المساعد الشخصي الرقمي

مشاهدة النسخة كاملة : تهنئة بعيد ميلاد مدير المنتدى


اميرة حبى انا
31-12-2008, 11:14 AM
بما ان هنا نتشارك مناسباتنا الاجتماعية
وبما ان الستات اكتر حد بياخد باله من الحاجات دى
وبما انى اخدت بالى
بس مع الاعتذار لانى اخدت بالى متاخر يومين
ارجو ان نهنئ جميعا مدير المنتدى
ا/ محمد
ونقوله
كل سنة وحضرتك طيب
عيد ميلاده كان يوم 29/12
وعشان خاطرك وعشان اتاخرنا مش هنقولك بقو كام سنة
http://www.m7shsh.net/images/opvt31o61xm8ftmn27n.gifhttp://www.m7shsh.net/images/opvt31o61xm8ftmn27n.gifhttp://www.m7shsh.net/images/opvt31o61xm8ftmn27n.gif






http://www.m7shsh.net/images/qwigwlmeswuc0a5np.gif
http://www.m7shsh.net/images/cvii0ozwzeft5b9wa74.gif
http://www.m7shsh.net/images/a5asahij4jsi06n1z89s.gif http://www.m7shsh.net/images/a5asahij4jsi06n1z89s.gifhttp://www.m7shsh.net/images/a5asahij4jsi06n1z89s.gif
http://www.m7shsh.net/images/js6dqtblxyzalls13g.gif

__________________
محمد المصري
31-12-2008, 11:35 AM
بجد مش عارف اقول اية

ربنا يخليكى

انتى سبقتينى بموضوعك

كنت لسة هاكتب موضوع اقول انى زعلان منكم ولا واحد جاب وردة حتى

بس بعد كلامك دا ما اقدرش اتكلم


الف شكر أ / اميرة على التهنئة الغالية

ويارب نتجمع كلنا دائما على خير بمنتدانا الغالى

ان شاء الله
محمود التهامي
31-12-2008, 02:06 PM
وعشان نصالح أ / محمد
يللا
كل واحد منكو ايده على بريزة كبيرة عشان نجيبله هدية عليها القيمة
محمد المصري
31-12-2008, 08:17 PM
وعشان نصالح أ / محمد
يللا
كل واحد منكو ايده على بريزة كبيرة عشان نجيبله هدية عليها القيمة

انت هتشحت علينا ياعم محمود ولا اية

عموما كل سنة وانت طيب
محمود التهامي
31-12-2008, 08:49 PM
ههههههههههههههههههه

يا عم انت شوفت حد عبرنا بربع جنيه مخروم حتى

دا ولا كأننا في غزة
خلود
31-12-2008, 09:12 PM
وبما انى لسه قابضه انا هدفع البريزه يااخ محمود علشان خاطر مديرنا الهمام
يلا مش خساره فيه
محمد المصري
31-12-2008, 10:21 PM
وبما انى لسه قابضه انا هدفع البريزه يااخ محمود علشان خاطر مديرنا الهمام


يلا مش خساره فيه




يلا ياعم محمود جاتلك بريزة من خلود ربنا يخليها اهى

روح هاتلك بيها حلاوة

انا مش عايز حاجة ياعم انت

انا هاروح اشوفلى منتدى تانى يدفعوا بالدولار بدل الفكة دى


سلام
محمود التهامي
31-12-2008, 10:34 PM
ههههههههههههههههههههههههههههههههههههههههههههههههه

بلاش الدولار احسن سرعة نزوله اكبر من شهداء غزة

خليك مع اليورو تكسب

وللا أقولك بلاش عقدة الخواجه وخليك في الصناعه المحلية

أهو على الأقل محدش يطمع فيك ويفكر يسرقه

وكمان هتصعب عالناس وتلاقي بقا سلف ومعونات
اميرة حبى انا
01-01-2009, 12:33 AM
ايه ده هو مزاد
ده عيد ميلاد
بريزة ايه ودولارات ايه
ياعمو المدير
من الاخر بقى
ده اخرنا
ورده وكل سنة وانت طيب
مافيش فلوس يامحمود
وبطل مادية بقى
محمد المصري
01-01-2009, 01:34 AM
هو انا قلت حاجة

اخونا محمود هو اللى قلبها ماديات على طول

اصلة بيحسبها صح علشان يعشها صح

دا اعلان انا شفتة فى التليفزيون

انا ياستى موافق بالوردة مش عايز اكتر من كدا

الف شكر على الوردة
اميرة حبى انا
01-01-2009, 01:42 AM
والله وعشان خاطرك حبة ورد حلوين وبينوروا فى الضلمة
عشان متقلش انى بخيلة بس

http://www.m7shsh.net/images/wydc5oe6j3hbcnuaqni.gif
محمود التهامي
01-01-2009, 01:48 AM
ههههههههههههههههههههه

حتى لو بينورو في الضلمة مش هيشوفهم عشان الكمبيوتر هيكون مطفي

واللاب توب خلاص الله يرحمه

ربنا يعوض عليك يا مدير

هههههههههههههه
اميرة حبى انا
01-01-2009, 01:54 AM
يابنى خليك محضر خير
انت جاى تهدى النفوس ليه كده
محمد المصري
01-01-2009, 02:40 AM
شكرا على الورد اميرة ويارب كدا

نبعتلك ورد فى الافراح

محمود

انا عارفك فى المواقف دى بتموت فى حاجة اسمها تهدئة النفوس

بس على مين انا اللى فاهمك

عموما الجديد جاى قريب

وهينور ويبقى عال العال

اطلع منها انت بس وهيا هتنور

هههههههههههههه
alsalhy
01-01-2009, 06:22 PM
كل سنة وإنت طيب يا مديرنا الغالي
وعقبال 119 سنة يارب
ويارب تكون سنة 2009 عام خير وسعادة عليك يارب
وتحقق كل أمنياتك
أميييييييييييين
AFIFI MOSTAFA
31-12-2009, 12:25 PM
كل عام والجميع بخير بمناسبة العام الجديد اعادة الله على الجميع بكل خير
ام العيال
31-12-2009, 01:37 PM
معقوووووول عيد ميلاد الاحباب ومفيش تورت
وكمان تبرعات
ليه كده
شكلنا بقى وحش اوى

اتفضل ياخويا وكل سنه وانت فى طاعة ربنا سبحانه وتعالى
http://food.fatakat.com/photos/540.jpg

http://www.sunflowergifts.com.my/estore/images/products/fresh%20fruit-s.jpg
اميرة حبى انا
31-12-2009, 01:58 PM
ياجماعة ده موضوع قديم الجديد موجود هنا
http://www.vb.6ocity.net/showthread.php?t=8205