركم جميعا واحييكم من كل قلبى

[اسامة22]

هقولك كلمة كان بيقولها ياسر عرفات الله يرحمة
كلمة بس فيها كل اللي عاوز اقولة
كلمة مختصرة




ياجبل مايهزك ريح

[fagrmasr01]

أسامة افندى
الف شكر على هذه الكلمة العملاقة
ربنا عز وجل يبارك لك ويكرمك

[الامير عماد]

السلام عليكم استاذ جمال

مافيش حاجة في الدنيا دي تستاهل الزعل الواحد لو هيزعل من اي كلمة تتقال ولا اي موقف مايعجبوش يبقي مش هيعيش في الدنيا دي

انت بتقول ان فيه مواضيع مش بتعجبك او ان الوضع مش ملائم انا لو مكانك عادي هدخل المنتدي واشارك في اللي يعجبني وابعد عن اللي مايعجبنيش

وحتي لو انت شايف ان فيه حاجات وحشة الواحد لما بيشوف حاجة وحشة المفروض مايتجنبهاش المفروض يحاول يصلح منها او يصلح صاحبها

ففكرة انك تبعد دي من وجهة نظري فكرة غير صائبة لان انت عضو فعال وكلنا محتاجين مواضيعك الجميلة ومشاركاتك القيمة

ياعم ده كفاية حتي موضوع اضحك كركر شوف فيه كام مشاركة وكام رد وشوف الناس فرحت بيه اد ايه


ولو انت شايف ان انت تعتكف في موضوع الشعر دي حريتك بس اهم حاجة ماتبعدش عننا
والسلام ختام استاذ جمال فجر مصر

اخوك الصغير عماد

[kabo]

كلنا هنا بننادى عليك يا استاذ جمال ومتمسكين بيك
من حقك ومن حقنا كلنا نكتب السلبيات والايجابيات ومش من حق اى واحد يمنع الراى والراى الاخر طالما لم مفيش كلمات خارجة او كلمات يرفضها الدين

معاك حق السلبيات زيها زى الايجابيات جزء من حياتنا
مش من حق اى حد يمنعك تتكلم عن السلبيات وتحاربها وكلنا معاك ضد كل السلبيات
من فضلك خليك معانا وهنحارب كلنا معاك ضد كل السلبيات وهو ده حب مصر الى فعلا حب صادق بعيد عن الشعارات الوهم والخداع
مش هانتكسف من سلبياتنا وهنكتبها عادى عشان نقدر نصلحها ولن ندفن رؤوسنا فى الرمال مثل النعامة لان لا يتم اصلاح المشكلة من غير الكشف عنها ومواجهتها ،
ربنا معاك ضد الى بيحاولوا يمنعوك ، مهما كانوا

[lionking]

يا جماعة

انا عايزة اقول حاجة

انا من الناس اللى اتهاجموا جدا فى موضوع يعنى ايه وطن

والموضوع تطور ووصل الى خلافات شخصية وكمان وصل الى ان احد اعضاء الادارة واكيد هو \ هى عارف نفسه كويس دخل وغير التوقيع بتاعى وكمان لما كتبت موضوع امبارح اسمه يا ادارة والباشا تلميذ قراه
صحيت النهاردة الصبح بقدرة قادر ملقيتش الموضوع

هى دى ادارة المنتدى

خلاف فى الراى استخدموا كل امكانياتهم
وبرده بقول التوقيع ده مش اخر توقيع ليا

اللى غير التوقيع ياريت يقول بمنتهى الشجاعة
ويقول ليه

وبرده النهاردة كتبت موضوع باسم
نداء للباشا تلميذ

اتمنى انه ميتلغيش هو كمان
وموجود فى القسم العام زى الموضوع اللى كان موجود بس للاسف اختفى

[kabo]

مع الاسف
واضح ان عيوب المنتديات العربية لا تتغير
لكن واضح ان دى من الاصول العربية الصميمة
ان الى يختلف مع الكبار لازم يروح فى الرجلين حتى لو كان مين هو ومعندهاش عزيز ولا غالى الا القرايب والاصحاب وبس
انا صدقت كلام الناس هنا
ان هنا ادارة متميزة وعدل وحرية
وان المهم هو المحافظة على الاخلاق والدين
وعلشان كده حبيت المنتدى ده وكنت أتمنى استقر هنا

لكن
يكفينى ما اراه هنا من اضطهاد لاقطاب المنتدى فجر وليون كنج برغم انكم كلكم بتشكروا فيهم

[kabo]

انا قريت المسابقة الى زعلان منها فجر مصر وقريت موضوع الوطن
بصراحة فجر مصر لم يخطئ ومن المفروض ان كل عاقل يسانده فى حرية التعبير
والاخ ليون كنج كان له راىمش غلط حتى لو ماكنتش اتفق معاه وعيب ما يحدث له
واضح ان هنا مراكز قوى متحكمة بقوة

[fagrmasr01]

عماد .. متشكر جدا لرايك الطيب

واوضح ان زعلى لم يكن لشخصى انما كان بسبب رفض ذكر اى سلبية ولو من باب المناقشة
وان من يذكر سلبية يتم الهجوم الفورى عليه بحجة ان فيه ناس عرب بيشوفوا المنتدى
وكان العرب مش عارفين او عايشين ف كوكب تانى

ثم كان التحدى الغريب ان يتم وضع مسابقة بشروط مستفزة ومنها عدم ذكر اى سلبيات

يعنى المطلوب اننا نكتب بس الى يرضى المشرفين
و
اول مرة اشوف مسابقة يمنح الفائو فيها وسامين
واحد دائم وواحد مؤقت
هههههههههههههههههههههه

كان من المفترض ان تتدخل الادارة
لتمنع مثل هذه المهاترات

مش عيب اننا نقول ان فينا عيب
العيب هو اننا نرفض ونهاجم الى يقول لنا على عيوبنا

هل نسينا قول عمر ابن الخطاب
رحم الله من اهدى الى عيبى

وايضا الشعارات ان من يحب مصر لازم يكتب انها زى الفل ف كل حاجة
منتهى التهريج ان يتم اتهامى بعدم الوطنية لمجرد انى وافقت عضو كتب ان مصر فيها مشاكل
ويتم اتهام من كتب عن مشكلة انه مش بيحب مصر
الموضوع اكبر من انى ازعل او افرح

اشكرك واكرر تقديرى وحبى لك يا عماد
وحبى لكم جميعا وللمنتدى

[fagrmasr01]

ليون
اشكر لك مرورك واهتمامك بالتعليق هنا

وطبعا منتهى الغلط ان يتم تغيير توقيع عضو فى المنتدى
او سحب موضوع بدون التنبيه على صاحب الموضوع

اضم صوتى مطالباً الادارة بمراجعة الموضوع وبيان حقيقة ماحدث

وعلى المخطئ ان يعتذر لصاحب الحق
ويتعهد بعدم التكرار

المفروض ان كلنا هنا اخوة واحباب

اتمنى عودة الاستقرار الى المنتدى
ويمكن ان يتم هذا بإزالة اسباب التوتر وليس بان ندفن رؤوسنا فى الرمال

أنتظر كلمة الادارة
وكلى ثقة فى عقل وعدل ونزاهة الادارة

[محمود التهامي]

والله انا تعبت من حكاية الانسحابات دي

أقولكم ما تيجوا نموت بالمرة

ايه السلبية دي

اشمعنى لما بنيجي نهاجم بنتمسك بحقنا قوي ليه ما بنقبلش الراي المعاكس والمخالف

من حق اي حد يكون له رأي واتجاه لكن مش معنى كدا ان الباقيين كفره

فين الحرية والديموقراطية اللي بنسمع عنها ليل نهار

وللا انتوا هترجعونو للملكية تاني وميبقاش عندنا غير آمين ورا كل كلمة نسمعها وعاش الملك مات الملك
وتصبحي على خييييييييييييير با ديموقراطية

[fagrmasr01]

اخى الفاضل
واضح من الرد انك لم تقرأ الموضوع من اوله

انا ارجو منك رجاء شخصى ان توجه كلمتك الى المشرفين

انا واثق انك عندما تراجع الموضوع ستعلم حقيقة ما حدث
وستعرف من الذى يرفض ان يكون للآخرين رأى مخالف

اكن لكم كل تقدير

[fagrmasr01]

برغم تكرار طلبى بمراجعة الموضوع
لكن لم يحدث
وبناء عليه
اخى الفاضل .. تهكمك غير مقبول وغير منطقى
كنت اتوقع المراحعة وليس التهكم

يحزننى ان تميل الادارة بهذه الدرجة

[خلود]

انا ارجو منك رجاء شخصى ان توجه كلمتك الى المشرفين


مش عارفه والله مالهم المشرفين عملوا لحضرتك ايه


اولا النقاش كان على موضوع ما ومحصلش فيه اتفاق فى وجهات النظر كل من الاعضاء الذين شاركوا فى الموضوع كان له وجهه نظر ولم تحدث اى اساءه فى الردود اختلفنا ولكن باحترام شديد وليس معنى اختلافى معك انى لا احترمك بالعكس لك منى كل الاحترام ولكن العجيب والغريب اننى لم اتفق معك فى وجهه نظرك فتعلن انسحابك من المنتدى وليس معنى ان هناك مسابقه لحب مصر فهى دعوه للتفائل وليس معناه التشاؤم لان حياتنا مليئه بالسلبيات فلماذا لا نحاول ان نرى الجانب المضئ بها وهذا ليس دفن لرؤسنا فى الرمال على حد قولك ثم دى بتقول دعوه لحب مصر تكتب فيها سلبيات ازاى حضرتك
ثم احنا مش منتدى سياسى حضرتك ومظنش ان المنتدى له توجهات معينه زى ما حضرتك تفضلت وقلت ده منتدى ترفيهى للنقاش فى كافه الموضوعات مش للخناق كل شويه على اى موضوع وخدمات لمدينه 6 اكتوبر ومشروعات الاراضى
بصراحه انا مستغرباك جدا جمال ومش فاهمه فى ايه


هو يااما نوافق على اراءكم يااما احنا وحشين وبنفرض رأينا عليك بصراحه انت كده اللى عايز تفرض رأيك علينا


استاذ جمال المشرفين مغلطوش فى حد ولو الاداره شايفه ان الانسان اللى اخترته يكون مشرف مش جدير بيها مكنتش ادته الاشراف ومكنتش حضرتك هللت له يوم تنصيبه كمشرف
استاذ جمال المسابقه اللى موجوده مش اجباريه على الاعضاء
وده للعلم فقط

[اميرة حبى انا]

مع الاسف
واضح ان عيوب المنتديات العربية لا تتغير
لكن واضح ان دى من الاصول العربية الصميمة
ان الى يختلف مع الكبار لازم يروح فى الرجلين حتى لو كان مين هو ومعندهاش عزيز ولا غالى الا القرايب والاصحاب وبس
انا صدقت كلام الناس هنا
ان هنا ادارة متميزة وعدل وحرية
وان المهم هو المحافظة على الاخلاق والدين
وعلشان كده حبيت المنتدى ده وكنت أتمنى استقر هنا

لكن
يكفينى ما اراه هنا من اضطهاد لاقطاب المنتدى فجر وليون كنج برغم انكم كلكم بتشكروا فيهم
اتفضل حضرتك اقرا موضوع يعنى ايه وطن وهو موضوع كان للنقاش
وهاتلى غلطة فى حق حد
كل واحد قال رأيه فى بلده زى ماهو شايفها مش لازم كلنا نشوفها بنفس الصورة
ولا لازم لما حد يقول انا شايف سلبياتها كذا وكذا
احنا كمان نقول
طب ليه مااقولش زى ماكتبت فى الموضوع بالحرف كل بلد ليها سلبيات وايجابيات كل بلد مش مصر بس

[اميرة حبى انا]

واوضح ان زعلى لم يكن لشخصى انما كان بسبب رفض ذكر اى سلبية ولو من باب المناقشة
محدش منعك من الكتابة والدليل ان محدش قال كفاية كده نقاش او حد قالك متكتبش حاجة انت عايزها او حد حذفلك حاجة متهيألى محصلش
وان من يذكر سلبية يتم الهجوم الفورى عليه بحجة ان فيه ناس عرب بيشوفوا المنتدى
اولا دى مش حجة وارجع الموضوع حضرتك وشوف كويس مين اللى هاجم مين واعترض على الكلام
وكان العرب مش عارفين او عايشين ف كوكب تانى

ثم كان التحدى الغريب ان يتم وضع مسابقة بشروط مستفزة ومنها عدم ذكر اى سلبيات

يعنى المطلوب اننا نكتب بس الى يرضى المشرفين
المسابقة اسمها احلى كلام ازاى هيبقى احلى كلام وهو مليان السلبيات الكتيييييييير اوى اللى حضرتك بتفكرنا فيها كل ما تيجى فرصة للكلام عن السلبيات ومحدش من المشرفين ليهم علاقة بالموضوه ده دى مسابقة زى باقى المسابقات
و
اول مرة اشوف مسابقة يمنح الفائو فيها وسامين
واحد دائم وواحد مؤقت
هههههههههههههههههههههه
اولا اسلوبك الساخر مرفوض تماما لانك رغم اعتراضك الدائم على طول الخط وكلامك المستفز جدا معتقدش انى سخرت منك قبل كده وانا بعترض وبشدة
ثانيا مش لازم كل مرة يبقى وسام واحد ولما اشوف ان اى حد هيكتب كلمة حلوة فى حق بلدى يستاهل ياخد وسامين حتى لو واحد فيهم لمدة شهر معتقدش انى اكون واحدة عبيطة زى مانت مصورنى واستاهل ضحكة السخرية الجميلة دى

كان من المفترض ان تتدخل الادارة
لتمنع مثل هذه المهاترات
مهاترات ايه دى ليه اللى عاملة المسابقة واحدة مبتفهمش تقريبا مش كده
دى غلطة كمان
انت غلطت فياه مرتين
دح توضيح لسعادتك ياجمال باشا يا صاحب القلم الرائع

مش عيب اننا نقول ان فينا عيب
العيب هو اننا نرفض ونهاجم الى يقول لنا على عيوبنا
تانى وللمرة الالف محدش رفض
قول العيوب زى مانت عايز
قول العيوب زى مانت عايز
قول العيوب زى مانت عايز
وسيبنى انا واللى عايز يقول ايجابيات ويحبها بعيوبها نقول احنا كمان انت زعلان ليه
بحبها كده بعيوبها وسلبياتها
ده مزعلك فى ايه

هل نسينا قول عمر ابن الخطاب
رحم الله من اهدى الى عيبى

وايضا الشعارات ان من يحب مصر لازم يكتب انها زى الفل ف كل حاجة
منتهى التهريج ان يتم اتهامى بعدم الوطنية لمجرد انى وافقت عضو كتب ان مصر فيها مشاكل
هاتلى كلمة واحدة فى المنتدى كله مكتوبة من حد بيتهمك بعدم الوطنية
ويتم اتهام من كتب عن مشكلة انه مش بيحب مصر
الموضوع اكبر من انى ازعل او افرح

[اميرة حبى انا]

استاذة ليون محدش من المشرفين عنده صلاحية تغيير التوقيع ولا حتى انا
واظن حضرتك مشتركة زى ماسبق وذكرتى فى منتديات تانية واكيد عارفة كده
ومعتقدش الاتنين المديرين الاحباب ونصل الهوى ليهم مصلحة فى تغيير التوقيع
شوفى حضرتك التوقيع اتغير من عندك ازاى

[fagrmasr01]

خلود ... هللت له ؟؟؟؟

واضح ان كان لازم اهاجم الى تهاجموه انتى واميرة علشان ابقى كويس من وجهة نظركم
يؤسفنى انحيازكم وتغيير المعانى حتى تظهروا بمظهر من يمتلك ناصية الحق
وانتم تعلمون ان الحق هو من اسماء الله الحسنى ولن يضيع مهما كانت الامور
قد تملكون منح الانذارات او توقيع العقوبات او منعى من الدخول كما منعتم ليون
لكن اذكركم بان الظلم ظلمات

[fagrmasr01]

اولا اسلوبك الساخر مرفوض تماما لانك رغم اعتراضك الدائم على طول الخط وكلامك المستفز جدا معتقدش انى سخرت منك قبل كده وانا بعترض وبشدة


واضح انى طالما اختلفت معاكى هابقى اعتراض دائم واسلوبى المستفز جدا

طالما وصلنا الى هذه الكلمات الصعبة جدا

وحيث ان كلماتك الاخيرة كلها مرفوضة من جانبى جملةً وتفصيلاً

فاننى ارى اننى لن افيد ولن استفيد من استكمال النقاش معاكى
واكتفى بهذا القدر من الاستخفاف
لا انتى ولا غيرك يملك هذا الحق ان يستخف بى

[اميرة حبى انا]

واقتبست كلامى بس ليه
ليه مش اقتبست كلامك وسخريتك منى
عشان اللى يقرا يقول اه اميرة وحشة وزعلت فجر مصر
مش كده

[اميرة حبى انا]

خلود ... هللت له ؟؟؟؟

واضح ان كان لازم اهاجم الى تهاجموه انتى واميرة علشان ابقى كويس من وجهة نظركم
يؤسفنى انحيازكم وتغيير المعانى حتى تظهروا بمظهر من يمتلك ناصية الحق
وانتم تعلمون ان الحق هو من اسماء الله الحسنى ولن يضيع مهما كانت الامور
قد تملكون منح الانذارات او توقيع العقوبات او منعى من الدخول كما منعتم ليون
لكن اذكركم بان الظلم ظلمات
هو الكلام ده على ايه
ومعناه ايه
واضح انك قاصد تخلى صورتنا وصورة المنتدى وحشة
هو فى ايه بالظبط
اصلا محدش عملك حاجة
ومحدش فاهم انت بتعمل كده ليه
وعايز توصل لايه
هى فين ليون اللى اتمنعت من الدخول دى
انت ليه عايز تخلى صورتنا وحشة اوى كده
ايه مصلحتك
نهيت النقاش عشان قلتلك اسلوبك الساخر مرفوض
هو انا المفروض تسخر منى واقولك شكرا وميرسيه
هو فى ايه
عايزة حد فاهم حاجة يوضحلى المطلوب ولا المقصود
ولا ايه
ايه
ايه

[fagrmasr01]

الحمد لله رب العالمين انه سبحانه وتعالى الذى قال (( يوم تبلى السرائر فما له من قوةٍ ولا ناصر )) صدق الله العظيم
حتى لايكون هناك فرصة ولو ضئيلة لمن يتقن فن الكلام

نعم يا اميرة انتى هنا المشرفة العامة وقد تستطيعى المكافأة او العقاب
قد تستطيعى هنا انذارى او ايقافى
كما حدث مع ليون

ولكن
لا تنسى ابدا ان الله عز وجل يعلم الحقيقة ولن يهمل الله حقاً ضاع
وأرجو من الله عز وجل ان يظهر الحق
فهو ولى ذلك والقادر عليه
وهو نعم المولى ونعم النصير

[fagrmasr01]

لقد قضيت وقتا كبيرا اتمنى ان نكون المنتدى الاول
ولا أظنكم تنكرون اننى بذلت مجهود لا بأس به

ولست انا الذى توجهين اليه هذه التهمة السخيفة انى عاوز اخلى صورة المنتدى وحشة عل ىامل ان تثيرى الادارة او الاعضاء ضدى بتهمة اسخف من ان ادافع عن نفسى او ان احاول ان ابرئ نفسى منها

عشت معكم خمسة شهور كاملة .. اعتقد ان مشاركاتى لم تكن بمثل الوصف السخيف الذى وصفتينى به باننى مستفز جدا

مشكلتى معك اننى لم اوافقك فى الهجوم على عضو لم يخطئ

انا عن نفسى انتهت مناقشتى وارجو اغلاق الموضوع
لان وصلنا الى مستوى لا يجوز ان ننحدر الى اكثر مما وصلنا اليه

[خلود]

واضح ان كان لازم اهاجم الى تهاجموه انتى واميرة علشان ابقى كويس من وجهة نظركم

حضرتك احنا هاجمنا مين قبل كده وطلبنا منك تهاجمه معانا
يؤسفنى انحيازكم وتغيير المعانى حتى تظهروا بمظهر من يمتلك ناصية الحق


انحيازنا لايه ولمين بالظبط ياريت حضرتك تفهمنا
قد تملكون منح الانذارات او توقيع العقوبات او منعى من الدخول كما منعتم ليون

انا شخصيا ليست لدى هذه الصلاحيات والاخت اميره حتى لو لديها لم ولن تستعملها الا للشخص المخالف وكلنا نذكر معاذ لما حط موضوع ضايقنا جميعا لم تحذف له الموضوع وتركته للجميع حتى تروه باانفسكم وهل من وجهه نظر حضرتك ليون غلطت علشان نمنعها او ننذرها
ثم الاخت ليون مش ممنوعه ولا موقوفه وحضرتك شوف اسمها مش هتلاقى عليه موقوف
لكن اذكركم بان الظلم ظلمات

شكرا لحضرتك بس احنا مظلمناش حد وربنا ميقدرنا على ظلم الناس

[خلود]

مشكلتى معك اننى لم اوافقك فى الهجوم على عضو لم يخطئ

للمره التانيه محدش طلب من حضرتك كده خالص ماشى يبقى مالوش لزوم الكلام ده

انا عن نفسى انتهت مناقشتى وارجو اغلاق الموضوع
لان وصلنا الى مستوى لا يجوز ان ننحدر الى اكثر مما وصلنا اليه

والله انا كمان شايفه انه يتقفل فعلا وكفايه كلام فيه لغايه كده

[fagrmasr01]

سامحونى فانا انتهت مناقشاتى وارجو اغلاق الموضوع
لان وصلنا الى مستوى لا يجوز ان ننحدر الى اكثر مما وصلنا اليه

[fagrmasr01]

فقط اضع لكم نسخة من الانذار الذى وصل الى ليون
فقط حتى لا يضيع الحق
lionking,
لقد تلقيت مخالفة في منتدى مدينة 6 أكتوبر.
السبب: وضع شكوى في غير مكانها واتهام المشرفين بما ليس له اساس من الصحه
-------
فيه قسم للشكاوى لكن الاتهامات دي كدا لا تصح ولا تليق
وبسببها حصلت على 10 نقطة وقد تكون سببا في منع دخولك للمنتدى حتى تنتهي. وحقيقة المخالفة لن تنتهي.
المشاركة الأصلية:
http://www.6ocity.net/vb/showthread.php?p=21833 (http://www.6ocity.net/vb/showthread.php?p=21833)


ومن بعدها حاولت ليون دخول المنتدى فلم تتمكن بسبب الوقف

[habiby]

لو ان هذه هى اخلاقيات تعاملكم مع اشهر شخصيات المنتدى

انصحكم بالتروى ويمكنكم ان تراجعوا التاريخ
للافراد والدول وحتى الامبراطوريات

انما الأمم الأخلاق مابقيت
فان هم ذهبت أخلاقهم ذهبوا

اسحيوا منى وسامى
ويكفى اهانتكم لرموز منتداكم فجر مصر برغم انه نجم المنتدى المحبوب من الجميع

اما المشرفين الذين غرتهم الصلاحيات حتى تجرأوا على هذه الشخصيات التى نحترمها
انتم فى منتدى راقى يجب عليكم احترام أعضائه
ويجب على الادارة ان تتدخل فتوقفكم عند حدودكم
او سيضيع المنتدى ويذهب وقاره وقيمته بذهاب الناس المحترمين منه

اليك فجر مصر .... اصبر واحتسب ولن تهتز صورتك بهجوم

[habiby]

الى ليون
المظلوم افضل حالا من الظالم
والله هو المنتقم الجبار

اكرر طلبى بسحب الوسام منى فلن اصل ابدا الى ما وصل اليه فجر مصر ولا الى ما وصلت اليه ليون
وبرغم ما وصلوا اليه فاننا نشاهد باعيننا ما يحدث لهما من اهانات وتجريح

[fagrmasr01]

شكرا جزيلا لك
انت لا تستحق سحب وسامك
انما المستحق للسحب هو انا
وقد طالبت الادارة بسحبه فعلا
فى رسالة خاصة

[M.Khalifa]

[b]يقول الحق سبحانه وتعالى ( ولا تنازعوا فتفشلوا وتذهب ريحكم )
ويقول أيضا ( وتعاونوا على البر والتقوى ولا تعاونوا على الاثم والعدوان )
ياجماعة واضح ان فيه شيطان دخل فرقكم وشتتكم ايه اللي جرى ليكم
( ان الشيطان لكم عدوا فاتخذوه عدوا )
حد يشكك في نزاهة ادارة منتدى 6أكتوبر ومشرفيها
ان القاصي والداني قد شهد لمنتدى 6أكتوبر بالمشرفين المتميزين مثل أميرة وخلود والمديرين المحترمين مثل نصل الهوى والأحباب
والأعضاء المتألقين مثل ليون وفجر ولو تمعنا جيدا ماحدث لوجدنا أن هناكـ خطأ قد حدث من ليون في موضوعها يعني ايه كلمة وطن فهي - وان كنت أحسن الظن بها وأعي أنها مخلصة لمصر وتحبها كما أحبها أنا - الا أنها تجاوزت وبالغت في المساويء والسلبيات حتى وانها وصلت القاريء لحالة من التشاؤم فمن الواجب علينا حينما نرى العيوب نحاول تصحيحها ونزكر سبل العلاج منها وهناك خطأ ارتكبه أستاذا الذي نجله ونقدره وهو اعلان الانسحاب وهناك خطأ ارتكبه المشرفين في عقاب ليون وكأنما هي أذنبت ذنبا فظيعا ولكني أرى العيب الأكبر والخطأ الفادح هو استسلام الكل للشيطان الذي فرقنا بدلا من أن يجمعنا حبنا لمصر وحبنا لمنتدانا الجميل[ /b]

[محمد المصري]

السلام عليكم جميعا


اولا : انا اوجة كلامى الى المشرفين والاعضاء وكل من رد او قام بزيارة هذا الموضوع



واحب ان اذكركم ان المنتدى خلق من اجل النقاش وليس الخناقات وتبادل الاتهامات

فمن لدية كلمة حوارية تضيف الى المنتدى فليتفضل

اما من لدية كلمة تمس شخص اخر او تجريح فلحتفظ بها لنفسة

من يريد الحوار فليحاور ومن لم يعجبة الحوار فليكف عن الحوار


وارد جدا ان يكون من يؤيدك واحد ووارد جدا ان تجد من لا يؤيدك بالالف والعكس

هذا ليس الا وجهات نظر


علينا جميعا ان نتعامل بخلق حسن مع الاخرين حتى لو كان ردهم مخالف لرائيك

كل ما سبق موجة الى الجميع



استاذ فجر /

حضرتك عارف جدا ومتاكد انى مش بانحاز لحد وعارف كمان ان اميرة مش قريبتى يعنى مفيش حاجة تخلينى انحاز لها
يعنى ببساطة لو فية خلاف فى الرائ ودا وارد فى جميع المنتديات منعملش كدا نحاول ان نسمع الاخرين ونرى وجهة نظرهم يمكن هما شايفين الموضوع بوجة نظر مختلفة


بالنسبة الى موضوع تغيير التوقيع

احب اقول ان مفيش حد فى المشرفين ولا الادارة غير توقيعك ياليون

واتفضلوا جميعا
http://www.up.ecdscs.com//uploads/images/domain-29baa29c63.jpg

http://www.up.ecdscs.com//uploads/images/domain-29baa29c63.jpg


احصائية حركة المشرفين من تاريخ 2/6/2009
حتى اليوم


اعتقد ان مفيهاش حاجة بتقول ان مشرف غير توقيع ليون

مع الملاحظة ان الموضوع اللى بتقولوا انة اتحذف
واضح من الصورة انة اتنقل ولم يحذف

بالنسبة الى موضوع
ايقاف ليون وذلك لفترة قليلة جدا
ذلك تم بعدما قامت ليون وهى غاضبة بحذف وتعديل بعض المواضيع الذى كتبتها ومسح محتواها
مثال
http://6ocity.net/vb/showthread.php?t=2872

http://6ocity.net/vb/showthread.php?t=2159

وانا اعتقد انك لا تقبل بهذا ولا اى عضو سوف يقبل بة

فهل تقبل ان يتم ارسال رسائل خاصة بالمشكلة الى جميع الاعضاء قبل ان ترد الادارة

بالنسبة الى موضوع المخالفة تم ازالتها

برجاء من الجميع التأنى وطرح المشكلة وانتظار جميع الاطراف حتى يتم الرد


بالنسبة الى الاعضاء الجدد

قبل الحكم على الادارة راجعوا ارشيف المواضيع

قبل الاتهامات الذى توجهوها

ستجد ان الادارة تتعامل هكذا مع بعضها

قبل ان تتعامل مع الاعضاء

وافتكر أ / فجر كان موجود وعارف كل دا ويقدر يقولكم



واخيرا اكرر واقول لكم ان لا احد يملك صلاحيات تعديل توقيع احد الاعضاء لا اميرة ولا احد المشرفين

وفى النهاية اسمحولى ان اقوم باغلاق كل هذة المواضيع الذى تاتى بالمشاكل

مع خالص تقديرى للجميع

[محمد المصري]

[b]يقول الحق سبحانه وتعالى ( ولا تنازعوا فتفشلوا وتذهب ريحكم )

ويقول أيضا ( وتعاونوا على البر والتقوى ولا تعاونوا على الاثم والعدوان )
ياجماعة واضح ان فيه شيطان دخل فرقكم وشتتكم ايه اللي جرى ليكم
( ان الشيطان لكم عدوا فاتخذوه عدوا )
حد يشكك في نزاهة ادارة منتدى 6أكتوبر ومشرفيها
ان القاصي والداني قد شهد لمنتدى 6أكتوبر بالمشرفين المتميزين مثل أميرة وخلود والمديرين المحترمين مثل نصل الهوى والأحباب

والأعضاء المتألقين مثل ليون وفجر ولو تمعنا جيدا ماحدث لوجدنا أن هناكـ خطأ قد حدث من ليون في موضوعها يعني ايه كلمة وطن فهي - وان كنت أحسن الظن بها وأعي أنها مخلصة لمصر وتحبها كما أحبها أنا - الا أنها تجاوزت وبالغت في المساويء والسلبيات حتى وانها وصلت القاريء لحالة من التشاؤم فمن الواجب علينا حينما نرى العيوب نحاول تصحيحها ونزكر سبل العلاج منها وهناك خطأ ارتكبه أستاذا الذي نجله ونقدره وهو اعلان الانسحاب وهناك خطأ ارتكبه المشرفين في عقاب ليون وكأنما هي أذنبت ذنبا فظيعا ولكني أرى العيب الأكبر والخطأ الفادح هو استسلام الكل للشيطان الذي فرقنا بدلا من أن يجمعنا حبنا لمصر وحبنا لمنتدانا الجميل[ /b]





السلام عليكم

اولا احب ان اهنى نفسى بعودتك

ثانيا :اتمنى ان يفكر الجميع هنا بعقلة وليس بالعواطف

وان يجمعنا حبنا للمنتدى على الخير

شكرا لك أ محمد

[Messenger of Peace]

هكذا اصبحا يا اخوانا الكرام من عمو جمال وماما اميرة خلتو ليون وخلتو خلود
هذا ما تعلمته منك !!!!!!!!!!!!!!!!!!!!!!!!!!!!!!!!!
علامة تعجب من اول المحور لغياة ميدان لبنان
لا والله ما هذا ما شهدته من قبل
عليكم ومراجعة انفسكم والتفكير برهة على ما فعتم في حق انفسكم اولا


واشكر الاستاذ محمد خليفة على وضعه
ان الذكرى تنفع المؤمنين
في رعاية الله

[fagrmasr01]

شكرا جزيلا لكم جميعاً
وأرجو إغلاق الحوار
تم حل المشكلة