اقالة التوام المصرى

[abo trieka elking]

ما حدث فى الجزائر من التوأم ابراهيم وحسام حسن يعتبر مهزلة من الدرجة الاولى وهو ما أدى الى رد سريع من الاتحاد المصري لكرة القدم الذي قرر ايقافهما لأجل غير مسمى ولم يكن هذا التابع الوحيد لما حدث انما قرر مجلس ادارة النادى المصرى البورسعيدى اقالتهما من تدريب النادى.

وقد اجتمع اليوم مجلس ادارة النادى المصرى البورسعيدى لمناقشة ماحدث من مدربي الفريق فى الجزائر اثناء مشاركتهم فى بطولة كأس شمال أفريقيا التى خرج منها النادى البورسعيدى اثر خسارته من فريق شبيبة بجاية الجزائرى بهدفين وقد قرر على فرج الله رئيس النادى المصرى اقالة كلا من حسام وابراهيم حسن بالاضافة الى طارق السعيد مدرب الفريق وحمادة الجابرى مدير الفريق.


كما اعرب ان ماحدث من التوأم فى الجزائر بالتعدى على حكم المباراة وتوجيه اشارات خارجة للجمهور الجزائرى لابد من ان يكون له رد فعل حازم حتى لا تتكرر هذه المهزلة مرة اخرى كما اضاف ان تم تكليف الكابتن طارق سليمان الدرب العام بتدريب الفريق كما ناشد اتحاد الكرة بتأجيل مباراة المصرى القادمة فى مسابقة كأس مصر الى يوم الجمعة بدلا من يوم الاربعاء.

[محمود التهامي]

على ما سمعت فاللي حصل من جمهور الجزائر كان أكتر وأعنف

كانو بيشتمو التوأم ومصر كلها وبالأغاني كمان

افتكر لو أي راجل موجود مكان حسام أو ابراهيم مكنش هيسكتلهم

هما اه اعصابهم على طول بايظة وتصرفاتهم مش مسئولة لكن برضه اللي حصل من الجمهور دا يحرق الدم

اما بقا حكاية الاقالة فدي تصفيه حسابات والمتابعين كلهم عارفين كدا

[خلود]

الرياضه مش كده واتنين مشهورين زى حسام وابراهيم مفروض يكونوا قدوه
مش سب دين وتفافه وضرب فين اخلاق الرياضين
http://www.up-00.com/azfiles/3xd51157.gif

[محمود التهامي]

مش سب دين وتفافه وضرب فين اخلاق الرياضين


راحت مع أخلاق الجمهور

وللا هنعمل زي امريكا

ونحمل مسئولية القصف الصهيوني لحماس

[محمود التهامي]

انا معاكو في ان تصرفهم كان غلط

لكن مينفعش كلنا نبقا ضدهم كدا

اي عيل بيعلب كورة في الشارع وكان هيعمل اكتر منهم

فمابالكم باتنين بالخبرة دي والمشوار دا

اكيد مش مسافرين يتشتمو ويتبهدلو يعني

[اميرة حبى انا]

محمود
انا شفت الماتش على قناة الحياة
وشوبير جابه بالتفصيل
محدش شتم وضرب وعمل كده الا الاخ ابراهيم اولا
وبصراحة مشفتش حسام يعنى محدش ظلم حد
وغلطة الجمهور كانت الالعب النارية اللى اترمت بعد الجون
ميصحش برضو لعيبة ليها وزنها تطلع فى التليفزيون امام العالم تسب الدين

[محمود التهامي]

انا مشوفتش الماتش لاني مش بحب الكورة

لكن مودرن سبورت كانو بيتكلمو على الموضوع وجابو تصوير تاني للجمهور

المشكلة ان المصورين جزائريين طبعا ومحدش هيغلط نفسه

يعني مش كل اللي حصل شوفناه

حسام وابراهيم مش اول مرة يعملو كدا ودا معروف عنهم

اشمعنا دلوقتي بقا اللي كله مقلوب عليهم

وللا هي تلكيكة والسلام

[اميرة حبى انا]

ياسيدى والله انا كمان مش بطيقها دا الواد مصطفى ابنى هو اللى خلانى اشوفه
ويعملو كده ميعملوش ............................... ولا بلاش خليها فى سرى
انا مالى اصلا

[الباشا تلميذ]

:mad::mad::mad:اللى حصل من التوأم حسام وإبراهيم حسن كان رد فعل طبيعى للحصل من الجمهور قبل الماتش بساعتين وأى حد مكانهم كان هيكون ده رد فعله لأن جمهور الجزائر وقعائعه معنا كثيره جدا لدرجة انهم كانوا لما بيلعبوا معانا على ارضنا كان بيحصل منهم مصائب وضرب للعيبه والحكام مابالك لما يكونوا على أرضهم ......
وبصراحه اللى بنشوفوا فى المباريات حتى فى مصر عندنا دى عمرها ماكانت أخلاق رياضيه وأخرها مباريات الدورى الأخيره (الاسماعيلى & الاهلى) ........... يعنى هو اللى حصل ده كانت أخلاق رياضيه ولا المباريات بتاعة الزمالك وأخرها مع اتحاد الشرطه اللى شاف الماتش تلاقيه سمع الشتيمه على الاهلى وجمهور اللاهلى وغيره وغيره بسراحه مستوى الرياضة أصبح فى تدنى مستمر .



http://www.m7shsh.net/images/xw7tb4p9hhte15nw8z93.gif

[خلود]

اى حد مكانهم كان هيكون ده رد فعله لأن جمهور الجزائر وقعائه معنا كتيره


ياسعاده الباشاانا بختلف مع حضرتك فى الرأى

انا اعتقد ان حسام وابراهيم خانهم التوفيق فى اللى عملوه

لانهم وقبل كل شئ بيمثلوا بلدهم

[محمود التهامي]

الباشا جاب من الاخر

عشان كلامي بعد كدا يبقا يتسمع

ماشي ياللي فوووق


ههههههههههههههههههههههههههههههههههه