نوادي 6 اكتوبر ممنوع الدخول الا بشروط

[haneen]

السلام عليكم
في الحقيقة انا عندي مشكلة حساها مشكلة كبيرة وهيا اني لما بحب اخرج اغير جو في اكتوبر ببقى مش لاقية مكان اروحه
ولما افكر اروح انا والاسرة النادي بلاقي ان علشان ندخل نقعد ساعة او 2 هندفع تذاكر دخول بس 50 جنيه بما اننا مش اعضاء يعني
اسعار الاشتراكات بقت مجنونة مع عدم اعتبار لادمية البشر بيعتبرونا زكيبة فلوس
معاك فلوس تساوي ممعكش متساويش وملكش حق في اي حاجة

يا ترى انا بس الا بحس المشكلة دي ولا ايه؟

[قمارا]

انا نفس الوضع
انا خلاص اتخنئت من اكتوبر ولا خدمات تمام ولا ترفيه ولا مدارس
والله خلاص مش عارفه اعمل ايه
انا لسه بئول لجوزي من يومين ان انا كرهتها من بابها
مع اني كنت بحبها الاول جدا

[hanaa2008]

:36_3_12[1]:ليه بس كدة ياجماعة
مدينة 6 اكتوبر جميلة وفيها مدارس على كل المستويات والمواصلات دلوقتي بقت اسهل امال لو كنتم سكنتم زمان لما كنا نركب مواصلات من المتميز لحد السابع وموضوع انك تلاقي عربية ماشية دي والا ميكروباس كان وهم وخيال وكل دا علشان نتصل باهلنا لانه ماكنشي فيه تليفونات في المتميز
اما بالنسبة لموضوع النادي
على فكرة النادي بقى زحمة جدا وانا متاكدة انه حتى لو ببلاش اللي هيدخله مرة مش هيدخله تاني من الزحام احنا كاعضاء دلوقتي بنلاقي طربيزة فاضية بالعافية مابالكم لما يفتحوه بالمجان
وعلى فكرة كل النوادي الدخول فيها بفلوس
انا ابنى في اعدادي دخل نادي دريم ب10 جنيه وحمام السباحة ب 10 جنيه يعني 20 جنيه لااكل ولاشرب
عموما اكتوبر كمدينة احسن من غيرها كتير
تحياتي

[Messenger of Peace]

طب ما تيجي نحسبها حسبة تانية خالص يا استاذة
بصي للناس اللي اقل من حضرتك
ناس عايشة زي الفل وترفيه وعال العال وسعادة ورضا
انا في كتاب عندي للمنفوطي في الصف الاول الثانوي تعريف السعادة والرضا لراجل بسيط بتاع سمك ساكن في حتة كوخ وبيكال حتين سمك وينام على حصير
اية يا جماعة الدنيا زي الفل وعادي خالص مش النادي هو اللي يحسسنا بالسعادة ولا بالترفيه
انا فعلا مش معيا العضوية بتاعت النادي لاني مستجد في اكتوبر وحرام دادي يدفع مبلغ 30 الف مثلا في عضوية هيجرخ منها المتوزجين
فالناس اللي معها العضوية ديهت من زمان ايام ماكانت 500 جنيه بالتقسيط كمان

[Miss Robe]

انا شحصيا مليش فى النوادى خالص

بدخل اعقد وخلاص ومش بعمل حاجة

[haneen]

قمارا:

والله اكتوبر حلوة والمستقبل ليها واهتمام الدولة وعنيها المستقبلية هنا
ده عن تجربة يعني انا واهلي طفشنا من محافظتنا لان الحياة خنقة في المحافظات لا شغل ولا خروج حتى اللبس والاكل اغلى من هنا
بس فعلا مشكلة اشتراكات اللنوادي بقت مشكلة بتخلينا منقدرش نشترك ونعمل رياضة باستمرار

hanaa:
انا معاكي

moaz:
كلامك سليم لكن ضروري ان الواحد يلاقي متنفس يغير جو فيه ولو مرة في الاسبوع
لكن لما يتحرم على الناس يبقى ده مش عدل
الحمد لله احنا احسن من غيرنا امال الغلابة يعملوا ايه

robe:
خدتيها من قصيرها وريحتي نفسك

[mido_star]

اكتوبر دى هتبقى المحتفظة الاولى فى مصر
وهى المستقبل لينا واولادنا بس هى دلوقتى خنيقة
بسبب قلة الخدمات وان شاء الله هتبقى احسن محافظة

[محمود التهامي]

على فكرة في مراكز شباب وحلوة والله مش وحشة يعني
واشتراكاتها اقل مما تتصورا
وفيها حديقة اطفال وحمامات سباحه وكتير من الالعاب الرياضية

[haneen]

للعلم مركز شباب 6 اكتوبر من اسوأ ما يمكن
غير ادمي بالمرة
دخلته مرة وحلفت ما ادخله تاني

[محمود التهامي]

للعلم مركز شباب الحي السادس - لانه مفيش حاجه اسمها مركز شباب 6 اكتوبر فيه الحي السادس والــ 100 متر - التالت على الجمهورية

[haneen]

ايوة عارفاههو ده الا قصدته
بس المركز التالت اشششششششششششك
شفت يعيني محدش قالي
فعلا غير ادمي

[arafa_rahma]

أ[size="6"]أنا بحب الحق من ساعة ما بقت أكتوبر محافظة سائت الامور وبقت حاجة لاتطاق وكنا فاكرين أن أكتوبر هتكون أحسن وأحسن ولكن العكس أنا عن نفسى لم أرى المحافظ فى أكتوبر وكأنة مسك محافظة أخرى طب دى كلام مش فاضى للمحافظة على المحافظة يسبها وأحنا مش هنجرى وراة أحنا عايزين الى يجرى وراء مصالحنا والله أحنا مش عارفين نروح فين كل يوم بيبقى أسوء من الى ابلة انت ياسيادة المحافظ لو ساكن فى عمارة وفيها مطعم شغال 24 ساعة كنت أغلقتة فى ساعتها ولكن أنت مش ساكن مكانى علشان تحس الاحساس بتاعى أنا اعوز أبسط حقوقى الانسانية أنى أنام لما أرجع من الشغل ودة أقل القليل من الحقوق

[haneen]

,عجبييييييييييييييييييي

[gangana]

ي الله
تصدقوا كلكم صح بس لازم نعمل توازن بين كل المتطلبات دي
انا زيكم كنت بتفرج لما كانت العضويه 1000 وبعدين بقت 3000 وبعدين اربع وتقسوا 3 لما وصل خمسه واربعين زي نوادي المعادي والقاهره الجديده وهو اصلا مش زيهم
واتكلمت قبل كده علي ان لازم البيه المحافظ والساده المسؤلين عن بشر مش غنم انهم يوفروا ليهم حاجه ادميه فعلا يا اخت حنين
وانا ما شوفتش تسيب اكبر من كده في كل الخدمات ويا ريت لما بقت محافظه الامور تتغير
لكن اكتوبر احسن من المدن التانيه عموما المهم الناس تحافظ عليها وتحسنها ويغيروا سلوكهن لان الانسان هو اللي بيعمل طابع للماكن زي مصر الجديده زمان
الرياضه ووجود مكان نظيف وواسع ده علاج وفرض علي الدوله ومهم للبشر يا اخ معاذ
دعواتكم

[saloumi]

طيب سمعتوا عن المعرض المقام في نادي 6 اكتوبر اهو المعرض ده ممكن تدخلوه من غير فلوس لانه فيه باب على الشارع اما جهاز المدينة لدخول غير الاعضاء وفيه كل حاجة ممكن تحتاجوها وبيفتح من الساعة 12 ظهرا حتى 12 مساءا ايه رأيكم ماتجربوا الحكاية دي وعلشان اكون صادق معاكم انا صاحب المعرض ده:storm_7974695981287 ولو حد فيكم من اعضاء المنتدى جه المعرض هيبقى له اسعار خاصة .......... عايزين ايه تاني:50 (37):

[haneen]

المعرض جميل بس مؤقت وهو فعلا اتشال خلاص
وكان بيفتح من 4 الى 12
شكرا

[saloumi]

الاخت الفاضلة حنين المعرض تم تحديثه وعمل الاشتراطات المطلوبة من الدفاع المدني وتم تغيير السقف حسب طلب الناد ي وسوف يتم تشغيله اليوم الجمعة 20/11بصفة تجريبية وسيتم افتتاحة رسميا كمان يومين لذلك اطلب منك ومن الاخوة الاخرين الاستمتاع بالتسوق فيه وعلى فكره سيتم فتحه من الحادية عشر صباحا حتى الحادية عشر مساءا علشان فصل الشتاء وسوف يكون هناك اسعار تعجب الجميع بمناسبة الافتتاح وتقبلي تحياتي

[haneen]

جيد جدا بالتوفيق

[nohasami]

على فكره 6 اكتوبر من انظف المدن واحسنها ولو عايزه تخرجي تغيري جو مش لازم النوادي عندك لارين كافيتيريا ومطعم وفي نفس الوقت فيه اماكن للعب الاطفال مجاني وكمان عندك هايبر عامل فود كورت يجنن وكمان فيه ملاهي لاطفال ولو مش عايزه تتكلفي ولا مليم عندك حديقه الحصري العامه واسعه ونظيفه وفيها احسنالاعاب ل لاطفال وكل دا مجاني تماما
واتمنى لكي اوقات سعيده

[gangana]

امصلحه منين هو ده ؟؟؟؟؟؟؟؟

[شركه الآرم للعقارات]

السلام عليكم يا اصدقائى كلكم زعلانين من قلت الخدمات فى اكتوبر ومع ان اكتوبر فتحا زراعيها لكل الناس وبعدين ياجماعه اكتوبر لسه جديده والخدمات ستكتمل وبعدين السعاده مش فى النادى ولا الفسح ولكن السعاده الحقيقيه داخل القلب من الداخل عندما تشعر بانك تساعد الاخرين وبعدين ياجماعه قال النبى صلى الله عليه وسلم الدنيا سجن المؤمن وجنة الكافر ليس مقصود بكلمة سجن ليس السجن الدنيوى ولكن المقصود الايمان الدينى اطع الله تشعرين بالسعاده

0141815130

[saloumi]

على فكره يااخوان تم عمل شاشة عملاقة بمعرض نادي 6 اكنوبر بمناسبة كاس الامم الافريقية يعني الستات تتسوق والرجال يتفرجوا على الكورة ويتم الان تجهيز مكان للاطفال

[khaled2010]

انا مقيم فى اكتوبر بقالى 3 سنين وبصراحة كنت فاكر برضو ان هيبقى فيها خدمات واماكن ترفيهية افضل من كده بس اتصدمت الحقيقة
بجد بجد اكتوبر عنوان للملل مفيش وسائل ترفيهية كويسة.النادى ده مجرد مكان انا عن نفسى مش بحب النوادى.اللى بيقول ان اكتوبر فيها فسح يبقى بيتضحك على نفسه

كل ما بفكر اخرج ببقى مش عارف اروح انا ومراتى فين مفيش اماكن. اتمنى ان يحصل حاجة تغير اكتوبر لانها بصراحة عنوان للملل حتى الان.

[haytham69]

سبحان الله..دريم بارك و سينيما دريم و هايبر و شيليز بالعاب الأطفال اللي فيه و الكافيهات اللي مالية الدنيا سواء في ستي ستار أو السرايا او الاردنية أو بلانت و المولات و سينيما رينسانس و الحدائق المفتوحة و الهواء النظيف و المطاعم الكثيرة و المتنوعة....كل هذا و مفيش متنفس؟؟؟؟ الصراحة هذا غير صحيح و بيكون الأنسان طماع اذا طلب أكثر.
النادي مظهر اجتماعي مش أكثر و أنا مشترك بأحدى النوادي الكبرى في القاهرة منذ 83 و كل سنة أجدد الاشتراك و لكن مبشفش النادي غير يوم التجديد فقط. أحمدوا ربنا على النعم اللي أحنا فيها!

[khaled2010]

اوكى انا معاك ان فيه بعض الاماكن الترفيهية فى اكتوبر وكمان هيا نضيفة

[khaled2010]

اوكى انا معاك ان فيه بعض الاماكن الترفيهية فى اكتوبر وكمان هيا نضيفة ولكنها قليلة جدا
فين المولات \ى؟ مفيش غير داندى وطبعا متقوليش على دايموند انه مول لانه كئيب جدا وفاضى وتصميمه فاشل
انا محتاج احس فى اكتوبر انى عاش فى مدينة مش عايش فى الصحرا

[محمود التهامي]

لا يا استاذ خالد
حضرتك كدا ظالم المدينة جدا

دا انت لو كل اسبوع روحت مكان جديد في اكتوبر
السنة كلها مش هتكفيك عشان تزور كل الاماكن الترفيهية في المدينة

ولو دياموند وسيتي ستار وهايبر مش مولات
يبقا فين المولات طيب

حضرتك بتقول داندي وبتقارن بيه
طيب هي مصر كلها فيها كام داندي ؟؟

[ليدى المنتدى]

انا قريت كلامكم كلة وحسيت انى مش لوحدى مش لاقية خدمات واماكن فى

اكتوبر انا لسة جديدة هنا

وبفضل الف بالعربية عشان اشوف اماكن فيها مفيش خالص

بجد هاتجنن فين المولات والمحلات

فين حمامات السباحة

دا انا قاعدة فى الحى الاول طيب الناس اللى قاعدة بعيد بتعمل

بجد ملل قربت اكتئاب

[Elhawi]

يا جماعة بيقولوا في نادي فتح جديد في الحي 11 حد يعرف عنه أي حاجة

[Mostafa Badawy]

يا جماعة بيقولوا في نادي فتح جديد في الحي 11 حد يعرف عنه أي حاجة

نعم نادى مركز شباب به حمام سباحة و لكن يتم اصلاح حمام السباحة (اتنين حمام سباحة اطفال و كبار ) الان و به مطعم ايضا و به ملاهى اطفال و ملعب صغير
مستواه بصفة عامة متوسط - الاشتراك 1100 جنيه و لكن اخر مرة سالت قالو التقديم مغلق و هايفتح فى شهر 1