المساعد الشخصي الرقمي

مشاهدة النسخة كاملة : أوصـــــــــفولى الحـــــــــب


ابو اسامه
17-12-2010, 11:39 PM
اوصفولى الحب تانى اوصفولى


لو صحيح شوق ولهفة فهموني


لما أقعد في انتظاره ..


لما يسعدني بمرارة


لما قلبي ينتظر كلمة وسلام


لما يفرح .. لما يجرح


لما استناه لحد الصبح


ومبقدرشى أنام ..


لما يجرحنى ويصالح


وأنا لما أغفر وأسامح


هو دا الحب أوصفولى .


هو ده يا ناس فهموني


لما أحس بشوقى ليه


وانا جنبه وبين أيديه


لما قلبى يخاف عليه


لما بالروح أفتديه .


هو ده يا ناس ولا أيه


أوصفولى . أوصفولى


مانا أول مره أحس بطعم


تانى فى دنيتى ..


مانا أول مره ألاقى النار


هــى هـــى جنتى .


والعذاب اللى ديمن كان معايه


راح بعيد ...


والمعانى الحلوه كانت غايبه عنى


أتولدت جديد ..


وكل لحظه بشوفه فيها


تبقى عيد .. تبقى عيد


هو دا الحب ياناس


فهمونى ... فهمونى .

***********


مع تحيات / ابو اسامه ...
nouran_111
18-12-2010, 12:48 AM
انا شخصيا عارفة ان ده هو الحب
لكن السؤال هنا هو مين صاحب الاحساس ده
مجرد سؤال والله............ههههههههههههه
اميرة حبى انا
18-12-2010, 12:59 AM
جميلة اوى اوى الكلمات
ومعبرة
وبسيطة لدرجة انها تدخل القلوب
شكرا ابو اسامة
يسرى السيد
18-12-2010, 07:36 PM
الله على البساطه فى الاختيار والقوه فى المعنى
تسلم ياغالى

لمسابقة الجديدة ديسمبر 2010
الفجر الساطع
لنرتقى
خلود
18-12-2010, 10:07 PM
جميله اوى اوى

اكثر من رائعه ياابو اسامه

تساؤ جميل بطريقه اجمل فيها فرح وخوف وحيره وقلق وسعاده

الله عليك وعلى ابداعك وتستاهل 5 نجوم على اجمل كلمات
fagrmasr01
19-12-2010, 10:47 AM
ابو اسامة كلامك فعلا سهل وجميل
ووصفك إبداع وتشبيهك فعلا نبيل
تسلم لنا ياشاعرنا الغالى الأصيل
الرومنسى
19-12-2010, 04:24 PM
ابو اسامة
رفيق الدرب
انا العشق عندى
شوق بلا رؤيه
احساس دون تجنى
قلب ينبض بإستمرار
عيون حائرة
لمسات فى حنون
كلمات معبرة
تضحية فى الاساس
عطاء دون طلب
عشق دون نهاية
امل فى المستقبل
حرية دون قيود
وردة الايمان
19-12-2010, 11:36 PM
مانا أول مره أحس بطعم


تانى فى دنيتى ..


مانا أول مره ألاقى النار


هــى هـــى جنتى .



جميله جد وبسيطه
وكلماتها سهله قدرت توصل المعنى والاحساس الجميل
وده بيوضح تمكنك فى استخدام الكلمات
وانك بتقدر تستخدمها فى التعبير عن شعورك الحقيقى

تسلم ايدك
ahmedabdelziem
22-12-2010, 01:38 AM
استاذ ابو اسامه
وصفت الحب وصفا سهلا جدا
بكلمات رائعه ممزوجه باحساس عالى
تسلم لنا ابداعاتك الجميله
ابو اسامه
23-12-2010, 10:32 PM
أحبائى : أستاذة نوران .. سيدتى المديرة العامة .. أستاذى وحبيبى يسرى .. سيدتى مديرة المنتدى خلود ..
أستاذى الغالى : مشرف ابداعات الأعضاء .. أخى الغالى الرومنسى .. سيدتى وردة الأيمان .. أستاذى العزيز أحمد عبد العظيم ..
والله لا يسعفنى قلمى ولا بنات أفكارى لكى أرد على كم المشاعر التى غمرتمونى بها .. والله لكم كانت سعادتى
حينما قرأت ردودكم وعندما وجدتكم على صفحتى .. فهنيئا لى بكم .. وشكرا لكم .. تحيتى لكم من الأعماق .
ابو اسامه
فريق الفجر الساطع
لنرتقى